تيانشان تورى   ›   بىلگەنگە مارجان   ›   وتباسى جانە تۇرمىس

ۆاكسينا ەكتىرۋ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋدىڭ ەڭ جاقسى ءادىسى

  اۋرۋدىڭ الدىن الۋ - تىزگىندەۋ ورتالىعىنىڭ ماماندارى مىنانى ەسكەرتەدى:

  ۆاكسينا ەكتىرۋ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋدىڭ ەڭ جاقسى ءادىسى

  انار بۇلت / شينجياڭ گازەتىنىڭ ءتىلشىسى سۋ لۋپيڭ

  نە ءۇشىن جاڭا تيپتى ايدارشا ۆيرۋس ۆاكسيناسىن ەكتىرۋ كەرەك؟ نە ءۇشىن 2 رەت ەكتىرۋ كەرەك؟ ەككەن سوڭ قانشا ۋاقىتتان كەيىن انتيدەنە پايدا بولادى؟ 3 - ايدىڭ 19 - كۇنى اۆتونوميالى رايوندىق اۋرۋدىڭ الدىن الۋ - تىزگىندەۋ ورتالىعى يممۋنيتەت جوباسى ورنىنىڭ ورىنباسار مەڭگەرۋشىسى شيە نا بۇعان جاۋاپ بەردى.

  كەزەكتە ىندەت جاعدايى جالپى جاقتان ورنىقتى، جاڭا تيپتى ايدارشا ۆيرۋس ۆاكسيناسىن كەڭ كولەمدە ەكتىرۋدىڭ قاجەتى بار ما، جوق پا؟ شيە نا: ”جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋدىڭ ەڭ جاقسى ءادىسى ۆاكسينا ەكتىرۋ“، - دەدى. ەلىمىزدە ىندەتتىڭ كىرۋى مەن ءىشىنارا جەرلەردە ىندەتتىڭ تارالۋ حاۋپى ءالى دە ءومىر سۇرۋدە، ەگەر ادامداردىڭ دەنەسىندە جاڭا تيپتى ايدارشا ۆيرۋسقا قارسىلىق قۋات پايدا بولماسا، ناۋقاسقا شالدىعۋ مۇمكىندىگى بار دەگەن ءسوز، ۆاكسينا ەكتىرسە ءوزىن ءونىمدى تۇردە قورعاپ قانا قويماي، وزگەلەردى دە ءونىمدى قورعاي الادى. ۆاكسينا ەگۋدى پارمەندى، ءتارتىپتى ىلگەرىلەتۋ قارسىلىق قۋات قورعانىن بارىنشا جىلدام قالىپتاستىرۋ بولىپ تابىلادى.

  شيە نا بىلاي دەپ تانىستىردى: قازىر رايونىمىز پايدالانىپ وتىرعان جاڭا تيپتى ايدارشا ۆيرۋستىڭ اكتيۆسىزدەندىرىلگەن ۆاكسيناسى قارسىلىق قۋات ءتارتىبى بويىنشا 2 رەت ەگىلەدى، ارالىعى 21 كۇننەن استام بولادى. قارسىلىق قۋات ءتارتىبىن قالاعانىنشا وزگەرتۋ قارسىلىق قۋات قابىلداۋ ونىمدىلىگىنە جانە قارسىلىق قۋاتتىڭ ۇزاققا جالعاسۋىنا ىقپال جەتكىزۋى مۇمكىن. الدىڭعى مەزگىلدەگى جاڭا تيپتى ايدارشا ۆيرۋستىڭ اكتيۆسىزدەندىرىلگەن ۆاكسيناسىنىڭ كلينيكالىق تاجىريبە زەرتتەۋىنە نەگىزدەلگەندە، 2 - رەتكى اكتيۆسىزدەندىرىلگەن ۆاكسينا ەككەن سوڭ شامامەن 2 اپتادان كەيىن ءبىرشاما جاقسى قارسىلىق قۋات قالىپتاستىرادى ەكەن.

  ەگۋ بارىسىندا ۆاكسينا ەكتىرۋشىلەر تومەندەگى بىرنەشە ىستەرگە نازار اۋدارۋى جانە سايكەسۋى كەرەك: ەكتىرۋدەن بۇرىن جاڭا تيپتى ايدارشا ۆيرۋس ۆاكسيناسىنا قاتىستى بىلىمدەردى جانە ەگۋ بارىسىن ءبىلۋى كەرەك. ەكتىرگەن كەزدە قاتىستى كۋالىكتەردى (ازاماتتىق كۋالىك، پاسپورت، ت . ب) الا ءجۇرۋ ءارى جەرگىلىكتى ورىننىڭ ىندەتتەن ساقتانۋ - تىزگىندەۋ تالابى بويىنشا ءوزىن قورعاۋدى ويداعىداي ىستەپ، سول جەردە ۆاكسينا ەگۋشىلەرگە سايكەسىپ، ءوزىنىڭ دەنساۋلىق جاعدايى جانە ەگۋگە تيىم سالۋ سياقتى ينفورماتسيالارمەن قاز - قالپىندا قامداۋ كەرەك. ەككەن سوڭ 30 مينۋت باقىلاۋ؛ ەككەن جەردىڭ تەرىسىنىڭ تازالىعىن ساقتاپ، ەككەن ورىندى قولمەن ۇستاۋدان اۋلاق بولۋ كەرەك؛ ەگەر كەرى رەاكسيا بەرۋ سياقتى كۇماندى جاعداي تۋىلسا، ۆاكسينا ەككەن ورىنعا دەر كەزىندە مالىمدەۋ، قاجەت بولسا دەر كەزىندە شيپاگەرگە كورىنۋ كەرەك.

  شيە نا مىنانى ەسكەرتتى: ادامدار شوعىرىندا قارسىلىق قۋات قورعانى قالىپتاسۋدان ىلگەرى ءبىر ءبولىم ادامدار ۆاكسينا ەكتىرگەن كۇندە دە كوپشىلىكتىڭ ساقتانۋ - تىزگىندەۋ تانىمى مەن ساقتانۋ - تىزگىندەۋ شارالارىن بوساڭسىتۋىنا بولمايدى. ءبىر جاعىنان، ۆاكسينانىڭ قارسىلىق قۋات تۋدىرۋ ونىمدىلىگىنىڭ ءساتتى بولۋ سالىستىرماسى %100 ەمەس، ەندى ءبىر جاعىنان، قارسىلىق قۋات قورعانى قالىپتاسپاعان جاعدايدا جاڭا تيپتى ايدارشا ۆيرۋسى اۋەلگىدەي وڭاي تارالادى. سوندىقتان ۆاكسينا ەكتىرگەن سوڭ جالعاستى ماسكى تاعۋ كەرەك، اسىرەسە، الەۋمەتتىك ورىن، ادام شوعىرلانعان ورىن سياقتىلاردا ماسكى تاققان ءجون؛ وزگە دە ساقتانۋ شارالارىن، مىسالى، قولدىڭ تازالىعى، اۋا الماستىرۋ، ارالىق ساقتاۋ سياقتىلاردى دا ۇزدىكسىز جالعاستىرۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.