تيانشان تورى   ›   جاڭالىقتار   ›   سۋرەتتى حابار

چىن چۋانگو اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا جانە كوكتەمگى وقۋ ماۋسىمىنىڭ وقۋ باستاۋ سالتىندا بىلاي دەپ باسا دارىپتەدى

پارتيانىڭ داڭقتى ءداستۇرىن جانە تاڭداۋلى ستيلىن بار كۇشپەن اسقاقتاتىپ، شينجياڭنىڭ قوعام ورنىقتىلىعى مەن باياندى تىنىشتىعىن كۇش سالا ىلگەرىلەتۋ كەرەك

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 3 - ايدىڭ 18 - كۇنى ۇرىمجىدەن حابارلايدى. 3 - ايدىڭ 18 - كۇنى تۇستەن بۇرىن اۆتونوميالى رايوندىق پارتكوم پارتيا مەكتەبى (اكىمشىلىك شۋەيۋانى) 2021 - جىلعى ورتا جاس، جاس كادرلار كۋرسىنىڭ وقۋ باستاۋ سالتىن جانە كوكتەمگى وقۋ ماۋسىمىنىڭ وقۋ باستاۋ سالتىن وتكىزدى، اۆتونوميالى رايوندىق پارتكومنىڭ شۋجيى چىن چۋانگو قاتىناستى ءارى ءسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىندا سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، پارتيانىڭ داڭقتى ءداستۇرى مەن تاڭداۋلى ستيلىن بار كۇشپەن اسقاقتاتىپ، قايراتتانا العا ۇمتىلۋ رۋحىن باستان - اياق ساقتاپ، شينجياڭدى قىزۋ ءسۇيىپ، شينجياڭعا تامىر تارتىپ، شينجياڭعا ۇلەس قوسىپ، شينجياڭعا ەڭبەك ءسىڭىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا نىق سەنىممەن ات سالىسىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى لي يفي باسقاردى، اۆتونوميالى رايوندىق ساياسي كەڭەستىڭ ورىنباسار ءتوراعاسى ياڭ يۇڭ قاتىناستى.

  چىن چۋانگو بىلاي دەپ اتاپ كورسەتتى: باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىندا سويلەگەن ماڭىزدى ءسوزى جاڭا داۋىردەگى كادر دارىندىلار قوسىنى قۇرىلىسىن كۇشەيتىپ، جاس كادرلاردى باۋلۋدى، شىنىقتىرۋدى كۇشەيتىپ، قالىڭ پارتيالى كادرلاردى پارتيانىڭ داڭقتى ءداستۇرى مەن تاڭداۋلى ستيلىن ساۋلەلەندىرۋگە، جاڭا داۋىردە، جاڭا ساپاردا جاڭا جاۋاپكەرشىلىكتى ارقالاۋدى، جاڭا ىسكەرلىك كورسەتۋدى ايگىلەۋگە ىنتالاندىرۋ جانە شابىتتاندىرۋ ءۇشىن عىلمي جەتەكشىلىك جانە ارەكەت باعدارناماسىن ازىرلەدى. يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن تاباندىلىقپەن، باتىل تۇردە بىرلىككە كەلتىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ داڭقتى ءداستۇرى مەن تاڭداۋلى ستيلىن تاباندىلىقپەن ساۋلەلەندىرىپ، ەرىك - جىگەرىن، قايسارلىعىن، ۇستامدىلىعىن ۇزدىكسىز كۇشەيتىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ نەگىزگى شايقاس مايدانىندا اتويلاپ الدا ءجۇرىپ، ادالدىقپەن ۇلەس قوسىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا بەلسەنە كۇش - قۋات قوسۋ كەرەك.

  ءبىرىنشى، پارتياعا شارتسىز ادال بولىپ، شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ كەرەك. يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، ۇزدىكسىز سەنىمنىڭ نەگىزىن بەكەمدەپ، رۋحاني كالتسيدى تولىقتاپ، يدەيانىڭ رولىن مىقتى ۇستاپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، پارتيانىڭ قامىن ويلاۋدى، وتان ءۇشىن جاۋاپكەرشىلىكتى ادا ەتۋدى، حالىق ءۇشىن ۇلەس قوسۋدى مۇرات ەتىپ، جۇرەكتىلىكپەن جاپالى، قيىن، اۋىر، قاتەرلى مىندەتتەردى ارقالاپ، پارتياعا ادالدىعىن ءىس جۇزىندىك ارەكەتتەرمەن كورسەتۋ كەرەك.

  ەكىنشى، نازاريانى امالياتپەن بايلانىستىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن سانالى تۇردە وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتەردى ىلگەرىلەتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋدى، جەتە ءتۇسىنۋدى، شىنايى تياناقتاندىرۋدى ماڭداي الدى ساياسي مىندەت ەتىپ، ءتۇپ نۇسقانى ۇيرەنىپ، قايتا - قايتا مۇقيات ۇيرەنىپ، تەرەڭدەي، تاباندىلىقپەن ۇيرەنىپ، سانالى تۇردە شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ باتىل سەنۋشىلەرى جانە ادال امالياتشىلارى بولۋ كەرەك.

  ءۇشىنشى، بۇقارامەن تىعىز بايلانىس جاساپ، حالىقتى باستان - اياق كوڭىلدىڭ تورىنە قويۋ كەرەك. حالىقتى وزەك ەتكەن دامۋ يدەياسىنا تاباندى بولىپ، بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى باس ماقساتىنان جازباي، ”مەن وزىممەن ساناسپاي، حالىقتىڭ ءۇمىتىن اقتايمىن“ دەيتىن رۋحاني دەڭگەيگە تىنباي تالپىنىپ، اۋەلگى ماقسات پەن بورىشتى ەستە بەرىك ساقتاپ، بۇقارالىق لۋشياندى ادالدىقپەن امالياتتا ايگىلەپ، بۇقارانىڭ ”اسىعىپ وتىرعان، قينالىپ وتىرعان، ۋايىمداپ وتىرعان، كۇتىپ وتىرعان“ ماسەلەلەرىن زەيىن - زەردەنى، سۇيىسپەنشىلىكتى، كۇش - قۋاتتى جۇمساي وتىرىپ ويداعىداي شەشىپ، ءار ۇلت بۇقاراسىن اناعۇرلىم كوپ، اناعۇرلىم تىكە، اناعۇرلىم ناقتى تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلدىرۋ كەرەك.

  ءتورتىنشى، پارتيانىڭ ىشكى ساياسي تۇرمىسىن قاتايتىپ، سىن جانە ءوز - وزىنە سىندى باتىل ورىستەتۋ كەرەك. دەموكراتيالىق ورتالىقتاندىرۋ ءتۇزىمىن باتىل اتقارىپ، كەلەلى ىستەر جونىندە نۇسقاۋ سۇراۋ، مالىمدەۋ ءتۇزىمىن قاتاڭ تياناقتاندىرىپ، ۇنەمى پارتيانىڭ نازاريالارىمەن سالىستىرىپ، پارتيا ۋستاۆىمەن، پارتيا ەرەجەسىمەن، پارتيا تارتىبىمەن سالىستىرىپ، اۋەلگى ماقساتپەن، بورىشپەن سالىستىرىپ، پارتيا ورتالىق كوميتەتىنىڭ ورنالاستىرۋلارىمەن، تالاپتارىمەن سالىستىرىپ، سىن جانە ءوز - وزىنە سىندى ىشكەرىلەي ورىستەتىپ، اقيقاتقا تاباندى بولۋ، قاتەلىكتى تۇزەتۋ، ىنتىماقتى كۇشەيتۋ، قىزمەتتەردى ىلگەرىلەتۋ ماقساتىنا جەتۋ كەرەك.بەسىنشى، كۇرەسكەرلىك رۋحتى اسقاقتاتىپ، باتىلدىقپەن كۇرەس جۇرگىزەتىن، شەبەرلىكپەن كۇرەس جۇرگىزەتىن ەر جۇرەكتەردەن بولۋعا قۇلشىنۋ كەرەك. كۇرەستە شىنىعۋدى سانالىلىقپەن كۇشەيتىپ، كۇرەس جىگەرىن بەكەمدەپ، كۇرەس ونەرىن ءوسىرىپ، كۇرەستە شىڭدالۋدى كۇشەيتىپ، كۇرەس بارىسىندا كۇرەس جۇرگىزۋدى ۇيرەنىپ، كۇرەس بارىسىندا جەتىلىپ، ءوسىپ، كۇردەلى، قاتاڭ كۇرەس بارىسىندا شىن مانىندە بوران - شاشىندى باستان كەشىرىپ، دۇنيەدەن حاباردار بولىپ، كۇش - قۋاتتى سومداپ، كۇرەس جۇرگىزۋدىڭ ناعىز قابىلەتىنە، ناعىز ونەرىنە توسەلۋ كەرەك.

  التىنشى، ءۇرتىس قاجىرلىلىقپەن كۇرەس جۇرگىزىپ، جاڭا داۋىردەگى جاڭا ساپاردا پارتياعا ءوزىن ارناۋ، وتان ءۇمىتىن اقتاۋداي كۇرەس جۇرگىزۋ ءىزىن قالدىرۋ كەرەك. شىنايى يگەرىپ، ناقتى ىستەۋگە تاباندى بولىپ، شىندىققا جۇگىنىپ، ناقتى ءىس ىستەپ، تياناقتاندىرۋدى مىقتاپ يگەرىپ، فورماشىلدىقتى، تورەشىلدىكتى باتىل تيىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن شىن مانىندە ناقتى شارالارعا، ناقتى ارەكەتكە ەگجەي - تەگجەيلى اينالدىرۋ؛ ۇنەمشىل تۇرمىس وتكىزۋ يدەياسىن مىقتاپ ورناتىپ، ۇنەمشىل، قاراپايىم بولۋعا، استا - توكتىكتى باتىل تيۋعا تاباندى بولىپ، ۇقىپتىلىقپەن ءوزىن تاربيەلەۋ، ۇقىپتىلىقپەن ىستەردى كوركەيتۋ؛ قاتاڭدىق نەگىزگى ارناسىنا تاباندى بولىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ءۇرتىس تەرەڭدەتىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.

  چىن چۋانگو بىلاي دەپ باسا دارىپتەدى: تۇتاس رايونداعى ءار دارەجەلى پارتيا ۇيىمدارى جانە قالىڭ پارتيالى كادرلار باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، جالپى بەتتىك دايەكتىلەندىرىپ، تياناقتاندىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ، مەملەكەتتىك ەكى ءماجىلىستىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ماڭگى قاجىماي - تالمايتىن رۋحاني كۇيمەن جانە العان بەتىنەن قايتپايتىن كۇرەس جۇرگىزۋ بەينەسىمەن قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى قىزمەتتەرىن شىنايى ويداعىداي يگەرىپ، جاڭا دامۋ ۇستانىمىن دايەكتىلەندىرىپ، ەكونوميكانىڭ جوعارى ساپالى دامۋىن ىلگەرىلەتىپ، ”14 - بەسجىلدىقتا“ جاقسى باستاما اشۋعا، جاقسى قادام تاستاۋعا شىنايى كەپىلدىك ەتۋ كەرەك. پارتيانىڭ جالپى بەتتىك باسشىلىعىنا تاباندى بولۋدى جانە ونى كۇشەيتۋدى باستان - اياق شينجياڭ قىزمەتىنىڭ جالپى بارىسىنا ساباقتاستىرىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، باسشىلىق القاسى مەن كادرلار قوسىنى قۇرىلىسىن شىنايى كۇشەيتىپ، نەگىزگى ساتى ۇيىمدارى مەن نەگىزگى ساتى بيلىك قۇرىلىسىن كۇشەيتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى كەپىلدىك ازىرلەۋ كەرەك.

  وقۋ باستاۋ سالتى بەينە ەكران ءماجىلىسى فورماسىندا وتكىزىلدى. اۆتونوميالى رايوندىق پارتكوم پارتيا مەكتەبىنىڭ وقىتۋشىلار ۋاكىلدەرى جانە ورتا جاس، جاس كادرلار كۋرسىنىڭ كۋرسانتتارى وقۋ باستاۋ سالتىنا قاتىناستى، اۆتونوميالى رايوننىڭ قاتىستى تاراۋلارىنداعى جاۋاپتى جولداستار وقۋ باستاۋ سالتىنا سىرتتاي قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.