اپپاق كىرشىكسىز شينجياڭ ماقتاسىنا كۇيە جاعۋعا جول بەرمەيمىز
شينحۋا اگەنتتىگىنىڭ 3 - ايدىڭ 25 - كۇنى بەيجيڭنەن بەرگەن حابارى (تىلشىلەر يۇي جياشين، ۋاڭ يۇيشياۋ). H&M سياقتى ماركالاردىڭ شينجياڭ ماقتاسىن شەكتەۋ ماسەلەسىنە قاراتا، ساۋدا ىستەرى مينيسترلىگىنىڭ اقپارات مالىمدەمەشىسى گاۋ فىڭ 3 - ايدىڭ 25 - كۇنى اڭىس قايتارىپ بىلاي دەدى: ايتىلمىس جۇڭگو شينجياڭ وڭىرىندە ”زورلىقپەن ەڭبەككە سالۋ“ ءومىر ءسۇرىپ وتىر دەگەنى بۇكىلدەي ويدان شىعارىلعان، اپپاق كىرشىكسىز شينجياڭ ماقتاسىنا ءارقانداي كۇشتەردىڭ كۇيە جاعۋىنا، داق سالۋىنا جول بەرمەيمىز. ول تاعى شەتەل كاسىپورىندارىنىڭ شينجياڭعا كەلىپ ناقتى ورىندا تەكسەرۋ جۇرگىزۋىن قارسى الاتىندىعىن ءبىلدىردى.
گاۋ فىڭ ساۋدا ىستەرى مينيسترلىگىنىڭ سول كۇنى وتكىزگەن داعدىلى اقپار جاريالاۋ ماجىلىسىندە جوعارىداعىنى بىلدىرگەن. بىرنەشە كۇننىڭ الدىندا H&M سياقتى ماركالاردىڭ شينجياڭ ماقتاسىن شەكتەۋ جونىندەگى مالىمدەمەسى توراپكەرلەردىڭ نارازىلىعىن قوزعاپ، كوپتەگەن تەكشەلەر قاتىستى ماركالاردى ارت - ارتىنان سورەدەن الىپ تاستادى. بۇعان قاراتا، گاۋ فىڭ بىلاي دەدى: ءبىز ءارقانداي سىرتقى كۇشتەردىڭ شينجياڭ ىستەرىنە جانە جۇڭگونىڭ ىشكى ىسىنە كيلىگۋىنە قارسى تۇرامىز، وتىرىك - وسەككە جانە جالعان ينفورماتسيالارعا نەگىزدەلىپ، ايتىلمىس شينجياڭ ادامدىق ۇقىق ماسەلەسىن جەلەۋ ەتىپ، جۇڭگو جاقتىڭ قاتىستى ناقتى تۇلعاسى مەن جەكەلەرىنە جازالاۋ جۇرگىزگەنىنە قارسى تۇرامىز.
ول مىنالاردى ءبىلدىردى: ەل اتتاعان كاسىپورىنداردىڭ جۇڭگوداعى قالىپتى تيجارات قيمىلدارىنا جانە كاسىپ سالاسى تىزبەگىن، قامداۋ تىزبەگىن قالىپتاستىرۋ قۇلشىنىستارىنا جۇڭگو ۇكىمەتى قاي - قاشان دا قارسى الۋ جانە قولداۋ پوزيتسياسىن ۇستانادى. ايىرىم كاسىپورىنداردىڭ جالعان ينفورماتسياعا نەگىزدەلىپ جاساعان ايتىلمىس ساۋدا شەشىمىنە جۇڭگو تۇتىنۋشىلارى الدەقاشان ءىس جۇزىندىك ارەكەتى ارقىلى جاۋاپ قاتتى.
گاۋ فىڭ بىلاي دەپ باسا دارىپتەدى: قاتىستى كاسىپورىنداردىڭ بازار زاڭدىلىعىنا قۇرمەت ەتىپ، قاتە ءىس - ارەكەتتەرىن تۇزەتىپ، ساۋدا ماسەلەسىن ساياسيلاندىرۋدان ساقتانۋىن ءۇمىت ەتەمىز. سونىمەن بىرگە، ءبىز شەتەل كاسىپورىندارىنىڭ شينجياڭعا كەلىپ ناقتى ورىندا تەكسەرۋ جۇرگىزۋىن قارسى الامىز، سونداي - اق ءارقايسى ەل كاسىپورىندارىنىڭ شينجياڭدا ساۋدا ىستەۋىنە، قارجى قوسۋىنا بەلسەنە قولداۋ كورسەتۋىن قالايمىز.
ەۆروپا وداعىنىڭ ايتىلمىس شينجياڭنىڭ ادامدىق ۇقىق ماسەلەسىن جەلەۋ ەتىپ، جۇڭگونىڭ قاتىستى جەكەلەرى مەن ناقتى تۇلعالارىنا سىڭار جاقتىلىقپەن جازالاۋ جۇرگىزگەنىنە قاراتا، سىرتقى ىستەر مينيسترلىگى تاياۋدا جۇڭگو جاقتىڭ ەۆروپا وداعىنىڭ قاتىستى قۇرىلىمدارى مەن ادامدارىنا جازالاۋ جۇرگىزەتىندىگىن جاريالادى.
قاتىستى ىستەردىڭ جۇڭگو - ەۆروپا قارجى قوسۋ كەلىسىمىنە قول قويۋعا ىقپال جەتكىزە مە، جوق پا؟ گاۋ فىڭ مىنالاردى ءبىلدىردى: كەزەكتە جۇڭگو - ەۆروپا ەكى جاقتىڭ كەلىسسوز تاراۋلارى قاجەتتى زاڭدىق تەكسەرۋ قىزمەتىن ورىستەتۋدە. جۇڭگو - ەۆروپا قارجى قوسۋ كەلىسىمى ەكى جاقتىڭ مۇددەسىنە ۇيلەسەدى، جۇڭگوعا پايدالى، ەۆروپا وداعىنا پايدالى، دۇنيە جۇزىنە دە پايدالى.
