انار بۇلت / شينجياڭ گازەتىنىڭ ءتىلشىسى سۇڭ يا - ۋىن 3 - ايدىڭ 21 - كۇنى جىڭنان حابارلايدى. ”1935 - جىلى 2 - ايدا قىزىل 3 - جۇنتۋانى 12 - تۋانىنىڭ جىڭۋيى مىندەتىنە تاعايىندالعان جۇڭ چىبيڭ لوۋشانگۋان شايقاسىندا باقىتقا قارسى جارالانادى، وڭ اياعىنا جاۋ وعى تيگەن ول شايقاستى جالعاستىرا بەرەدى...“. 3 - ايدىڭ 16 - كۇنى جىڭ اۋدانى باجياحۋ ەگىس الاڭى ەگىن شارۋاشىلىعى 9 - اترەتىنىڭ اترەت تاريحى سارايىندا جىڭ اۋداندىق پارتكوم ۇگىت ءبولىمىنىڭ ۇگىت - لەكسياشىسى چين نا ينتەرنەتتىك جۇرگىزۋشى ساناتىندا ەكران الدىندا اسەرلى تىلمەن جۇڭگو كوممۋنيستىك پارتياسىنىڭ حيكايالارىن باياندادى.
جۋىقتا جىڭ اۋدانى بۇلت ساباقحاناسىن اشۋ ارقىلى پارتيا تاريحىن ۇيرەنۋ تاربيەسىن اۋىل - قىستاققا جەتكىزۋدى، پارتيا تاريحى بىلىمدەرىن ساناعا ءسىڭىرۋدى ىلگەرىلەتتى، كادرلار مەن بۇقارا پارتيا تاريحىن ۇيىندە وتىرىپ - اق ۇيرەنە الاتىن، ۋيچات الەۋمەتتىك تۇعىرىنان قالاعان ۋاقىتتا قايتالاي كورە الاتىن بولدى.
پارتيا تاريحى تاربيەسىن نەگىزگى ساتىعا ىشكەرىلەي جەتكىزۋدى، جۇرت جۇرەگىنە تەرەڭ ۇيالاتۋدى ىلگەرىلەتۋ ءۇشىن، تاياۋدان بەرى جىڭ اۋدانى ءار دارەجەلى ۇگىت - لەكسياشىلاردى باۋلۋعا ۇيىمداستىرىپ، ولاردىڭ ۇگىت - لەكسيا جاساۋ قابىلەتىن جوعارىلاتتى، سونداي - اق جاڭا اقپارات قۇرالدارىنان پايدالانىپ ”100 جىلدىق پارتيا تاريحى قىزىل حيكايالار“ ايدارىن اشتى. ءبىر ۇگىت - لەكسياشىعا ءبىر دانا ءتۇسىرۋ اسپابى ۇستەپ بەرىلىپ، ءبىر جىلجىمالى ساباقحانا، ءبىر ميكرو ساباق، ءبىر شاعىن بەينە ەكران جاسالادى، وسىلايشا ءبىر ”ينتەرنەت جەلىسىندەگى“ پارتيا تاريحىن ۇيرەنۋ تاربيەسى ساباعى وتىلەدى. جىڭ اۋدانى تاعى ينتەرنەت جەلىسىمەن جانە جەلىدەن تىس بولۋمەن توعىستىرىپ، پارتيا تاريحىن كوپ ءتۇرلى فورمالار ارقىلى ۇيرەنىپ، پارتيا تاريحىن ۇيرەنۋ تاربيەسىنىڭ اناعۇرلىم جاندى دا تارتىمدى بولۋىنا مۇمكىندىك جاسادى.
”ءبىز پارتيا تاريحىنداعى قىسقا دا اسەرلى حيكايالاردان شاعىن بەينە ەكران، دىبىستى جازبا ءتۇسىرىپ، ۋيچات توبى، ديڭديڭ توبى سياقتى تۇعىرلار ارقىلى كادرلار مەن بۇقاراعا جولداپ، كوپشىلىكتىڭ پارتيا تاريحىن ۇيرەنۋ تاربيەسىن ۇيىندە وتىرىپ - اق قابىلداۋىنا مۇمكىندىك جاسادىق“، - دەدى چين نا، - ”ءبىز تاعى ءوزارا پىكىرلەسۋ بارىسىندا كوپشىلىكتىڭ ۇيرەنۋ احۋالىن جانە ۇيرەنۋ تىلەگىن يەلەپ، كوپشىلىكتىڭ ويعا العانىمەن، ويلاعانىمەن، قاجەت ەتكەنىمەن، ارمانداعانىمەن ۇشتاستىرا وتىرىپ، تالاپ ەتكەن ساباقتاردى دەر كەزىندە ازىرلەدىك، وسىلايشا، ۇيرەنۋ رايى ءتىپتى دە قويۋ، ۇيرەنۋ ونىمدىلىگى ءتىپتى دە تاماشا بولدى“.
جىڭ اۋدانى جىڭ قالاشىعىنىڭ تۇرعىنى جياڭ شينشان بىلاي دەدى: ساباقحانادا نەمەسە جيىن زالىندا وتىرىپ ساباق تىڭداعانعا قاراعاندا، بۇلت ساباقحاناسى فورماسىمەن ۇيرەنگەن ءتىپتى دە تاماشا ەكەن، ۋاقىت شەكتەمەسىنە ۇشىرامايسىز، قالاعان ۋاقىتتا، قالاعان ورىندا ۇيرەنە بەرۋىڭىزگە بولادى.
قازىر جىڭ اۋدانى بۇلتتا ۇگىت - لەكسيا جاساۋ سياقتى فورمالار ارقىلى H5، قىسقا بەينە ەكران، كارتون سياقتى جاڭا دانەكەرلەردى جالپىلىق قولدانۋ ارقىلى پارتيا تاريحىن ۇيرەنۋ تاربيەسىن بۇلت تەرمينالىندا جۇرگىزۋدى ۇزدىكسىز كۇشەيتىپ، قالىڭ پارتيالى كادرلاردىڭ اناعۇرلىم باي مازمۇندى ارنالار ارقىلى قىزىل حيكايالاردى تىڭداپ، توڭكەرىس رۋحىن قايتا ەسكە الىپ، تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، پارتيانىڭ 100 جىلدىق ۇلى كۇرەس بارىسىنان ەكپىندەي ىلگەرىلەۋدىڭ اقىل - پاراساتى مەن كۇش - قۋاتىن الۋىنا مۇمكىندىك جاسادى.
