كوكتوعاي كادرلار شۋەيۋانى:
”قىزىل شەپ“ پارتيا تاريحىن ۇيرەنۋ تاربيەسىنىڭ اناعۇرلىم جاندى دا جالىندى بولۋىنا مۇمكىندىك جاسادى
□ انار بۇلت/ شينجياڭ گازەتىنىڭ ءتىلشىسى جاڭ تيڭ، ەرىكتى ءتىلشى حۋ جينلياڭ
”3 - ءنومىرلى كەن جۇلگەسىندە تۇرىپ، سول جىلدارداعى كەن ماشينالارىنىڭ گۇرىلىن، شانا تارتقان اتتاردىڭ كىسىنەگەنىن ەستىگەندەي بولدىم... قارا تەرگە مالشىنىپ، جان قيارلىق كورسەتكەن توپ - توپ كەن جۇمىسشىلارىن كورگەندەي بولدىم...“. 3 - ايدىڭ 15 - كۇنى اسەرلى سەزىممەن مانەرلەپ وقۋعا ىلەسە ساحناداعى قابىرعا ەكراندا كىرىكتىرىلە بەرىلگەن «رەسپۋبليكا ۇمىتپايدى» اتتى قويىلىم كوكتوعاي اۋدانى كوكتوعاي قالاشىعىنداعى كوكتوعاي كادرلار شۋەيۋانى وقىتۋ تۇيىنىندە قويىلدى، اۋدانعا توتە قاراستى تاراۋلاردان (ورىنداردان) كەلگەن پارتيالى كادرلار مۇنى كورىپ ەرەكشە شابىتتاندى.
”كورىنىستى قايتا ەلەستەتكەن قويىلىم ءتاسىلى ءبىزدى الدىڭعى عاسىردىڭ 50 - ، 60 - جىلدارىنداعى كوكتوعايعا قايتا الىپ بارعانداي بولدى، جۇڭگو كوممۋنيستىك پارتياسىنىڭ ءار ۇلت كادر - بۇقاراسىن باستاپ جاپا - ماشاقاتپەن كۇرەس جاساعان كورىنىسى قالىڭ پارتيالى كادرلارىمىزعا جاندى دا جالىندى پارتيا ساباعى بولدى“، - دەدى كوكتوعاي اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى گۋ فاڭ.
وسى شاقتا شۋەيۋاننىڭ ان گۇيحۋاي كورمە زالىندا تاعى ءبىر توپ ەكسكۋرسيالاۋشىلار شۋەيۋاننىڭ لەكتورى جياڭ شۋەياننىڭ اۋەندى دە سەزىمدى تۇسىندىرۋىمەن ان گۇيحۋايدىڭ ىزگى ىستەرىن ءبىلدى. 1958 - جىلدان 1964 - جىلعا دەيىن ان گۇيحۋاي كوكتوعاي كەن ىستەرى مەكەمەسى پارتكومىنىڭ شۋجيى، مەكەمە باستىعى بولادى، جاڭا جۇڭگو ەڭ قيىنشىلىققا ۇشىراعان سول بىرنەشە جىلدا كوكتوعاي مەملەكەتتىڭ سوۆەت وداعىنان العان قارىزىن قايتارۋ اۋىر مىندەتىن ارقالايدى. ان گۇيحۋايدىڭ باسشىلىعىندا، تۇتاس كەندەگى كادر - جۇمىسشىلار اپكەش كوتەرىپ، سەبەت ارقالاپ ءجۇرىپ، ءبىر - بىرلەگەن كەن تاستارىمەن مەملەكەتتىڭ سىرتقى قارىزىنىڭ 3/1ىنەن استامىن ۇستىنە العان ەدى.
”ان گۇيحۋاي كورمە زالىن جاساۋ ەكسكۋرسيالاۋعا، ۇيرەنۋگە كەلگەن پارتيالى كادرلاردىڭ اۋەلگى ماقساتتى ۇمىتپاي، ەكپىندەي العا ىلگەرىلەپ، ءىس جۇزىندىك ارەكەتتەرىمەن كوكتوعاي رۋحىن امالياتتا ايگىلەۋىن ءۇمىت ەتۋ بولىپ تابىلادى“، - دەدى كوكتوعاي كادرلار شۋەيۋانى وقىتۋدى زەرتتەۋ ءبولىمىنىڭ ورىنباسار مەڭگەرۋشىسى ۋاڭ دان. بۇل كورمە زالى ”الاۋلاعان جىلدار، تاعى دا شايقاسقا اتتانۋ، حالىققا ادال بولۋ، پاك، كىرشىكسىز بولۋ“ سىندى 4 ءبولىم ارقىلى ان گۇيحۋايدىڭ پارتياعا، وتانعا، حالىققا ۇلەس قوسقان ءومىرىن باياندايدى.
كىشكەنتايىنان كوكتوعاي قالاشىعىندا ەسەيىپ - ەرجەتكەن قاليدا مۇسابەك بۇل كۇندەرى شينجياڭ ءتۇستى مەتال ونەركاسىبى توبى سيرەك كەزدەسەتىن مەتالدار شەكتى جاۋاپكەرلىك سەرىكتەستىگىنىڭ قىزمەتكەرى، ”اۋەلگى ماقساتتى ەسكە ءتۇسىرىپ، امالياتتا ايگىلەۋگە نازار اۋدارامىن، ءبىر پارتيا مۇشەسى رەتىندە، مەن ارەكەتىم ارقىلى كوكتوعايداعى اعا بۋىن قۇرىلىسشىلاردىڭ رۋحىن جالعاستىرامىن جانە ساۋلەلەندىرەمىن“، - دەدى قاليدا.
2017 - جىلدىڭ سوڭىندا كوكتوعاي كادرلار شۋەيۋانى رەسمي ماڭدايشالىق استى. كادرلار شۋەيۋانى 3 - ءنومىرلى كەن جۇلگەسى، جەر استى سۋ ەلەكتر ستانسياسى، گەولوگيالىق كورمەجاي سياقتى قىزىل تاريحي ىزدەردەن تولىق پايدالانىپ، ناق مايداندا وقىتۋ، كورىنىستى وقىتۋ، مىسال كەلتىرىپ وقىتۋ، قىزىل انمەن وقىتۋ، ولەڭ - جىرمەن وقىتۋ، ناقتى كورىنىستەر ارقىلى وقىتۋ سياقتى 10 ءتۇرلى وقىتۋ ۇلگىسى ارقىلى اعا بۋىن قۇرىلىسشىلاردىڭ وتاندى كوكەيدە ساقتاپ، قاجىرلىلىقپەن كۇرەس جۇرگىزگەن، تاباندى دا ەڭبەكشىل، باتىلدىقپەن جاۋاپكەرشىلىك ارقالايتىن وسكەلەڭ دەڭگەيىن ايگىلەپ، ەگەي ەرلىكتىڭ بەلگىلەرىن ىزدەپ، سەنىمنەن كۇش - قۋات الۋدىڭ ەڭ تىكەلەي تاربيە بازاسىنا جانە رۋحتى جالعايتىن قاستەرلى ورىنعا اينالدىردى.
بۇل كۇندەرى كوكتوعاي كادرلار شۋەيۋانى تۇتاس اۋدانداعى ءارقايسى تاراۋلاردىڭ (ورىنداردىڭ)، ءار سالاداعىلاردىڭ، ءار كاسىپتەگىلەردىڭ پارتيا تاريحىن ۇيرەنۋ تاربيەسىنىڭ ماڭىزدى ءبىر دانەكەرىنە اينالدى. ”شۋەيۋانىمىز تاعى 3 - ءنومىرلى كەن جۇلگەسى، جەر استى سۋ ەلەكتر ستانسياسى، گەولوگيالىق مۇراجاي سياقتى قىزىل تاريحي ىزدەردى كەمەلدەندىرىپ، ولاردى پارتيا تاريحىن ۇيرەنۋ تاربيەسىنىڭ امالياتتا ايگىلەۋ ءتۇيىنى ەتتى. قازىر ءبىزدىڭ وسى جەرگە كۋرس اشىپ ۇيرەنۋ، پارتيا تاريحىن ۇيرەنۋ تاربيەسىن قابىلداۋ بويىنشا الدىن الا تاپسىرىس بەرگەن كلاستاردىڭ سانى 200دەن اسىپ كەتتى“، - دەدى ۋاڭ دان.
