1941 - جىلى
1 - ايدىڭ 30 - كۇنى «شينجياڭ گازەتى» ”ۋاننان وقيعاسى“ بارىسىن حابارلاپ، «جۇڭگو كوممۋنيستىك پارتياسى ورتالىق كوميتەتى توڭكەرىستىك اسكەري ىستەر كوميتەتىنىڭ بۇيرىعىن»، «جۇڭگو كوممۋنيستىك پارتياسى ورتالىق كوميتەتى مالىمدەمەشىسىنىڭ ۋاننان وقيعاسى جونىندەگى سۇحباتىن»، سونداي - اق ت ا س س اگەنتتىگىنىڭ ”ۋاننان وقيعاسى“ جونىندەگى حابارىن جاريالاپ، شينجياڭداعى ءار ۇلت حالقىنا گومينداڭ پارتياسىنىڭ جاپون شاپقىنشىلارىنا قارسى سوعىستى بۇلدىرگەن، كوممۋنيستىك پارتياعا قارسى تۇرعان قىلمىس قاسكۇنەمدىگىن اشكەرەلەدى. چىن تانچيۋ ديحۋاداعى جۇڭگو كوممۋنيستىك پارتياسى مۇشەلەرىنە ”ۋاننان وقيعاسىنا“ قاتىستى جاعدايلاردى حابارلادى.
【كەڭەيتىپ وقۋ】
«شينجياڭ گازەتىنىڭ» 1 - بەتىندە ۋاننان وقيعاسىنىڭ بارىسى جاريالاندى.
1941 - جىلى 3 - ايدا ديحۋاداعى جۇڭگو كوممۋنيستىك پارتياسىنىڭ مۇشەلەرى ۋاننان وقيعاسى جونىندە ماۋ زىدۇڭعا تەلەگرامما جانە ورتالىقتاعى بارلىق جولداستارعا حات جولداپ، ءبىر اۋىزدان بىلاي دەپ قارادى: ۋاننان وقيعاسى − گومينداڭ پارتياسىنىڭ جاپونعا بەيىم توبىنىڭ، كوممۋنيستىك پارتياعا قارسى توبىنىڭ كوممۋنيستىك پارتياعا قاشاندا قارسى تۇرۋ قاسكۇنەمدىگىنىڭ ۇزدىكسىز دامۋى، سونىمەن بىرگە كوممۋنيستىك پارتياعا قارسى تۇرۋ مەن تىزە بۇگۋدىڭ زور توسىن وزگەرىسى. پارتيامىز كەلەلى جاعدايمەن جاپپاي ساناسىپ، جاپون شاپقىنشىلارىنا قارسى سوعىستى قورعادى، گومينداڭ پارتياسىنىڭ قيسىنسىز ورنالاستىرۋىنا تالاي رەت جول بەردى، قازىر جول بەرەتىن كەزەڭ اياقتادى. ءبىز جاپون شاپقىنشىلارىنا قارسى سوعىستى قورعاۋ، توڭكەرىس ناقتى كۇشىن قورعاۋ تۇرعىسىندا تۇرىپ، ءسوز جوق، بۇكىل ەلدىڭ قوعامدىق پىكىرىن، بۇكىل ەلدەگى جاپون شاپقىنشىلارىنا قارسى سوعىس كۇشتەرىن جاپونعا بەيىم توپتارعا، توڭمويىندارعا اياۋسىز سوققى بەرۋگە جۇمىلدىرۋىمىز كەرەك. ءبىزدىڭ بۇكىل ەل (تۇلعا) ورتالىقتىڭ ۋاننان وقيعاسىن ءبىر جاقتى ەتۋىن قولدايدى.
7 - ايدىڭ 1 - كۇنى «شينجياڭ گازەتى» «جۇڭگو كوممۋنيستىك پارتياسىنىڭ 20 جىلدىق مەرەي تويىن تويلاۋ» باسماقالاسىن جاريالادى ءارى ماۋ زىدۇڭنىڭ، جۋ دىنىڭ سۋرەتتەرىن باستى. چىن تانچيۋ ديحۋاداعى بارلىق جۇڭگو كوممۋنيستىك پارتياسى مۇشەلەرىنىڭ باسىن قوسىپ، 8 - ارميانىڭ شينجياڭداعى ءىس باسقارماسىندا جۇڭگو كوممۋنيستىك پارتياسىنىڭ 20 جىلدىق مەرەي تويىن قۇتتىقتاپ ەسكە ءتۇسىرۋ جينالىسىن سالتاناتپەن وتكىزىپ، «جۇڭگو كوممۋنيستىك پارتياسى قۇرىلعاندىعىنىڭ 20 جىلدىعى جانە جاپون شاپقىنشىلارىنا قارسى سوعىستىڭ 4 جىلدىعى» بايانداماسىن جاسادى.
«شينجياڭ گازەتى» «جۇڭگو كوممۋنيستىك پارتياسىنىڭ 20 جىلدىق مەرەي تويىن تويلاۋ» باسماقالاسىن جاريالادى ءارى ماۋ زىدۇڭنىڭ، جۋ دىنىڭ سۋرەتتەرىن باستى.
11 - ايدا حالىق ىستەرى مەڭگەرمەسىنىڭ ۋاقىتشا باستىعى ماۋ زىميننىڭ باسقارۋىندا بۇكىل شينجياڭنىڭ رايون، قىستاق باستىقتارىنا دەموكراتيالىق سايلاۋ جۇرگىزىپ، اۋىل - قىستاق كادرلارىنىڭ اۋىل ۇلىعى - شياڭيۋە ءتۇزىمى كۇشىنەن قالدىرىلدى.
1942 - جىلى
5 - ايدىڭ 27 - كۇنى چىن تانچيۋ جۇڭگو كوممۋنيستىك پارتياسى ورتالىق كوميتەتىنە ديحۋانىڭ تاياۋدان بەرگى ەكى رەتكى سوت اشۋ جاعدايىن مالىمدەدى: شىڭ شىسايدىڭ تۋدىرعان ”ۇكىمەتكە قارسى قاسكۇنەمدىگى“ جانە ”التاي وقيعاسى“ سىندى ەكى دەلونى قايتا قاراۋ جاعدايىن جانە شىڭ شىچيدىڭ قاستاندىققا ۇشىراۋ جاعدايىن مالىمدەپ، شىڭ شىسايدىڭ سوۆەت وداعىنا قارسى تۇرۋى، كوممۋنيستىك پارتياعا قارسى تۇرۋى اشىققا شىققاندىعىن اتاپ كورسەتتى.
9 - ايدا شىڭ شىساي كوممۋنيستىك پارتياعا، سوۆەت وداعىنا اشىق قارسى شىعىپ، پارتيانىڭ شينجياڭداعى 154 ادامىن (ءۇي ىشىندەگىلەردى قامتيدى) مىرزا قاماقتا ۇستاپ، ونان سوڭ تۇرمەگە قامادى.
1943 - جىلى
3 - ايدىڭ 10 - كۇنى لين جيلۋ ديحۋاداعى 4 - تۇرمەنىڭ شىعىس اۋلاسى 5 - ءنومىرلى قاماقحاناسىندا «تۇتقىندار جىرىن» جانە «جار ساعىنىشىن» جازدى، چىن گۋيىن نوتاسىن جازۋىمەن تۇرمەدە شىرقالىپ كوپشىلىكتىڭ كۇرەسكەرلىك ەرىك - جىگەرىن جانىدى.
9 - ايدىڭ 27 - كۇنى جۇڭگو كوممۋنيستەرى چىن تانچيۋ، ماۋ زىمين، لين جيلۋ شىڭ شىساي جاعىنان جاسىرىن ءولتىرىلدى.
【كەڭەيتىپ وقۋ】
گومينداڭ پارتياسىنىڭ نانجيڭ ۇكىمەتى جىبەرگەن ۋاڭ دىپۋ باستاعان 4 ادامدىق ”شينجياڭعا ارناۋلى جىبەرىلگەن تەرگەۋ ۇيىرمەسى“ چىن تانچيۋ، ماۋ زىمين، لين جيلۋ قاتارلى جۇڭگو كوممۋنيستەرىنە زيانكەستىك جاساۋعا تىكە قاتىناستى.
چىن تانچيۋ
ماۋ زىمين
لين جيلۋ
1945 - جىلى
8 - ايدا العاباسار ۇيىم ”شينجياڭ كوممۋنيزمشىلدەر وداعى“ جاڭ جىيۋاندى 8 - ارميانىڭ چۇڭچيڭدە تۇراتىن ءىس باسقارماسىنا جىبەرىپ، شينجياڭ جاعدايىن مالىمدەدى. پارتيانىڭ نۇسقاۋىنا ساي، بۇل ۇيىمنىڭ مۇشەلەرى توپقا ءبولىنىپ شىعىس سولتۇستىككە، شانشي - گانسۋ - نيڭشا، سانشي - حىبەي - شاندۇڭ - حىنان سياقتى ازات رايوندارعا باردى.
1946 - جىلى
6 - ايدا پارتيا ورتالىق كوميتەتىنىڭ قۇلشىنۋىندا، جاڭ جىجۇڭ مىرزانىڭ كومەگىندە شينجياڭ تۇرمەسىندە قامالعان پارتيامىزدىڭ 131 ادامى (ءۇي ىشىندەگىلەردى قامتيدى) بوساتىلىپ، ديحۋادان كەتىپ يان - انعا قايتتى.
1946 - جىلى 7 - ايدىڭ 12 - كۇنى «ازاتتىق گازەتى» يان - انداعى ءار سالانىڭ شينجياڭدا اباقتىدان بوساتىلعان جولداستاردىڭ يان - انعا قايتىپ كەلگەندىگىن قارسى العاندىعىن حابارلادى.
7 - ايدىڭ 20 - كۇنى بوساتىلعان شينجياڭداعى كوممۋنيستەر جانە ءۇي ىشىندەگىلەر يان - اندا توپتىق سۋرەتكە ءتۇستى.
اۆتونوميالى رايوندىق پارتكومنىڭ پارتيا تاريحى جانە حۇجات زەرتتەۋ ورنى قامداعان
انار بۇلت / شينجياڭ گازەتىنىڭ ءتىلشىسى فان حۇڭيى رەتتەگەن
