پارتيا قۇرىلىسىن جەتەكشى ەتىپ، شينجياڭنىڭ وقۋ - اعارتۋ ىستەرىنىڭ جوعارى ساپالى دامۋىن ىلگەرىلەتەيىك
انار بۇلت / شينجياڭ گازەتىنىڭ ءتىلشىسى ميھرگۇل عوپۇر 3 - ايدىڭ 22 - كۇنى ۇرىمجىدەن حابارلايدى. 3 - ايدىڭ 22 - كۇنى تۇستەن بۇرىن اۆتونوميالى رايوننىڭ وقۋ - اعارتۋ جۇيەسىنىڭ پارتيا قۇرىلىسى قىزمەتى ءماجىلىسى اشىلىپ، باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋلارى، تالاپتارى بويىنشا تۇتاس رايوننىڭ وقۋ - اعارتۋ جۇيەسىنىڭ پارتيا قۇرىلىسى قىزمەتتەرىن تىڭعىلىقتى ىلگەرىلەتىپ، ”14 - بەسجىلدىقتا“ شينجياڭ وقۋ - اعارتۋ ىستەرىنىڭ جاقسى باستاما باستاۋىنا، جاقسى قادام تاستاۋىنا شىنايى كەپىلدىك ەتتى.
اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى لي يفي ماجىلىسكە قاتىناستى ءارى ءسوز سويلەدى.
ءماجىلىس مىنالاردى باسا دارىپتەدى: وقۋ - اعارتۋ جۇيەسىندەگى ءار دارەجەلى پارتيا ۇيىمدارى پارتيا قۇرىلىسىن يگەرۋدەگى ساياسي جاۋاپكەرشىلىكتى كۇشەيتىپ، پارتيا قۇرىلىسىن يگەرۋدەگى نەگىزگى تۇلعالىق جاۋاپكەرشىلىكتى ادا ەتىپ، پارتيا قۇرىلىسىنىڭ جاڭا ونىمدىلىگى ارقىلى شينجياڭنىڭ وقۋ - اعارتۋ ىستەرىنىڭ جوعارى ساپالى دامۋىن جەتەكتەۋ، ىلگەرىلەتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇزدىكسىز ىشكەرىلەي ۇيرەنىپ، دايەكتىلەندىرىپ، پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، باستان - اياق دۇرىس ساياسي بەتالىسقا تاباندى بولۋعا شىنايى كەپىلدىك ەتۋ كەرەك. پارتيانىڭ وقۋ - اعارتۋ قىزمەتىنە جالپى بەتتىك باسشىلىعىنا تاباندى بولىپ جانە كۇشەيتىپ، نەگىزگى ساتىنىڭ نەگىزىن بەكەمدەۋ كەرەك. يدەيالىق - ساياسي قىزمەت ساپاسىن ۇزدىكسىز جوعارىلاتىپ، وقىتۋشىلار قوسىنى قۇرىلىسىن ۇزدىكسىز كۇشەيتىپ، ادام تاربيەلەۋدىڭ ناقتى ونىمدىلىگىن ونان ارى ارتتىرۋ كەرەك. پارتيانى باسقارۋ، پارتيانى جونگە سالۋ جاۋاپكەرشىلىگىن تياناقتاندىرىپ، باقىلاۋدى، ءتارتىپ اتقارۋدى كۇشەيتىپ، ستيلى پاك، سالتى دۇرىس ساياسي ەكولوگيا مەن جاراسىمدى دا ورنىقتى ادام تاربيەلەۋ ورتاسىن قالىپتاستىرۋ كەرەك.
ءماجىلىس مىنالاردى باسا دارىپتەدى: پارتيا قۇرىلىسى قىزمەتى مەن وقۋ - اعارتۋ رەفورماسىنىڭ، دامۋىنىڭ تەرەڭ توعىسۋىن ىلگەرىلەتىپ، ءار دارەجەلى، ءار ءتۇرلى وقۋ - اعارتۋدىڭ سايكەستى دامۋىن ءبىر تۇتاس جوسپارلاپ ىلگەرىلەتىپ، مەكتەپتەردىڭ ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن تىڭعىلىقتى تۇردە ويداعىداي ىستەپ، ءار ءتۇرلى ەمتيحان جانە مەكتەپ ءبىتىرۋ، جۇمىستاندىرۋ قىزمەتىن زەر سالا جوسپارلاپ ورنالاستىرىپ، ءىس جۇزىندىك ارەكەت ارقىلى حالىق رازى بولاتىن وقۋ - اعارتۋدى قۇلشىنا ويداعىداي جۇرگىزۋ كەرەك.
