تيانشان تورى   ›   جاڭالىقتار   ›   ەل ءىشى حابارى

جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى پىكىر باسىپ تاراتتى

سالىق جيناۋ - باسقارۋ رەفورماسىن اناعۇرلىم تەرەڭدەتۋ كەرەك

  شينحۋا اگەنتتىگىنىڭ 3 - ايدىڭ 24 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «سالىق جيناۋ - باسقارۋ رەفورماسىن اناعۇرلىم تەرەڭدەتۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ جەر - جەردەن، تاراۋلاردان ءىس جۇزىندىكپەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.

  «پىكىردە» مىنالار اتاپ كورسەتىلدى: تاياۋ جىلداردان بەرى ەلىمىزدىڭ سالىق ءتۇزىمى رەفورماسى ۇزدىكسىز تەرەڭدەپ، سالىق جيناۋ - باسقارۋ ءتۇزىلىسى ۇزدىكسىز ساپالىلانىپ، سالىق تولەۋ قىزمەت وتەۋى مەن سالىق ىستەرى زاڭ اتقارۋىنىڭ ولشەمدەنۋى، قولايلىلانۋى، دالمە - ءدال بولۋى ءۇرتىس جوعارىلادى. سالىق ىستەرى سالاسىنداعى ”تومەنگە بەرۋ، باسقارۋ، قىزمەت وتەۋ“ رەفورماسىن ىشكەرىلەي ىلگەرىلەتىپ، سالىق ىستەرىن باقىلاۋ - باسقارۋ جۇيەسىن كەمەلدەندىرىپ، بازارلانعان، زاڭمەن جونگە سالىناتىن، حالىقارالانعان شارۋاشىلىق - ساۋدا ورتاسىن قالىپتاستىرىپ، بازار نەگىزگى تۇلعاسىنىڭ دامۋىنا اناعۇرلىم ويداعىداي قىزمەت وتەۋ ءۇشىن، قازىر سالىق جيناۋ - باسقارۋ رەفورماسىن اناعۇرلىم تەرەڭدەتۋ جونىندە مىناداي پىكىر ورتاعا قويىلدى.

  «پىكىردە» ورتاعا قويىلعان جەتەكشى يدەيا: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جالپى بەتتىك دايەكتىلەندىرىپ، جاڭا دامۋ كەزەڭىن يگەرۋدى، جاڭا دامۋ ۇستانىمىن دايەكتىلەندىرۋدى، جاڭا دامۋ ارناسىن قالىپتاستىرۋدى ارقاۋ ەتىپ، سالىق جيناۋ - باسقارۋ ءتۇزىمى رەفورماسىن تەرەڭدەتىپ، سالىق تولەۋشىگە، اقى تولەۋشىگە قىزمەت وتەۋدى وزەك، تالوندى ەلەكترونداندىرۋ رەفورماسىن قامال الۋ ءتۇيىنى، سالىق ۇلكەن ساندى مالىمەتىن قوزعالتقىش كۇش ەتكەن جوعارى شوعىرلاندىرۋ يقۋاتىنا، جوعارى حاۋىپسىزدىك قۋاتىنا، جوعارى قولدانىلمالى رولعا يە زەردەلى سالىق ىستەرىن قۇرۋعا كۇش سالىپ، زاڭدى دۇرىس اتقارۋدى، ەگجەي - تەگجەيلى قىزمەت وتەۋدى، دالمە - ءدال باقىلاۋ - باسقارۋدى، شىن پەيىلمەن بىرگە جونگە سالۋدى ىشكەرىلەي ىلگەرىلەتىپ، سالىق زاڭىنا بۇيسۇنۋ دەڭگەيى مەن قوعامنىڭ رازىلىق دەڭگەيىن بارىنشا جوعارىلاتىپ، سالىق جيناۋدىڭ وزىندىك قۇنىن كورنەكتى تومەندەتىپ، سالىقتىڭ مەملەكەتتى جونگە سالۋ بارىسىنداعى نەگىزدىك، تىرەكتىلىك، قامتاماسىزدىق رولىن تولىق ساۋلەلەندىرىپ، جوعارى ساپالى دامۋدى ىلگەرىلەتۋگە پارمەندى تىرەك ازىرلەۋ.

  «پىكىردە» ورتاعا قويىلعان قىزمەت پرينسيبى: پارتيانىڭ جالپى بەتتىك باسشىلىعىنا تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن قاز - قالپىندا تىڭعىلىقتى تياناقتاندىرۋ؛ سالىقتى زاڭمەن جونگە سالۋعا تاباندى بولىپ، زاڭمەن جونگە سالۋ ويى مەن زاڭمەن جونگە سالۋ تاسىلىنەن پايدالانىپ رەفورمانى تەرەڭدەتۋگە شەبەر بولىپ، سالىق ىستەرىندە زاڭ اتقارۋ ءتاسىلىن ۇزدىكسىز ساپالىلاندىرىپ، سالىقتىڭ زاڭمەن جونگە سالىنۋ دەڭگەيىن كۇش سالا جوعارىلاتۋ؛ حالىق ءۇشىن ىستەۋگە، حالىققا قولايلىلىق جاساۋعا تاباندى بولىپ، كاسىپورىندارعا پايدالى، حالىققا قولايلى قىزمەت وتەۋ شاراسىن اناعۇرلىم كەمەلدەندىرىپ، سالىق تولەۋشىلەردىڭ، اقى تولەۋشىلەردىڭ ۇيلەسىمدى قاجەتىن اناعۇرلىم ويداعىداي قاناعاتتاندىرۋ؛ ماسەلەنى باعدار ەتۋدەن جازباي، ولقىلىقتاردى تولىقتاۋعا، ءالسىز تۇستاردى كۇشەيتۋگە كۇش سالىپ، سالىق جيناۋ - باسقارۋ بارىسىنداعى كورنەكتى ماسەلەلەردى شىنايى شەشۋ؛ رەفورما جاساۋعا، جاڭالىق اشۋعا تاباندى بولىپ، سالىق ىستەرى سالاسىنداعى ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، سالىق ىستەرىندەگى زاڭ اتقارۋ، قىزمەت وتەۋ، باقىلاۋ - باسقارۋ ۇستانىمى مەن ءتاسىل، ءادىس سياقتى جان - جاقتى رەفورمانى ىلگەرىلەتۋ؛ جۇيە كوزقاراسىنا تاباندى بولىپ، ءتۇرلى رەفورما شارالارىن ءبىر تۇتاس جوسپارلاپ ىلگەرىلەتىپ، سالىقتى جونگە سالۋ رولىن تۇتاس تۇلعالى، شوعىرلى جوعارىلاتۋ.

  «پىكىردە» ورتاعا قويىلعان نەگىزگى نىسانا: 2022 - جىلعا جەتكەندە سالىق ىستەرى زاڭ اتقارۋىن ولشەمدەندىرۋ، سالىق - اقى قىزمەت وتەۋىن قولايلىلاندىرۋ، سالىق ىستەرىن باقىلاۋ - باسقارۋدىڭ دالمە - ءدال بولۋىندا ماڭىزدى ىلگەرىلەۋشىلىككە قول جەتكىزۋ. 2023 - جىلعا جەتكەندە ”حاۋىپ - قاتەرى بولماسا مازالاماۋ، زاڭعا قايشى بولسا قۋزاستىرۋ، تۇتاس بارىستى كۇشتى زەردەلى تىزگىندەۋدى كۇشەيتۋ“ سىندى سالىق ىستەرى زاڭ اتقارۋ جاڭا جۇيەسىن نەگىزىنەن قۇرىپ شىعىپ، تاجىريبە ۇلگىسىندەگى زاڭ اتقارۋدان عىلمي، دالمە - ءدال زاڭ اتقارۋعا قاراي بۇرىلىس جاساۋدى جۇزەگە اسىرۋ؛ ”جەلىدەن تىس قىزمەت وتەۋدە قالتارىس قالدىرمايتىن، جەلىدە قىزمەت وتەگەندە جۇمىستان قايتپايتىن، ارنايى قىزمەت وتەۋمەن كەڭ كولەمدە قامتيتىن“ سالىق - اقى قىزمەت وتەۋ جاڭا جۇيەسىن نەگىزىنەن قۇرىپ شىعىپ، ايىرماشىلىقسىز قىزمەت وتەۋدەن ەگجەي - تەگجەيلىلەنگەن، زەردەلىلەنگەن، دارالانعان قىزمەت وتەۋگە بۇرىلىس جاساۋ؛ ”ەكىنى ءوز قالاۋىمەن تاڭداۋ، ءبىردى جاريا ۇستاۋ“ باقىلاۋ - باسقارۋى مەن ”ينتەرنەت + باقىلاۋ - باسقارۋدى“ نەگىزگى ءادىس، ءتۇيىندى باقىلاۋ - باسقارۋدى قوسىمشا، ”سەنىمدىلىك + حاۋىپ - قاتەر“ باقىلاۋ - باسقارۋىن نەگىز ەتكەن سالىق ىستەرىن باقىلاۋ - باسقارۋ جاڭا جۇيەسىن نەگىزىنەن قۇرىپ شىعىپ، ”تالون ارقىلى سالىقتى باسقارۋدان“ ”ساندى مالىمەت ارقىلى سالىقتى جونگە سالاتىن“ تۇرگە بولىنگەن دالمە - ءدال باقىلاۋ - باسقارۋعا قاراي بۇرىلىس جاساۋدى جۇزەگە اسىرۋ. 2025 - جىلعا جەتكەندە سالىق جيناۋ - باسقارۋ ءتۇزىمى رەفورماسىن تەرەڭدەتۋدە كورنەكتى ونىمدىلىككە قول جەتكىزىپ، يقۋاتى كۇشتى زەردەلى سالىق ىستەرىن نەگىزىنەن قۇرىپ شىعىپ، ەل ىشىندە بىرەگەي زەردەلىلەنگەن اكىمشىلىك قولدانىلمالى جۇيەنى قالىپتاستىرىپ، سالىق ىستەرىندەگى زاڭ اتقارۋ، قىزمەت وتەۋ، باقىلاۋ - باسقارۋ قابىلەتىن جان - جاقتى جوعارىلاتۋ.

  «پىكىردە» مىنالار اتاپ كورسەتىلدى: سالىق جيناۋ - باسقارۋدىڭ سيفرلانۋعا قاراي دارەجەسىن كوتەرۋىن جانە زەردەلى جاڭالانۋىن جالپى بەتتىك ىلگەرىلەتۋ كەرەك. زەردەلى سالىق ىستەرى قۇرىلىسىن جەدەل ىلگەرىلەتىپ، تالوندى ەلەكترونداندىرۋ رەفورماسىن نىق قاداممەن اتقارىپ، سالىق ۇلكەن ساندى مالىمەتىنەن بىرگە يگىلىكتەنىپ پايدالانۋدى تەرەڭدەتۋ؛ سالىق ىستەرىندەگى زاڭ اتقارۋ ءتۇزىمى مەن مەحانيزمىن ۇزدىكسىز كەمەلدەندىرۋ كەرەك. سالىق - اقى زاڭدارىن، زاڭ ەرەجەلەرىن، تۇزىمدەرىن اقاۋسىزداندىرىپ، سالىق ىستەرىندەگى زاڭ اتقارۋ ارەكەتىن قاتاڭ ارناعا ءتۇسىرىپ، سالىق ىستەرىندەگى زاڭ اتقارۋدىڭ دالمە - دالدىك دەڭگەيىن ۇزدىكسىز جوعارىلاتىپ، سالىق ىستەرىندەگى زاڭ اتقارۋدا وڭىرلىك سەلبەستىكتى كۇشەيتىپ، سالىق ىستەرىندەگى زاڭ اتقارۋدىڭ ىشكى جاقتاعى تىزگىندەۋىن جانە باقىلاۋىن كۇشەيتۋ؛ ساپالى، جوعارى ءونىمدى، زەردەلى سالىق - اقىدا قىزمەت وتەۋىن بار كۇشپەن ىلگەرىلەتۋ كەرەك. سالىق - اقىدا تيىمدىلىك جاساۋ ساياساتىنىڭ تىكە جەتكىزىلۋىنە، ودان تىكە يگىلىكتەنۋگە شىنايى كەپىلدىك ەتىپ، سالىق ءبىتىرۋ، اقى تولەۋ اۋىرتپالىعىن شىنايى جەڭىلدەتىپ، سالىق ءبىتىرۋ، اقى تولەۋ ءتاسىلىن جالپى بەتتىك جاڭالاپ، سالىق تولەۋ، اقى تولەۋ رەت سانى مەن ۋاقىتىن ءۇرتىس قىسقارتىپ، زەردەلى ۇلگىدەگى، دارالىق قىزمەت وتەۋدى بەلسەنە ىلگەرىلەتىپ، سالىق تولەۋشىلەردىڭ، اقى تولەۋشىلەردىڭ زاڭدى ۇقىق - مۇددەسىن قورعاۋ؛ سالىق ىستەرىن باقىلاۋ - باسقارۋدى دالمە - ءدال اتقارۋ كەرەك. ”سەنىمدىلىك + حاۋىپ - قاتەردى“ نەگىز ەتكەن جاڭاشا باقىلاۋ - باسقارۋ مەحانيزمىن ورناتىپ، اقاۋسىزداندىرىپ، ءتۇيىندى سالالاردا حاۋىپ - قاتەردەن ساقتانۋ - تىزگىندەۋدى جانە باقىلاۋ - باسقارۋدى كۇشەيتىپ، سالىققا ساياتىن زاڭعا قايشى قىلمىستىق ارەكەتتەرگە زاڭ بويىنشا قاتاڭ سوققى بەرۋ؛ سالىقتا بىرگە جونگە سالۋ ارناسىن ءۇرتىس تەرەڭدەتۋ، كەڭەيتۋ كەرەك. تاراۋلاردىڭ سەلبەستىگىن كۇشەيتىپ، قوعامنىڭ سايكەسۋىن كۇشەيتىپ، سالىق ءادىليالىق قامتاماسىزداندىرۋىن كۇشەيتىپ، حالىقارالىق سالىق سەلبەستىگىن كۇشەيتۋ؛ سالىق ىستەرىندەگى ۇيىمدىق قامتاماسىزدىقتى كۇشەيتۋ كەرەك. جيناۋ - باسقارۋ قىزمەت جاۋاپكەرشىلىگى مەن كۇشىن ساپالىلاندىرىپ، جيناۋ - باسقارۋ قابىلەتى قۇرىلىسىن كۇشەيتىپ، قىزمەت ناتيجەسىن باعالاۋدى جاقسارتۋ، دەڭگەيىن كوتەرۋ كەرەك.

  «پىكىردە» تاعى دايەكتىلەندىرىپ، اتقارۋدى مۇقيات ويداعىداي يگەرۋ جونىندە ناقتى تالاپتار العا قويىلدى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.