تيانشان تورى   ›   جاڭالىقتار   ›   ساياحات

ساياحاتتى باستاماشى ەتىپ، 3 - كاسىپ سالاسىنا قوزعاۋشى قۋات ۇستەدى

□ انار بۇلت / شينجياڭ گازەتىنىڭ ءتىلشىسى رىن جياڭ

  التاي تاۋى اقشا قارعا ورانىپ جاتىر، ءارقايسى ءىرى قار شاڭعى الاڭدارىندا شينجياڭنىڭ ءىشى - سىرتىنان كەلگەن شاڭعى اۋەسكەرلەرى قۇيىنداي قۇيعىتىپ، ەرەكشە تۇلعاسىمەن كوزگە تۇسەدى؛ تۇرپاندا كۇن شۇلەن شۇعىلاسىن شاشىپ، كوكتەم سامالىنىڭ جەلپۋىمەن سان مىڭداعان ورىك گۇلى قۇلپىرا اشىلدى، ساياحاتشىلار تولاسسىز كەلىپ، كوكتەم شۋاعىنا شومىلدى؛ تاكلاماكان ءشولىنىڭ جيەگىندەگى چارقىلىق اۋدانىندا 2021 - جىلعى بايىنعولين وبلىسىنىڭ تاكلاماكان ءشولىنىڭ سىرىن اشۋ °N40 تۇڭعىش رەتكى ەندەي ءوتۋ ساپارى باستالدى، جول بويى شۇباتىلعان قالىڭ شاڭ ۇشى - قيىرسىز قۇمدى شولگە ۇلاسىپ جاتىر... ناۋرىز ايىنداعى شينجياڭنىڭ كەڭ - بايتاق دالاسىنان تىڭ تىرشىلىك تىنىسى ەسەدى.

  مادەنيەت ارقىلى ساياحاتتى تۇلعالاپ، شينجياڭدى مادەنيەت ارقىلى نارلەندىرۋدىڭ اسقاق جىرى اۋەلەدى؛ ساياحات ارقىلى مادەنيەتتى ايشىقتاپ، شينجياڭدى ساياحات ارقىلى گۇلدەندىرۋدىڭ جاڭا پاراعى جازىلدى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى شينجياڭنىڭ ساياحات كاسىبى تولقىن جارا العا ىلگەرىلەپ، تىڭ ساپارعا جول الدى. ساياحات كاسىبىنىڭ نەگىزى ۇزدىكسىز بەكەمدەلىپ، كاسىپ سالاسىنىڭ جەتەكشىلىگى ۇزدىكسىز كۇشەيىپ، كىرىستى ارتتىرىپ بايىتۋ رولى اناعۇرلىم كورنەكتىلەندى.

نەگىزدى بەكەمدەپ، كاسىپ سالاسىن دامىتۋعا تولىق دايىندىق جاسادى

  3 - ايدىڭ سوڭىنا تاياپ قالدى، قۇلىستاي ويپاتىنىڭ سايىن دالاسى ءالى دە اپپاق قارمەن قىمتانىپ جاتىر، قۇرىلىس باستاۋعا ءالى تالاي كۇن بار، دەگەنمەن ءتۇرلى الدىڭعى مەرزىمدىك دايىندىق قىزمەتتەر قاۋىرت جۇرگىزىلۋدە.

  ”بيىل، ءبىز ءتۇيىندى نىسانداردى وزەك ەتىپ، ’قاتىناس + ساياحات‘ ماركا ينجەنەرياسىن كۇش سالا جارىققا شىعارىپ، تارباعاتاي ايماعىندا تۇتاس وڭىرلىك ساياحات جاڭا كاسىپ كۇيى ۇلگىسىن بار كۇشپەن تۇلعالاپ، ’ءۇش وزەك، ءتورت رايون‘ كوپ نەگىزدى بازار ورنالاستىرۋىن جۇزەگە اسىرامىز، قوبىقسارى موڭعۇل اۆتونوميالى اۋدانى شاعانكول ساياحاتشىلارعا قىزمەت وتەۋ ورتالىعىن جالعاستى تۇردە سالۋ ينجەنەرياسى، G219 امبەباپ كارتچكاسىمەن زەردەلى ساياحات جۇيەسىن اشۋ نىسانى سياقتى ءبىر توپ ىلىكتەس ساياحات نىساندارىندا قۇرىلىس باستاۋدى جانە اتقارۋدى جوسپارلاپ وتىرمىز. كەزەكتە جۇمىستى باستاۋدىڭ، قالپىنا كەلتىرۋدىڭ دايىندىق قىزمەتتەرىن جەدەل ىستەپ جاتىرمىز“، - دەپ تانىستىردى 3 - ايدىڭ 19 - كۇنى شينجياڭ ساياحاتقا قارجى قوسۋ توبى جارناسى مەڭگەرىلەتىن بولىمشە سەرىكتەستىگى شينجياڭ تارباعاتاي بيانيۇن ساياحاتقا قارجى قوسۋ، دامىتۋ شەكتى جاۋاپكەرشىلىك سەرىكتەستىگىنىڭ جاۋاپتىسى.

  جالپى ۇزىندىعى 501 كيلومەتر كەلەتىن G219 جەلىسى (تارباعاتاي بولىگى) سولتۇستىكتە قوبىقسارى موڭعۇل اۆتونوميالى اۋدانىنان باستالىپ، وڭتۇستىكتە الاتاۋ قالاسىنا تۇتاسادى، شينجياڭنىڭ بيىل ءتۇيىندى تۇردە تۇلعالايتىن، دارەجەسىن جوعارىلاتاتىن جەكە كولىكپەن ساياحاتتاۋ سارا جەلىسى بولىپ، باتىس بولىك كوركى ساياحاتى، تابيعي ەكولوگيا ساياحاتى، جەكە كولىكپەن ساياحاتتاۋ سىندى 3 ءىرى ساياحات نەگىزگى تاقىرىبىن قامتيدى، كورىنىس وڭىرلەرىنىڭ دارەجەسىن جوعارىلاتۋ، قالا - قالاشىق ساياحاتى، اۋىل - قىستاق ساياحاتى، جەكە كولىك ەرۋجايلارى سياقتى 7 ۇلكەن ساياحات نەگىزدىك قىزمەت وتەۋ قۇرىلعىسى مەن كاسىپ كۇيىن قامتيدى.

  بۇگىنگى كۇندە شينجياڭ ساياحات سارا جەلىسى قۇرىلىسىن ۇزدىكسىز كۇشەيتىپ، ساياحات شارۋاشىلىعىن دامىتۋدىڭ نەگىزىن ونان ارى بەكەمدەۋدە. 2020 - جىلى بۇكىل شينجياڭدا مادەنيەت جانە ساياحات نىساندارىنا جالپى قوسىلعان قارجى 28 ميلليارد 874 ميلليون يۋانعا جەتىپ، ساياحات نەگىزدىك قىزمەت وتەۋ قۇرىلعىلارى ۇزدىكسىز كەمەلدەنىپ، ساياحاتشىلاردىڭ كوپ ءتۇرلى قاجەتىن قاناعاتتاندىردى.

  ساياحات نەگىزدىك قۇرىلعىلارى ۇزدىكسىز كەمەلدەنىپ، شينجياڭ ساياحاتىنىڭ جوعارى ساپالى دامۋىنا بەرىك قامتاماسىزدىق ازىرلەدى. وتكەن ءبىر جىلدا شينجياڭنىڭ ساياحات ماركاسى قۇرىلىسىنداعى ناتيجەسى قوماقتى بولدى: مەملەكەتتىك 5A دارەجەلى ءبىر ساياحات كورىنىس ءوڭىرى، 4A دارەجەلى 19 ساياحات كورىنىس ءوڭىرى جانە مەملەكەت دارەجەلى ءبىر ساياحات - دەمالىس رايونى جاڭادان كوبەيدى، مەملەكەتتىك تۇتاس وڭىرلىك ساياحاتتان ۇلگى كورسەتۋ رايونىنان ۇشەۋىن، مەملەكەتتىك اۋىل - قىستاق ساياحاتى ءتۇيىندى قىستاعىنان 24ىن، مەملەكەتتىك قىزىل ساياحاتتى دامىتۋ تيبىنەن ەكەۋىن جانە مەملەكەتتىك ورمان دەنساۋلىق كۇتىمدەۋ بازاسىنان ەكەۋىن قۇردى، ”جۇڭگو قار قالاسى“، ”ادامزات قار شاڭعىسىنىڭ باستالعان جەرى“ التاي، ”جۇڭگو كەمپىرقوساق قالاسى“ موڭعۇلكۇرە، ”جۇڭگونىڭ تابيعي وتتەگى قامباسى“ تەكەس سياقتى مەملەكەتتىك ءبىر توپ كليمات بەلگى ماركاسى بارعان سايىن ايگىلەندى.

توعىسا دامىپ، 3 - كاسىپتىڭ باستاماشىلدىق رولىن ايگىلەدى

  ”2 - ايدان باستاپ ساياحاتشىلار ’شينجياڭعا ساياحات‘ تۇعىرى ارقىلى ساياحات تۋرالى الدىن الا ۋاعدالاسۋىنا بولادى. قازىر ءبىز الدىن الا ۋاعدالاسۋ جۇيەسىن اناعۇرلىم كەمەلدەندىرىپ، ساپالىلاندىرىپ جاتىرمىز، الدا كەلە جاتقان چيڭميڭ، ’1 - مامىر‘سياقتى قىسقا دەمالىستا قاۋىرت كوبەيەتىن ساياحاتشىلاردى كۇتىپ الۋعا، سونداي - اق بيىلعى ساياحاتتىڭ قاۋىرت كەزىن كۇتىپ الۋعا ويداعىداي دايىندالىپ جاتىرمىز“، - دەپ تانىستىردى 3 - ايدىڭ 16 - كۇنى شينجياڭ تيانشان جابايى حايۋاناتتار باقشاسى ساياحات جوسپارلاۋ، دامىتۋ ءبولىمىنىڭ باستىعى پي ليننا.

  ساياحات ءوڭىرى ساياحاتتاۋعا الدىن الا ۋاعدالاسقاننان كەيىن قاۋىرت كەزگە شوعىرلانباۋدى جۇزەگە اسىرىپ، ساياحاتشىلاردىڭ كەزەك كۇتۋ ۋاقىتىن قىسقارتىپ، ساياحاتشىلاردىڭ بوگەلىپ قالۋىن ءونىمدى باسەڭدەتىپ، ساياحاتشىلاردىڭ ساياحاتتاي الۋ دارەجەسىن جانە رازى بولۋ دارەجەسىن كورنەكتى جوعارىلاتادى. مىنە بۇل شينجياڭنىڭ زەردەلى ساياحات قۇرىلىسىنىڭ تابىسى.

  كەزەكتە شينجياڭ ساياحات ۇلكەن ساندى مالىمەت ورتالىعى، زەردەلى ساياحات باسقارۋ تۇعىرى، زەردەلى ساياحات ساۋدا جانە قىزمەت وتەۋ تۇعىرى قۇرىلىسى سياقتىلاردى قامتىعان شينجياڭ زەردەلى ساياحاتىنىڭ 1 - مەرزىمدىك قۇرىلىسى قىزمەتى نەگىزىنەن اياقتادى. زەردەلى ساياحات كورىنىس وڭىرىمەن ۋاعدالاسۋدى ىسكە اسىرىپ قانا قويماي، ءىشىپ - جەم، جاتىن ورىن، ءجۇرىس - تۇرىس، ساياحاتتاي ءجۇرىپ زات ساتىپ الۋ سىندى كوپ ءتۇرلى مادەنيەت - ساياحات فاكتورلارىن قامتىپ، ساياحاتشىلارعا ساياحاتتاۋدان ىلگەرگى، ساياحاتتاۋ بارىسىنداعى، ساياحاتتان كەيىنگى بارىستى جەلىدە جان - جاقتى سەزىنۋگە مۇمكىندىك جاسايدى. مەجەمەن 3 - ايدىڭ سوڭىندا شينجياڭداعى بارلىق A دارەجەلى ساياحات كورىنىس وڭىرلەرىنىڭ بارلىعى ساياحاتتاۋ تۋرالى الدىن الا ۋاعدالاسۋدى جۇزەگە اسىرادى.

  ”ينتەرنەت + ساياحاتتى“ ەرەكشەلىك ەتكەن زەردەلى ساياحات جوعارى ساپالى دامۋدى تەحنيكالىق جاقتان دەمەسە، مادەنيەت پەن ساياحاتتىڭ توعىسۋى، توعىسا دامۋى ساياحاتتىڭ دامۋىنا كەڭ ءورىس ازىرلەپ، ”ساياحات +“ كەرەمەت ناتيجەلەرىن جارىققا شىعاردى.

  2020 - جىلى ”ساياحات + قاتىناس“، ”ساياحات + سپورت“، ”ساياحات + اۋا رايى“، ”ساياحات + اۋىل شارۋاشىلىعى“، ”ساياحات + ونەركاسىپ“، ”ساياحات + ورمان شارۋاشىلىعى“ سىندى ساياحاتتى توعىسپالى دامىتۋ ناتيجەلەرى ەرەكشە كوز تارتتى. بەيزاتتىق مادەني مۇرالار كورىنىس وڭىرلەرىنەن، ەرەكشە كوشە اۋماقتارىنان، اۋىل - قىستاق ساياحاتىنداعى ءتۇيىندى قىستاقتاردان ورىن الدى. تۇرپاننىڭ بويلۇق كورىنىس وڭىرىندە شينجياڭداعى تۇڭعىش بەيزاتتىق مادەني مۇرالار بازارى بارلىققا كەلىپ، ”شينجياڭ قاشقار ۇلتتىق سالت - سانا بەيزاتتىق مادەني مۇرا تاقىرىپتىق ساياحاتى“ مەملەكەتتىك بەيزاتتىق مادەني مۇرا تاقىرىپتىق ساياحات جەلىسىنە ەندى؛ 9 نىسان جۇڭگو سپورتتىق ساياحات سارا نىسانىنا ەنگىزىلىپ، شينجياڭنىڭ كورىنىس وڭىرلەرى، جەلىلەرى، جارىس ىستەرى جۇڭگو سپورتتىق 10 تاڭداۋلى سارا كورىنىس ءوڭىرى، 10 تاڭداۋلى سارا جول جەلىسى، 10 تاڭداۋلى سارا جارىس ىستەرى قاتارىنان ورىن الدى؛ زەرتتەۋ - ۇيرەنۋ ساياحاتى بىرتىندەپ ورىستەتىلىپ، كەشكى مادەنيەت ساياحات تۇتىنۋى كۇن سايىن جاندانىپ، جىلقى مادەنيەتى كاسىپ سالاسى قارىشتاي دامۋدا... ساياحات كاسىبىنىڭ كۇشتى جەتەكتەۋ ەرەكشەلىگى تولىق ىسكە قوسىلىپ، 3 - كاسىپ سالاسىنىڭ باستاماشىلىق رولى كۇن سايىن كورنەكتىلەنە ءتۇستى.

كاسىپ سالاسى كوركەيىپ، حالىق بايىدى، حالىق تۇرمىسى كاسىپ سالاسى ەرەكشەلىگىن ايشىقتاي ءتۇستى

  بىلتىر قىستان بيىل كوكتەمگە دەيىن التاي قالاسى لاستى اۋىلى لاستى قىستاعىنىڭ تۇرعىنى سىلامبەك ساقاش باستان - اياق قاربالاس بولدى.

  ول اۆتونوميالى رايوننىڭ بەيزاتتىق مادەني مۇراسى بايىرعى تەرى شاڭعى جاساۋ قولونەرىن جالعاستىرۋشى. وتباسىندا اعاششىلىق شەبەرحاناسىن اشىپ، سوندا تەرى شاڭعى جانە باسقا دا اعاش بۇيىمدارىن جاساپ ساتادى.

  دۋماندى قار - مۇز ساياحاتى سىلامبەككە ءۇمىت جانە بولاشاق سيلادى. قازىر ول جىلىنا 100دەن استام تەرى شاڭعى ساتادى. 66 جاستاعى ول ارىپ - شارشاۋدى بىلمەيتىن اتپال ازامات سەكىلدى كورىنەدى.

  ”ساياحاتتىڭ پايداسىن كورىپ“ باقىتتى كۇن كەشكەن كوپتەگەن ەگىنشى - مالشىلار ساياحاتتى دامىتۋدىڭ پايداسىنان يگىلىكتەنۋدە. كورىنىس وڭىرلەرىندە، كورىنىس تۇيىندەرىندە جۇمىس ىستەپ، قىستا قار شاڭعى الاڭىندا جۇمىس ىستەپ، جاتتىقتىرۋشى بولىپ، وزدەرى شارۋالار شاتتىعى ساياجايىن، مالشىلار شاتتىعى ساياجايىن، حالىقتىق تۇسەلحانا اشتى... ساياحات كاسىبى اناعۇرلىم كوپ جۇمىس ورىندارىن ازىرلەدى جانە كىرىستى ارتتىرىپ بايۋ ورايىن جاراتتى. 2 جىلدان بەرى شينجياڭ ساياحات كاسىبىنىڭ جەتەكتەۋىمەن جاڭادان 50 مىڭنان استام ادام جۇمىستانۋ ورايىنا يە بولدى.

  تيانشان بوعدا كولى كورىنىس وڭىرىندەگى ”بوعدا تاماشا تارتۋلار توپتاماسى“ ارناۋلى دۇكەنىنە قادام تاستاساڭىز، بەينە شينجياڭنىڭ اۋىل شارۋاشىلىق قوسىمشا ونىمدەرى باقشاسىنا كىرگەندەي سەزىمدە بولاسىز: ءار ءتۇرلى ەرەكشە كەپتىرىلگەن جەمىس، ماۋسىمدىق جەمىس - جيدەك، ءسۇت ونىمدەرى، سيىر، قوي ەتى ازىق - تۇلىكتەرى، جەڭىل ازىق - تۇلىكتەر، ساياحات ەستەلىك بۇيىمدارى، مادەنيەت جاسامپازدىعى ونىمدەرى سىندى 40تان استام جەلىلەس ونىمدەردىڭ 400دەن استام ءتۇرى كوزدىڭ جاۋىن الادى. 2018 - جىلى 5 - ايدا ”بوعدا تاماشا تارتۋلار توپتاماسى“ ارناۋلى دۇكەنى كورىنىس وڭىرىنەن ورىن العاننان بەرى اۋىل شارۋاشىلىق قوسىمشا ونىمدەرىنىڭ ۇستاعان سالىستىرماسى ورنىقتى ارتىپ كەلەدى.

  ساياحات كاسىبىنىڭ تەز دامۋىنىڭ ارقاسىندا شينجياڭنىڭ ەرەكشە اۋىل شارۋاشىلىق قوسىمشا ونىمدەرىن ساتۋدىڭ جاڭا ءبىر جولى اشىلدى. 2020 - جىلى اۆتونوميالى رايوندىق ساياحات كاسىبىن دامىتۋ باسشىلىق گرۋپپاسى كەڭسەسى «شينجياڭنىڭ اۋىل شارۋاشىلىعى ونىمدەرىنىڭ كورىنىس وڭىرلەرىنە كىرۋىن ىلگەرىلەتۋ جونىندەگى پىكىرىن» باسىپ تاراتىپ، اۋىل شارۋاشىلىعى مەن ساياحاتتىڭ توعىسۋىن كۇش سالا ىلگەرىلەتىپ، اناعۇرلىم كوپ ساپالى اۋىل شارۋاشىلىعى ونىمدەرىن ساياحات تارتۋىنا اينالدىرىپ، اۋىل شارۋاشىلىعى ونىمدەرىنىڭ ساپالىلانۋ، ەرەكشەلەنۋ، ماركالانۋ دەڭگەيىن جوعارىلاتىپ، اۋىل شارۋاشىلىعىنىڭ ساپاسىنىڭ جوعارىلاپ، ونىمدىلىگىنىڭ ارتۋىن، شارۋالار كىرىسىنىڭ ۇزدىكسىز ارتۋىن جەبەدى. تۇتاس شينجياڭدا 3A دارەجەلىدەن جوعارى 249 ساياحات كورىنىس وڭىرىندە اۋىل شارۋاشىلىعى ونىمدەرى ساۋدا ورتالىعى قۇرىلدى ءارى شينجياڭنىڭ ءىشى - سىرتىندا شينجياڭنىڭ اۋىل شارۋاشىلىعى ونىمدەرىن كورىنىس وڭىرلەرىنە ەنگىزۋ قيمىلىن 14 رەت وتكىزىپ، جالپى توقتام سوماسى 158 ميلليون يۋانعا جەتتى.

  ساياحات كوركەيسە الۋان كاسىپ گۇلدەنەدى. قالا، اۋىل كورىكتەنىپ، حالىق باييدى. قارىشتاپ دامىعان، جەدەل دامىعان شينجياڭ ساياحات كاسىبى، حالىقتى بايىتۋ كاسىبى بارعان سايىن اجارى ايشىقتالىپ، تولىسىپ كەلەدى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.