جۇڭگو كوممۋنيستىك پارتياسى ورتالىق كوميتەتى ۇگىت ءبولىمى
جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلدارىنىڭ بەلگىسىن جاريالادى
شينحۋا اگەنتتىگىنىڭ 3 - ايدىڭ 24 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ۇگىت ءبولىمى بۇگىن جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلدارىنىڭ بەلگىسىن اشىق جاريالادى.
قيمىل بەلگىسى پارتيا زناگى، ”100“، ”1921“، ”2021“ سيفرلارى مەن ساۋلە سىزىعىنان قۇرالىپ، جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ، باستاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قاجىرلىلىقپەن كۇرەس جۇرگىزگەن 100 جىلدىق شۇعىلالى بارىسىن جاندى بەينەلەگەن. ”100“ سيفرى بەلگىنىڭ نەگىزگى ءپىشىنىن قالىپتاستىرعان، ”1“ 100 گرادۋستىق كولبەۋ بۇرىش جاساپ ورنالاسقان، ماعىناسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، العا باسۋ جولىندا ۇزدىكسىز جەڭىستەردەن تىڭ جەڭىستەرگە جەتكەندىگىن بىلدىرەدى. پارتيا زناگى بەلگىنىڭ سول جاق جوعارى تۇسىنا ورنالاستىرىلعان، ماعىناسى جۇڭگو حالقىنىڭ جۇڭگو كوممۋنيستىك پارتياسىنىڭ باسشىلىعىندا ءبىر نيەت، ءبىر تىلەكپەن ۇدەرە العا تارتىپ، جاڭا دۇنيە كەرەمەتىن جاراتقاندىعىن بىلدىرەدى. 56 ساۋلە سىزىعى ”100“ سيفرىن ورگانيكالى تۇتاس تۇلعا ەتىپ جالعاپ، جۇڭگو كوممۋنيستىك پارتياسىنىڭ جۇڭگو جۇمىسشى تابىنىڭ اۆانگارد قوسىنى، سونداي - اق جۇڭگو حالقى مەن جۇڭحۋا ۇلتىنىڭ اۆانگارد قوسىنى ەكەندىگىن ايگىلەيدى، ماعىناسى ەكپىندەي العا ىلگەرىلەۋدىڭ نۇر شۇعىلاسى بايتاق جۇڭحۋا دالاسىنا ساۋلە شاشىپ، كەلەشەك جولدى نۇرلاندىرىپ تۇرعانىن بىلدىرەدى. كىرىستىرىلگەن ”1921“ سيفرى 100 جىلدىڭ الدىندا جۇڭگو كوممۋنيستىك پارتياسىنىڭ دۇنيەگە كەلگەندىگىنە ۋاكىلدىك ەتەدى، ”2021“ جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ، باستاپ، ءبىرىنشى 100 جىلدىق كۇرەس نىساناسىن جۇزەگە اسىرىپ، ەكىنشى 100 جىلدىق كۇرەس نىساناسىن باستاعاندىعىنا ۋاكىلدىك ەتەدى، 2 شەڭبەردىڭ ماعىناسى پارتيا مەن مەملەكەت ىستەرىنىڭ قۇددى تاريح دوڭعالاعىنداي بوگەۋ بەرمەس ەكپىنمەن ەرلىكپەن العا تارتقاندىعىن بىلدىرەدى.
قيمىل بەلگىسىن وڭىرلەردىڭ، تاراۋلاردىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلدارىنىڭ ورتاسىن ورنالاستىرۋعا جانە بۇقارالىق سيپاتتى نەگىزگى تاقىرىپتىق ۇگىت - تاربيە قيمىلدارى بۇيىمدارىن جاساۋعا كەڭىنەن قولدانۋىنا بولادى.
