جۇڭگونىڭ حالىق رايىن قالجاق قىلۋعا، حالىق رايىنا قايشى كەلۋگە بولمايدى
شينحۋا اگەنتتىگىنىڭ 3 - ايدىڭ 25 - كۇنى بەيجيڭنەن بەرگەن حابارى (تىلشىلەر دۇڭ شۋە، سۇن نان). شۆەتسيانىڭ كيىم - كەشەك سەرىكتەستىگى حەننەسسەي − ماۋريتز سەرىكتەستىگىنىڭ (H&M) شينجياڭ ونىمدەرىن پايدالانۋدان باس تارتاتىندىقتارىن جاريالاعان سوزىنە قاراتا، جۇڭگودا كەڭ كولەمدى ايىپتاۋ جانە تەجەۋ تولقىنى تۋدى، سىرتقى ىستەر مينيسترلىگىنىڭ مالىمدەمەشىسى حۋا چۇنيىڭ 3 - ايدىڭ 25 - كۇنى جۇڭگو حالقىنىڭ سيلاسىمدى دا اشىق ەكەندىگىن، ءبىراق جۇڭگونىڭ حالىق رايىن قالجاق قىلۋعا، حالىق رايىنا قايشى كەلۋگە بولمايتىندىعىن ءبىلدىردى.
”شينجياڭ وڭىرىندەگى ماقتا دۇنيە جۇزىندەگى ەڭ جاقسى ماقتالاردىڭ ءبىرى، پايدالانباۋ قاتىستى كاسىپورىنداردىڭ زيانى“. حۋا چۇنيىڭ سول كۇنگى داعدىلى تىلشىلەر ماجىلسىندە بىلاي دەدى: شينجياڭ وڭىرىندە ”زورلىقپەن ەڭبەككە سالۋ“ بار دەيتىن قاتىستى جازعىرۋ بۇكىلدەي ءىشىنارا جۇڭگوعا قارسى كۇشتەردىڭ جاساعان سوراقى وسەك - اياڭى، ماقساتى جۇڭگونىڭ وبرازىنا كۇيە جاعۋ، شينجياڭنىڭ حاۋىپسىزدىگىن، ورنىقتىلىعىن ءبۇلدىرۋ، جۇڭگونىڭ دامۋىن تەجەۋ.
”بۇقارانى، از ۇلتتاردى قامتىعان بۇقارانى ءتىپتى دە كوپ جۇمىستانۋ ورايىمەن قامداۋدى ادەتتە قالىپتى ادامداردىڭ بارلىعى جاقسى ءىس دەپ سەزىنەدى، ويتكەنى ول حالىقتىڭ بارعان سايىن تاماشا تۇرمىس كەشىرۋىنە مۇمكىندىك تۋدىرادى، ءبىراق كەي ادامدار ونى زورلىقپەن ەڭبەككە سالۋ نەمەسە قارا تۇنەك جامىلعان ەزىپ - قاناۋ دەپ ەسەپتەدى. نە ءۇشىن؟ ويتكەنى ولار ءوز تاريحىندا شىنىمەن نەشە 100 جىل وسىلاي ىستەگەن، سوندىقتان قازىر دە وزگەنى وزىندەي كورىپ وتىر“، - دەدى حۋا چۇنيىڭ.
”جۇڭگو رياسىز دا بۇكپەسىز، جۇڭگو حالقى سيلاسىمدى دا اشىق، ءبىراق جۇڭگونىڭ حالىق رايىن قالجاق قىلۋعا، حالىق رايىنا قايشى كەلۋگە بولمايدى“، - دەدى ول.
