جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىق نەگىزىن ونان ارى بەكەمدەۋ كەرەك
جۋىقتا جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ شينجياڭدا تەكسەرۋ - زەرتتەۋ جۇرگىزدى. سۋرەتتە: 3 - ايدىڭ 15 - كۇنى ۋاڭ ياڭ ءۇرىمجى قالاسى تيانشان رايونى سايماچاڭ اۋماعىن باسقارۋ كوميتەتى حۇڭچي الەۋمەتتىك اۋماعىندا ۇيعۇر وتباسىنا امانداسا باردى. سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن
شينحۋا اگەنتتىگىنىڭ 3 - ايدىڭ 17 - كۇنى ۇرىمجىدەن بەرگەن حابارى (ءتىلشى چىن في). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جۋىقتا شينجياڭدا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن جەتە ۇيرەنىپ، جەتە ءتۇسىنىپ، شىنايى تياناقتاندىرىپ، مەملەكەتتىك ەكى ءماجىلىستىڭ رۋحىن ويداعىداي ۇيرەنىپ، ءتۇسىنىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى جاعدايىن عىلمي مەڭگەرىپ، نازاردى قوعام ورنىقتىلىعى مەن باياندى تىنىشتىق قىزمەتى باس نىساناسىنا شوعىرلاندىرىپ، ۇلگىگە، ولشەمگە تۋرالانۋدى ءىس جۇزىندىك جاعدايدى تياناق ەتۋمەن ۇشتاستىرۋعا، نىسانانى باعدار ەتۋ مەن ماسەلەنى باعدار ەتۋدىڭ بىرلىگىنە، جاپپاي ىلگەرىلەتۋ مەن ءتۇيىندى كورنەكتىلەندىرۋدى سايكەستىرۋگە تاباندى بولىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جەدەل دە ورنىقتى قاداممەن ناقتاپ تياناقتاندىرۋ كەرەك.
اۆتونوميالى رايوندىق پارتكومنىڭ شۋجيى چىن چۋانگو، ورتالىق كوميتەت شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان تەكسەرۋ - زەرتتەۋدە بىرگە بولدى.
3 - ايدىڭ 14 - كۇنىنەن 17 - كۇنىنە دەيىن ۋاڭ ياڭ باستاعان تەكسەرۋ - زەرتتەۋ گرۋپپاسى شينجياڭعا كەلىپ، 4 گرۋپپاعا ءبولىنىپ، ءۇرىمجى، قاشقار، تۇرپان، قۇمىل، قىزىلسۋ، سانجى سياقتى جەرلەرگە بارىپ، اۋىل - قىستاق، الەۋمەتتىك اۋماق، مەكتەپ، كاسىپورىن، پارتيا، ۇكىمەت ورگانى، عىلمي زەرتتەۋ قۇرىلىمى، ءدىني ورىن سياقتىلاردى ارالاپ، پارتيالى كادرلارمەن، مامان - وقىمىستىلارمەن، ءار ۇلت بۇقاراسىمەن جانە ءدىن سالاسىنداعى قايراتكەرلەرمەن ”بىرگە - ءبىر“ سۇحباتتاستى ءارى اڭگىمە ءماجىلىس اشىپ، قاتىستى جاقتاردىڭ قىزمەت مالىمەتىن تىڭدادى. ۋاڭ ياڭ بىلاي دەپ اتاپ كورسەتتى: سوڭعى جىلدارى اۆتونوميالى رايوندىق پارتكوم ءار ۇلت كادرلارى مەن بۇقاراسىن ىنتىماقتاستىرىپ، باستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، شينجياڭ قىزمەتى باس نىساناسىمەن تىعىز بايلانىستىرىپ، قىرۋار جاپالى دا تىڭعىلىقتى قىزمەت ىستەدى، لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ جەتىستىكتەرى جان - جاقتى بەكەمدەلدى، كەدەيلىكتەن ارىلتۋدان قامال الۋدا جالپى بەتتىك جەڭىسكە قول جەتتى، نەگىزگى ساتى ۇيىمى مەن نەگىزگى ساتى قىزمەتى كورنەكتى كۇشەيىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيىپ، شينجياڭدا قوعامدىق كەلەلى جاعداي ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى. ناتيجەلەر وڭاي - وسپاق قولعا كەلگەن جوق، ايرىقشا قاستەرلەۋ ءتيىس.
ۋاڭ ياڭ بىلاي دەپ باسا دارىپتەدى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋدە، تياناقتاندىرۋدا باياندى تىنىشتىققا ساياتىن نەگىزدىك قىزمەتتەرگە كۇش سالۋ، كورنەكتى ماسەلەلەردى شەشۋگە، ولقىلىقتاردى، ءالسىز تۇستاردى تولىقتاۋعا كۇش سالۋ كەرەك. شينجياڭدى زاڭمەن جونگە سالۋعا تاباندى بولىپ، قوعامدىق جونگە سالۋ تاسىلىنە جاڭالىق ەنگىزىپ، ءادىس - شارالاردى ساپالىلاندىرىپ، دالمە - ءدال شارا اتقارىپ، قوعامدىق كەلەلى جاعدايدىڭ ۇزاق ۋاقىت باياندى ورنىقتىلىعىن ساقتاۋ كەرەك. جۇڭحۋا ۇلتى ورتاق تۇلعا تانىمىن مىقتاپ سومداۋدى نەگىزگى جەلى ەتىپ، ۇلت قىزمەتىن جاقسى ىستەپ، شينجياڭ ءوڭىرىنىڭ تاريحىن زەرتتەۋدى تەرەڭدەتىپ، ءار ۇلت بۇقاراسىنىڭ تىلەگىنە بەيىمدەلىپ مەملەكەتتە ءبىر تۇتاس قولدانىلاتىن ءتىل - جازۋ تاربيەسىن كۇشەيتىپ، ۇلتتاردىڭ ىنتىماقتاسا كۇرەس جۇرگىزۋىن، بىرگە دامۋىن جەبەۋ كەرەك. پارتيانىڭ ءدىني سەنىم ەركىندىگى ساياساتىن جالپى بەتتىك دايەكتىلەندىرىپ، ەلىمىزدە ءدىندى جۇڭگوشالاندىرۋ بەتالىسىنا تاباندى بولىپ، ۇشقارىلىقتى الاستاۋ جەتىستىكتەرىن بەكەمدەۋدى نەگىز، سوتسياليستىك وزەكتى قۇن كوزقاراسىن جەتەكشى، ءدىني ءپان يدەيا قۇرىلىسىن تەتىك، ءدىني دارىندىلاردى باۋلۋدى كۇشەيتۋدى تىرەك، ءدىن ىستەرىن زاڭ بويىنشا باسقارۋدى قامتاماسىزدىق ەتىپ، شينجياڭدا ءىسلام ءدىنىن سوتسياليستىك قوعامعا اناعۇرلىم ويداعىداي ۇيلەسۋگە جەتەكتەۋ كەرەك. جاڭا دامۋ ۇستانىمىن ىشكەرىلەي دايەكتىلەندىرىپ، شينجياڭنىڭ بۇكىل ەل بويىنشا جاڭا دامۋ ارناسىن قالىپتاستىرۋداعى ورنىن ءدال تاۋىپ، دامۋ قوزعاۋشى كۇشىن قاۋلاتىپ، جوعارى ساپالى دامۋ جولىمەن بۇلجىماي ءجۇرۋ كەرەك. حالىقتى وزەك ەتكەن دامۋ يدەياسىن امالياتتا ايگىلەپ، حالىق تۇرمىسىنا پايدالى ىستەردى كوبىرەك قاراستىرىپ، حالىق تۇرمىسىنداعى ۋايىمداردى كوبىرەك شەشىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، شينجياڭنىڭ ءىس جۇزىندىك جاعدايىنا ۇيلەسەتىن بىرگە بايۋ جولىن قاراستىرۋ كەرەك. ”بيڭتۋان مەن جەرگىلىكتى ورىن ءبىر تۇتاس جۇيە“ يدەياسىن مىقتاپ ورناتىپ، بيڭتۋاننىڭ رەفورمانى تەرەڭدەتۋىن جانە وڭتۇستىككە قاراي دامۋىن كۇش سالا قولداپ، بيڭتۋان مەن جەرگىلىكتى ورىننىڭ تەرەڭدەي توعىسۋىن جەبەپ، بيڭتۋاننىڭ ورنىقتىلىقتى قورعاۋ، شەكارانى كۇزەتۋ رولىن اناعۇلىم ويداعىداي ساۋلەلەندىرۋ كەرەك.
ورتالىق كوميتەت بىرلىكساپ ءبولىمىنىڭ ورىنباسار باستىعى، مەملەكەتتىك ءدىن مەكەمەسىنىڭ باستىعى ۋاڭ زو - ان، ورتالىق كوميتەت بىرلىكساپ ءبولىمىنىڭ ورىنباسار باستىعى، ورتالىق شينجياڭ قىزمەتىن سايكەستىرۋ گرۋپپاسى كەڭسەسىنىڭ مەڭگەرۋشىسى شى جۇن تەكسەرۋ - زەرتتەۋدە بىرگە بولدى. اۆتونوميالى رايوننىڭ باسشىلارىنان شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ قاتارلىلار قاتىستى تەكسەرۋ - زەرتتەۋ قيمىلىنا نەمەسە اڭگىمە ماجىلىسكە قاتىناستى.
