1938-جىلى
1 - اي پارتيا ورتالىق كوميتەتى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى دىڭ فانى پارتيانىڭ شينجياڭداعى ۋاكىلى جانە 8 - ارميانىڭ شينجياڭداعى ءىس باسقارماسىنىڭ مەڭگەرۋشىلىگىنە تاعايىندادى.
كەڭەيتىپ وقۋ
دىڭ فا
حۋاڭ حوچىڭ
وسى ايدا شىڭ شىسايدىڭ وتىنىشىمەن، دىڭ فا ”جاڭا اسكەرلەر يىڭىنان“ حۋاڭ حوچيڭدى شينجياڭ حالقىنىڭ يمپەرياليزمگە قارسى تۇرۋ بىرلەستىگىنىڭ باس حاتشىسى، قوسىمشا سوت كوللەگياسىنىڭ باستىعى جانە قوعام حاۋىپسىزدىگى باسقارماسى جاتتىقتىرۋ بانىنىڭ جاتتىقتىرۋشىسى مىندەتىن وتەۋگە اۋىستىردى؛ ۋاڭ شياۋچۋاندى شينجياڭ گازەتى مەكەمەسىنىڭ ورىنباسار باستىعى، قوسىمشا قوعام حاۋىپسىزدىگى باسقارماسىنىڭ قىزمەتكەرلەردى جاتتىقتىرۋ بانىنىڭ جاتتىقتىرۋشىسى مىندەتىن وتەۋگە اۋىستىردى. حۋاڭ حوچيڭ شينجياڭ حالقىنىڭ يمپەرياليزمگە قارسى تۇرۋ بىرلەستىگىنە اۋىسقاننان كەيىن، بۇل ۇيىمدى ەكىنشى رەت وزگەرتىپ قۇرىپ، ءبىر توپ جۇڭگو كوممۋنيستىك پارتياسىنىڭ مۇشەلەرىن ءبولىم، بولىمشە باستىقتىعىنا اۋىستىردى، شينجياڭدا قىزمەت ىستەپ جۇرگەن جۇڭگو كوممۋنيستىك پارتياسىنىڭ مۇشەلەرى مەن ”جاڭا اسكەرلەر يىڭىنداعى“ جولداستار تۇگەلدەي يمپەرياليزمگە قارسى تۇرۋ بىرلەستىگىنە مۇشە بولدى. كوپ وتپەي، يمپەرياليزمگە قارسى تۇرۋ بىرلەستىگىنىڭ ۋستاۆىنا وزگەرىس ەنگىزىپ، جاپون شاپقىنشىلارىنا ىنتىماقتاسا قارسى تۇرۋعا ءتيىمدى كوپتەگەن جاڭا مازمۇنداردى قوستى. جۇڭگو كوممۋنيستەرى وسى ۇيىمنىڭ زاڭعا سيىمدىلىعىنان پايدالانىپ، جاپون شاپقىنشىلارىنا قارسى تۇرۋدى ۇگىتتەپ، يمپەرياليزمگە قارسى تۇرۋ بىرلەستىگىن شىن مانىندەگى بۇقارالىق ۇيىمعا قۇلشىنا اينالدىردى.
2 - اي شىڭ شىسايدىڭ تالابىنا ساي، پارتيا ورتالىق كوميتەتى ىلگەرىندى - كەيىندى ”جاڭا اسكەرلەر يىڭىنان“، يان - اننان جانە يان - اننان سوۆەت وداعىنا ەمدەلۋگە بارعان كادرلار اراسىنان ماۋ زىمين، لين جيلۋ قاتارلى 100دەن استام پارتيالى كادردى شينجياڭعا بارىپ قىزمەت ىستەۋگە تاڭداپ جىبەردى. مۇنىڭ ىشىندە ”جاڭا اسكەرلەر يىڭىنان“ اۋىستىرىلعان ءبىر توپ كادر ورتالىق كوميتەت قاتىناس كوميتەتى شينجياڭ بولىمشە كوميتەتىن تولىقتىرىپ، جول جاساۋدى، جول قورعاۋدى بەلسەنە ۇيىمداستىرىپ، حالىقارانىڭ جۇڭگوعا كومەكتەسىپ، جاپون شاپقىنشىلارىنا قارسى تۇرۋ زاتتىق ماتەريالدارىن تاسىمالدايتىن قاتىناس جەلىسىنىڭ ىركىلىسسىزدىگىنە شىنايى كەپىلدىك ەتتى.4 - اي ماۋ زىدۇڭ وقۋ - اعارتۋ، قازىنا كادرلارىن شينجياڭعا تاڭداپ جىبەرۋ ءىسى جونىندە جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇيىمداستىرۋ ءبولىمىنىڭ باستىعى چىن يۇنگە قاراتىپ الدەنەشە رەت بەكىتۋ جازىپ بىلاي دەدى: ”بۇل ىستەردى وعان تاپتەشتەي ءبىتىرىپ بەر ءارى ءبىر - بىرلەپ حات ارقىلى جاۋاپ قايتار، مەنىڭشە، پرينسيپتىك جاقتان وعان قوسىلۋعا بولادى“، ”قازىنا ءىسى ماڭداي الدى ءىس، ول اراعا پايدالى بولىپ قانا قويماي، كەلەشەكتە بىزگە دە كوپ كومەگى تيەدى“.5 - اي جۇڭگو كوممۋنيستەرىنىڭ ۇيىمداستىرۋىندا جاپون شاپقىنشىلارىنا قارسى تۇرۋدى ۇگىتتەگەن ءبىر قىدىرۋ درامالار ديحۋادا قويىلىپ، جاپون شاپقىنشىلارىنا قارسى تۇرىپ، وتاندى قۇتقارۋ ۇگىتىن زور كۇشپەن ورىستەتىپ، جاپون شاپقىنشىلارىنا قارسى تۇرۋ جونىندەگى اندەر مولىنان شىرقالىپ، جاپون شاپقىنشىلارىنا قارسى تۇرۋ تاقىرىبىنداعى جاڭا مادەنيەت قوزعالىستارى مولىنان وتكىزىلدى.
لين جيلۋ پيەساعا رەجيسسەرلىك ىستەگەندە پايدالانعان ساحنا جابدىقتارى.
10 - اي شينجياڭ حالقىنىڭ يمپەرياليزمگە قارسى تۇرۋ بىرلەستىگىنىڭ باس حاتشىسى حۋاڭ حوچيڭنىڭ باسقارۋىندا شينجياڭ حالقىنىڭ يمپەرياليزمگە قارسى تۇرۋ بىرلەستىگى جاپون شاپقىنشىلارىنا قارسى تۇرۋ قولباسى - جاۋىنگەرلەرىنە قىستىق كيىم جيناۋ قيمىلىن ورىستەتتى. وسىدان كەيىن 3 كۇندىك جىلۋعا اقشا اتاۋ، حال سۇراۋ حاتىن جازۋ، سوعىس ۇشاعىن جىلۋعا اتاۋ سياقتى ءبىر قىدىرۋ قيمىلدار وتكىزىلىپ، شينجياڭداعى ءار ۇلت حالقى جاپون شاپقىنشىلارىنا قارسى تۇرۋعا جىلۋ اتاۋعا، الدىڭعى شەپكە كومەكتەسىپ جاپون شاپقىنشىلارىنا قارسى تۇرۋعا ۇيىمداستىرىلدى جانە جۇمىلدىرىلدى.
شينجياڭداعى ءار ۇلت حالقى جاپون شاپقىنشىلارىنا قارسى تۇرۋ الدىڭعى شەبىنە جىلۋعا اتاعان ”شينجياڭ“ اتتى سوعىس ۇشاقتارى.
1939-جىلى
1 - اي قازىنا مەڭگەرمەسىنىڭ ۋاقىتشا باستىعى ماۋ زىميننىڭ باسقارۋىندا قازىنا رەفورماسىنىڭ ءبىر قىدىرۋ شارالارى جولعا قويىلىپ، شينجياڭ قازىناسىنىڭ اۋىر قىزىل سيفر جاعدايى وڭالىپ، شينجياڭ ەكونوميكاسىنىڭ قالپىنا كەلۋىنە جانە دامۋىنا مۇمكىندىك جاسالدى.
ماۋ زىمين شينجياڭدا تاراتقان جاڭا اقشا.
وسى اي يان - اننان شينجياڭعا قىزمەت ىستەۋگە كەلگەن كوممۋنيستىك پارتيا مۇشەلەرى لي زۇڭلين، ۋاڭ شيانتاڭ، ۋاڭ مو، لي حى، ما شۋ، چىن چيڭيۋان قاتارلىلار ىركەس - تىركەس شينجياڭ گازەتى مەكەمەسىنە قىزمەتكە جىبەرىلدى. ولار گازەت مەكەمەسىنە كەلگەننەن كەيىن، «شينجياڭ گازەتىندە» پارتيانىڭ جاپون شاپقىنشىلارىنا قارسى تۇرۋ ۇلتتىق بىرلىكساپ ساياساتىن ۇگىتتەپ، ەل ءىشى - سىرتىنداعى جاعدايى جونىندە ۇگىت جاساپ، 8 - ارميانىڭ، جاڭا 4 - ارميانىڭ سوعىس ناتيجەلەرىن ۇگىتتەپ، ماركسيزم - لەنينيزم جانە ماۋ زىدۇڭ شىعارمالارىن باسىپ، «شينجياڭ گازەتىنىڭ» بەت - بەينەسىن شىت جاڭا تۇرگە ەنگىزدى.
شينجياڭ گازەتى مەكەمەسىندە قىزمەت ىستەگەن كوممۋنيستەر
ۋاڭ شياۋچۋان
لي زۇڭلين
گو چۇنزى
ما شۋ
ۋاڭ مو
چىن چيڭيۋان
لي حى
باي دافاڭ
ۋاڭ شيانتاڭ
6 - اي پارتيا ورتالىق كوميتەتى ورتالىق كوميتەتتىڭ كانديدات مۇشەسى چىن تانچيۋدى پارتيانىڭ شينجياڭداعى ۋاكىلى جانە 8 - ارميانىڭ شينجياڭداعى ءىس باسقارماسىنىڭ مەڭگەرۋشىلىگىنە تاعايىندادى.9 - اي جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى، ورتالىق اسكەري ىستەر كوميتەتىنىڭ ورىنباسار ءتوراعاسى جوۋ ىنلاي يان - اننان شينجياڭدى باسىپ سوۆەت وداعىنا باردى. شينجياڭداعى كەزىندە ”جاڭا اسكەرلەر يىڭىنداعى“ قولباسى - جاۋىنگەرلەرگە امانداستى ءارى شينجياڭداعى جاپون شاپقىنشىلارىنا قارسى ۇلتتىق بىرلىكسابىن قورعاۋ جانە بەكەمدەۋ ماسەلەسى جونىندە شىڭ شىسايمەن كوپ رەت كەڭەس وتكىزدى.
1940 - جىلى
1 - اي − 2 - اي پارتيا ورتالىق كوميتەتىنىڭ نۇسقاۋىنا ساي، اۆياتسيا، مال دارىگەرلىگى ماماندىعىن وقىپ جاتقان كۋرسانتتار مەن ءىشىنارا كادرلار قالۋدان سىرت، جاڭا اسكەرلەر يىڭىنداعى 360 قولباسى - جاۋىنگەر 2 توپقا ءبولىنىپ شينجياڭنان يان - انعا قايتتى.
2 - اي جوۋ ىنلاي، رىن بيشى قاتارلىلار سوۆەت وداعىنان شينجياڭدى باسىپ يان - انعا قايتتى. شينجياڭداعى كەزىندە جوۋ ىنلاي پارتيانىڭ شينجياڭدا قىزمەت ىستەپ جاتقان جولداستارىن قابىلداپ، كوپشىلىكتەن پارتيانىڭ جاپون شاپقىنشىلارىنا قارسى تۇرۋ ۇلتتىق بىرلىكساپ ساياساتىن مۇقيات دايەكتىلەندىرىپ، قىزمەتتەردى قۇلشىنا جاقسى ىستەۋدى تالاپ ەتتى.
جوۋ ىنلاي (وڭدا)، دىڭ فا (سولدا) جانە بالالار 8 - ارميانىڭ شينجياڭداعى ءىس باسقارماسىنىڭ ەسىك الدىندا بىرگە تۇسكەن سۋرەت.
□ اۆتونوميالى رايوندىق پارتكوم پارتيا تاريحى جانە حۇجات زەرتتەۋ مەكەمەسى قامداعان.□ انار بۇلت/شينجياڭ گازەتىنىڭ ءتىلشىسى فان حۇڭي رەتتەگەن
