تيانشان تورى   ›   جاڭالىقتار   ›   ءۇرىمجى

ءۇرىمجى قالاسى 8 ۇلكەن اۋماقتى ارقاۋ ەتىپ، ءتۇيىندى نىسان قۇرىلىسىن ىلگەرىلەتەدى

  انار بۇلت/ شينجياڭ گازەتىنىڭ ءتىلشىسى شى شين 3 - ايدىڭ 16 - كۇنى ۇرىمجىدەن حابارلايدى. بيىل ءۇرىمجى قالاسى 8 ۇلكەن اۋماقتى ارقاۋ ەتىپ، ءتۇيىندى نىسان قۇرىلىسىن ىلگەرىلەتەدى. كەزەكتە 1 - توپتاعى ءتۇيىندى نىسان مىندەتتەرى جۇكتەلىپ بولدى، 4 - ايدىڭ 10 - كۇنىنەن بۇرىن سالىنۋ ۇستىندەگى نىساندار دا تۇگەلدەي قۇرىلىستى قالپىنا كەلتىرۋگە قۇلشىنىس جاسايدى، 5 - ايدىڭ ورتا شەنىنەن بۇرىن جاڭادان سالىناتىن نىساندار قۇرىلىس باستايدى.

  8 ۇلكەن اۋماق مىنالار: ءۇرىمجى حالىقارالىق قۇرلىقتىق پورت اۋماعى، اۋەجاي ماڭى ەكونوميكالىق اۋماعى، حىماچۋان جاڭا اۋماعى، لياڭحى اۋماعى، ءماجىلىس - كورمە اۋماعى، حالىقارالىق توقىما بۇيىمدار كيىم - كەشەك ساۋدا ورتالىعى، حىڭدا اۋماعى، شۇيلۇڭۋان ەكى جاعالاۋ اۋماعى.

  مۇنىڭ ىشىندە حالىقارالىق قۇرلىقتىق پورت اۋماعىنىڭ ءتۇيىندى نىسانى باينياۋحۋ لينگاڭ ونەركاسىپ - ءوندىرىس باقشاسى، ءۇرىمجى تەمىر جول وتكەلى جەدەل جولداما ورتالىعى - حالىقارا جانە ەل ءىشى قامبا اۋماعى، ەل ءىشى جەدەل جولداما اۋماعى، شەكارا اتتاعان ەلەكتروندى ساۋدا اۋماعى، جۇڭگو - ەۆروپا كەزەكشى پويەزى ءۇرىمجى جيناۋ ورتالىعى كوپ ءتاسىلدى ۇلاسپالى تاسىمال - جۇك توپتاۋ اۋماعى قاتارلىلاردى قامتيدى.

  اۋەجاي ماڭى ەكونوميكالىق رايونىنىڭ ءتۇيىندى نىسانى ءۇرىمجى اۋەجايىن وزگەرتىپ، كەڭەيتىپ سالۋ قۇرىلىسى ينجەنەرياسى، اۋەجايعا شىعىستان كىرۋ اسپالى جول ينجەنەرياسى، قالانىڭ تەرىستىك كۇرە جولى (ورتا ازيا داڭعىلى − حىتان جولى) جالپىلىق قۇبىر ءدالىزى ينجەنەرياسى، ءۇرىمجى اۆياتسيا ءوندىرىسى اينالىم بازاسى قاتارلىلاردى قامتيدى.

  حىماچۋان جاڭا رايونىنىڭ ءتۇيىندى نىسانى ءۇرىمجى قالالىق 1 - ورتا مەكتەپ پەن 13 - ورتا مەكتەپ رايونى قۇرىلىسى، شينجياڭ داشۋەسىنىڭ جاڭا مەكتەپ رايونى قۇرىلىسى، شينجياڭ مەديتسينا داشۋەسى جاڭا مەكتەپ رايونى قۇرىلىسى قاتارلىلاردى قامتيدى.

  لياڭحى اۋماعىنىڭ ءتۇيىندى نىسانى لياڭحى اۋماعى باقشا رايونىن اشۋ (1 - مەرزىم)، جوعارى دەڭگەيلى جاساۋ عىلىم - تەحنيكا كاسىپ باقشاسى، جيڭدۇڭ ازيا 1 - ءنومىرلى ءۇرىمجى ەكونوميكالىق اشۋ رايونى زات اينالىمى باقشاسى قاتارلىلاردى قامتيدى.

  ءماجىلىس - كورمە اۋماعىنىڭ ءتۇيىندى نىسانى ءۇرىمجى مادەنيەت باقشاسى قۇرىلىسى، ءۇرىمجى ءماجىلىس - كورمە ۋيۋە الاڭى قاتارلىلاردى قامتيدى.

  حالىقارالىق توقىما بۇيىمدار كيىم - كەشەك ساۋدا ورتالىعىنىڭ ءتۇيىندى نىسانى توقىما بۇيىمدار كيىم - كەشەك ساۋدا ورتالىعى ءۇرىمجى توقىما بۇيىمدار تالشىقتى ءجىپ كاسىپ باقشاسى رايونى، ءۇرىمجى حالىقارالىق توقىما بۇيىمدار ساۋدا ورتالىعى زەردەلى الەۋمەتتىك كولىك تۇراعى، ءۇرىمجى قالاسى يۇيبين جولى قالا ىستەرى ينجەنەرياسى قاتارلىلاردى قامتيدى.

  حىڭدا اۋماعىنىڭ ءتۇيىندى نىسانى حىڭدا كاڭياڭچىڭ، مادەنيەت - ساياحات قالاسى قاتارلىلاردى قامتيدى.

  بۇل ءتۇيىندى نىسانداردىڭ قامتۋ كولەمى كەڭ، قارجى قوسۋ مولشەرى ۇلكەن، جەتەكتەۋ قابىلەتى كۇشتى بولىپ، ءۇرىمجىنىڭ دامۋ نەگىزىن نىعايتۋىنا، ولقىلىقتاردى تولىقتاۋىنا، قۇرىلىمدى ساپالىلاندىرۋىنا ماڭىزدى تىرەك ازىرلەيدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.