جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن كۇش سالا ىلگەرىلەتۋ كەرەك
چىن چۋانگو ءماجىلىستى باسقاردى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 3 - ايدىڭ 25 - كۇنى ۇرىمجىدەن حابارلايدى. 3 - ايدىڭ 25 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭنىڭ شينجياڭدا تەكسەرۋ - زەرتتەۋ جۇرگىزگەندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس مىنالاردى اتاپ كورسەتتى: ءتوراعا ۋاڭ ياڭنىڭ ماڭىزدى ءسوزىنىڭ تۇتاس مازمۇنىنا شي جينپيڭنىڭ جاڭا ءداۋىر جۇڭگوشا سوتسياليزم يدەياسى سىڭىرىلگەن، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى سىڭىرىلگەن، جاڭا داۋىردەگى پارتيانىڭ شينجياڭدى جونگە سالۋ جالپى جوباسى، اسىرەسە، قوعام ورنىقتىلىعى مەن باياندى تىنىشتىق باس نىساناسى سىڭىرىلگەن. مۇقيات ۇيرەنىپ، ءتۇسىنىپ، ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ولشەمگە، ۇلگىگە تۋرالانۋدى ءىس جۇزىندىكتى تياناق ەتۋمەن ۇشتاستىرۋعا، نىسانانى باعدار ەتۋ مەن ماسەلەنى باعدار ەتۋدىڭ ءوزارا بىرلىگىنە، جاپپاي ىلگەرىلەتۋدى ءتۇيىندى كورنەكتىلەندىرۋمەن سايكەستىرۋگە تاباندى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن تەز ءارى نىق قاداممەن ناقتى تياناقتاندىرىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.
ءبىرىنشى، ۇيرەنۋدى، ۇگىتتەۋدى، دايەكتىلەندىرۋدى ۇدايىلاندىرا ورىستەتۋ كەرەك. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ءۇرتىس جەتە ۇيرەنىپ، جەتە ءتۇسىنىپ، شىنايى تياناقتاندىرىپ، ۇيرەنۋ، ۇگىت - لەكسيا جاساۋ، باۋلۋ، ۇگىتتەۋ، جالپىلاستىرۋ، زەرتتەۋ - تالقى قيمىلدارىن ۇدايىلاندىرا ورىستەتىپ، باياندى تىنىشتىققا ساياتىن نەگىزدىك قىزمەتتەرگە كۇش سالۋ، كورنەكتى ماسەلەلەردى شەشۋ، ولقىلىقتاردى تولىقتاۋ، ءالسىز تۇستاردى تولىقتاۋ جاعىنا كۇش سالۋ كەرەك.
ەكىنشى، قوعامدىق كەلەلى جاعدايدىڭ ءۇرتىس ورنىقتىلىعىن، باياندى ورنىقتىلىعىن ساقتاۋ كەرەك. ساقتىق دابىلىن ۇزاق قاعىپ، ۇنەمى ساق بولىپ، سوتسياليستىك زاڭمەن جونگە سالۋ تۋىن بيىك ۇستاپ، زاڭمەن جونگە سالۋ رۋحىن اسقاقتاتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن جونگە سالىنۋىن، ۇدايىلانۋىن ىلگەرىلەتىپ، قوعامدىق جونگە سالۋ تاسىلىندە جاڭالىق اشىپ، ءادىس - شارالاردى ساپالىلاندىرىپ، شارانى دالمە - ءدال اتقارىپ، بىرگە قۇراتىن، بىرگە جونگە سالاتىن، بىرگە يگىلىككە كەنەلەتىن قوعامدىق جونگە سالۋ ارناسىن قالىپتاستىرۋ كەرەك.
ءۇشىنشى، ۇلتتار ىنتىماعى كەلەلى جاعدايىن بەكەمدەۋ، دامىتۋ كەرەك. جۇڭحۋا ۇلتى ورتاق تۇلعا تانىمىن مىقتاپ سومداۋدى نەگىزگى جەلى ەتىپ ۇلت قىزمەتىن ويداعىداي ىستەپ، جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىزدى ءبىر تۇلعالى ارناسىن زەرتتەۋدى كۇشەيتىپ، شينجياڭ ءوڭىرىنىڭ تاريحىن زەرتتەۋدى تەرەڭدەتىپ، ءار ۇلت بۇقاراسىنىڭ تىلەگىنە بەيىمدەلىپ مەملەكەتتە ءبىر تۇتاس قولدانىلاتىن ءتىل - جازۋ تاربيەسىن كۇشەيتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ءۇرتىس ىشكەرىلەي ورىستەتىپ، ءار ۇلت كادرلارى مەن بۇقارانى ”ءۇشتىڭ ءبىر - بىرىنەن ايرىلا الماۋ“ يدەياسىن بەرىك ورناتۋعا، ”بەستى شىنايى مويىنداۋدى“ كۇشەيتۋگە جەتەكتەپ، ءار ۇلتتىڭ ىنتىماقتاسا كۇرەس جۇرگىزۋىن، بىرگە دامۋىن جەبەۋ كەرەك.
ءتورتىنشى، شينجياڭدا ءىسلام ءدىنىن جۇڭگوشالاندىرۋدى ىلگەرىلەتۋ كەرەك. پارتيانىڭ ءدىني سەنىم ەركىندىگى ساياساتىن جالپى بەتتىك دايەكتىلەندىرىپ، ۇشقارىلىقتى الاستاۋ جەتىستىگىن بەكەمدەۋدى نەگىز، سوتسياليستىك وزەكتى قۇن كوزقاراسىن جەتەكشى، ءدىني ءپان يدەيا قۇرىلىسىن تەتىك، ءدىني دارىندىلاردى باۋلۋدى كۇشەيتۋدى تىرەك، ءدىن ىستەرىن زاڭ بويىنشا باسقارۋدى قامتاماسىزدىق ەتىپ، شينجياڭدا ءىسلام ءدىنىن سوتسياليستىك قوعاممەن اناعۇرلىم ويداعىداي ۇيلەسۋگە جەتەكتەۋ كەرەك.
بەسىنشى، جوعارى ساپالى دامۋ جولىمەن بۇلجىماي ءجۇرۋ كەرەك. جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، شينجياڭنىڭ بۇكىل ەلدىڭ جاڭا دامۋ ارناسىن قالىپتاستىرۋ بارىسىنداعى ورنىن ءدال تاۋىپ، قامداۋ جاعىنداعى قۇرىلىمدىق رەفورمانى تەرەڭدەتىپ، دامۋعا جاڭالىق اشۋ ارقىلى دەم بەرۋدى تەزدەتىپ، ەرەكشە باسىم كاسىپ سالالارىن جەتىلدىرىپ، زورايتىپ، 1 -، 2 -، 3 - كاسىپ سالالارىنىڭ توعىسپالى دامۋىن جەبەپ، ىشكى سۇرانىستى كەڭەيتۋ ستراتەگيالىق نەگىزگى ءتۇيىنىن كورنەكتىلەندىرىپ، رەفورما جاساۋدى جالپى بەتتىك تەرەڭدەتىپ، ەسىك اشۋدى كەڭەيتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن تەزدەتىپ، ەكولوگيالىق ورتانى قورعاۋ مەن قۇرۋدى كۇشەيتىپ، جوعارى ساپالى دامۋدىڭ جاڭا قوزعاۋشى قۋاتىن قاۋلاتۋ كەرەك.
التىنشى، ءار ۇلت بۇقاراسىنىڭ حالىق تۇرمىسى ىرىس - قۇتىن ارتتىرۋ كەرەك. حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىنا پايدالى ىستەردى كوبىرەك قاراستىرىپ، حالىق تۇرمىسىنداعى ۋايىمداردى كوبىرەك شەشىپ، حالىق تۇرمىسىنا تيىمدىلىك جاساۋ ينجەنەرياسىن ىشكەرىلەي اتقارىپ، ءار ۇلت بۇقاراسىن اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلتۋ كەرەك.جەتىنشى، كەدەيلىكتەن ارىلتۋدان قامال الۋ جەتىستىگىن بەكەمدەۋ، كەڭەيتۋ كەرەك. ”ءتورتتى توقتاتپاۋدى“ قاتاڭ تياناقتاندىرىپ، قايتالاي كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىمى مەحانيزمىن اقاۋسىزداندىرىپ، كەمەلدەندىرىپ، ىشكى دامۋ قوزعاۋشى كۇشى مەن دامۋ ومىرشەڭدىك كۇشىن كۇشەيتۋگە باسا ءمان بەرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، شينجياڭنىڭ ءىس جۇزىندىگىنە ۇيلەسەتىن بىرگە بايۋ جولىن قاراستىرۋ كەرەك.
سەگىزىنشى، بيڭتۋاننىڭ رەفورماسىن، دامۋىن كۇش سالا قولداۋ كەرەك. بيڭتۋان مەن جەرگىلىكتى ورىن ءبىر تۇتاس جۇيە، بيڭتۋان مەن جەرگىلىكتى ورىن ءبىر وتباسى يدەياسىن مىقتاپ ورناتىپ، بيڭتۋان مەن جەرگىلىكتى ورىننىڭ توعىسا دامۋىن جالپى بەتتىك ىلگەرىلەتىپ، بيڭتۋاننىڭ رەفورمانى تەرەڭدەتۋىن، وڭتۇستىككە قاراي دامۋىن جانە ورنىقتىلىقتى قورعاپ، شەكارانى كۇزەتۋ قابىلەتى قۇرىلىسىن قولداپ، ەرەكشە رولىن اناعۇرلىم ويداعىداي ساۋلەلەندىرۋ كەرەك.
شوكىرات زاكىر، شاۋكەت يمىن، نۇرلان ءابىلماجىن، ليۋ ۋانلۇڭ، شۇي حايرۇڭ، ەركىن تۇنياز، لي يفي، سارقىت اقان، جاڭ چۇنلين، ۋاڭ ميڭشان، اۆتونوميالى رايوندىق حالىق قۇرىلتايى، ۇكىمەت، ساياسي كەڭەس باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستارى قاتارلىلار ماجىلىسكە قاتىناستى. ايماقتىق (وبلىس، قالا) پارتكومنىڭ شۋجيلەرى ماجىلىسكە سىرتتاي قاتىناستى.
