تيانشان تورى   ›   جاڭالىقتار   ›   ەل ءىشى حابارى

پارتيا تاريحىن ۇيرەنۋ تاربيەسى ورتالىق ۇگىت - لەكسيا ۇيىرمەسىنىڭ العاشقى بايانداما ءماجىلىسى بەيجيڭدە وتكىزىلدى

  شينحۋا اگەنتتىگىنىڭ 3 - ايدىڭ 16 - كۇنى بەيجيڭنەن بەرگەن حابارى. ورتالىق كوميتەت ۇگىت ءبولىمى، ورتالىق كوميتەت ۇيىمداستىرۋ ءبولىمى، ورتالىق كوميتەت پارتيا تاريحى جانە حۇجات زەرتتەۋ ورنى، ورتالىق جانە مەملەكەت ورگانى قىزمەت كوميتەتى، وقۋ - اعارتۋ مينيسترلىگى، ورتالىق اسكەري ىستەر كوميتەتىنىڭ ساياسي قىزمەت ءبولىمى، جۇڭگو كوممۋنيستىك پارتياسى بەيجيڭ قالالىق كوميتەتى 3 - ايدىڭ 16 - كۇنى تۇستەن بۇرىن بەيجيڭدە پارتيا تاريحىن ۇيرەنۋ تاربيەسى ورتالىق ۇگىت - لەكسيا ۇيىرمەسىنىڭ العاشقى بايانداما ءماجىلىسىن وتكىزدى. ورتالىق ۇگىت - لەكسيا ۇيىرمەسىنىڭ مۇشەسى، ورتالىق پارتيا تاريحى جانە حۇجات زەرتتەۋ ورنىنىڭ باستىعى چۇي چيڭشان ۇگىت - لەكسيا بايانداماسىن جاسادى.

  چۇي چيڭشان باياندامادا باس شۋجي شي جينپيڭنىڭ پارتيا تاريحى جونىندەگى ماڭىزدى بايىمداۋلارىن جۇيەلى جيناقتاپ، باس شۋجي شي جينپيڭنىڭ پارتيا تاريحى جونىندەگى ماڭىزدى بايىمداۋلارىن ىشكەرىلەي ۇيرەنۋ، ءتۇسىنۋدى تەرەڭدەي بايانداپ، پارتيا تاريحىن ۇيرەنۋ تاربيەسىن مۇقيات ۇيىمداستىرۋدىڭ، ويداعىداي ورىستەتۋدىڭ تاريحي تاجىريبەلەردى قورىتىندىلاۋ، تاريحي زاڭدىلىقتى تانۋ، تاريحي ىرىقتىلىقتى يگەرۋ، جاڭا تاريحي باستامادا جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قايراتتانا قول جەتكىزۋ جونىندەگى ماڭىزدى مانىنە ىشكەرىلەي تالداۋ جاسادى، سونىمەن بىرگە جۇڭگو كوممۋنيستىك پارتياسىنىڭ 100 جىلدىق كۇرەسىنىڭ شۇعىلالى بارىسى مەن تاريحي ۇلەسى، پارتيا تاريحىن ۇيرەنۋ تاربيەسىن ورىستەتۋدىڭ ءتۇيىنى سياقتى جاقتاردى توڭىرەكتەي تۇسىنىك جاسادى ءارى پارتيا تاريحىن ۇيرەنۋ تاربيەسى بارىسىندا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ونان ارى جەتە ۇيرەنۋ، جەتە ءتۇسىنۋ، شىنايى تياناقتاندىرۋ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ سياقتى جاقتارعا جۇيەلى ءتۇسىندىرۋ جاسادى.

  بايانداما تەرەڭ ويدى تۇسىنىكتى تىلمەن بايانداعان، مازمۇنى باي، تىڭدارمانداردىڭ باس شۋجي شي جينپيڭنىڭ پارتيا تاريحى جونىندەگى ماڭىزدى بايىمداۋلارىنا تۇسىنىگىن تەرەڭدەتۋىنە، پارتيا تاريحىن ۇيرەنۋ تاربيەسىن ورىستەتۋدىڭ ءمانى جونىندەگى تانىمىن تەرەڭدەتۋىنە سەپتىگىن تيگىزدى. كوپشىلىك مىنالاردى ءبىلدىردى: پارتيا ورتالىق كوميتەتىنىڭ ورنالاستىرۋلارىنا ساي، پارتيا تاريحىن ۇيرەنۋ تاربيەسىنىڭ نىسانا - مىندەتتەرىن شىن مانىندە ورتاق تانىم مەن باتىل ارەكەتكە قۇلشىنا اينالدىرىپ، تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشۋدى قۇلشىنا ورىنداۋ كەرەك.

  بەيجيڭدەگى پارتيا، ۇكىمەت، ارميا ورگاندارىنداعى كادرلار، ورتالىق كاسىپورىندارىنداعى جاۋاپتى جولداستار، جوعارى مەكتەپ وقىتۋشى - وقۋشىلارىنىڭ ۋاكىلدەرى جانە ءار سالاداعى بۇقارادان جيىنى 700دەن استام ادام بايانداما ماجىلىسىنە قاتىناستى.

  ۇعىسۋعا قاراعاندا، ورتالىق ۇگىت - لەكسيا ۇيىرمەسى بەيجيڭدە العاشقى ۇگىت - لەكسيا بايانداما ءماجىلىسىن وتكىزگەننەن كەيىن، جۋىقتا بۇكىل ەلدىڭ جەر - جەرىندە ۇگىت - لەكسيا ورىستەتەدى ەكەن.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.