انار بۇلت / شينجياڭ گازەتىنىڭ ءتىلشىسى جاڭ شياۋيان 3 - ايدىڭ 25 - كۇنى ۇرىمجىدەن حابارلايدى. پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، 3 - ايدىڭ 25 - كۇنى پارتيا تاريحىن ۇيرەنۋ تاربيەسى جونىندەگى ورتالىق ۇگىت - لەكسيا ۇيىرمەسىنىڭ ۇگىت - لەكسيا بايانداماسىن جاساۋ ءماجىلىسى بيڭتۋاندا وتكىزىلدى. ورتالىق ۇگىت - لەكسيا ۇيىرمەسىنىڭ مۇشەسى، ورتالىق پارتيا تاريحى جانە حۇجات زەرتتەۋ ورنىنىڭ باستىعى چۇي چيڭشان ۇگىت - لەكسيا بايانداماسىن جاسادى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ بايانداما جاساۋ ءماجىلىسىن باسقاردى ءارى ءسوز سويلەدى.
بايانداما جاساۋ ماجىلىسىندە چۇي چيڭشان باس شۋجي شي جينپيڭنىڭ پارتيا تاريحى جونىندەگى ماڭىزدى بايىمداۋلارىن، وتە - موتە، پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزىنىڭ رۋحىن تىعىز ارقاۋ ەتە وتىرىپ، بۇكىل پارتيادا پارتيا تاريحىن ۇيرەنۋ تاربيەسىن ورىستەتۋدىڭ كەلەلى ءمانىن تەرەڭ بايىمداپ، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ شۇعىلالى بارىسى مەن تاريحي ۇلەسىن جاپپاي قورىتىندىلاپ، پارتيا تاريحىن ۇيرەنۋ تاربيەسىن ورىستەتۋدىڭ ءتۇيىندى مىندەتتەرىن ايقىن اتاپ كورسەتتى ءارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋ، جەتە يگەرۋ، شىنايى تياناقتاندىرۋ، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ سياقتى جاقتاردا جۇيەلى تۇسىنىك جاسادى. ۇگىت - لەكسيا بايانداماسىنىڭ نەگىزگى تاقىرىبى ايقىن، مازمۇنى باي، يدەياسى تەرەڭ، تەرەڭ ويدى ۇعىنىقتى تىلمەن جەتكىزگەن، نازاريالىق بايىمداۋلارمەن بىرگە، مىسالدارعا دا تالداۋ جاساعان، تاريحتى قورىتىندىلاۋمەن بىرگە، امالياتقا دا جەتەكشىلىك ەتىپ، پارتيا تاريحىن نە ءۇشىن ۇيرەنەمىز، نەنى ۇيرەنەمىز، قالاي ۇيرەنەمىز ماسەلەسىن تەرەڭ بايىمداپ، بيڭتۋانداعى قالىڭ پارتيالى كادرلارعا تاماشا ءبىر پارتيا تاريحى تاربيەسى جونىندە پىسىقتاۋ ساباعىن ءوتىپ، كوپشىلىكتىڭ پارتيانىڭ 100 جىلدىق كۇرەس تاريحى مەن پارتيا تاريحىن ۇيرەنۋ تاربيەسىن ورىستەتۋدىڭ كەلەلى ءمانى جونىندەگى تانىمىن ونان ارى تەرەڭدەتىپ، بيڭتۋانداعى جوعارى مەن تومەندەگىلەردىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن قۇلشىنا اشۋ سەنىمى مەن بەكىمىن ءتىپتى دە بەكەمدەدى.
ۋاڭ جۇنجىڭ بىلاي دەپ اتاپ كورسەتتى: پارتيا تاريحىن ۇيرەنۋ تاربيەسىن ورىستەتۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانىڭ 100 جىلدىق تاريحي جاڭا باستاماسىن تياناق ەتىپ شىعارعان كەلەلى شەشىمى، بۇكىل پارتيانىڭ ساياسي ومىرىندەگى كەلەلى ءىس. بيڭتۋانداعى ءار دارەجەلى تاراۋلار مەن قالىڭ پارتيالى كادرلار وسى رەتكى ورتالىق ۇگىت - لەكسيا ۇيىرمەسىنىڭ پىسىقتاۋ بايانداماسىنىڭ تابىسىنان شىن مانىندە ويداعىداي پايدالانىپ، وسكەلەڭ ساياسي سانالىلىق جانە كۇشتى بورىشتىلىق، جاۋاپكەرشىلىك ارقالاۋ ارقىلى پارتيا تاريحىن ۇيرەنۋ تاربيەسىن جوعارى ولشەممەن، جوعارى ساپامەن ويداعىداي ورىستەتىپ، پارتيا تاريحىنان العا باسۋدىڭ اقىل - پاراساتىن، ەكپىندەي ىلگەرىلەۋدىڭ كۇش - قۋاتىن ۇزدىكسىز قابىلداۋ كەرەك. بيڭتۋان رۋحىن، توراڭعى رۋحىن جانە ساقا اسكەر رۋحىن ونان ارى اسقاقتاتىپ، بيڭتۋان ەرەكشەلىگى مەن داۋىرلىك ەرەكشەلىككە باي پارتيا تاريحىن ۇيرەنۋ تاربيەسىنىڭ ءونىمدى دانەكەرىن جاساپ، بيڭتۋانداعى جوعارى مەن تومەندەگىلەردى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتەردى ىلگەرىلەتۋگە باستان - اياق تاباندى بولۋعا تاربيەلەپ، جەتەكشىلىك ەتىپ، پارتيا ورتالىق كوميتەتىنىڭ بيڭتۋان قىزمەتى جونىندەگى ورنالاستىرۋلارىن، تالاپتارىن مىزعىماستان قاز - قالپىندا ناقتى تياناقتاندىرىپ، بيڭتۋاننىڭ ورنىقتىلىقتى قورعاۋ، شەكارانى كۇزەتۋ قىزمەت جاۋاپكەرشىلىگىن، بورىشىن ويداعىداي اتقارىپ، بيڭتۋان ەكونوميكاسىنىڭ، قوعامىنىڭ جوعارى ساپالى دامۋىن قۇلشىنا ىلگەرىلەتىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.
بيڭتۋان باسشىلارىنان پىڭ جيارۇي، كۇڭ شيڭلۇڭ، لي شينميڭ، شاۋ فىڭ، جاڭ ۋىنچۋان، ليۋ جيانميڭ، ياۋ شينمين، جاڭ يۇڭ، لي پيڭ، لۋ شۇيپيڭ، لي يدۇڭ بايانداما جاساۋ ماجىلىسىنە قاتىناستى.
سول كۇنى تۇستەن كەيىن چۇي چيڭشان قاتارلىلار تاعى شىحىزى داشۋەسىنە، بيڭتۋان 8 - شىسى شىحىزى قالاسىنا كەلىپ، بيڭتۋانداعى جوعارى مەكتەپ وقىتۋشى - وقۋشىلارمەن جانە نەگىزگى ساتى كادرلارمەن، جۇمسشى - قىزمەتشىلەرمەن، بۇقارامەن اڭگىمەلەسىپ، پىكىر اۋىستىرىپ، پارتيا تاريحى جونىندەگى ۇگىت - لەكسيانى ىشكەرىلەي ورىستەتتى.
