− پارتيا تاريحىن ۇيرەنۋ تاربيەسى جونىندەگى ورتالىق ۇگىت - لەكسيا ۇيىرمەسىنىڭ ۇگىت - لەكسيا قيمىلى رايونىمىزدا قىزۋ اڭىس قوزعادى
□ انار بۇلت / شينجياڭ گازەتىنىڭ تىلشىلەرى
100 جىلدىق ساپار ايبىنمەن قۇلاشىن كەڭ جايىپ، 100 جىلدىق اۋەلگى ماقسات ۋاقىت وتكەن سايىن بەكەمدەلە ءتۇستى. 3 - ايدىڭ 24 - كۇنى پارتيا تاريحىن ۇيرەنۋ تاربيەسى جونىندەگى ورتالىق ۇگىت - لەكسيا ۇيىرمەسى رايونىمىزعا كەلىپ ۇگىت - لەكسيا قيمىلىن ورىستەتتى. تەرەڭ ويدى تۇسىنىكتى تىلمەن بايانداعان بايانداما ۇگىت - لەكسيا تىڭداۋشىنىڭ ءشولىن باستى، كوپشىلىك ءبىر اۋىزدان بىلاي دەستى: بۇل تەرەڭ يدەيا - ساياسي ساباعى، پارتيالىلىق تاربيە ساباعى جانە وتانشىلدىق اشىق ساباق بولدى، 100 جىلدىق كۇرەستىڭ اسقاق ايباتتى تاريحي ەپوسى كوممۋنيزم مۇراتىن ونان ارى بەكەمدەدى، شينجياڭداعى ءار ۇلت كادرلار مەن بۇقارا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، بولاتتاي بەرىك اۋەلگى ماقساتپەن كۇرەس ۇلى كۇشىن ۇيىستىرىپ، جاڭا تاريحي تاراۋدى ءۇرتىس جازادى.
كۇش - قۋات الىپ، باتىلدىقپەن العا باسامىز
پارتيامىز تاريحتان پارتيا تاريحىن ۇيرەنۋ تاربيەسىنە ءمان بەرىپ، پارتيانىڭ كۇرەس تاريحى جانە ۇلى جەتىستىكتەرى ارقىلى كۇرەس جىگەرىن جانۋعا، بەتالىستى ايقىنداۋعا، پارتيانىڭ داڭقتى ءداستۇرى مەن تاڭداۋلى ستيلى ارقىلى سەنىمدى بەكەمدەۋگە، كۇش ۇيىستىرۋعا، پارتيانىڭ امالياتتىق جاسامپازدىعى مەن تاريحي تاجىريبەلەرى ارقىلى اقىل - ويدىڭ كوزىن اشىپ، مىنەز - قۇلىقتى شىڭداۋعا دەن قويىپ كەلەدى.
ۇگىت - لەكسيا بايانداماسىن ناق مايداندا تىڭداعان اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ شۋجيى، ورىنباسار مەڭگەرمە باستىعى لي شۋەدۇڭ تەرەڭ اسەر الدى. ول بىلاي دەدى: جۇڭگو كوممۋنيستىك پارتياسى شاعىن قايىقتان الىپ كەمەگە اينالىپ، تاۋسىلماس رۋحاني قازىنا جانە سارقىلماس كۇش قاينارىن قالىپتاستىردى، تەك ۇزدىكسىز ۇيرەنگەندە عانا، اۋەلگى ماقسات پەن بورىشتى بەكەمدەۋگە بولادى. ءبىز پارتيا تاريحىن ۇيرەنۋ تاربيەسى بارىسىندا قاۋلاتقان نانىم مەن سەنىمدى، ىستىق ىقىلاستى سۇيىسپەنشىلىكتى شىن مانىندە قامال الىپ، قيىندىقتاردى ەڭسەرەتىن، ءىس تىندىرىپ، ناتيجە شىعاراتىن ناقتى ارەكەتكە اينالدىرىپ، قاتىناستا مىعىم ەل قۇراتىن وراسان زور ەنەرگيا توپتاپ، شينجياڭنىڭ قاتىناس - تاسىمال ىستەرىنىڭ جوعارى ساپالى دامۋىن ىلگەرىلەتۋىمىز كەرەك.
اقسۋ ايماقتىق پارتكومنىڭ مۇشەسى، ۇگىت ءبولىمىنىڭ باستىعى چاڭ يۇيشۋان ايماق - وبلىس بولىمشە جينالىس ورنىندا باياندامانى تىڭدادى. ول بىلاي دەدى: ۇگىت - لەكسيا بايانداماسى جان - جاقتى، جۇيەلى، ءدال بولىپ، ءبىزدىڭ پارتيا تاريحىن ۇيرەنۋ تاربيەسىندە ”نە ءۇشىن ۇيرەنۋ، نەنى ۇيرەنۋ، قالاي ۇيرەنۋ، قانداي ناتيجەگە جەتۋ“ تانىمىمىزدى تەرەڭدەتۋگە كومەكتەسىپ، ءبىزدى ايرىقشا جىگەرلەندىردى. قازىر اقسۋ ايماعىنداعى اۋدان - قالالارداعى مەكەمە - ورىندار مەن ءار دارەجەلى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتتەرى ەرەكشەلىگى ايقىن، فورماسى ءار الۋان پارتيا تاريحىن ۇيرەنۋ تاربيەسىن ۇزدىكسىز ورىستەتۋدە. ءبىز پارتيا تاريحىن ۇيرەنۋ تاربيەسىن بۇقارا ءۇشىن ناقتى ءىس ىستەۋمەن بىرلەستىرىپ، ۇيرەنۋدىڭ ءونىمىن ناقتى قىزمەتتە تياناقتاندىرىپ، شينجياڭ قىزمەتى باس نىساناسىن جۇزەگە اسىرۋ ءۇشىن تىڭ ۇلەس قوسامىز.
شينجياڭ قاتىناس قۇرىلىستارىنا قارجى قوسۋ جانە جارنا مەڭگەرۋ شەكتى سەرىكتەستىگى پارتكومنىڭ شۋجيى شىن جينشىڭ مىنالاردى ءبىلدىردى: ءبىز پارتيا تاريحىن ۇيرەنۋ تاربيەسىنەن العا باسۋعا اقىل - پاراسات جانە كۇش - قۋات الىپ، جاڭا ساپاردا پارتيانىڭ باسشىلىعى مەن قۇرىلىسىن ۇزدىكسىز كۇشەيتىپ، نەگىزگى جاۋاپكەرلىككە، نەگىزگى جۇمىسقا نازاردى شوعىرلاندىرىپ، ”قاتىناس + كاسىپ سالاسى“، ”كاپيتال + كاسىپ سالاسى“ ۇلگىسىن كۇش سالا ورناتىپ، پارتيا تاريحىن ۇيرەنۋ تاربيەسىن ىشكەرىلەي ورىستەتۋدى مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەت جوباسىن تياناقتاندىرۋمەن بىرلەستىرىپ، بىرەگەي باسقارۋعا تۋرالانا وتىرىپ دەڭگەيدى جوعارىلاتۋ ارەكەتىن زور كۇشپەن ورىستەتىپ، كاسىپورىننىڭ وزەكتى باسەكەلىك قۋاتىن جوعارىلاتۋىمىز كەرەك.
قۇمىل قالالىق پارتكوم پارتيا تاريحى جانە حۇجاتتار زەرتتەۋ كەڭسەسىنىڭ مەڭگەرۋشىسى شۇي جيە بىلاي دەپ قارادى: بايانداما جينالىسى دەر كەزىندە اشىلدى، ايرىقشا ءماندى بولدى. بۇدان كەيىن ءادىس - تاسىلدە ونان ارى جاڭالىق اشىپ، قۇمىلدىڭ پارتيا تاريحى بايلىعىنان، قىزىل بازالارىنان ويداعىداي پايدالانىپ، پارتيا تاريحىن ۇيرەنۋ تاربيەسىنىڭ باعىتتامالىلىعى مەن ناقتى ونىمدىلىگىن ۇزدىكسىز كۇشەيتىپ، پارتيا تاريحىن ۇيرەنۋ تاربيەسىن جوعارى ساپالى دامۋدىڭ قوزعاۋشى كۇشىنە اينالدىرامىز.
بۇكىل ىنتا - پەيىلمەن حالىق ءۇشىن ىستەپ، ءتۇبىرلى ماقساتتى امالياتتا ايگىلەيمىز
بيلىك − حالىق، حالىق − بيلىك. بۇكىل ىنتا - پەيىلمەن حالىق ءۇشىن قىزمەت ىستەۋ − پارتيامىزدىڭ ءتۇبىرلى ماقساتى.
اۆتونوميالى رايوندىق حالىق شيپاحاناسى جۇيكە ىشكى اۋرۋلار ءبولىمى پارتيا ياچەيكاسىنىڭ شۋجيى لي حۇڭيان بىلاي دەدى: بايانداما جينالىسى ءبىزدىڭ پارتيا تاريحىن ۇيرەنۋ تاربيەسىنىڭ ماڭىزدى ءمانى تۋرالى تانىمىمىزدى ونان ارى تەرەڭدەتتى. ءبىزدىڭ پارتيا ياچەيكا جانە بولىمدەگى مەديتسينا قىزمەتكەرلەرى پارتيانىڭ تاڭداۋلى ءداستۇرىن جالعاستىرىپ، حالىقشىلدىق سۇيىسپەنشىلىكتى كۇشەيتىپ، قىزمەت وتەۋ ونەر - قابىلەتىن نىعايتىپ، پارتيا تاريحىن ۇيرەنۋ تاربيەسىن ناۋقاستارعا قىزمەت وتەۋمەن بىرلەستىرۋگە تاباندى بولىپ، ۇيرەنۋ ناتيجەسىن ناۋقاستار ءۇشىن ناقتى ءىس ىستەۋگە، قيىن ماسەلەلەردى شەشۋگە تياناقتاندىرىپ، ءار ۇلت بۇقاراسىن دەنساۋلىق ساقتاۋدا جوعارى ساپالى قىزمەت وتەۋدەن يگىلىكتەندىرەدى.
سانجى مەملەكەتتىك اۋىل شارۋاشىلىعى عىلىم - تەحنيكا باقشا رايونى پارتيا قىزمەت كوميتەتىنىڭ شۋجيى جاڭ ميڭچيڭ بىلاي دەدى: ءبىز پارتيا تاريحىن ۇيرەنۋ تاربيەسىن ۇزدىكسىز كۇشەيتىپ، حالىقتى وزەك ەتكەن دامۋ يدەياسىن كۇش سالا امالياتتا ايگىلەۋىمىز كەرەك. مەملەكەت دارەجەلى اۋىل شارۋاشىلىعى عىلىم - تەحنيكا باقشا رايونى رەتىندە، ءبىز ”جىبەك جولى اۋىل شارۋاشىلىعى عىلىم - تەحنيكا جاڭا رايونى . جاسىل اۋىل شارۋاشىلىعى كرەمنيلى اڭعارى“ ورنىن ارقاۋ ەتىپ، سانجىنى تياناق ەتەتىن، شينجياڭعا قىزمەت وتەيتىن، باتىس بولىككە بەت العان، ورتا، باتىس ازياعا ىقپال جاسايتىن حالىقارالىق اۋىل شارۋاشىلىعىنىڭ جاڭالىق اشۋ بيىگىن، كاسىپ سالاسى بيىگىن، دارىندىلار بيىگىن قالىپتاستىرىپ، باقشا رايونىنىڭ ”14 - بەسجىلدىقتا“ جاقسى باستاما اشۋىنا شىنايى كەپىلدىك ەتەمىز.
ماۋ زىمين كونە تۇراعى ەسكەرتكىش سارايىندا پارتيا تاريحىن ۇيرەنۋ تاربيەسى جونىندەگى ورتالىق ۇگىت - لەكسيا ۇيىرمەسىنىڭ ءوزارا ىقپالداسۋ تۇرىندەگى ۇگىت - لەكسياسىنا قاتىناسقان سوڭ، ءۇرىمجى قالاسى تيانشان رايونى ازاتتىق سولتۇستىك جولى اۋماعىن باسقارۋ كوميتەتى گۋاڭچاڭ الەۋمەتتىك اۋماعىنىڭ كادرى رىن يرۋدىڭ قايراتى تاسقىندادى: ”الەۋمەتتىك اۋماق قىزمەتكەرى رەتىندە، مەن پارتيا تاريحىن جاقسى ۇيرەنىپ قانا قويماي، ’ماي اعاي ساباقحاناسى‘ سياقتى بۇقارا ۇناتاتىن تاسىلدەردەن جانە دانەكەرلەردەن پايدالانىپ، جەلىدە جانە جەلىدەن تىسقارى بىرلەستىرىلگەن ۇگىت - لەكسيا قيمىلدارىن ورىستەتىپ، پارتيا تاريحىن ۇيرەنۋ تاربيەسىنىڭ بۇقارانىڭ جۇرەگىنە ۇيالاۋىنا، جۇرتتىڭ قالاۋىنا بولەنۋىنە مۇمكىندىك جاسايمىن. سونىمەن بىرگە، ءىس جۇزىندىكپەن بىرلەستىرىپ ’مەن بۇقارا ءۇشىن ناقتى ءىس ىستەيمىن‘ امالياتتىق قيمىلىن ويداعىداي ىستەيمىن“.
قىزىل گەندى ۇرپاقتان - ۇرپاققا جالعاستىرامىز
پارتيامىزدىڭ 100 جىلى اۋەلگى ماقسات پەن بورىشتى امالياتتا ايگىلەۋدى مۇرات تۇتقان 100 جىل، قاجىرلىلىقپەن كۇرەس جۇرگىزىپ نەگىز قالاپ، ناتيجە كورسەتكەن 100 جىل، شۇعىلالى ناتيجە جاراتىپ، بولاشاققا جول اشقان 100 جىل. پارتيا تاريحىن، ءسوز جوق، جاقسى ۇيرەنىپ، جاقسى قورىتىندىلاپ، پارتيانىڭ تابىستى تاجىريبەلەرىن ويداعىداي جالعاستىرىپ، ويداعىداي اسقاقتاتىپ، قىزىل گەندى قانعا ءسىڭىرىپ، ۇرپاقتان - ۇرپاققا جالعاستىرۋ كەرەك.
اۆتونوميالى رايوندىق وقۋ - اعارتۋ مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەڭگەرمە باستىعى، قاشقار داشۋەسى پارتكومنىڭ شۋجيى شۋە جيحاي بىلاي دەدى: مەكتەپ پارتيا تاريحىن ۇيرەنۋ تاربيەسىن وقۋ - اعارتۋ جۇيەسىنە جاپپاي ءسىڭىرىپ، وقۋشىلاردى تاريحتى ءبىلىپ پارتيانى سۇيۋگە، تاريحتى ءبىلىپ وتاندى سۇيۋگە، تاريحتى ءبىلىپ سوتسياليزمدى سۇيۋگە تاربيەلەپ، جەتەكتەپ، ولاردىڭ وتانشىلدىق سۇيىسپەنشىلىكتەرىن، وتاننىڭ ءۇمىتىن اقتاۋ مۇراتتارىن، وتاندى قۇدىرەتتەندىرۋ ارەكەتتەرىن ونان ارى قاۋلاتىپ، جۇڭگوشا سوتسياليزم ىستەرىنىڭ تولىمدى قۇرىلىسشىلارى مەن سەنىمدى ءىزباسارلارى بولۋعا قۇلشىنۋىنا مۇمكىندىك جاسايدى.
اۆتونوميالى رايوندىق پارتكوم پارتيا مەكتەبىنىڭ ورىنباسار باستىعى دۋان لياڭ بىلاي دەدى: ءبىز پارتيا تاريحىن ۇيرەنۋدى جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋمەن جاندى بىرلەستىرىپ، پارتيانىڭ 100 جىلدىق شۇعىلالى كۇرەس تاريحىن تەرەڭ ۇيرەنۋ، تەرەڭ ءتۇسىنۋ بارىسىندا قىزىل گەندى جالعاستىرىپ، رۋح - جىگەردى الاۋلاتىپ، جاڭا داۋىردەگى جۇڭگوشا سوتسياليستىك شينجياڭ قۇرۋ ءۇشىن تىڭ ۇلەس قوسۋىمىز كەرەك.
”بىرنەشە كۇننىڭ الدىندا، اۋدان ’جۇڭحۋا رۋحى . ۇلتتى گۇلدەندىرۋ تۋى‘ لەكسيا جارىسىن وتكىزىپ، مەن 1 - دارەجەلى سيلىق الىپ، ايرىقشا ماقتانىشقا بولەندىم“، - دەدى حوتان اۋدانى بۇزاق اۋىلدىق باستاۋىش مەكتەبى 5 - كلاسىنىڭ وقۋشىسى ءمادينام روزىتوحتى، - ”ۇيرەنۋ جانە قيمىلعا قاتىناسۋ ارقىلى مەن ءبىز ءومىر كەشىپ جاتقان تاماشا ءداۋىردىڭ وڭاي قولعا كەلمەگەندىگىن، وتانىمىزدىڭ دامۋى، قۇدىرەتتەنۋى ءۇشىن جاستار مەن ورەندەردىڭ ءبىرىنىڭ ءىزىن ءبىرى باسا قايراتتانا قۇلشىنۋى كەرەكتىگىن تانىپ جەتتىم. مەن جاقسى وقىپ، ۇيرەنگەن بىلىمدەرىممەن وتاننىڭ ءۇمىتىن اقتايمىن، تاماشا بولاشاق جاراتامىن“ .
(ءتىلشى جاڭ يۇنمەي، قاتىناسقان تىلشىلەر لۋ فىڭباۋ، جاڭ جىلي، شى شين، ۋي يۇڭگۇي، سۋ لۋپيڭ، گى يوۋجۇن، جاڭ يانفاڭ، جاۋ شييا، ۋاڭ شيڭرۇي، ءپاريزات ابدۇل، ەرىكتى ءتىلشى ما جۇن)
