بۇل بەلگى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلدارى ءۇشىن بەلگىلەنگەن بىردەن - ءبىر بەلگى.
ءبىرىنشى، پايدالانۋ كولەمى
1. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلدارىنا جانە باسقا دا قاتىستى قيمىلدارعا پايدالانىلادى.
2. قۇتتىقتاۋ قيمىلدارىنىڭ ورتاسىن ورنالاستىرۋعا جانە شاقىرۋ قاعازدارى، كۋالىكتەر، بىلۋگە ءتيىستى ىستەر، كەلگەنىن ءبىلدىرىپ قول قويۋ كىتاپشالارى سياقتى بۇيىمداردى جاساۋعا پايدالانىلادى.
3. بۇقارالىق نەگىزگى تاقىرىپتىق تاربيە قيمىلدارىنىڭ ارتقى كورىنىس تاقتالارى، بەلگى تاقتايشالارى، ءتۇستى جالاۋشالارى، كۇندىك شاتىرلارى، كۇنقاعار شاپكىلەرى، قولعا ۇستايتىن دوربالارى، اشەكەيلى جەيدەلەرى سياقتىلاردى جاساۋعا پايدالانىلادى.
4. اقپاراتتىق حابارلاۋداعى ارناۋلى تاقىرىپتار، ارناۋلى ستوندار، ارناۋلى تاقىرىپتىق ينتەرنەت پاراقشالارى جانە ۇگىت بۇيىمدارى، ۇگىتتىك بۇكتەمە قاعازدار، ۇگىت ۇراندارى، الەۋمەتتىك يگىلىك جارنامالارى، ۇگىت سۋرەتتەرى سياقتىلاردى جاساۋعا پايدالانىلادى.
5. قۇتتىقتاۋ قيمىلدارىنىڭ زناگى، لەزدىك جارنامالارى، توسبەلگىلەرى، جەڭ بەلگىلەرى سياقتىلاردى جاساۋعا پايدالانىلىپ، بۇقارانىڭ تاعىپ جۇرۋىنە، ەستەلىك ءۇشىن ساقتاپ قويۋىنا بەرىلەدى.
ەكىنشى، پايدالانۋ تالابى
1. قۇتتىقتاۋ قيمىلدارىنىڭ بەلگىسىن قاتاڭ، سالتاناتتى تۇردە پايدالانۋ كەرەك، قالاعانىنشا وزگەرتۋگە، ءپىشىنىن بۇزۋعا نەمەسە ءتۇسىن تۇرلەندىرۋگە بولمايدى، ۇلكەيتۋ نەمەسە كىشىرەيتۋ سەبەبىنەن بەلگىنىڭ تۇتاستىعىن بۇلدىرۋگە بولمايدى.
2. قۇتتىقتاۋ قيمىلدارىنىڭ بەلگىسىن ساۋدالىق جارنامالارعا پايدالانۋعا، ساۋدا ماركالارىن جاساۋعا نەمەسە باسقا دا ساۋدالىق ماقساتتاردا پايدالانۋعا بولمايدى، جەكە ادامداردىڭ مەرەي تويلارىنا نەمەسە كوڭىل ايتۋ قيمىلدارىنا پايدالانۋعا بولمايدى.
3. قۇتتىقتاۋ قيمىلدارىنىڭ بەلگىسىن ەلەمەنت ەتىپ جاسالعان بۇيىمدار جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ نەگىزگى تاقىرىبىمەن تىعىز بايلانىستى بولۋ كەرەك، ورىنسىز، بەتالدى پايدالانۋعا بولمايدى.
4. قۇتتىقتاۋ قيمىلدارىنىڭ بەلگىسىن ءىس جۇزىندىكپەن ۇشتاستىرىپ، ۋاقىتقا، ورىنعا قاراي پايدالانۋ، اينالاداعى ورتامەن قاتىناسىن ويداعىداي يگەرىپ، جالپى تۇلعالىق اسەرگە كوڭىل ءبولۋ، تاماشا قوعامدىق اۋقىم قالىپتاستىرۋعا پايدالى بولۋمەن بىرگە، قازىرگى گۋمانيتارلىق - جاراتىلىستىق كورىنىستەردى بۇلدىرمەۋگە دە نازار اۋدارىپ، قالا، اۋىل ورتاسىنىڭ كەلبەتىمەن سايكەسۋگە، ءبىر تۇتاس بولۋعا شىنايى كەپىلدىك ەتۋ كەرەك.
ءۇشىنشى، پايدالانۋدى باسقارۋ
1. قۇتتىقتاۋ قيمىلدارىنىڭ بەلگىسىنىڭ يەلىك ۇقىعى جۇڭگو كوممۋنيستىك پارتياسى ورتالىق كوميتەتىنىڭ ۇگىت بولىمىنە ءتان.
2. بازار باقىلاۋ - باسقارۋ تاراۋلارى قۇتتىقتاۋ قيمىلدارىنىڭ بەلگىسىنە قاتىستى ساۋدا ماركالارىن تىركەتۋدى باسقارۋ قىزمەتىن ويداعىداي ىستەپ، بەلگىنىڭ ساۋدالىق ماقساتتا تىركەتىلۋىنەن ساقتانۋ، بەلگىنى پايدالانۋ بويىنشا بازاردى باقىلاۋدى جانە باسقارۋدى كۇشەيتۋ كەرەك.
3. وڭىرلەر، تاراۋلار قاراستى اۋماعىنداعى جانە ءوزى باسقاراتىن، ءوزى وتكىزەتىن قيمىلدارعا باقىلاۋ جۇرگىزىپ، بەلگىنى تالاپ بويىنشا پايدالانباۋ سياقتى ماسەلەلەردى دەر كەزىندە باعىتتامالى شارالار قولدانا وتىرىپ رەتتەۋ - جونگە سالۋ كەرەك.
جۇڭگو كوممۋنيستىك پارتياسى ورتالىق كوميتەتى ۇگىت ءبولىمى
2021 - جىلى 3 - ايدىڭ 24 - كۇنى
(شينحۋا اگەنتتىگىنىڭ 3 - ايدىڭ 24 - كۇنى بەيجيڭنەن بەرگەن حابارى)
