چىن چۋانگو باسقاردى ءارى ءسوز سويلەدى، چۇي چيڭشان ۇگىت - لەكسيا بايانداماسىن جاسادى
شوكىرات زاكىر، نۇرلان ءابىلماجىن، ۋاڭ جۇنجىڭ قاتىناستى
انار بۇلت/ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 3 - ايدىڭ 24 - كۇنى ۇرىمجىدەن حابارلايدى. پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، 3 - ايدىڭ 24 - كۇنى تۇستەن كەيىن پارتيا تاريحىن ۇيرەنۋ تاربيەسى جونىندەگى ورتالىق ۇگىت - لەكسيا ۇيىرمەسىنىڭ ۇگىت - لەكسيا بايانداماسىن جاساۋ ءماجىلىسى ۇرىمجىدە وتكىزىلدى. ورتالىق ۇگىت - لەكسيا ۇيىرمەسىنىڭ مۇشەسى، ورتالىق پارتيا تاريحى جانە حۇجات زەرتتەۋ ورنىنىڭ باستىعى چۇي چيڭشان ۇگىت - لەكسيا بايانداماسىن جاسادى. اۆتونوميالى رايوندىق پارتكومنىڭ شۋجيى چىن چۋانگو بايانداما جاساۋ ءماجىلىسىن باسقاردى ءارى ءسوز سويلەدى.
اۆتونوميالى رايون باسشىلارىنان شوكىرات زاكىر، نۇرلان ءابىلماجىن، ۋاڭ جۇنجىڭ، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، جاڭ چۇنلين، ۋاڭ ميڭشان قاتارلىلار بايانداما جاساۋ ماجىلىسىنە قاتىناستى.
بايانداما جاساۋ ماجىلىسىندە چۇي چيڭشان باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزىنىڭ رۋحىن ۇيرەنۋدى، ءتۇسىنۋدى ارقاۋ ەتە وتىرىپ، باس شۋجي شي جينپيڭنىڭ پارتيا تاريحى جونىندەگى ماڭىزدى بايىمداۋلارىن جۇيەلى جيناقتاپ، پارتيا تاريحىن ۇيرەنۋ تاربيەسىن دەن قويا ۇيىمداستىرىپ، ويداعىداي ورىستەتۋدىڭ تاريحي تاجىريبەلەردى قورىتىندىلاۋ، تاريحي زاڭدىلىقتاردى تانۋ، تاريحي ىرىقتىلىقتى يگەرۋ، جاڭا تاريحي باستامادا جاڭا داۋىردەگى جۇڭگوشا سوتسياليزمنىڭ ۇلى جەڭىسىنە كۇش سالا قول جەتكىزۋ جونىنەن كەلەلى ءمان الاتىندىعىن تەرەڭ بايىمدادى، سونىمەن بىرگە، جۇڭگو كوممۋنيستىك پارتياسىنىڭ 100 جىلدىق كۇرەس شۇعىلالى بارىسى مەن تاريحي ۇلەسىن، پارتيا تاريحىن ۇيرەنۋ تاربيەسىن ورىستەتۋدىڭ تۇيىندەرى سياقتى جاقتار توڭىرەگىندە بايانداۋ جۇرگىزدى ءارى پارتيا تاريحىن ۇيرەنۋ تاربيەسىندە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن اناعۇرلىم جەتە ۇعىنۋ، جەتە يگەرۋ، شىنايى تياناقتاندىرۋ، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ سياقتى جاقتاردا جۇيەلى تۇسىنىك جاسادى. باياندامانىڭ نەگىزگى تاقىرىبى ايقىن، مازمۇنى باي، انىق تا جان - جاقتى، ەگجەي - تەگجەيلى تۇسىندىرگەن ءارى نازاريالىق دەڭگەيى جوعارى، ءارى جالپى جاعداي كوز اياسى بار، ءارى تاريحقا تەرەڭ بويلاعان، ءارى رەالدىققا باعىتتالعان، ماجىلىسكە قاتىناسقاندارعا تەرەڭ يدەيا - ساياسي ساباعىن، پارتيالىلىق تاربيە ساباعىن جانە وتانشىلدىق اشىق ساباعىن ءوتتى.
چىن چۋانگو بىلاي دەپ اتاپ كورسەتتى: بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانىڭ 100 جىلدىق تاريحي جاڭا باستاماسىن تياناق ەتىپ، جۇڭحۋا ۇلتىنىڭ ۇلى گۇلدەنۋ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، بۇكىل پارتيانى، بۇكىل ەلدى جاپپاي سوتسياليستىك وسىزاماندانعان مەملەكەت قۇرۋعا كوكىرەك كەرنەگەن سەنىممەن ات سالىسۋعا جۇمىلدىرۋ ءۇشىن شىعارعان كەلەلى شەشىمى. باس شۋجي شي جينپيڭنىڭ ماڭىزدى ءسوزىنىڭ رۋحىن جانە جۇڭگو كوممۋنيستىك پارتياسىنىڭ تاريحى جونىندەگى ماڭىزدى بايىمداۋىن ىشكەرىلەي ۇيرەنىپ، ءتۇسىنىپ، دايەكتىلەندىرىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن تاباندىلىقپەن بىرلىككە كەلتىرىپ، پارتيا تاريحىن ۇيرەنۋ تاربيەسىن تىڭعىلىقتى ويداعىداي ورىستەتىپ، پارتيا تاريحىن ۇيرەنۋگە، يدەيانى ۇعىنۋعا، ناقتى ءىس تىندىرۋعا، جاڭا جاعداي اشۋعا تاباندى بولىپ، تاريحتى ۇيرەنۋ ارقىلى قاعيدانى ءتۇسىنۋدى، تاريحتى ۇيرەنۋ ارقىلى سەنىمدى ارتتىرۋدى، تاريحتى ۇيرەنۋ ارقىلى ءمورالدى اسقاقتاتۋدى، تاريحتى ۇيرەنۋ ارقىلى ۇمتىلا ىستەۋدى ورىنداپ، پارتيا تاريحىن ۇيرەنۋ تاربيەسى ناتيجەسىن قوعام ورنىقتىلىعى مەن باياندى تىنىشتىقتى ىلگەرىلەتۋدىڭ قۋاتتى قوزعاۋشى كۇشىنە اينالدىرۋعا قۇلشىنۋ كەرەك. ساياسي قۇرىلىستى كۇشەيتۋ، ساياسي قابىلەتتى جوعارىلاتۋ كەرەك. پارتيا تاريحىن ۇيرەنۋ تاربيەسىن پارتيانىڭ ساياسي قۇرىلىسىن كۇشەيتۋدىڭ ماڭىزدى تۇتقاسى ەتۋگە تاباندى بولىپ، دۇرىس بەتالىستى يگەرىپ، ساياسي جەتەكشىلىكتى كۇشەيتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. جەتە ۇيرەنۋ، جەتە ءتۇسىنۋ، شىنايى تياناقتاندىرۋ، نازاريامەن قارۋلانۋدى كۇشەيتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدى، جەتە ۇعىنۋدى پارتيا تاريحىن ۇيرەنۋ تاربيەسىندەگى كەلەلى ساياسي مىندەت ەتۋگە تاباندى بولىپ، پارتيا 18 - قۇرىلتايىنان بەرى پارتيا مەن مەملەكەت ىستەرىندە قول جەتكەن تاريحي تابىستارمەن، تۋىلعان تاريحي وزگەرىستەرمەن ۇشتاستىرىپ، وندا قامتىلعان وزەكتى ءتۇيىندى، رۋحاني ءماندى، باي مازمۇندى، اماليات تالابىن تەرەڭ ءتۇسىنىپ، شىن مانىندە پارتيالىلىق شىنىعۋ، ءمورالدى شىڭداۋ، وي - سانانى قارۋلاندىرۋ، امالياتقا جەتەكشىلىك ەتۋ ارقىلى سەنىم نەگىزىن بەكەمدەپ، رۋحاني كالتسيدى تولىقتاپ، يدەيا تىزگىنىن مىقتى ۇستاپ، شينجياڭ قىزمەتىنىڭ باستان - اياق باس شۋجي شي جينپيڭ نۇسقاعان دۇرىس بەتالىستى بويلاي العا باسۋىنا شىنايى كەپىلدىك ەتۋ كەرەك. ءبىر تۇتاس جوسپارلاپ ىلگەرىلەتۋگە تاباندى بولۋ، ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك. پارتيا تاريحىن ۇيرەنۋ تاربيەسىن پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرۋعا تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعىن، ىندەتتەن ساقتانۋ - تىزگىندەۋدى ۇدايىلاندىرۋدى، ءوندىرىس حاۋىپسىزدىگى قىزمەتىن شىنايى ويداعىداي يگەرىپ، حالىق تۇرمىسىمەن تىعىز جاناسىپ، ەكونوميكانىڭ جوعارى ساپالى دامۋىن ىلگەرىلەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.
ۇگىت - لەكسيا بايانداماسى ءماجىلىسى تەلەۆيزور - تەلەفون ءماجىلىسى فورماسىندا ايماقتارعا (وبلىس، قالا)، اۋداندارعا (قالا، رايون) دەيىن اشىلدى. اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ نەگىزگى جاۋاپتى جولداستارى، ءارقايسى ايماقتاردىڭ (وبلىس، قالا) جانە اۆتونوميالى رايونعا (ورتالىققا) توتە قاراستى ورىنداردىڭ جاۋاپتى جولداستارى، اۆتونوميالى رايوننىڭ پارتيا تاريحىن ۇيرەنۋ تاربيەسى باسشىلىق گرۋپپاسى كەڭسەسىنىڭ، شارلاپ جەتەكشىلىك ەتۋ گرۋپپاسىنىڭ، ۇگىت - لەكسيا ۇيىرمەسىنىڭ بارلىق مۇشەلەرى، نازاريا قىزمەتكەرلەرى، جوعارى مەكتەپتەردەگى وقىتۋشى - وقۋشىلار ۋاكىلدەرى سياقتى 13 مىڭنان استام ادام بايانداما ماجىلىسىنە قاتىناستى.
تۇستەن بۇرىن چۇي چيڭشان تاعى ماۋ زىميننىڭ كونە تۇراعىنا، شينجياڭ شىفان داشۋەسىنە كەلىپ، نەگىزگى ساتىداعى پارتيالى كادرلارمەن، بۇقارامەن، جوعارى مەكتەپتەردەگى وقىتۋشى - وقۋشىلار ۋاكىلدەرىمەن اڭگىمەلەسىپ، پىكىر اۋىستىرىپ، پارتيا تاريحى جونىندە ارناۋلى تاقىرىپتىق ۇگىت - لەكسيانى ىشكەرىلەي ورىستەتتى.
