رايونىمىزدىڭ جەر - جەرى پارتيا تاريحىن ۇيرەنۋ تاربيەسى فورماسىنا جاڭالىق ەنگىزدى
يدەيانىڭ ۇلى كۇشىن ۇعىنىپ، ەكپىندەي ىلگەرىلەۋگە قۋات الدى
□ انار بۇلت / شينجياڭ گازەتىنىڭ تىلشىلەرى
بىرنەشە كۇننەن بەرى رايونىمىزدىڭ جەر - جەرى مول قىزىل بايلىقتاردى پارتيا تاريحىن ۇيرەنۋ تاربيەسىنىڭ جاندى وقۋلىعىنا اينالدىرىپ، پارتيا تاريحىن ۇيرەنۋ تاربيەسىن سەزىنۋ دەڭگەيىن، تارتىمدىلىعىن ۇزدىكسىز كۇشەيتىپ، پارتيالى كادرلار مەن بۇقارانىڭ ”باسى - قاسىندا سەزىنۋ“ بارىسىندا يدەيانىڭ ۇلى كۇشىن ۇعىنىپ، ەكپىندەي ىلگەرىلەۋگە قۋات الۋلارىنا مۇمكىندىك جاسادى.
3 - ايدىڭ 17 - كۇنى بۇگۇر اۋدانى چۇمپاق قالاشىعىنداعى قاسىم ماحمۇتتىڭ قىزىل كىتاپ ۇيىندە ەگىنشى پارتيا مۇشەسى توحتى مۋسا «شي جينپيڭنىڭ 7 جىلدىق زيالى جاس كەشىرمەسى» كىتابىن مۇقيات وقىپ جاتتى. ”پارتيا مۇشەسى رەتىندە، ءبىز پارتيانىڭ تاڭداۋلى ءداستۇرىن جاقسى ۇيرەنۋىمىز، وعان جاقسى مۇراگەرلىك ەتۋىمىز كەرەك“، - دەدى توحتى.
بيىل بۇگۇر اۋدانى قىزىل تاربيەنى امالياتتا ايگىلەۋدەن ۇلگى كورسەتۋ ءتۇيىنى قۇرىلىسىن بەلسەنە ىلگەرىلەتىپ، چۇمپاق قالاشىعى قاسىم توحتى قىزىل كىتاپ ءۇيى، الاساي قىستاعى جاڭا ءداۋىر وركەنيەت امالياتى ءتۇيىنى، نورشوقى قىستاعى پارتيا مۇشەلەرىنىڭ قىزىل تاربيە كوشەسى جانە اۋدان، اۋىل ادەبيەت - كوركەمونەر ۇگىت - لەكسيا اترەتى سياقتىلاردى بۇكىل اۋداننىڭ تۇڭعىش توپتاعى قىزىل تاربيە امالياتتىق ۇلگى كورسەتۋ ءتۇيىنى ەتىپ قۇرىپ، ونى پارتيالى كادرلاردىڭ، اسىرەسە، اۋىل - قىستاقتاعى پارتيا مۇشەلەرىنىڭ قىزىل امالياتىنىڭ، ءار ۇلت بۇقاراسىنا قىزىل تاربيە جۇرگىزۋدىڭ جاندى دا جالىندى شەبىنە اينالدىردى، سونىمەن قاتار، قىزىل تاربيە امالياتى مەن پارتيا تاريحىن ۇيرەنۋ تاربيەسىن ۇشتاستىرىپ، پارتيا تاريحىن ۇيرەنۋ تاربيەسىن اۋىل - قىستاقتارعا جەتكىزۋدى ىلگەرىلەتتى.
بۇگۇر اۋداندىق پارتكومنىڭ ورىنباسار شۋجيى چى حىڭ بىلاي دەدى: ”بيىل ءبىز اۋدان، اۋىل، قىستاق، گرۋپپا 4 دارەجەنى قامتىعان قىزىل تاربيە امالياتتىق پۋنكت تۇيىندەرىن قۇرۋعا كۇش سالىپ، قىزىل گەنگە ويداعىداي مۇراگەرلىك ەتۋگە، قىزىل ءداستۇردى ويداعىداي ساۋلەلەندىرۋگە قۇلشىنامىز“.
3 - ايدىڭ 16 - كۇنى ۇلۇقشات اۋدانى بوستانتەرەك اۋىلى دولەتبۇلاق قىستاعىنىڭ قىستاق تاريحى ۇيىندەگى ۇن يلەۋ تەگەنەسى، اعاش استاۋ، مايشام سياقتى كونە بۇيىمدار، ايەلدەردىڭ كەزدەمە توقىعان سۋرەتى، قىستاق تۇرعىندار كوميتەتىنىڭ بۇرىنعى بەينەسى سياقتى كونە سۋرەتتەر پارتيانىڭ قامقورلىعىندا دولەتبۇلاق قىستاعىندا تۋىلعان وراسان زور وزگەرىستەردىڭ كۋاسى بولدى.
سول كۇنى ۇلۇقشات اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى مەن قىستاق ”ەكى كوميتەتى“ قىستاقتاعى 20 نەشە پارتيالى كادردى قىستاق تاريحى ءۇيىن ەكسكۋرسيالاۋعا ۇيىمداستىرىپ، نەگىزگى تاقىرىپتىق پارتيا كۇنى قيمىلىن ورىستەتتى. بۇل قىستاق پارتيا مۇشەلەرىن، وقۋشىلاردى، بۇقارانى قىستاق تاريحى ءۇيىن ەكسكۋرسيالاۋعا ۇيىمداستىرۋ ارقىلى ولاردى بۇگىنگى مەن كەشەگىنى سالىستىرۋ بارىسىندا بۇرىنعى ازاپتى ەسكە ءتۇسىرىپ، بۇگىنگى راقاتتى تۇرمىستى قادىرلەۋگە، پارتيانىڭ قامقورلىعىن ەستە بەرىك ساقتاپ، قازىرگى باقىتتى تۇرمىستى قادىرلەپ، پارتياعا ىلەسۋ سەنىمدەرىن بەكەمدەۋگە جەتەكتەدى.
”قىستاق تاريحى ءۇيى پارتيامىزدىڭ حالىق ءۇشىن ىستەۋ اۋەلگى ماقساتىنا كۋا بولىپ، بۇكىل قىستاقتاعى ءار ۇلت كادرلارى مەن بۇقاراسىنىڭ پارتيانى ءسۇيۋ، وتاندى ءسۇيۋ سۇيىسپەنشىلىگىن قاۋلاتىپ، اۋىل - قىستاقتى گۇلدەندىرۋگە ەكپىندەي ىلگەرىلەۋ كۇشىن ۇيىستىردى“، - دەدى قىستاقتا تۇراتىن قىزمەت اترەتىنىڭ باستىعى، ءبىرىنشى شۋجيى ياڭ حايشيا.
3 - ايدىڭ 16 - كۇنى فۋكاڭ قالاسى بوفىڭ حۇڭمەي حور ۇيىرمەسىندەگىلەر ءان ايتۋ ميكرو ۇيىنە ەرتەرەك بارىپ، قىزىل اندەرگە ماشىقتاندى. ”بيىل پارتيا قۇرىلعاندىعىنىڭ 100 جىلدىعى، ءبىز قىزىل اندەردى شىرقاپ، ءاربىر تۇرعىننىڭ جۇرەگىنە جەتكىزەمىز“، - دەدى حور ۇيىرمەسىنىڭ مۇشەسى جىڭ يوۋدي.
پارتيا تاريحىن ۇيرەنۋ تاربيەسى ورىستەتىلگەننەن بەرى، فۋكاڭ قالاسى بوفىڭ ءمالىسى الەۋمەتتىك اۋماقتىڭ پارتيا مۇشەلەرى مەن بۇقاراعا قىزمەت وتەۋ ورتالىعى جانە جاڭا ءداۋىر وركەنيەت امالياتى پۋنكتى ميكرو پارتيا ساباعى، ءان ايتۋ ميكرو ءۇيى، ميكرو كىتاپ دۇكەنى، ميكرو كينوحانا سياقتى 4 ”ميكرو قىزمەت وتەۋدى“ بەلسەنە ورىستەتىپ، ”پارتياعا مۇشە بولۋداعى اۋەلگى ماقساتىن“ بايانداۋ، ”قىزىل كينو“ كورۋ، ”توڭكەرىستىك اندەردى“ ايتۋ، ”پارتيا تاريحى كىتاپتارىن“ وقۋ سياقتى قۋانا قابىلدايتىن فورمالار ارقىلى پارتيا تاريحى ۇيرەنۋ تاربيەسىن ورىستەتتى.
3 - ايدىڭ 13 - كۇنى كۇشار قالاسى شينچىڭ ءمالى باسقارماسىندا «جينگاڭچۋان» اتتى كينو قويىلدى، كينودا ەرىكتىلەر ارمياسى جاۋىنگەرلەرىنىڭ جاۋ مەن ءبىزدىڭ كۇش سالىستىرمامىز تىم الشاق بولعان جاعدايدا باسىن ءباي تىگىپ، جان اياماي شايقاسقان قاھارماندىق ىستەرى باياندالعان. الەۋمەتتىك اۋماقتىڭ پەنسياعا شىققان كادرى رايحانگۇل وسىمان بىلاي دەدى: ”كينونى كورگەننەن كەيىن تەرەڭ اسەر الدىم، كوممۋنيستىك پارتيا مۇشەسى رەتىندە مەن توڭكەرىستىك قۇربانداردىڭ ۇلەس قوسۋ رۋحىنا مۇراگەرلىك ەتىپ جانە ونى ساۋلەلەندىرىپ، الەۋمەتتىك اۋماقتىڭ قىزمەت وتەۋ، ۇگىتتەۋ قىزمەتىنە ات سالىسىپ، الەۋمەتتىك اۋماقتىڭ دامۋىنا كۇش قوسامىن“.
”پارتيا تاريحىن ۇيرەنۋ، اۋەلگى ماقساتتى ەسكە ءتۇسىرۋ، بورىشتى ارقالاۋ“ كينو پارتيا ساباعى قيمىلى كۇشار قالاسىنىڭ پارتيا تاريحىن ۇيرەنۋ تاربيەسىن ورىستەتۋ جانە پارتيا قۇرىلعاندىعىنىڭ 100 جىلدىعىن قۇتتىقتاۋ جەلىلەس قيمىلدارىنىڭ ءبىرى، كۇشار قالالىق پارتكوم ۇگىت ءبولىمى الدىن الا جوسپارلاپ، دەن قويا ۇيىمداستىرىپ، «مەن جانە مەنىڭ وتانىم»، «جينگاڭچۋان»، «قىزىل جۇلدىز جۇڭگونى نۇرلاندىردى»، «جوۋ ىنلايدىڭ يان - انعا قايتا ورالۋى» سياقتى ءداۋىردىڭ نەگىزگى اۋەنىن اسقاقتاتاتىن پارتيا تاريحىن ۇيرەنۋ تاربيەسىنە قاتىستى ءبىر توپ تاڭداۋلى كينو فيلمدەرىن شوعىرلى ساتىپ الىپ، بۇكىل قالاداعى اۋىلداردى (قالاشىق)، مالىلەردى، مەكتەپتەردى، كاسىپورىنداردى، ورگان مەكەمە - ورىنداردى، يگىلىك ورىندارىن، اسكەري كازارمالاردى ارالاپ كينو قويدى.
قازىر كۇشار قالاسى 300 رەتتەن استام كينو پارتيا ساباعى قيمىلىن ورىستەتتى، تاربيە قابىلداعان پارتيالى كادرلار 10 مىڭ ادام - رەتتەن استى.
(تىلشىلەر شيا چيڭ، ەرىكتى تىلشىلەر ياڭ پىڭ، لين حاي، لي جياجۇن، ۋاڭ لۇڭجياڭ، ياڭ بيڭ)
