−”14 - بەسجىلدىق“ جوبا جانە 2035 - جىلعا دەيىنگى بولاشاقتىق نىسانا باعدارلاماسىنىڭ جاسالۋى تۋرالى
شينحۋا اگەنتتىگىنىڭ تىلشىلەرى ان پەي، چىن ۋيۋي، شيە شيياۋ
”ماقۇلداندى!“
2021 - جىلى 3 - ايدىڭ 11 - كۇنى تۇستەن كەيىن حالىق سارايى.
13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسى جانە 2035 - جىلعا دەيىنگى بولاشاقتىق نىسانا باعدارلاماسى جونىندەگى قاۋلىنى داۋىسقا سالىپ ماقۇلدادى.
پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا ۇسىنىسى قارالىپ، ماقۇلدانعاننان وسى رەتكى حالىق قۇرىلتايى ماجىلىسىندە جوبا باعدارلاماسى بەكىتىلگەنگە دەيىن، پارتيانىڭ دارىپتەمەلەرى زاڭدىق ءتارتىپ ارقىلى مەملەكەتتىڭ ەركىنە اينالىپ، بۇكىل ەلدەگى ءار ۇلت حالقىنىڭ ءبىر نيەت، ءبىر تىلەكپەن جاپپاي سوتسياليستىك وسىزاماندانعان مەملەكەت قۇرۋ ارەكەت تۇعىرناماسىنا اينالدى.
جوبا كەسكىندەلىپ، جۇڭحۋا ۇلتىنىڭ ۇلى گۇلدەنۋ ساپارى جاڭا جورىقتى قارسى الدى −
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، ءبىر ميلليارد 400 ميلليون جۇڭگو حالقى جاپپاي سوتسياليستىك وسىزاماندانعان مەملەكەت قۇرۋ جاڭا ساپارىنا اتتانىپ، ەكىنشى 100 جىلدىق كۇرەس نىساناسىنا قاراي ەرلىكپەن شەرۋ تارتتى.
”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا باعدارلاماسى قالاي جاسالدى؟ ونىڭ قانداي ەرەكشەلىكتەرى مەن ارتىقشىلىقتارى بار؟ قايتكەندە جوبا باعدارلاماسىنىڭ تياناقتانۋىنا شىنايى كەپىلدىك ەتىپ، جاڭا دامۋ كەزەڭى ءۇشىن جاقسى باستاما اشىپ، جاقسى قادام تاستاۋعا بولادى؟ شينحۋا اگەنتتىگىنىڭ تىلشىلەرى وسى جونىندە تىلشىلىك جاسادى.
جاڭا ساپاردىڭ ۇلى جوباسىن كەسكىندەدى
19 بولىك، 65 تاراۋ، 192 تاراۋشادان قۇرالعان، شامامەن 75 مىڭ ارىپتىك وسى جوبا باعدارلاماسىن پاراقتاساڭىز، الداعى 5 جىلداعى جانە 15 جىلداعى جۇڭگونىڭ دامۋىنىڭ ۇلى جوسپارى كوز الدىڭىزعا كەلەدى.
جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرعان سوڭ، جۇڭگو قولايلى جاعدايدان ۇتىمدى پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا قاراي جورىق جاساۋدىڭ جاڭا ساپارىن باستايدى. ”14 - بەسجىلدىق“ مەزگىل جاڭا دامۋ كەزەڭىنىڭ باستالعاندىعىن بىلدىرەدى.
”قوس 100 جىلدىقتىڭ“ تاريحي توعىسىندا تۇرىپ، ورتالىق پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە ”14 - بەسجىلدىق“ جوبا ماسەلەلەرىن ءتۇيىندى تۇردە اقىلداسۋدى جانە ۇسىنىس ورتاعا قويۋدى، ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانانى ءبىر تۇتاس جوسپارلاۋدى، ويلاستىرۋدى ۇيعاردى.
باس شۋجي شي جينپيڭ ”14 - بەسجىلدىق“ جوبانى جاساۋ قىزمەتىنە ايرىقشا ءمان بەردى. جوبا ۇسىنىسىنان جوبا باعدارلاماسىنىڭ العاشقى نۇسقاسىنا دەيىن، ول ءوزى تىكەلەي جوسپارلاپ، تىكەلەي جەتەكشىلىك ەتىپ، ماڭىزدى ورنالاستىرۋ جاساپ، نۇسقاۋ بەرىپ، كەلەلى ماسەلەلەر جونىندە دەر كەزىندە باعداردى يگەرىپ، باعىت بەلگىلەپ، جوبانىڭ جاسالۋىنىڭ قاشاندا دۇرىس باعىتپەن العا باسۋىنا شىنايى كەپىلدىك ەتتى.
2020 - جىلى 10 - ايدىڭ 29 - كۇنى پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىن» قاراپ ماقۇلدادى.
”ۇسىنىس نۇسقاسىن جازۋداعى جالپى وي: پارتيا 19 - قۇرىلتايىنىڭ ەكىنشى 100 جىلدىق كۇرەس نىساناسىن جۇزەگە اسىرۋ جونىندە جاساعان 2 كەزەڭگە ءبولىپ ىلگەرىلەتۋ ستراتەگيالىق ورنالاستىرۋى بويىنشا الداعى ءبىر مەزگىلدەگى ەل ءىشى - سىرتىنىڭ دامۋ اۋقىمى مەن ەلىمىزدىڭ دامۋ شارت - جاعدايىن جالپىلاي ويلاستىرىپ، ەلىمىز قوعامىنداعى باستى قايشىلىقتى مىقتاپ يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، ’14 - بەسجىلدىق‘ مەزگىلىندەگى ەلىمىزدىڭ دامۋى جونىندە جۇيەلى جوبا جانە ستراتەگيالىق ورنالاستىرۋ جاساۋ“.
پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە باس شۋجي شي جينپيڭ جوبا ۇسىنىسىن دايىنداۋعا قاتىستى جاعدايلار تۋرالى جالپى ماجىلىسكە تۇسىنىك جاساعاندا وسىلاي دەپ باسا دارىپتەدى.
باس شۋجي شي جينپيڭ بىلاي دەپ اتاپ كورسەتتى: ۇسىنىستى جاساۋ ارقىلى ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ نەگىزگى وي جەلىسى، باستى نىسانالارى جانە 2035 - جىلعا دەيىنگى بولاشاقتىق نىسانا ايقىندالىپ، جاڭا دامۋ ۇستانىمىنىڭ جەتەكشىلىك رولى كورنەكتىلەندىرىلىپ، نىشاندىق سيپاتقا يە ءبىر توپ كەلەلى ستراتەگيالار ورتاعا قويىلىپ، بولجامپازدىق، جالپى جاعدايلىق، نەگىزدىك، باعىتتامالىلىق سيپاتقا باي كەلەلى شارالار اتقارىلىپ، ماڭىزدى سالالارداعى جالعاسپالى رەفورمالار ءبىر تۇتاس ويداعىداي جوسپارلانىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن مىعىم نەگىز قالاندى.
ورتالىق كوميتەتتىڭ جالپى ماجىلىسىنەن كەيىن، مەملەكەتتىك كەڭەستىڭ ”14 - بەسجىلدىق“ جوبا «باعدارلاما العاشقى نۇسقاسىن» جاساۋ قىزمەتى باسشىلىق گرۋپپاسى ورتالىقتىڭ ۇسىنىسىنىڭ رۋحىنىڭ ولشەمىنە، ۇلگىسىنە جاپپاي تۋرالانىپ، ”14 - بەسجىلدىق“ مەزگىلدەگى ەكونوميكالىق، قوعامدىق دامۋدىڭ باستى نىسانالارى مەن كەلەلى مىندەتتەرىن ناقتىلاندىرىپ، العاشقى ساندى شاماعا اينالدىرىپ، جوبا باعدارلاماسىنىڭ العاشقى نۇسقاسىن دايىنداپ، قالىپتاستىرىپ، 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسىنىڭ تەكسەرۋىنە ۇسىندى.
بۇل تىلەك توعىستىرىپ، بىلەك بىرىكتىرۋ، جاڭالىق اشا دامۋ جاڭا تاراۋىنىڭ جوبا كەسكىندەمەسى ەدى −
حالىق شارۋاشىلىعى مەن قوعامدىق دامۋدىڭ بەسجىلدىق جوباسىن جاساۋ جانە اتقارۋ − پارتيامىزدىڭ ەل باسقارۋداعى ماڭىزدى ءتاسىلى.
جاڭا جۇڭگو قۇرىلعاننان بەرى پارتيا ورتالىق كوميتەتىنىڭ ءبىر تۇتاس باسشىلىعىندا، ەلىمىز 14 - بەسجىلدىق جوبا (جوسپار) ارقىلى بىرىنشىدەن كەدەي، ەكىنشىدەن اق جاعدايدان گۇلدەنۋگە، بايۋعا، قۇدىرەتتەنۋگە بەت العان ۇلى ءۇردىستى ىسكە اسىردى. بەسجىلدىق جوبالار (جوسپارلار) ءار كەزەڭدەگى كورنەكتى قايشىلىقتار مەن ماسەلەلەردى ارقاۋ ەتىپ، سوتسياليستىك وسىزامانداندىرۋ قۇرىلىسىنىڭ ۇزاق بولاشاقتىق ستراتەگيالىق نىسانالارىن كۇش جالعاپ تياناقتاندىردى، پارتيا بۇكىل ەل حالقىنا باسشىلىق ەتىپ ۇرپاقتان - ۇرپاققا جالعاستىرا ىستەپ، ءبىر جوبانى سوڭىنا دەيىن كەسكىندەپ، دۇنيە جۇزىندە ىلۋدە ءبىر كەزدەسەتىن ەكونوميكانىڭ قارقىندى دامۋ كەرەمەتىن جانە قوعامنىڭ ۇزاق ۋاقىت ورنىقتى بولۋ كەرەمەتىن جاراتتى.
جاڭا دامۋ كەزەڭىنە قادام تاستاعاندا ەلىمىز 3 بەسجىلدىق جوبا مەزگىلى ارقىلى 2035 - جىلعا دەيىن سوتسياليستىك وسىزامانداندىرۋدى نەگىزىنەن جۇزەگە اسىرىپ، تاعى 3 بەسجىلدىق جوبا مەزگىلى ارقىلى باي، قۇدىرەتتى، دەموكراتيالى، وركەنيەتتى، جاراسىمدى، گۇلدەنگەن سوتسياليستىك وسىزاماندانعان قۋاتتى مەملەكەت قۇرىپ شىعادى. ”14 - بەسجىلدىق“ جوبا مىنە وسى جاڭا ساپارعا قادام تاستايتىن جوبا سانالادى.
بۇل ماڭىزدى ستراتەگيالىق وراي مەزگىلىن مىقتى يگەرگەن، وزگەرىس بارىسىندا جاڭا جاعداي اشقان ستراتەگيالىق ورنالاستىرۋ سانالادى −
كەزەكتە جانە الداعى ءبىر مەزگىلدە ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇرادى، دەسەدە وراي مەن سىن - سايىستىڭ بارىندە جاڭا دامۋ جانە وزگەرىس بولادى، وراي مەن سىن - سايىس بۇرىن بولماعان دەڭگەيدە زور بولادى.
جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان ءىرى وزگەرىستى ءبىر تۇتاس جوسپارلاعان جوبا ۇسىنىسى جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ەلىمىز دامۋىنىڭ تاريحي ورنىن، وسىزامانداندىرۋ قۇرىلىسىنىڭ جەتەكشى پرينسيبىن جانە ەكونوميكانى وسىزامانداندىرۋدىڭ جول تالعامىن ايقىندادى. جوبا باعدارلاماسى جوبا ۇسىنىسىنىڭ رۋحىن جاپپاي دايەكتىلەندىرىپ، جوبا ۇسىنىسىندا ايقىندالعان ۇلكەن باعداردى، ۇلكەن ستراتەگيالاردى كەلەشەك دامۋدىڭ كەلەلى ينجەنەرياسىنا، ماڭىزدى ارەكەتىنە، ناقتى ساياساتىنا اينالدىرىپ، ورايدى مىقتى يگەرۋگە، سىن - سايىسقا توتەپ بەرۋگە ايقىن جول ورنالاستىرۋىن جاسادى.
بۇل حالىقتى وزەك ەتۋدىڭ، حالىقتىڭ تاماشا تۇرمىسقا تالپىنىسىن ۇزدىكسىز قاناعاتتاندىرۋدىڭ باعدار جەتەكشىسى سانالادى −
جاڭا داۋىرگە وتكەن سوڭ، ەلىمىز قوعامىنداعى باستى قايشىلىق حالىقتىڭ كۇن سايىن ارتقان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەرىپ، ەكونوميكالىق، قوعامدىق دامۋ كوپتەگەن جاڭا تاقىرىپتارعا، جاڭا مىندەتتەرگە، جاڭا تالاپتارعا ءدوپ كەلدى.
جوبا ۇسىنىسىنان جوبا باعدارلاماسىنا دەيىن قوعامداعى باستى قايشىلىقتىڭ وزگەرىسىمەن تىعىز بايلانىستىرىپ، حالىقتىڭ تۇلعالىق ورنىنا تاباندى بولىپ، بىرگە بايۋ باعدارىنان جازباي، قاشاندا دامۋدىڭ حالىق ءۇشىن بولۋىنا، دامۋدا حالىققا ارقا سۇيەۋگە، دامۋ جەتىستىكتەرىنەن حالىقتىڭ تەڭ يگىلىكتەنۋىنە تاباندى بولدى، ول بۇكىل حالىقتىڭ بەلسەندىلىگىن، ىرىقتىلىعىن، جاسامپازدىعىن ۇزدىكسىز قاۋلاتىپ، العا باسۋ جولىنداعى ماشاقات - قيىندىقتاردى، قاتەر - بوگەتتەردى ۇزدىكسىز جەڭىپ، اناعۇرلىم جارقىن ومىرگە بىرگە جول اشادى.
حالىق پاراساتىن كەڭىنەن شوعىرلاندىرعان ارەكەت تۇعىرناماسى
جوبا ۇسىنىسىنان جوبا باعدارلاماسىنا دەيىن پارتيانىڭ باسشىلىعىنىڭ، حالىقتىڭ قوجايىن بولۋىنىڭ جانە مەملەكەتتى زاڭمەن جونگە سالۋدىڭ ورگانيكالى بىرلىگىن جۇزەگە اسىرۋعا تاباندى بولدى. بۇل جۇڭگونىڭ دامۋ جوباسى جۇيەسىنىڭ ايقىن ەرەكشەلىگى ءارى جۇڭگوشا سوتسياليستىك ءتۇزىم ابزالدىلىعىنىڭ ماڭىزدى بەينەسى.
2019 - جىلى 10 - ايدا پارتيا 19 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن كەيىن، باس شۋجي شي جينپيڭ پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسىنىڭ جاپپاي سوتسياليستىك وسىزاماندانعان مەملەكەت قۇرۋدى ورنالاستىرۋى جونىندە وي جۇگىرتە باستادى، سونداي - اق ءبىرسىپىرا تەكسەرۋ - زەرتتەۋ جۇرگىزىپ، قاتىستى كەلەلى ماسەلەلەر جونىندە ءبىرسىپىرا ماڭىزدى نۇسقاۋلار بەرىپ، بەكىتۋلەر جازىپ، قاتىستى تاراۋلاردان دەر كەزىندە زەرتتەپ تۇجىرىمداۋدى، ەرتەرەك اقىلداسۋدى تالاپ ەتتى.
2020 - جىلى 3 - ايدا ورتالىق كوميتەت ساياسي بيۋروسىنىڭ تۇراقتى كوميتەتى، ورتالىق كوميتەت ساياسي بيۋروسى ارت - ارتىنان ءماجىلىس اشىپ، پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە ”14 - بەسجىلدىق“ جوبا ۇسىنىس دايىنداۋ ماسەلەسىن ءتۇيىندى تۇردە اقىلداسۋدى ۇيعاردى، سونداي - اق حۇجات دايىنداۋ گرۋپپاسىن قۇرۋدى، وعان باس شۋجي شي جينپيڭنىڭ گرۋپپا باستىعى بولۋىن ۇيعاردى.
جوعارى دەڭگەيدە جوبالاۋدى كۇشەيتۋ مەن حالىقتان اقىل سۇراۋعا تاباندى بولۋدى بىرلەستىرۋ − جوبانىڭ جاسالۋىنداعى ەڭ ايقىن ەرەكشەلىك بولدى.
”14 - بەسجىلدىق“ جوبا ۇسىنىسىن ويداعىداي دايىنداۋ ءۇشىن، باس شۋجي شي جينپيڭ كوپ رەت جەرگىلىكتى ورىنداردا ىشكەرىلەي قىزمەت تەكسەرىپ، تەكسەرۋ - زەرتتەۋ جۇرگىزىپ، شارۋا وتباسىلارىن ارالاپ، كاسىپورىندارعا بارىپ، حالىقتىڭ جاعدايىن باعامداپ، ۇتىمدى اقىل - كەڭەس الدى.
2020 - جىلى 7 - ايدان 9 - ايعا دەيىن باس شۋجي شي جينپيڭ 7 رەت ارناۋلى تاقىرىپتىق اڭگىمە ءماجىلىسىن باسقارىپ اشىپ، كاسىپكەرلەر، پارتيا سىرتىنداعى قايراتكەرلەر، ەكونوميكا، قوعام سالاسىنداعى ماماندار، عالىمدار، وقۋ - اعارتۋ، مادەنيەت، دەنساۋلىق ساقتاۋ، دەنە تاربيە سالاسىنداعى ماماندار، جەرگىلىكتى پارتيا، ۇكىمەت ورىندارىنىڭ باسشىلارى، نەگىزگى ساتى ۋاكىلدەرى سياقتى ءار سالا، ءار جىكتەگى قايراتكەرلەردىڭ پىكىر - ۇسىنىسىن تىڭدادى.
توراپكەرلەردەن جيىنى ءبىر ميلليون 18 مىڭنان استام ۇسىنىس - پىكىر تاپسىرىپ الدى!
2020 - جىلى 8 - ايدىڭ 16 - كۇنىنەن 29 - كۇنىنە دەيىن ”14 - بەسجىلدىق“ جوبانى جاساۋ قىزمەتى جونىندە ينتەرنەتتە پىكىر جيناۋ قيمىلى ورىستەتىلدى. ينتەرنەت ارقىلى جوبانى جاساۋ جونىندە بۇكىل قوعامنان پىكىر جانە ۇسىنىس جيناۋ ەلىمىزدىڭ بەسجىلدىق جوبا جاساۋ تاريحىندا ءبىرىنشى رەت بولىپ وتىر.
باس شۋجي شي جينپيڭ ”14 - بەسجىلدىق“ جوبانى جاساۋ قىزمەتىنە ارناۋلى ماڭىزدى نۇسقاۋ بەرىپ، بىلاي دەپ باسا دارىپتەدى: اشىق كەڭەس الىپ، كوپتىڭ پاراساتىن ساۋلەلەندىرىپ، جوعارى دەڭگەيلى جوبالاۋدى كۇشەيتۋ مەن حالىقتان كەڭەس الۋعا تاباندى بولۋدى بىرلىككە كەلتىرىپ، قالىڭ حالىق بۇقاراسى مەن قوعامنىڭ ءار سالاسىن ءتۇرلى تاسىلدەرمەن ”14 - بەسجىلدىق“ جوباعا اقىل - كەڭەس بەرىپ، قوعامنىڭ تىلەگىن، بۇقارانىڭ اقىل - پاراساتىن، مامانداردىڭ پىكىرىن، نەگىزگى ساتىنىڭ تاجىريبەسىن ”14 - بەسجىلدىق“ جوبانى جاساۋعا شىن مانىندە تولىق ءسىڭىرىپ، ءبىر نيەتپەن سەلبەسىپ ”14 - بەسجىلدىق“ جوبانى جاقسى جاساۋعا شابىتتاندىردى.
2020 - جىلى 10 - ايدا پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى جوبا ۇسىنىسىن قاراپ ماقۇلداعاننان كەيىن، مەملەكەتتىك كەڭەس ”14 - بەسجىلدىق“ جوبا «باعدارلاما العاشقى نۇسقاسىن» جاساۋ قىزمەتى باسشىلىق گرۋپپاسى الدىڭعى مەرزىمدەگى قىرۋار قىزمەت نەگىزىندە ورتالىقتىڭ ۇسىنىس رۋحىنىڭ ۇلگى - ولشەمدەرىنە جالپى بەتتىك تۋرالانىپ، باعدارلاما جوباسىن دايىندادى.
باعدارلاما جوبا نۇسقاسىن جاساۋ - دايىنداۋ بارىسىندا مەملەكەتتىك كەڭەس ”14 - بەسجىلدىق“ جوبا «باعدارلاماسىنىڭ العاشقى نۇسقاسىن» جاساۋ قىزمەتى باسشىلىق گرۋپپاسى ءماجىلىس اشىپ، باعدارلاما جوبا نۇسقاسىن اقىلداسىپ تالقىلادى. مەملەكەتتىك دامۋ جانە رەفورما كوميتەتى 200 نەشە ءتۇرلى كەلەلى تاقىرىپتىق زەرتتەۋ ۇيىمداستىرىپ ورىستەتتى، وڭىرلەر، تاراۋلار جانە ورتالىق كاسىپورىندارى قاتارلىلاردى باعدارلاماعا ەنگىزۋگە دايىندالعان باستى نىسانا - كورسەتكىشتەر مەن كەلەلى ساياساتتاردى، كەلەلى رەفورمالاردى، كەلەلى ينجەنەريا نىساندارىن اقىلداسىپ العا قويۋعا ۇيىمداستىردى، جەلىلەس اڭگىمە ماجىلىستەرىن اشىپ، تاراۋلاردىڭ جانە جەرگىلىكتى ورىنداردىڭ پىكىرىن تىڭدادى، جۇڭگو عىلىم اكادەمياسى، قوعامدىق عىلىمدار اكادەمياسى، ينجەنەريا اكادەمياسى سياقتى ورىندارعا بارىپ مامانداردىڭ پىكىرىن تىڭدادى.
حالىقتىڭ اقىل - پاراساتىن شوعىرلاندىرعاندا، جۇرت رايىن بەينەلەگەندە عانا، حالىق تىلەگىن اناعۇرلىم جاقسى ۇيىستىرىپ، بىرىككەن كۇش قالىپتاستىرۋعا بولادى. جوبانى جاساۋ بارىسىندا مەملەكەتتىك دامۋ جانە رەفورما كوميتەتى ”14 - بەسجىلدىق“ جوبا باعدارلاماسىنا اقىل - كەڭەس الۋ قيمىلىن ورىستەتىپ، قوعامداعى الەۋمەتتىڭ پىكىر - ۇسىنىستارىن تىڭدادى، سونداي - اق ينتەرنەت جەلىسىنەن سىرت 4000 نەشە ساۋالناما تاراتتى. بۇدان سىرت، اڭگىمە ءماجىلىس اشۋ ارقىلى مەملەكەتتىك حالىق قۇرىلتايى ۋاكىلدەرى مەن مەملەكەتتىك ساياسي كەڭەس مۇشەلەرىنىڭ 300 نەشە سىندارلى پىكىر - ۇسىنىستارىن قابىلدادى.
”نىسانانى باعدار ەتۋ مەن ماسەلەنى باعدار ەتۋدى ۇشتاستىرۋعا، جوعارى دەڭگەيلى جوبالاۋ مەن حالىقتان كەڭەس الۋدىڭ بىرلىگىنە تاباندى بولىپ، تولىق كەڭەس الىپ، دالەلدەپ، قوعامنىڭ تىلەگىن، بۇقارانىڭ اقىل - پاراساتىن، مامانداردىڭ پىكىرىن، نەگىزگى ساتىنىڭ تاجىريبەسىن يگەرىپ، باعدارلامانىڭ جوبا نۇسقاسىنا شىن مانىندە تولىق ءسىڭىردى“، - دەپ تانىستىردى مەملەكەتتىك دامۋ جانە رەفورما كوميتەتىنىڭ ورىنباسار مەڭگەرۋشىسى حۋ زۋساي.
2021 - جىلى 1 - ايدىڭ 15 - كۇنى باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، جوبا باعدارلاماسىنىڭ العاشقى نۇسقاسىن قارادى ءارى پرينسيپتىك جاقتان ماقۇلدادى.
1 - ايدىڭ 20 - كۇنى مەملەكەتتىك كەڭەستىڭ بەسىنشى جالپى ءماجىلىسى باعدارلاماسىنىڭ جوبا نۇسقاسىن تالقىلاپ، باعدارلامانىڭ جوبا نۇسقاسىن ءار جاقتىڭ پىكىر بەرۋىنە جولداۋدى ۇيعاردى. مەملەكەتتىك كەڭەس جانە كوپ رەت اڭگىمە ءماجىلىس ۇيىمداستىرىپ، ءار سالانىڭ، ءار جاقتاعى قايراتكەرلەردىڭ پىكىر - ۇسىنىسىن تىڭدادى.
2 - ايدىڭ 26 - كۇنى باس شۋجي شي جينپيڭ ورتالىق كوميتەت ساياسي بيۋروسىنىڭ ءماجىلىسىن باسقارىپ اشىپ، مەملەكەتتىك كەڭەستىڭ 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ تەكسەرۋىنە ۇسىنۋىنا دايىنداعان جوبا باعدارلاماسىنىڭ العاشقى نۇسقاسىن تالقىلادى.
باس شۋجي شي جينپيڭ بىلاي دەپ اتاپ كورسەتتى: ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا باعدارلاماسىن عىلمي جولمەن جاساۋ، اتقارۋ جاپپاي دوڭگەلەك داۋلەتتى قوعام ورناتۋ مەن كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستاۋدا كەلەلى ماڭىزعا يە.
باس شۋجي شي جينپيڭ مىنالاردى تالاپ ەتتى: ”14 - بەسجىلدىق“ جوبا باعدارلاماسىنىڭ العاشقى نۇسقاسىن 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ تەكسەرۋىنە جانە مەملەكەتتىك ساياسي كەڭەس 13 - كەزەكتى كوميتەتىنىڭ 4 - ءماجىلىسىنىڭ تالقىسىنا تاپسىرۋ بارىسىندا دەموكراتيانى تولىق ساۋلەلەندىرىپ، كوپ پاراساتىن ساۋلەلەندىرىپ، جوبا باعدارلاماسىن شىن مانىندە جاقسى جاساپ، جوبا باعدارلاماسىن اناعۇرلىم جاقسى اتقارۋعا بەرىك نەگىز قالاۋ كەرەك.
3 - ايدىڭ 5 - كۇنى 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى اشىلدى، جوبا باعدارلاماسىنىڭ العاشقى نۇسقاسى ءماجىلىستىڭ تەكسەرۋىنە ۇسىنىلدى.
ءماجىلىس جابىلار الدىندا ۋاكىلدەر مەن مۇشەلەردىڭ تەكسەرۋ، تالقىلاۋ بارىسىندا العا قويعان پىكىرىنە نەگىزدەلىپ، دايىنداۋ گرۋپپاسى جوبا باعدارلاماسىنىڭ العاشقى نۇسقاسىنىڭ 55 جەرىنە وزگەرىس ەنگىزدى.
3 - ايدىڭ 10 - كۇنى تۇستەن بۇرىن مەملەكەتتىك حالىق قۇرىلتايىنىڭ ۋاكىلى چىن گومين مەملەكەتتىك دامۋ جانە رەفورما كوميتەتى كەڭسەسىنىڭ العىس حاتىن تاپسىرىپ الدى.
ونىڭ ۇسىنىسى بويىنشا جوبا باعدارلاماسى العاشقى نۇسقاسىنىڭ 50 - تاراۋ 4 - تاراۋشاسىنا ”اۋىر مۇگەدەكتەردى اماناتتاپ باعىپ - قاعۋعا قىزمەت وتەۋدى ورىستەتۋ“ دەگەن مازمۇن قوسىلدى.
”بۇل ’حالىقتى بارىنەن جوعارى قويۋدى امالياتتا كورسەتۋدىڭ‘ناقتى بەينەسى“، - دەدى ۋاكىل چىن گومين.
بۇدان سىرت، مەملەكەتتىك حالىق قۇرىلتايى ۋاكىلدەرىنىڭ پىكىر - ۇسىنىسىنا ساي، جوبا باعدارلاماسى العاشقى نۇسقاسىنىڭ 38 - تاراۋ 4 - تاراۋشاسىنا ”ەكولوگيالىق جۇيەنىڭ كومىر قىشقىل گازىن توپتاۋ قۋاتىن جوعارىلاتۋ“ سياقتى وزگەرىستەر ەنگىزىلدى.
جاڭا ساپاردا ەكپىندەي العا ىلگەرىلەۋ دابىلىن قاقتى
جاڭا ساپار باستالىپ كەتتى. تاريح پەن بولاشاقتى ءتۇيىلىستىرىپ، حالىقارا مەن ەل ءىشى جاعدايىن ءبىر تۇتاس جوسپارلاپ، ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا باعدارلاماسىن تياناقتاندىرۋ، اتقارۋ جاڭا ساپار ءۇشىن جاقسى باستاما اشىپ، جاقسى قادام تاستايتىن بولادى.
جوبا باعدارلاماسى جوعارى ساپالى دامۋ نەگىزگى تاقىرىبىن كورنەكتىلەندىردى −
جاڭا دامۋ كەزەڭىنىڭ، جاڭا دامۋ ۇستانىمىنىڭ، جاڭا دامۋ ارناسىنىڭ لوگيكالىق نەگىزگى جەلىسى جوبا باعدارلاماسىنىڭ تۇتاس مازمۇنىنا ءسىڭىرىلدى.
جوبا باعدارلاماسىندا ەكونوميكالىق دامۋ، جاڭالىق اشۋ ارقىلى دەم بەرۋ، حالىق تۇرمىسىنىڭ ىرىس - قۇتى، جاسىل ەكولوگيا، حاۋىپسىزدىكتى قامتاماسىز ەتۋ سىندى 5 ۇلكەن ءتۇر 20 نەشە كورسەتكىشتى العا قويىپ، ”قوس 100 جىلدىق“ كۇرەس نىساناسىنىڭ ورگانيكالى ساباقتاسۋىن جاقسى ىستەۋدى كورنەكتىلەندىرىپ، كەلەشەكتەگى جۇڭگونىڭ دامۋ جۇلگەسىن نۇسقالادى.
”بۇل كورسەتكىشتەر جاڭا دامۋ ۇستانىمىنىڭ تالاپتارىن بەينەلەپ، جوعارى ساپالى دامۋ كورسەتكىشتەرى جۇيەسىمەن تولىق ءتۇيىلىستى“. مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ بىلاي دەپ باسا دارىپتەدى: نىسانا ءمانىن بەلگىلەۋ جانە ەسەپتەۋ شىندىقتى ءىس جۇزىنەن ىزدەۋگە، عىلمي، ۇيلەسىمدى بولۋعا تاباندى بولىپ، بار كۇشپەن ىستەلۋمەن بىرگە، شاماعا قاراي ىستەلدى، سونىمەن بىرگە تۇراقسىزدىقتارعا توتەپ بەرۋگە دە مۇمكىندىك قالدىرىلدى. ”بۇل كورسەتكىشتەر قايراتتانا ءبىر سەكىرىپ جەتۋگە بولاتىن بيىكتىككە ۇقسايدى، ءبىراق، ءسوز جوق، قايراتتانا سەكىرۋ كەرەك“.
دۇنيە جۇزىندە 100 جىلدا بولماعان ءىرى وزگەرىستەرگە توتەپ بەرۋدە جوبا باعدارلامادا دامۋ مەن حاۋىپسىزدىك سىندى ەكى ءىرى ءىستى ءبىر تۇتاس جوسپارلاپ جاقسى ىستەۋ تالابى كورنەكتىلەندىرىلىپ، حاۋىپسىزدىك، دامۋ ارناۋلى بولىگى مەن حاۋىپسىزدىكتى قامتاماسىز ەتۋ تۇرىندەگى كورسەتكىش تۇڭعىش رەت بەلگىلەنىپ، مەملەكەتتىڭ حاۋىپسىزدىك جۇيەسى مەن قابىلەت قۇرىلىسىن كۇشەيتىپ، استىق، ەنەرگيا بايلىعى جانە فينانس حاۋىپسىزدىگى سياقتىلاردى قامتاماسىز ەتۋگە ناقتى ورنالاستىرۋ جاسالدى.
بۇدان سىرت، كەلەلى ستراتەگيالىق مىندەتتەردى تياناقتاندىرۋدىڭ نىساندىق تىرەگىن كۇشەيتۋ كورنەكتىلەندىرىلىپ، مەملەكەت قاجەت ەتەتىن جانە حالىق كۇتەتىن ىستەر توڭىرەگىندە، جوبا باعدارلاماسىندا جالپى 20 ارناۋلى ايدار ورنالاستىرىلىپ، 102 ءتۇرلى كەلەلى ينجەنەريا نىسانى العا قويىلدى.
جوبا باعدارلاماسىندا حالىقتى وزەك ەتكەن دامۋ يدەياسى ايگىلەندى −
بەس جىلدىق جوبا − ءارى ”مەملەكەتتىڭ ءىسى“، ءارى ”وتباسىنىڭ ءىسى“.
جوبا باعدارلاماسىندا بەلگىلەنگەن 20 ءتۇرلى كورسەتكىشتە حالىق تۇرمىسىنىڭ ىرىس - قۇتى بويىنشا 7 ءتۇر بار، بۇل ۇشتەن بىرىنەن اساتىن بولىكتى يەلەيدى، تاريحتاعى بەس جىلدىق جوبالاردىڭ ىشىندە ەڭ جوعارىسى، جۇمىستاندىرۋ، كىرىس، وقۋ - اعارتۋ، ەمدەۋ، زەينەتكەرلىك، باعىپ - قاعۋعا اماناتتاۋ سياقتى حالىق تۇرمىسى سالاسى قامتىلعان.
باعدارلامانىڭ بۇكىل مازمۇنىن وقىپ شىققاندا، كورسەتكىش بەلگىلەۋدە بولسىن، الدە قالا، اۋىل دامۋى بولسىن، ەكولوگيالىق وركەنيەت بولسىن، الدە مادەنيەتتە قۋاتتى ەل بولسىن، كوشە - اۋماق تۇزىمىنەن، باياۋ جۇرەتىن قاتىناس تورابىنان تارتىپ اۋىل - قىستاق كەلبەتىن قورعاۋعا، بالالارعا جايلى قالا قۇرۋعا دەيىن... باعدارلاما حالىقتىڭ كۇن سايىن ارتقان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات ەتىپ، ادامنىڭ جان - جاقتى دامۋى مەن حالىق تۇرمىسىن جاقسارتۋ ىرىس - قۇتىن نازارعا الدى. ۋاكىلدەر، مۇشەلەر جاپپاي بۇل حالىقتى وزەك ەتۋدى تولىق ايگىلەگەن، حالىق تۇرمىسى ەرەكشە تىلگە الىنعان بەس جىلدىق جوبا دەپ باعالادى.
جوبا باعدارلاماسىندا تياناقتاندىرىپ اتقارۋ كۇشەيتىلدى −
كەلەشەكتەگى 5 جىلداعى، ءتىپتى، 15 جىلداعى دامۋعا نازار سالعان ۇزاق ۋاقىتتىق جوبانى تياناقتاندىرىپ اتقارۋعا قايتكەندە شىنايى كەپىلدىك ەتۋگە بولادى؟
جوبا باعدارلاماسىندا ”جوبانىڭ اتقارىلۋىن قامتاماسىز ەتۋدى كۇشەيتۋ“ سوڭعى ءسوز ەتىلدى ءارى بولەك ءبىر تاراۋ ەتىپ ورنالاستىرىلدى.
جوبا باعدارلاماسىندا پارتيا ورتالىق كوميتەتىنىڭ، مەملەكەتتىك كەڭەستىڭ جوبا جۇيەسى قۇرىلىسى مەن مەملەكەتتىڭ دامۋ جوباسىن بىرلىككە كەلتىرۋ جونىندەگى بەلگىلەمەسىن، تالاپتارى مەن ۇتىمدى تاجىريبە - ادىستەرىن زاڭ فورماسىندا تۇراقتاندىرىپ، دامۋ جوباسى زاڭىن جەدەل شىعارىپ، جوبانى جاساپ اتقارۋدىڭ زاڭمەن جونگە سالۋ قامتاماسىزدىعىن كۇشەيتۋ ورتاعا قويىلدى.
جوبا جۇيەسىن بىرلىككە كەلتىرۋدەن باقىلاۋ جۇيەسىن كەمەلدەندىرۋگە دەيىن، ءتۇزىم قۇرىلىمىن كەمەلدەندىرۋدەن زاڭمەن جونگە سالۋ قامتاماسىزدىعىن كۇشەيتۋگە دەيىن... جاقىنعى جىلداردا ەلىمىز مەملەكەتتىڭ كەلەلى دامۋ ستراتەگياسى مەن ورتا، ۇزاق مەرزىمدىك ەكونوميكالىق، قوعامدىق دامۋ جوباسى ءتۇزىمىن كەمەلدەندىردى ءارى ونى مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدىڭ ماڭىزدى قۇرامداس بولىگى ەتىپ، جۇڭگوشا سوتسياليستىك ءتۇزىمنىڭ ابزالدىلىعىنىڭ تولىق ايگىلەۋىنە شىنايى كەپىلدىك ەتتى.
جوبا سىزىلدى، دابىل ءۇنى ەكپىندەي ىلگەرىلەۋگە جىگەرلەندىردى.
جاڭا ساپارعا اتتاندىق، جاڭا قادام تاستادىق. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدەگى ءار ۇلت حالقىنىڭ مىعىم سەنىممەن ۇزدىكسىز كۇرەس جۇرگىزۋىندە ۇلى جوبانىڭ سوتسياليستىك وسىزاماندانعان مەملەكەتتىڭ كورىكتى كورىنىسىنە اينالاتىنى داۋسىز.
(شينحۋا اگەنتتىگىنىڭ 3 - ايدىڭ 19 - كۇنى بەيجيڭنەن بەرگەن حابارى)
