بۇكىل رايوننىڭ پارتيا تاريحىن ۇيرەنۋ تاربيەسىنىڭ جوعارى ولشەمدە ىلگەرىلەۋىن، جوعارى ساپادا تياناقتانۋىن جەبەۋ كەرەك
انار بۇلت / شينجياڭ گازەتىنىڭ ءتىلشىسى حي حۇڭۋي 3 - ايدىڭ 21 - كۇنى ۇرىمجىدەن حابارلايدى. 3 - ايدىڭ 21 - كۇنى اۆتونوميالى رايوننىڭ پارتيا تاريحىن ۇيرەنۋ تاربيەسى باسشىلىق گرۋپپاسى كەڭسەسى پارتيا تاريحىن ۇيرەنۋ تاربيەسىنە ارالاپ جەتەكشىلىك ەتۋ قىزمەتىن ورنالاستىرۋ ءماجىلىسىن اشىپ، باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزىنىڭ رۋحىن مۇقيات ۇيرەنىپ، ۇعىنىپ، يدەيانى اناعۇرلىم بىرلىككە كەلتىرىپ، تانىمدى جوعارىلاتىپ، ارالاپ جەتەكشىلىك ەتۋ قىزمەت جاۋاپكەرشىلىگىن، جالپى تۇلعالىق تالابىن، نىسانا - مىندەتتەرىن، ادىستەرىن، تاسىلدەرىن جانە باستى شارالارىن ايقىنداۋدى باسا دارىپتەدى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى، اۆتونوميالى رايوننىڭ پارتيا تاريحىن ۇيرەنۋ تاربيەسى باسشىلىق گرۋپپاسى كەڭسەسىنىڭ مەڭگەرۋشىسى تيان ۋىن ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: پارتيا تاريحىن ۇيرەنۋ تاربيەسىن ورىستەتۋدىڭ ماڭىزدى ءمانىن جەتە تانۋ كەرەك، بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانىڭ ءجۇز جىلدىق تاريحىنىڭ جاڭا باستاماسىن تياناق ەتىپ، جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە ءجۇز جىلدا بولماعان زور وزگەرىستى ءبىر تۇتاس جوسپارلاپ، بۇكىل پارتيانى، بۇكىل ەلدەگى ءار ۇلت حالقىن جاپپاي سوتسياليستىك وسىزاماندانعان مەملەكەت قۇرۋعا كوكىرەك كەرنەگەن سەنىممەن ات سالىسۋعا جۇمىلدىرۋ جونىنەن جاساعان كەلەلى شەشىمى، كەلەلى ساياسي مىندەتى.
ءماجىلىس مىنالاردى تالاپ ەتتى: ارالاپ جەتەكشىلىك ەتۋ قىزمەتىنىڭ كۇش سالۋ ءتۇيىنىن شىن مانىندە مىقتى يگەرىپ، ورنىقتى تياناقتى يگەرىپ، ورتالىق كوميتەتتىڭ پارتيا تاريحىن ۇيرەنۋ تاربيەسى جونىندەگى شەشىمدەرىنىڭ، ورنالاستىرۋلارىنىڭ جانە اۆتونوميالى رايوننىڭ پارتيا تاريحىن ۇيرەنۋ تاربيەسى جونىندەگى تالابىنىڭ ولشەمىنە، ۇلگىسىنە تۋرالانىپ، ءتۇيىندى قىزمەتتى كورنەكتىلەندىرىپ، ءتۇيىندى بەتالىستى مىقتى يگەرىپ، بۇكىل رايوننىڭ پارتيا تاريحىن ۇيرەنۋ تاربيەسىن جوعارى ولشەممەن ىلگەرىلەۋىن، جوعارى ساپامەن تياناقتانۋىن جەبەۋ كەرەك. ارالاپ جەتەكشىلىك ەتۋ گرۋپپاسى ساياسي دەڭگەيدى جوعارىلاتىپ، قىزمەت تاسىلىنە، ادىسىنە كوڭىل ءبولىپ، ”التىنى كورنەكتىلەندىرۋدى“ ارقاۋ ەتىپ، قۋزاۋ، جەتەكشىلىك ەتۋ قىزمەتىن ورىستەتۋ كەرەك. ءوزى ارقالاعان مىندەت، بورىشىن شىن مانىندە ايقىن تانىپ، يدەيالىق سانالىلىقتى جانە ارەكەت سانالىلىعىن كۇشەيتىپ، بۇكىل رايوننىڭ پارتيا تاريحىن ۇيرەنۋ تاربيەسىن تىڭعىلىقتى، ءونىمدى ورىستەتۋگە شىنايى كەپىلدىك ەتۋ كەرەك.
اۆتونوميالى رايوننىڭ پارتيا تاريحىن ۇيرەنۋ تاربيەسىنە ارالاپ جەتەكشىلىك ەتەتىن 10 گرۋپپا جۋىقتا جەر - جەردە، ورىنداردا ارالاپ جەتەكشىلىك ەتۋ قىزمەتىنە اتتانادى.
