شينحۋا اگەنتتىگىنىڭ 3 - ايدىڭ 22 - كۇنى بەيجيڭنەن بەرگەن حابارى. كەدەيلىكتەن ارىلتۋدان قامال الۋ شايقاسىندا جەڭىسكە جەتىپ، جاپپاي دوڭگەلەك داۋلەتتى قوعام ورناتقاننان كەيىن كەدەيلىكتەن ارىلتۋدان قامال الۋ جەتىستىكتەرىن ونان ارى بەكەمدەپ، كەڭەيتىپ، كەدەيلىكتەن ارىلعان وڭىرلەردىڭ دامۋىن جانە اۋىل - قىستاقتى جاپپاي گۇلدەندىرۋدى ۇزدىكسىز ىلگەرىلەتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ ءۇشىن، جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس تاياۋدا «كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ جونىندە پىكىر» (تومەندە قىسقارتىلىپ «پىكىر»دەلىندى) باسىپ تاراتتى.
«پىكىردە» بىلاي دەپ اتاپ كورسەتىلدى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلىكتەن ارىلتۋدان قامال الۋدى ەل باسقارۋداعى كورنەكتى ورىنعا قويىپ، ءبىرىنشى 100 جىلدىق كۇرەس نىساناسىن جۇزەگە اسىرۋداعى ءتۇيىندى مىندەت ەتىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىنا جانە ”ءتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزىپ، ءبىر قىدىرۋ كەلەلى ورنالاستىرۋ جانە جايعاستىرۋ جاساپ، كەدەيلىكتەن ارىلتۋدان قامال الۋ شايقاسىن جاپپاي جۇرگىزدى، جۇڭحۋا ۇلتىن نەشە مىڭ جىلدان بەرى مازالاپ كەلە جاتقان مۇلدە كەدەيلىك ماسەلەسى تاريحي سيپاتتى شەشىلۋ الدىندا تۇر، كەدەيلىكتەن ارىلتۋدان قامال الۋ جەتىستىكتەرى بۇكىل دۇنيەنى جالت قاراتتى. 2020 - جىلعا جەتكەندە ەلىمىزدە قازىر اتقارىلىپ وتىرعان ولشەمدە اۋىل - قىستاق كەدەي حالقى تۇگەلدەي كەدەيلىكتەن ارىلىپ، كەدەي اۋداندار تۇگەلدەي كەدەيلىك قالپاعىن الىپ، وڭىرلىك جالپى تۇلعالىق كەدەيلىك شەشىلدى. ”ەكىدەن تارىقتىرماۋدىڭ“ ساپاسى، دەڭگەيى كورنەكتى جوعارىلاپ، ”ءۇشتى قامتاماسىز ەتۋدەگى“ كورنەكتى ماسەلەلەر تۇبەگەيلى جويىلدى. كەدەي حالىقتىڭ كىرىس دەڭگەيى قاۋىرت جوعارىلاپ، ءوز كۇشىنە سۇيەنىپ كەدەيلىكتەن ارىلۋ قابىلەتى ورنىقتى ارتتى. كەدەي وڭىرلەردىڭ ءوندىرىس، تۇرمىس شارت - جاعدايى كورنەكتى جاقسارىپ، ەكونوميكالىق، قوعامدىق دامۋ كورنەكتى تەزدەدى. كەدەيلىكتەن ارىلتۋدان قامال الۋدا جالپى بەتتىك جەڭىسكە قول جەتكىزىپ، «بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك تارتىبىندەگى» كەدەيلىكتى ازايتۋ نىساناسىن 10 جىل بۇرىن جۇزەگە اسىرىپ، جاپپاي دوڭگەلەك داۋلەتتىلىككە جەتۋ جولىندا بىردە - بىرەۋىن قاتاردان قالدىرماي، جالپى حالىقتىڭ ورتاق بايۋىن جەبەۋ جولىندا نىق قادام تاستادى. كەدەيلىكتەن ارىلتۋدان قامال الۋ سىندى وسى ءبىر ۇلى ءىستى ورىنداۋ جۇڭحۋا ۇلتىنىڭ دامۋ تاريحىندا كەلەلى بەلەستىك ماڭىزعا يە بولىپ قانا قويماي، ونان دا ماڭىزدىسى، جۇڭگو حالقى ادامزات وركەنيەتىنە جانە الەمدىك كەدەيلىككە قارسى تۇرۋ ىستەرىنە ماڭىزدى ۇلەس قوستى.
كەدەيلىكتەن ارىلتۋدان قامال الۋ ۇلى امالياتى پارتيامىزدىڭ سان ميلليونداعان حالىقتى باستاپ، جۇڭگوشا سوتسياليزمگە تاباندى بولۋ جانە دامىتۋ بارىسىندا جاراتقان ۇلى كەرەمەتتەرىن تولىق كورسەتىپ، جۇڭگو كوممۋنيستىك پارتياسىنىڭ باسشىلىعىن جانە ەلىمىز سوتسياليستىك ءتۇزىمىنىڭ ساياسي ابزالدىلىعىن تولىق ايگىلەدى. كەدەيلىكتەن ارىلتۋدان قامال الۋدىڭ ۇلى جەتىستىگى بۇكىل پارتيانىڭ، بۇكىل ەل حالقىنىڭ ۇيىسۋ قۋاتى مەن سەنترگە تارتۋ كۇشىن بارىنشا كۇشەيتتى، بۇكىل پارتيانىڭ، بۇكىل ەل حالقىنىڭ جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بارىنشا كۇشەيتتى.
وسى جەتىستىكتەرگە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسىندا قول جەتتى، باس شۋجي شي جينپيڭ ءوزى جوسپارلاپ، ءوزى قولباسشىلىق ەتىپ، ءوزى شايقاستى قاداعالاپ، كەدەيلەردى دالمە - ءدال سۇيەمەلدەۋ، دالمە - ءدال كەدەيلىكتەن ارىلتۋ نەگىزگى جالپى جوباسىن اتقارۋدى ىلگەرىلەتتى؛ بۇكىل پارتيانىڭ، تۇتاس قوعامنىڭ ەل بىرلىگىنەن بەرىك قامال تۇرعىزىپ، بىرگە قۇلشىنۋىنىڭ ارقاسىندا قول جەتتى، ورتالىق ءبىر تۇتاس جوسپارلاپ، ولكە باس جاۋاپتى بولىپ، قالا، اۋدان تياناقتاندىرۋدى يگەرىپ، ولكە، قالا، اۋدان، اۋىل، قىستاق بەس دارەجەلى شۋجيلەر كەدەيلەردى سۇيەمەلدەۋدى يگەرىپ، ارناۋلى تۇردەگى كەدەيلەردى سۇيەمەلدەۋ، كاسىپ سالاسى ارقىلى كەدەيلەردى سۇيەمەلدەۋ، قوعام كەدەيلەردى سۇيەمەلدەۋ ءوزارا تولىقتىرىلعان كەدەيلەردى سۇيەمەلدەۋدىڭ ءىرى ارناسىن قالىپتاستىردى؛ قالىڭ كادر - بۇقارانىڭ قاجىرلىلىقپەن قىزمەت ىستەگەندىگىنىڭ جانە تالىقپاي قۇلشىنعاندىعىنىڭ ارقاسىندا قول جەتتى، نەشە ميلليونداعان كادردىڭ كەدەيلەردى سۇيەمەلدەۋدىڭ ءبىرىنشى شەبىندە كۇرەس جاساپ، سان ميلليون كەدەي بۇقارا ءوزىنىڭ قوس قولى مەن اقىل - پاراساتىنا سۇيەنىپ كەدەيلىكتەن ارىلدى؛ ۇتىمدى ساياسات جۇيەسىنىڭ، ءتۇزىم جۇيەسىنىڭ جانە قىزمەت جۇيەسىنىڭ ارقاسىندا قول جەتتى، كەدەيلىكتەن ارىلتۋدان قامال الۋ ساياسات جۇيەسىنىڭ قامتىمى كەڭ، قۇنى جوعارى، كەدەيلىكتەن ارىلتۋدان قامال الۋ ءتۇزىمى جۇيەسى كەمەلدى، جوعارى - تومەن ۇلاسقان، كەدەيلىكتەن ارىلتۋدان قامال الۋ قىزمەتى جۇيەسىنىڭ نىساناسى ايقىن، اتقارۋ تەبىنى كۇشتى بولىپ، كەدەيلىكتەن ارىلتۋدان قامال الۋ شايقاسىنىڭ جەڭسىنە جەتۋگە پارمەندى تىرەك ازىرلەپ، اۋىل - قىستاقتى گۇلدەندىرۋدى جاپپاي ىلگەرىلەتۋگە قىمباتتى تاجىريبەلەردى ازىرلەدى.
كەدەيلىكتەن ارىلتىپ، كەدەيلىك قالپاعىن الىپ تاستاۋ سوڭعى كومبە ەمەس، قايتا تىڭ تۇرمىستىڭ، تىڭ كۇرەستىڭ باستاماسى. كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزگەن، جاپپاي دوڭگەلەك داۋلەتتى قوعام ورناتقان سوڭ، كەدەيلىكتەن ارىلتۋدان قامال الۋ تابىستارىن بەكەمدەۋ، كەڭەيتۋ نەگىزىندە اۋىل - قىستاقتى گۇلدەندىرۋ سىندى ۇلى ءىستى ويداعىداي ىستەپ، كەدەيلىكتەن ارىلعان وڭىرلەردى دامىتۋ مەن بۇقارانىڭ تۇرمىسىن جاقسارتۋدى ۇزدىكسىز ىلگەرىلەتۋ كەرەك. كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋعا سايادى، جاپپاي سوتسياليستىك وسىزاماندانعان مەملەكەت قۇرۋ جالپى جاعدايى مەن ەكىنشى 100 جىلدىق كۇرەس نىساناسىن جۇزەگە اسىرۋعا سايادى. بۇكىل پارتيا، ءسوز جوق، اۋەلگى ماقساتتى، بورىشتى امالياتتا ايگىلەۋ، سوتسياليزمنىڭ ماندىك تالابىنان بۇلجىماۋ ساياسي دەڭگەيىندە تۇرىپ، كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدىڭ ماڭىزدىلىعىن، كوكەي تەستىلىگىن جەتە تانىپ، بۇكىل پارتيانىڭ، بۇكىل ەلدىڭ كۇشىن جۇمىلدىرىپ، ءبىر تۇتاس جوسپارلاپ ورنالاستىرىپ، زور كۇشپەن ىلگەرىلەتىپ، كەدەيلىكتەن ارىلعان بۇقارانى قامتىعان قالىڭ حالىقتىڭ اناعۇرلىم تاماشا تۇرمىس كەشىرۋىنە مۇمكىندىك جاساپ، جالپى حالىقتىڭ بىرگە بايۋىن بىرتىندەپ جۇزەگە اسىرۋ سىندى نىساناعا قاراي ۇزدىكسىز العا تارتىپ، پارتيانىڭ ءتۇبىرلى باس ماقساتى مەن ەلىمىزدىڭ سوتسياليستىك ءتۇزىمنىڭ ابزالدىلىعىن ايگىلەۋ كەرەك.
«پىكىردە» العا قويىلعان جەتەكشى يدەيا: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، جاڭا دامۋ ۇستانىمىن بۇلجىماستان دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، حالىقتى وزەك ەتكەن دامۋ يدەياسىنا تاباندى بولىپ، بىرگە بايۋ بەتالىسىنا تاباندى بولىپ، كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى كورنەكتى ورىنعا قويىپ، اۋىل - قىستاقتاعى تومەن كىرىستى حالىق پەن دامۋدا كەنجە قالعان وڭىرلەرگە كومەكتەسۋ - سۇيەمەلدەۋ مەحانيزمىن ورناتىپ، اۋىل - قىستاقتى گۇلدەندىرۋ باسشىلىق ءتۇزىلىسى مەن قىزمەت جۇيەسىن اقاۋسىزداندىرىپ، كەدەيلىكتەن ارىلعان وڭىرلەردىڭ اۋىل - قىستاق كاسىپ سالاسى، دارىندى، مادەنيەت، ەكولوگيا، ۇيىم سياقتى جاقتاردان جاپپاي گۇلدەنۋىن جەدەل ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدا جاقسى باستاما اشۋ، جاقسى قادام تاستاۋ ءۇشىن بەرىك نەگىز قالاۋ.
«پىكىردە» العا قويىلعان نەگىزگى وي جەلىسى مەن نىسانا - مىندەتتەر: كەدەيلىكتەن ارىلتۋدان قامال الۋ نىسانا - مىندەتتەرى ورىندالعاننان كەيىن، 5 جىلدىق وتپەلى مەزگىل بەلگىلەۋ. كەدەيلىكتەن ارىلعان وڭىرلەر جاعدايدىڭ وزگەرىسىنە ساي، قىزمەت وي جەلىسىن ايقىنداپ، وتپەلى مەزگىلدەگى باسشىلىق ءتۇزىلىسى، قىزمەت جۇيەسى، دامۋ جوباسى، ساياسات شارالارى، باعالاۋ مەحانيزمى سياقتىلاردىڭ ءونىمدى ۇشتاسۋىن ويداعىداي ىستەپ، ارحيۆ تۇرعىزىلىپ، كارتچكالاندىرىلعان كەدەي حالىقتىڭ ”ەكىدەن تارىقتىرماۋ، ءۇشتى قامتاماسىز ەتۋ“ ماسەلەلەرىن شەشۋدى ءتۇيىن ەتۋدەن اۋىل - قىستاق كاسىپ سالاسىنىڭ كوركەيۋىن، ەكولوگيانىڭ قونىسقا جايلى بولۋىن، اۋىل سالتىنىڭ وركەنيەتتى بولۋىن، جونگە سالۋدىڭ ءونىمدى بولۋىن، تۇرمىسى باي بولۋىن جۇزەگە اسىرۋعا قاراي بۇرىلىس جاساۋ، بايلىقتى شوعىرلاندىرىپ، كەدەيلىكتەن ارىلتۋدان قامال الۋعا قولداۋ كورسەتۋدەن كەدەيلىكتەن ارىلتۋدان قامال الۋ تابىستارىن بەكەمدەۋگە، كەڭەيتۋگە جانە اۋىل - قىستاقتى گۇلدەندىرۋدى جاپپاي ىلگەرىلەتۋگە قاراي بۇرىلىس جاساۋ. 2025 - جىلعا بارعاندا كەدەيلىكتەن ارىلتۋدان قامال الۋ تابىستارىن بەكەمدەۋ، كەڭەيتۋ، اۋىل - قىستاقتى گۇلدەندىرۋدى جاپپاي ىلگەرىلەتۋ، كەدەيلىكتەن ارىلعان وڭىرلەردىڭ ەكونوميكالىق ومىرشەڭدىگى مەن دامۋ تەبىنىن كورنەكتى ارتتىرۋ، اۋىل - قىستاق كاسىپ سالاسىنىڭ ساپا ونىمدىلىگى مەن باسەكەلىك قۋاتىن اناعۇرلىم جوعارىلاتۋ، اۋىل - قىستاق نەگىزدىك قۇرىلعىلارى مەن نەگىزگى الەۋمەتتىك قىزمەت وتەۋ ورەسىن اناعۇرلىم جوعارىلاتۋ، ەكولوگيالىق ورتانى ۇزدىكسىز جاقسارتىپ، كورىكتى، قونىسقا جايلى اۋىل - قىستاق قۇرىلىسىن تىڭعىلىقتى ىلگەرىلەتۋ، اۋىل سالتى وركەنيەتى قۇرىلىسىندا كورنەكتى ىلگەرىلەۋشىلىكتەرگە قول جەتكىزىپ، اۋىل - قىستاق نەگىزگى ساتى ۇيىمى قۇرىلىسىن ۇزدىكسىز كۇشەيتۋ، اۋىل - قىستاقتاعى تومەن كىرىستى حالىقتى تۇرگە ءبولىپ كومەكتەسۋ - سۇيەمەلدەۋ باياندى مەحانيزمىن بىرتىندەپ كەمەلدەندىرۋ، كەدەيلىكتەن ارىلعان وڭىرلەردەگى شارۋالار كىرىسىنىڭ ارتۋ جىلدامدىعىن بۇكىل ەلدەگى شارۋالاردىڭ ورتاشا ورەسىنەن اسىرۋ. 2035 - جىلعا بارعاندا كەدەيلىكتەن ارىلعان رايونداردىڭ ەكونوميكالىق ناقتى قۋاتىن كورنەكتى كۇشەيتىپ، اۋىل - قىستاقتى كوركەيتۋدە ەلەۋلى ىلگەرىلەۋشىلىكتەرگە قول جەتكىزۋ، اۋىل - قىستاقتارداعى تومەن كىرىستى حالىقتىڭ تۇرمىس ورەسىن كورنەكتى جوعارىلاتىپ، قالا - اۋىلداردىڭ پارقىن اناعۇرلىم ازايتىپ، جالپى حالىقتىڭ بىرگە بايۋىن جەدەلدەتۋدە ءتىپتى دە ايقىن، ناقتى ىلگەرىلەۋشىلىككە قول جەتكىزۋ.
«پىكىردە» ورتاعا قويىلعان باستى پرينسيپ: پارتيانىڭ جالپى بەتتىك باسشىلىعىنا تاباندى بولۋ، تارتىپپەن رەتكە سالۋعا، ورنىقتى وتكەرۋگە تاباندى بولۋ، بۇقارانى نەگىزگى تۇلعا ەتۋگە، ىشكى قوزعاۋشى كۇشتى قاۋلاتۋعا تاباندى بولۋ، ۇكىمەت دەمەۋشىلىك ەتۋگە، جەتەكشىلىك ەتۋگە، قوعام، بازار سايكەسە كۇش سالۋعا تاباندى بولۋ.
«پىكىردە» مىنالار اتاپ كورسەتىلدى: كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدىڭ، كەڭەيتۋدىڭ باياندى مەحانيزمىن ورناتۋ، كەمەلدەندىرۋ كەرەك. باستى كومەكتەسۋ - سۇيەمەلدەۋ ساياساتىنىڭ جالپى تۇلعالىق ورنىقتىلىعىن ساقتاپ، قايتا كەدەيلەسۋدەن ساقتانۋدى اۋقىمدىق قاداعالاۋ جانە كومەكتەسۋ - سۇيەمەلدەۋ مەحانيزمىن كەمەلدەندىرىپ، ”ەكىدەن تارىقتىرماۋ، ءۇشتى قامتاماسىز ەتۋ“ جەتىستىكتەرىن بەكەمدەپ، كەدەيلەردى قونىس جاڭالاپ سۇيەمەلدەۋ بويىنشا كوشىرگەننەن كەيىنگى جالعاستى سۇيەمەلدەۋ قىزمەتىن ويداعىداي ىستەپ، كەدەيلەردى سۇيەمەلدەۋ نىساندارى مال - مۇلكىن باسقارۋدى جانە باقىلاۋدى كۇشەيتۋ كەرەك؛ كەدەيلىكتەن ارىلعان وڭىرلەردىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتاردى گۇلدەندىرۋمەن ءونىمدى ۇشتاستىرۋ ءتۇيىندى قىزمەتىن كۇشتى شوعىرلاندىرا وتىرىپ ويداعىداي ىستەۋ كەرەك. كەدەيلىكتەن ارىلعان وڭىرلەردەگى اۋىل - قىستاقتاردىڭ ەرەكشە كاسىپ سالاسىن دامىتۋدى، زورايتۋدى قولداپ - قۋاتتاپ، كەدەيلىكتەن ارىلعان ادامداردىڭ ورنىقتى جۇمىستانۋىن جەبەۋ، كەدەيلىكتەن ارىلعان وڭىرلەردىڭ نەگىزدىك قۇرىلعى شارت - جاعدايىن ۇزدىكسىز جاقسارتىپ، كەدەيلىكتەن ارىلعان رايونداردىڭ الەۋمەتتىك قىزمەت وتەۋ ورەسىن اناعۇرلىم جوعارىلاتۋ كەرەك؛ اۋىل - قىستاقتارداعى تومەن كىرىستى حالىقتى ۇدايى سۇيەمەلدەۋ مەحانيزمىن كەمەلدەندىرۋ كەرەك. اۋىل - قىستاقتارداعى تومەن كىرىستى حالىقتى قاداعالاۋدى كۇشەيتىپ، قوعامدىق قۇتقارۋدى ساتىعا، تۇرگە ءبولىپ جۇرگىزىپ، اۋىل - قىستاقتارداعى ەمدەۋ قامتاماسىزدىعى مامىلەسى ورەسىن ۇيلەسىمدى بەلگىلەپ، زەينەتكەرلىك قامتاماسىزداندىرۋدى جانە بالالارعا قامقورلىق جاساۋ قىزمەت وتەۋىن كەمەلدەندىرىپ، ەڭبەك قابىلەتىنەن ايرىلعان ادامداردىڭ نەگىزگى تۇرمىسىن قامتاماسىز ەتۋ تومەنگى شەگىن بارىنشا بەكەمدەۋ كەرەك؛ كەدەيلىكتەن ارىلعان وڭىرلەردىڭ تۇتاس تۇلعالىق دامۋ ورەسىن كۇش سالا جوعارىلاتۋ كەرەك. باتىس بولىك وڭىرلەردەگى كەدەيلىكتەن ارىلعان اۋداندار اراسىنان اۋىل - قىستاقتاردى گۇلدەندىرۋدە ءتۇيىندى سۇيەمەلدەنەتىن ءبىر توپ اۋدانعا شوعىرلى قولداۋ كورسەتىپ، شىعىس - باتىس بولىكتەردىڭ سەلبەسۋى مەن باعىتتامالى كومەكتەسۋ، قوعامدىق كۇشتەر ات سالىسۋ سىندى كومەكتەسۋ - سۇيەمەلدەۋ مەحانيزمىنە تاباندى بولۋ جانە ونى كەمەلدەندىرۋ كەرەك؛ كەدەيلىكتەن ارىلتۋدان قامال الۋدى اۋىل - قىستاقتى گۇلدەندىرۋ ساياساتىمەن ءونىمدى ۇشتاستىرۋدى كۇشەيتۋ كەرەك. قازىنالىق ۇسىنىلىم ساياساتىمەن ۇشتاستىرۋدى ويداعىداي جۇرگىزۋ، فينانستىق قىزمەت وتەۋ ساياساتىمەن ۇشتاستىرۋدى ويداعىداي ىستەۋ، جەر - سۋ ارقىلى سۇيەمەلدەۋ ساياساتىمەن ۇشتاستىرۋدى ويداعىداي جۇرگىزۋ، دارىندىلارمەن، اقىل - پاراساتپەن قولداۋ ساياساتىمەن ۇشتاستىرۋدى ويداعىداي جۇرگىزۋ كەرەك.
«پىكىردە» تاعى پارتيانىڭ ورتالىقتانعان ءبىر تۇتاس باسشىلىعىن جاپپاي كۇشەيتۋدىڭ ناقتى تالاپتارى ورتاعا قويىلدى.
