تيانشان تورى
تيانشان تورى   ›   بىلگەنگە مارجان   ›   وتباسى جانە تۇرمىس

جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى حاۋىپسىز، سەنىمدى

ماماندار مىنالاردى ءبىلدىردى:  

جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى حاۋىپسىز، سەنىمدى

  □ انار بۇلت / شينجياڭ گازەتىنىڭ ءتىلشىسى سۋ لۋپيڭ

  ەلىمىزدە وندىرىلگەن جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى جارىققا شىققان سوڭ، ەلىمىز ىشىندە توپتاپ ەگۋگە پايدالانىلا باستادى. ەلىمىزدە وندىرىلگەن جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى حاۋىپسىز بە؟ ەككەن سوڭ قانشا ۋاقىتتان كەيىن قارسىلىق قۋات پايدا بولادى؟ سوزىلمالى ناۋقاسى بارلارعا ۆاكسينا قويۋعا بولا ما، جوق پا؟ بۇقارانىڭ ساۋالىنا قاراتا، 3 - ايدىڭ 18 - كۇنى اۆتونوميالى رايوندىق اۋرۋدىڭ الدىن الۋ، تىزگىندەۋ ورتالىعى يممۋنيتەت جوباسى ورنىنىڭ ورىنباسار مەڭگەرۋشىسى شيە نا جاۋاپ بەردى.

  ”قازىر ءبىز پايدالانىپ وتىرعان جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى اكتيۆسىزدەندىرىلگەن ۆاكسينا، پايدالانعان اكتيۆسىزدەندىرۋ تەحنيكاسى وتە كەمەلدى تەحنيكا“، - دەدى شيە نا، جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى وزگە ۆاكسينامەن ۇقساس، زەرتتەپ جاساۋ بارىسىندا حايۋاناتتارعا سىناق ەتىلەدى جانە Ⅰمەزگىل،Ⅱمەزگىل، Ⅲ مەزگىلدەگى كلينيكالىق تاجىريبە جاسالىپ، ۆاكسينانىڭ حايۋاناتتار جانە ادامدار دەنەسىندە كەرى اسەر تۋدىرۋ - تۋدىرماۋى جانە كەرى اسەر تۋدىرۋ دەڭگەيى باعالانادى. كەزەكتە ەلىمىزدە وندىرىلگەن جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىنىڭ حاۋىپسىزدىك جانە ونىمدىلىك كورسەتكىشى تۇگەلدەي دۇنيە ءجۇزى دەنساۋلىق ساقتاۋ ۇيىمى بەلگىلەگەن بازارعا شىعارۋ ولشەمىنەن اسىپ، كەڭ كولەمدى ادامدار شوعىرىندا ءونىمدى قورعاۋ قالىپتاستىرا الادى.

  ”قازىرگە دەيىن ۆاكسينا ەككەن ادامدار شوعىرى اراسىندا ۆاكسيناعا قاتىستى اۋىر كەرى اسەر بايقالمادى ءارى باسقا دا ۆاكسينامەن ۇقسامايتىن ەرەكشە كەرى اسەرى دە بايقالمادى“، - دەدى شيە نا، مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمى اقپار جاريالاۋ ءماجىلىسىنىڭ حابارىنا نەگىزدەلگەندە، 3 - ايدىڭ 14 - كۇنىنە دەيىن بۇكىل ەلدە جالپى 64 ميلليون 980 مىڭ ادام - رەت جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەككەن، رايونىمىزدا جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى ەگىلگەن ادامدار رەت سانى قازىر بۇكىل ەلدە 4 - ورىندا تۇرعان. سونىمەن بىرگە ەلىمىز شۇعىل قاجەت ەتكەن وركەندەپ كەلە جاتقان 69 ەلگە الدەقاشان ءارى قازىردىڭ وزىندە ۆاكسينانى تەگىن كومەككە بەرىپ، 43 ەلگە ۆاكسينا ەكسپورت ەتىپ وتىر.

  ”ەلىمىزدىڭ كەڭ كولەمدە ۆاكسينا ەگۋى ءارى باسقا ەلدەرگە ۆاكسينانى كومەككە بەرۋى دە ءبىزدىڭ ۆاكسينامىزدىڭ حاۋىپسىز، سەنىمدى ەكەندىگىن دالەلدەيدى“، - دەپ ءسوزىن ساباقتاعان شيە نا: ”ەلىمىزدە بەكىتىلگەن ۆاكسينانىڭ حاۋىپسىز، ءونىمدى ەكەندىگى جونىندە تاماشا دالەل - سىپات بولعاندىقتان، ءبىز دە بۇقارانىڭ جاعدايدان حاباردار بولۋ، ماقۇلدىق بەرۋ، ەم تالعامالى ناۋقاستاردى شىعارىپ تاستاۋ العى شارتىندا ۆاكسينا ەكتىرۋگە بەلسەنە قاتىناسۋىن دارىپتەيمىز“.

  الدىڭعى مەرزىمدىك جاڭا تيپتى ايدارشا ۆيرۋس اكتيۆسىزدەندىرىلگەن ۆاكسيناسىن كيلينكالىق تاجىريبە زەرتتەۋىنە نەگىزدەلگەندە اكتيۆسىزدەندىرىلگەن ۆاكسينانىڭ 2 - رەتكىسى شامامەن 2 اپتادان كەيىن ەگىلەدى، سوندا ەگىلەتىن ادامدار شوعىرىندا ءبىرشاما جاقسى يممۋنيتەتتىك ونىمدىلىك تۋىلادى. ”جۇكتى ايەلدەر، ومىراۋدا بالاسى بار ايەلدەر، قىزۋ، جۇعىمدالۋ سياقتى اۋرۋلاردىڭ شۇعىل مەزگىلى، يممۋنيتەت كەمىستىگى بار ادامدار شوعىرى، سونداي - اق سالماقتى باۋىر، بۇيرەك اۋرۋى، ءدارى - دارمەكپەن تىزگىندەۋگە بولمايتىن جوعارى قان قىسىمى، قانتتى نەسەپ اۋرۋى قوسالقى اۋرۋى، قاتەرلى وسپە اۋرۋى سياقتى اۋرۋلارى بار ادامدار ۆاكسينا ەگۋگە ۇيلەسپەيدى“، - دەدى شيە نا.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.