تيانشان تورى   ›   جاڭالىقتار   ›   ماڭىزدى حابارلار

شي جينپيڭ فۋجياندا قىزمەت تەكسەرگەن كەزدە بىلاي دەپ باسا دارىپتەدى

جاڭا دامۋ ارناسىنا قىزمەت وتەۋ جانە توعىسۋ جاعىندا اناعۇرلىم زور ىسكەرلىك كورسەتىپ، جاپپاي سوتسياليستىك وسىزاماندانعان مەملەكەت قۇرۋدىڭ فۋجيان تاراۋىن كۇش سالا جازۋ كەرەك

  3 - ايدىڭ 22 - كۇنىنەن 25 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ فۋجياندا قىزمەت تەكسەردى. سۋرەتتە: 3 - ايدىڭ 22 - كۇنى تۇستەن كەيىن شي جينپيڭ نانپيڭنىڭ ۋ - يشان قالاسى شيڭسۇن قالاشىعى يانزىكى ەكولوگيالىق شاي باقشاسىندا عىلىم - تەحنيكالىق ارناۋلى ۋاكىلدەرمەن، شاي ەگىنشىلەرىمەن ىقىلاستى تۇردە اڭگىمەلەسىپ، جەرگىلىكتى ورىننىڭ شاي شارۋاشىلىعىنىڭ دامۋ جاعدايىمەن تانىستى.

□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

  3 - ايدىڭ 22 - كۇنىنەن 25 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ فۋجياندا قىزمەت تەكسەردى. سۋرەتتە: 3 - ايدىڭ 23 - كۇنى تۇستەن بۇرىن شي جينپيڭ سانميڭنىڭ شاشيان اۋداندىق باس شيپاحاناسى بالنيتسا عيماراتىنىڭ 1 - قاباتىنداعى زالدا مەديتسينا قىزمەتكەرلەرىمەن، ناۋقاستارمەن ىقىلاستى تۇردە اڭگىمەلەستى.

□ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

  شينحۋا اگەنتتىگىنىڭ 3 - ايدىڭ 25 - كۇنى فۋجوۋدان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا فۋجياندا قىزمەت تەكسەرگەن كەزدە بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، رەفورما جاساۋدى، ەسىك اشۋدى كەڭەيتىپ، عىلىم - تەحنيكادا جاڭالىق اشۋدى ىلگەرىلەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، وسىزاماندانعان ەكونوميكالىق جۇيەنى جەدەل قۇرۋ جاعىندا اناعۇرلىم زور ىلگەرىلەۋشىلىككە قول جەتكىزىپ، جاڭا دامۋ ارناسىنا قىزمەت وتەۋ جانە توعىسۋ جاعىندا اناعۇرلىم زور ىسكەرلىك كورسەتىپ، بۇعازدىڭ ەكى جاعالاۋىنىڭ توعىسا دامۋىنىڭ جاڭا جولى جونىندە ىزدەنىس جاساۋ جاعىندا اناعۇرلىم ۇلكەن قادام تاستاپ، جوعارى ساپالى تۇرمىس جاراتۋ جاعىندا اناعۇرلىم زور سەرپىلىستى جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ فۋجيان تاراۋىن كۇش سالا جازۋ كەرەك.

  كوكتەم ورتاسى مەزگىلى، فۋجيان دالاسىندا جالىندى تىرشىلىك تىنىسى قاۋلاپ تۇر. 3 - ايدىڭ 22 - كۇنىنەن 25 - كۇنىنە دەيىن شي جينپيڭ فۋجيان ولكەلىك پارتكومنىڭ شۋجيى يىن ليدىڭ، ولكە باستىعى ۋاڭ نيڭنىڭ سەرىك بولۋىندا، ىلگەرىندى - كەيىندى نانپيڭ، سانميڭ، فۋجوۋ قاتارلى جەرلەرگە كەلىپ، مەملەكەتتىك باقشا، ەكولوگيالىق شاي باقشاسى، مادەني ەسكەرتكىشتەرىن قورعاۋ ورنى، شيپاحانا، اۋىل - قىستاق، كاسىپورىن، مەكتەپ سياقتىلاردى ىشكەرىلەي ارالاپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن دايەكتىلەندىرۋ، ”14 - بەسجىلدىقتا“ جاقسى باستاما اشۋدى، جاقسى قادام تاستاۋدى ىلگەرىلەتۋ، ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ، ت.ب جونىندە تەكسەرۋ - زەرتتەۋ جۇرگىزدى.

  ۋ - يشان مەملەكەتتىك باقشاسى تۇڭعىش توپتاعى مەملەكەتتىك باقشا ءتۇزىلىسى سىناق تۇيىندەرىنىڭ ءبىرى. 3 - ايدىڭ 22 - كۇنى تۇستەن كەيىن شي جينپيڭ باقشانىڭ زەردەلى باسقارۋ ورتالىعىنا كەلىپ، زەردەلى باسقارۋ تۇعىرىنىڭ جۇمىس جۇرگىزۋ جاعدايىن تەكسەرىپ كوردى. اتالعان ورتالىق زەردەلى تەحنيكالاردان كەشەندى پايدالانىپ، باقشاعا ”اسپاننان، جەردەن، كەڭىستىكتەن“ جان - جاقتى، بارلىق جاعدايدا بىردەي باقىلاۋ - باسقارۋ جۇرگىزۋدى جۇزەگە اسىرىپ، ەكولوگيانى قورعاۋ قابىلەتىن جوعارىلاتقان. شي جينپيڭ ەكولوگيالىق وركەنيەت قۇرىلىسىنا ايرىقشا ءمان بەرىپ، فۋجياندا قىزمەت ىستەگەن كەزىندە - اق چاڭتيڭداعى سۋ مەن توپىراقتىڭ شايىلۋىن جونگە سالۋ، مۋلانشي تاسقىننان ساقتانۋ ينجەنەرياسى سياقتى ەلەۋلى ەكولوگيانى قورعاۋ ينجەنەريالارىن ىلگەرىلەتكەن، سونداي - اق 2000 - جىلى فۋجياننىڭ بۇكىل ەل بويىنشا ەكولوگيالىق ولكە قۇرىلىسى جونىندە الدىمەن ىزدەنىس جاساۋىن ىلگەرىلەتكەن ەدى. ۇزاق ۋاقىتتىق قۇلشىنىس جاساۋ ارقىلى فۋجياننىڭ ەكولوگيالىق وركەنيەت قۇرىلىسى بەلسەندى تابىسقا قول جەتكىزدى. شي جينپيڭ بىلاي دەپ اتاپ كورسەتتى: مەملەكەتتىك باقشانى نەگىزگى تۇلعا ەتكەن جاراتىلىستىق قورىق جۇيەسىن ورناتۋدىڭ ماقساتى − تاۋ، سۋ، ورمان، ەگىنجاي، كول، جايلىم بارلىعى ءبىر تىرشىلىكتىڭ ورتاق تۇلعاسى ۇستانىمى بويىنشا، جاراتىلىستىق ەكولوگيالىق جۇيەنىڭ ءتول قالپى مەن بۇتىندىگىن ساقتاۋ، ورگانيزمدەردىڭ الۋان تۇرلىلىگىن قورعاۋ. ەكولوگيانى قورعاۋدى ماڭداي الدى ورىنعا قويۋعا تاباندى بولىپ، قورعاۋ مەن دامىتۋدى ءبىر تۇتاس جوسپارلاپ، ەكولوگيالىق كوشى - قوندى جۇيەلى ىلگەرىلەتىپ، ەكولوگيالىق ساياحاتتى لايىقتى دامىتىپ، ەكولوگيانى قورعاۋدىڭ، جاسىل دامۋدىڭ، حالىق تۇرمىسىن جاقسارتۋدىڭ بىرلىگىن جۇزەگە اسىرۋ كەرەك.

  ۋ - يشان تاۋى ۋلۇڭ شايىنىڭ، قىزىل شايدىڭ بەسىگى. شي جينپيڭ شيڭسۇن قالاشىعى يانزىكى ەكولوگيالىق شاي باقشاسىنا كەلىپ، كوكتەمگى شايدىڭ ءوسۋ جاعدايىن تەكسەرىپ كورىپ، جەرگىلىكتى ورىننىڭ شاي شارۋاشىلىعىنىڭ دامۋ جاعدايىمەن تانىستى. شي جينپيڭ بىلاي دەپ باسا دارىپتەدى: شاي مادەنيەتى، شاي شارۋاشىلىعى، شاي عىلىم - تەحنيكاسى سىندى وسى اۋقىمدى جۇمىستى ءبىر تۇتاس ويداعىداي جوسپارلاپ، جاسىل دامۋ بەتالىسىنان جازباي، ماركا تانىمىن كۇشەيتىپ، ءوندىرۋ - وتكىزۋ، اينالىم ورتاسىن ساپالىلاندىرىپ، اۋىل - قىستاقتى گۇلدەندىرۋدىڭ كاسىپ سالاسى نەگىزىن بەكەمدەۋ كەرەك. عىلىم - تەحنيكالىق ارناۋلى ۋاكىل ءتۇزىمىن ىشكەرىلەي ىلگەرىلەتىپ، قالىڭ عىلىم - تەحنيكالىق ارناۋلى ۋاكىلدەردىڭ عىلمي ماقالانى اتىزدا، بايتاق دالادا جازۋىنا مۇمكىندىك جاساۋ كەرەك.

  شاي باقشاسىنان شىققان سوڭ، شي جينپيڭ بامبۋك سالعا وتىرىپ جيۋچۇي وزەنشەسىن بويلاپ ەكولوگيالىق ورتانى قورعاۋ جاعدايىنا جانە جاراتىلىستىق كورىنىستەرگە ءۇڭىلدى. جيۋچۇي وزەنشەسىنىڭ جاعاسىنداعى جۋ شي باقشاسىندا شي جينپيڭ جۋ شيدىڭ ءومىرى جانە تاعىلىماتنامانى زەرتتەۋ سياقتى جاعدايلارىمەن ەگجەي - تەگجەيلى تانىستى. ول بىلاي دەپ اتاپ كورسەتتى: جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن كادەگە جاراتۋدى، جاڭالىق اشا دامىتۋدى ىلگەرىلەتىپ، ءداۋىر رۋحى ارقىلى جۇڭحۋانىڭ تاڭداۋلى ءداستۇرلى مادەنيەتىنىڭ ومىرشەڭدىك كۇشىن قاۋلاتۋ كەرەك. ماركسيزمگە تاباندى بولۋدى جۇڭحۋانىڭ تاڭداۋلى ءداستۇرلى مادەنيەتىن اسقاقتاتۋمەن جاندى ۇشتاستىرىپ، جۇڭگوشا سوتسياليزم جولىمەن بۇلجىماي ءجۇرۋ كەرەك.

  تاياۋ جىلداردان بەرى سانميڭداعى ەمدەۋ رەفورماسى ءدارى - دارمەك قاجەتتى ماتەريالدارىن جونگە سالۋ رەفورماسىن قامال الۋ ءتۇيىنى ەتىپ، ەمدەۋ جانە ءدارى - دارمەك، مەديتسينالىق قامسىزداندىرۋ، ەمدەۋ رەفورمالارىندا بىرلەسە قيمىلداۋعا تاباندى بولىپ، بۇكىل ەلدەگى ەمدەۋ رەفورماسى ءۇشىن ىزدەنىس جاساپ قۇندى تاجىريبە جينادى. 2016 - جىلى 2 - ايدا شي جينپيڭ ورتالىق رەفورمانى جاپپاي تەرەڭدەتۋ باسشىلىق گرۋپپاسىنىڭ ءماجىلىسىن باسقارىپ، سانميڭدەگى ەمدەۋ رەفورماسىنىڭ جاعدايىنان مالىمەت تىڭداپ، رەفورما تاجىريبەلەرىن قورىتىندىلاۋدى، جالپىلاستىرۋدى تالاپ ەتكەن بولاتىن. 3 - ايدىڭ 23 - كۇنى تۇستەن بۇرىن شي جينپيڭ سانميڭ قالاسى شاشيان اۋداندىق باس شيپاحاناسىنا كەلىپ، بالنيتسا عيماراتىنىڭ 1 - قاباتىنداعى زالدا ەمدەۋ رەفورماسىنىڭ جاعدايى جونىندەگى تانىستىرۋدى تىڭداپ، مەديتسينالىق قىزمەتكەرلەرىنەن، ناۋقاستاردان ەمدەۋ رەفورماسىنىڭ حالىققا تيىمدىلىك جاساۋ جاعدايىن ۇعىستى. شي جينپيڭ بىلاي دەپ باسا دارىپتەدى: حالىقتىڭ سالاماتتىعى − سوتسياليستىك وسىزامانداندىرۋدىڭ ماڭىزدى بەلگىسى. سانميڭدەگى ەمدەۋ رەفورماسى حالىقتى بارىنەن جوعارى قويۋدى، ەلدەن بۇرىن باتىلدىقپەن ىستەۋدى ايگىلەدى، ونىڭ تاجىريبەسى جەر - جەردىڭ ءوز جاعدايىنا قاراي ۇلگى الىپ پايدالانۋىنا تاتيدى. ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن ۇزدىكسىز تەرەڭدەتىپ، ساپالى ەمدەۋ بايلىقتارىن بىركەلكى ورنالاستىرىپ، نەگىزگى ساتىداعى نەگىزدىك قۇرىلعىلاردىڭ شارت - جاعدايىن جاقسارتىپ، حالىقتىڭ سالاماتتىعىنا سەنىمدى قامتاماسىزدىق ۇسىنۋ كەرەك.

  فۋجيان شي جينپيڭنىڭ نيڭدىدا قىزمەت ىستەگەن كەزدە ورتاعا قويعان ءالسىز ۇيرەك بۇرىن ۇشادى، تامشى سۋ تاس تەسەدى رۋحىن اسقاقتاتىپ، زور كۇش جۇمساپ، كەدەيلىكتەن ارىلتۋدى مىقتى يگەردى. 30 نەشە جىلدىق قۇلشىنىس جاساۋ ارقىلى بۇكىل فۋجيان ولكەسى بۇكىل ەلمەن بىرگە مۇلدەم كەدەيلىكتى تۇبەگەيلى جويدى. 3 - ايدىڭ 23 - كۇنى تۇستەن كەيىن شي جينپيڭ توڭكەرىستىك بايىرعى رايون قىستاعى − شاشيان اۋدانى شياماۋ قالاشىعى يۇيباڭ قىستاعىنا كەلىپ، ۇساق - تۇيەك تاعامدار جايماسىنىڭ جانىندا، ەرەكشە ونىمدەر دۇكەنىندە، قىستاق تۇرعىندارىنىڭ ەسىك الدىندا اۋىلداستارمەن ىقىلاستى تۇردە شۇيىركەلەسىپ، شاشيان اۋدانىنىڭ ۇساق - تۇيەك تاعامدارىنىڭ دامۋىنىڭ قازىرگى احۋالىمەن جانە بولاشاعىمەن ەگجەي - تەگجەيلى تانىستى. شي جينپيڭ بىلاي دەپ اتاپ كورسەتتى: شاشياندىقتار وڭتۇستىك پەن سولتۇستىكتى ارالاپ، شاشياننىڭ ۇساق - تۇيەك تاعامدارىن حالىقتى بايىتۋدىڭ ەرەكشە كاسىپ سالاسى ەتىپ تۇلعالادى. اۋىل - قىستاقتى گۇلدەندىرۋدە، جەرگىلىكتى جاعدايعا قاراي حالىقتى بايىتاتىن كاسىپ سالالارىن تاڭداۋ شەشۋشى تەتىك سانالادى. ورايدى مىقتى يگەرىپ، كوز ايانى كەڭەيتىپ، بازار سۇرانىسىنا ۇيلەسىپ، ۇزدىكسىز ىزدەنىس جاساپ، جاڭالىق اشىپ، تاماشا تۇرمىسقا جەتۋدىڭ جاڭا ساپارىندا تاعى دا اعالاپ الدا ءجۇرۋ كەرەك.

  شي جينپيڭ فۋجياندا قىزمەت ىستەگەن كەزدە كوللەكتيۆ ورمان مەنشىگى ءتۇزىمى رەفورماسىن ىلگەرىلەتىپ، جۇرگىزىپ، ”تاۋدى وتباسىلارىنا ءبولىپ بەرۋدى، ورماندى ادام باسىنا بىركەلكى ءبولۋدى“ سىناق رەتىندە اتقارىپ، ”تاۋدىڭ ۇقىعىن تۇراقتاندىرۋدى، ورماندى تۇراقتاندىرۋدى، حالىقتىڭ كوڭىلىن ورنىقتىرۋدى“ جۇزەگە اسىردى. شاشيان اۋدانىنداعى اۋىل - قىستاق مۇلىك ۇقىعى ايىرباس ورتالىعىندا، شي جينپيڭ كوللەكتيۆ ورمان مەنشىگى ءتۇزىمى رەفورماسى جونىندەگى تانىستىرۋدى تىڭداپ، جۇمىس بىتىرۋگە كەلگەن بۇقارادان جانە قىزمەتكەرلەردەن كوللەكتيۆ ورماندىق جەردىڭ شارۋاشىلىق جۇرگىزۋ ۇقىعىن اينالىمعا سالۋ ايىرباسى، جىلجىمايتىن مۇلىكتەردى تىركەتۋ سياقتى جاعدايلاردى ۇعىستى. شي جينپيڭ بىلاي دەپ اتاپ كورسەتتى: سانميڭدەگى كوللەكتيۆ ورمان مەنشىگى ءتۇزىمى رەفورماسى جونىندەگى ىزدەنىستەر وتە ءماندى، دۇرىس رەفورما بەتالىسىنان جازباي، بۇقارانىڭ ءتول جاسامپازدىق رۋحىنا قۇرمەت ەتىپ، كوللەكتيۆ ورمان مەنشىگى تۇزىمىندە جاڭالىق اشۋدى بەلسەندى، ورنىقتى تۇردە ىلگەرىلەتىپ، ەكولوگيالىق ونىمدەردىڭ قۇنىن ايگىلەۋدى جۇزەگە اسىرۋ مەحانيزمىن كەمەلدەندىرۋ جونىندە ىزدەنىس جاساپ، تىڭ سەرپىلىس جاساۋدى جۇزەگە اسىرۋعا قۇلشىنۋ كەرەك.

  شي جينپيڭ 3 - ايدىڭ 24 - كۇنى فۋجوۋدا قىزمەت تەكسەردى، تەكسەرۋ - زەرتتەۋ جۇرگىزدى. فۋجوۋدا قىزمەت ىستەگەن كەزىندە شي جينپيڭ فۋجوۋ قالاسىنىڭ ”3820“ ينجەنەرياسىنا باسشىلىق ەتىپ جانە ونى اتقارىپ، فۋجوۋدىڭ وسىزامانداندىرۋ قۇرىلىسىنىڭ عاسىر اتتاعان ۇلى جوباسىن كەسكىندەگەن بولاتىن. فۋشان قالا ماڭى دالا باقشاسىندا شي جينپيڭ ەلەكتروماشيناعا وتىرىپ قالا ماڭى دالاسىنداعى فۋداۋ باقشا جولىنىڭ كەلبەتىمەن تانىستى، ول كورىنىس تاماشالاۋ تەكشەسىنە شىعىپ، فۋجوۋدىڭ جاڭا كەلبەتىنە الىستان كوز تاستاپ، قالانىڭ ەكولوگيالىق باقشا جوسپارى قۇرىلىسى، قالانىڭ سۋ جۇيەسىن كەشەندى جونگە سالۋ جاعدايى جونىندەگى مالىمەتتى تىڭدادى. قالا تۇرعىندارى باس شۋجيدىڭ كەلگەنىن كورىپ، ارت - ارتىنان قاۋمالاي كەلدى. شي جينپيڭ بىلاي دەپ اتاپ كورسەتتى: ءبىر قالانى ويداعىداي قۇرۋدا، جاقسى باسقارۋدا، كوجە - قاتىق، قونىستانۋ ورتاسى، قالا كەڭىستىگى سياقتى قىزمەتتەردى ەڭ ماڭىزدى ورىنعا قويا وتىرىپ شىنايى، ويداعىداي يگەرۋ كەرەك. فۋجوۋ − ىرىستى ولكە، ەكولوگيالىق شارت - جاعدايى ايرىقشا، تەڭىز جاعاسىنداعى وسى قالانى، تاۋلى - سۋلى قالانى اناعۇرلىم تاماشا ەتىپ قۇرىپ، حالىق بۇقاراسىن ءتىپتى دە ويداعىداي باقىتقا كەنەلتۋدى ءۇمىت ەتەمىن.

  فۋجوۋ ءۇش بازار، جەتى كوشە تاريحي - مادەنيەت كوشە اۋماعىندا تاڭ، سۇڭ داۋىرىنەن قالعان بازار - كوشە جۇلگەسى جانە ميڭ، چيڭ داۋىرىندەگى كوپتەگەن بايىرعى قۇرىلىستار ساقتالعان. سوناۋ 1991 - جىلدىڭ وزىندە، شي جينپيڭ فۋجوۋدا قىزمەت ىستەگەن كەزدە مادەني ەسكەرتكىشتەر قىزمەتى بويىنشا جۇمىس باسىندا ءىس ءبىتىرۋ جيىنىن اشىپ، فۋجوۋدىڭ تاريحي - مادەني ايگىلى قالانى قورعاۋ - باسقارۋ ەرەجەسىن جانە قورعاۋ جوباسىن جاساۋدى ىلگەرىلەتىپ، قالانىڭ تاريحي مادەنيەتىن جالعاستىرۋ، قورعاۋ قىزمەتىن پارمەندى جەبەگەن بولاتىن. شي جينپيڭ فۋجوۋدىڭ بايىرعى ۇيلەردى جانە ءۇش بازار، جەتى كوشەنى قورعاۋ، قالپىنا كەلتىرۋ سياقتى جاعدايلار تۋرالى تانىستىرۋدى تىڭداپ، جاياۋ ءجۇرىپ نانحوۋ كوشەسىنە، لاڭگۋان كوشەسىنە ءۇڭىلىپ، يان فۋدىڭ بۇرىنعى تۇراعىن ەكسكۋرسيالادى، ساياحاتشىلار مەن قالا تۇرعىندارىنا ءجيى - ءجيى قول بۇلعاپ قۇرمەت ءبىلدىردى. شي جينپيڭ بىلاي دەپ باسا دارىپتەدى: ءداستۇرلى كوشە اۋماقتارىن ويداعىداي قورعاۋ، ەجەلگى قۇرىلىستاردى ويداعىداي قورعاۋ، مادەني ەسكەرتكىشتەردى ويداعىداي قورعاۋ − قالانىڭ تاريحىن جانە مادەنيەت تامىرىن ساقتاپ قالعاندىق. ەجەلگى قۇرىلىستارعا، بايىرعى ءۇي - جايلارعا، بايىرعى كوشە اۋماقتارىنا ايالاپ قاستەرلەۋ سەزىمىمەن، قادىرلەۋ سەزىمىمەن قاراۋ كەرەك.

  فۋجيان فۋگۋاڭ جارنا شەكتى سەرىكتەستىگى وپتيكالىق كامەرا جاسايتىن ماڭىزدى كاسىپورىن. شي جينپيڭ سەرىكتەستىكتىڭ كورمە زالىنا قادام تاستاپ، ونىمدەر كورمەسىن تەكسەرىپ كورىپ، كاسىپورىننىڭ تەحنيكالىق جاڭالىق اشۋ جانە ءوندىرۋ، ساتۋ جاعدايىن سۇرادى. ەرەكشە دالدىكتەگى سەحتا كاسىپورىن قىزمەتكەرلەرى باس شۋجيگە ءونىمنىڭ ءوندىرۋ تەحنولوگياسىن كورسەتتى. شي جينپيڭ بىلاي دەپ باسا دارىپتەدى: مەملەكەتىمىز عىلىم - تەحنيكالىق دامۋدىڭ ءبىرىنشى شەبىنە وتۋدە جاڭالىق اشۋعا سۇيەنۋ كەرەك، ەلدىڭ سوڭىنان جۇگىرە بەرۋ جارامايدى، ءسوز جوق، عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ قادامىن جەدەلدەتۋ كەرەك. جاڭالىق اشۋدىڭ وسىزامانداندىرۋ قۇرىلىسىنىڭ جالپى جاعدايىنداعى وزەكتى ورنىنا تاباندى بولىپ، جاڭالىق اشۋدى مەملەكەت ساياساتى ەتىپ، جاڭالىق اشۋعا بەلسەنە ىنتالاندىرۋ جانە قولداۋ كورسەتۋ كەرەك. جاڭالىق اشۋدا ”شىققان تەگىن“ سۇراماۋ، كىم مەملەكەت ءۇشىن ۇلەس قوسا السا سونى قولداۋ كەرەك.

  3 - ايدىڭ 25 - كۇنى تۇستەن بۇرىن شي جينپيڭ مينجياڭ شۋەيۋانىندا قىزمەت تەكسەردى، تەكسەرۋ - زەرتتەۋ جۇرگىزدى. مينجياڭ شۋەيۋاننىڭ توركىنى فۋجوۋ شىفان جوعارى تەحنيكۋم مەكتەبى مەن مينجياڭ كاسىپتىك داشۋەسى ەدى. فۋجوۋدا قىزمەت ىستەگەن كەزىندە شي جينپيڭ مينجياڭ كاسىپتىك داشۋەسىنىڭ باستىعى مىندەتىن 6 جىل قوسىمشا اتقارعان، ورتاعا قويعان ”ەڭ ۇلكەن بولماسا دا، ەڭ ۇزدىك بولۋعا ۇمتىلۋ، قوعامنىڭ قاجەتىنە ۇيلەسۋگە ۇمتىلۋ“ دەيتىن ءبىلىم بەرۋ ۇستانىمى تەرەڭ ىقپال جاساعان ەدى. 2018 - جىلى 10 - ايدا شي جينپيڭ مينجياڭ شۋەيۋانى قۇرىلعاندىعىنىڭ 60 جىلدىعى بايلانىسىمەن قۇتتىقتاۋ حاتىن جولدادى. مينجياڭ شۋەيۋانىنىڭ مەكتەپ تاريحى جانە قولدانىلمالى ءبىلىم بەرۋ جەتىستىكتەرى كورمە زالىندا شي جينپيڭ شۋەيۋاننىڭ قولدانىلمالى ءبىلىم بەرۋگە تاباندى بولۋ، كاسىپ سالاسى مەن وقۋ - وقىتۋدى توعىستىرۋدى تەرەڭدەتۋ سياقتى جاقتاردا قول جەتكىزگەن ناتيجەلەرىن تۇراقتاندىردى. شي جينپيڭ بىلاي دەپ اتاپ كورسەتتى: ونەگە كورسەتىپ ادام تاربيەلەۋدى ءتۇبىرلى مىندەت ەتىپ، قولدانىلمالى تەحنيكالىق ءبىلىم بەرۋ بەتالىسىنا تاباندى بولىپ، قوعامنىڭ سۇرانىسىنا ۇيلەستىرىپ ماماندىق اشىپ، نەگىزدى ويداعىداي بەكەمدەپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى دامىعان سوتسياليزمنىڭ قۇرىلىسشىلارى مەن ءىزباسارلارىن جەتىلدىرۋ كەرەك.

  مەكتەپ الاڭىندا وقىتۋشى - وقۋشىلار ”باس شۋجي سالەمەتسىز بە“، ”شي شياۋجاڭ سالەمەتسىز بە“ دەپ الاقايلادى، شي جينپيڭ كوپشىلىككە قول بۇلعاپ قۇرمەت ءبىلدىردى. شي جينپيڭ بىلاي دەپ باسا دارىپتەدى: ەكىنشى 100 جىلدىق كۇرەس نىساناسىن جۇزەگە اسىرۋدا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا جاس بۋىن جاۋاپكەرشىلىك ارقالاۋ كەرەك. وقۋشىلارىمىزدىڭ اسقاق مۇرات - سەنىم ورناتىپ، ۇلى وتاندى قىزۋ ءسۇيىپ، ءداۋىر جاۋاپكەرشىلىگىن ارقالاپ، باتىلدىقپەن قايراتتانا كۇرەس جۇرگىزىپ، ىسىلعان ونەر - قابىلەت جەتىلدىرىپ، مىنەز - قۇلىق جەتىلىمىن شىڭداپ، قوعامعا جارامدى ادام بولۋعا، ءمورالى اسقاق ادام بولۋعا قۇلشىنىپ، جاپپاي سوتسياليستىك وسىزاماندانعان مەملەكەت قۇرۋدىڭ ۇلى ىسىنە بەلسەنە ات سالىسۋىن ءۇمىت ەتەمىن.

  سول كۇنى تۇستەن بۇرىن شي جينپيڭ فۋجيان ولكەلىك پارتكوم مەن ولكەلىك ۇكىمەتتىڭ قىزمەتىنەن مالىمەتتى تىڭداپ، فۋجياننىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىرىپ، فۋجياننىڭ جوعارى ساپالى دامۋدى جان - جاقتى ىلگەرىلەتۋدە تىڭ ونىمدىلىككە قول جەتكىزۋىن ءۇمىت ەتتى.

  شي جينپيڭ بىلاي دەپ باسا دارىپتەدى: جوعارى ساپالى دامۋدى ىلگەرىلەتۋدە، ەڭ الدىمەن جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرۋ كەرەك. جاڭا دامۋ ۇستانىمى مەن جوعارى ساپالى دامۋ ىشكى ءبىر تۇتاستىققا يە، جوعارى ساپالى دامۋ دەگەنىمىز جاڭا دامۋ ۇستانىمىن ايگىلەگەن دامۋ سانالادى. جۇيە كوزقاراسىنا تاباندى بولىپ، جاڭا دامۋ ارناسىن قالىپتاستىرۋعا قىزمەت وتەۋدەگى جانە توعىسۋداعى ورىندى ءدال تاۋىپ، كاسىپ سالاسىنىڭ قۇرىلىمىن ساپالىلاندىرىپ جانە ونىڭ دەڭگەيىن ءوسىرىپ، سيفردى كاسىپ سالالاندىرۋدى، كاسىپ سالاسىن سيفرلاندىرۋدى جەدەل ىلگەرىلەتۋ كەرەك. جاڭالىق اشۋعا قولداۋ كورسەتۋ سەرپىنىن ارتتىرىپ، جاڭالىق اشۋدىڭ ەكولوگيالىق ورتاسىن ساپالىلاندىرىپ، جاڭالىق اشۋ، جاسامپازدىق جاراتۋ ومىرشەڭدىگىن قاۋلاتۋ كەرەك. ”ءبىر بەلدەۋ، ءبىر جولدى“ بىرگە قۇرۋعا ىشكەرىلەي توعىسىپ، ەركىن ساۋدا سىناق رايونىنىڭ جۇمىسىن ويداعىداي جۇرگىزىپ، اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس ورناتۋ كەرەك. ۇلاستىرۋ - تۇتاستىرۋ ارقىلى توعىسۋدى جەبەۋدى، تيىمدىلىك جاساۋ ارقىلى توعىسۋدى جەبەۋدى، سۇيىسپەنشىلىك ارقىلى توعىسۋدى جەبەۋدى كورنەكتىلەندىرىپ، بۇعازدىڭ ەكى جاعالاۋىنىڭ توعىسا دامۋىنىڭ جاڭا جولى جونىندە باتىلدىقپەن ىزدەنىس جاساۋ كەرەك.

  شي جينپيڭ بىلاي دەپ اتاپ كورسەتتى: اۋىل - قىستاقتى گۇلدەندىرۋدى جەدەل ىلگەرىلەتىپ، اۋىل شارۋاشىلىعى بايلىقتارى الۋان ءتۇرلى بولۋ جانە كليماتى جايلى بولۋ باسىمدىعىن تياناق ەتىپ، ەرەكشەلىككە، باسىمدىققا يە كاسىپ سالالارىن جەتىلدىرۋ كەرەك. اۋىل - قىستاق قۇرىلىسى ارەكەتىن اتقارۋدى تۇتقا ەتىپ، اۋىل - قىستاقتىڭ قونىس ورتاسىن جاقسارتىپ، قونىسقا جايلى، كاسىپكە ىڭعايلى كورىكتى اۋىل - قىستاق قۇرۋ كەرەك. بايىرعى رايونداردىڭ، سوۆەتتىك رايونداردىڭ جاپپاي گۇلدەنۋىن ىلگەرىلەتىپ، بايىرعى رايونداردىڭ، سوۆەتتىك رايونداردىڭ ەرەكشە كاسىپ سالالارىنىڭ دەڭگەيىن جوعارىلاتۋ، نەگىزدىك قۇرىلعى قۇرىلىسى جانە الەۋمەتتىك قىزمەت وتەۋدى قامتاماسىز ەتۋ سياقتىلارعا باسا قولداۋ كورسەتۋ كەرەك. كومىر قىشقىل گازىنىڭ شىعارىلۋىن ەڭ جوعارعى مانىنەن اسىرماۋدى، كومىر قىشقىل گازىن بەيتاراپتاندىرۋدى ەكولوگيالىق ولكە قۇرىلىسىنىڭ ورنالاستىرۋىنا ەنگىزىپ، ۋاقىت كەستەسىن، جول كارتاسىن عىلمي جاساپ، ادام مەن تابيعات جاراسىمدى قاتار ءومىر سۇرەتىن وسىزاماندانعان قوعام قۇرۋ كەرەك.

  شي جينپيڭ بىلاي دەپ باسا دارىپتەدى: حالىقتىڭ تۇرمىس ساپاسىن كۇش سالا جوعارىلاتىپ، تۇرعىنداردىڭ كىرىس ارتتىرۋ ارنالارىن كەڭەيتىپ، جوعارى مەكتەپتەن وقۋ تاۋىسقان تۇلەكتەر، شارۋا جۇمىسكەرلەر، قوسىننان بوساعان اسكەريلەر سياقتى ءتۇيىندى قاۋىمداردىڭ جۇمىستانۋىن ءبىر تۇتاس ويداعىداي جوسپارلاۋ كەرەك. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، وقۋ - اعارتۋدىڭ الەۋمەتتىك يگىلىك سيپاتى پرينيسبىنە تاباندى بولىپ، وقۋ - اعارتۋ رەفورماسىن تەرەڭدەتىپ، حالىق رازى بولاتىن وقۋ - اعارتۋدى ويداعىداي جۇرگىزۋ كەرەك. حالىقتىڭ سالاماتتىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويىپ، الەۋمەتتىك دەنساۋلىق ساقتاۋ بويىنشا قورعانۋ تورىن بەرىك توقىپ، ۇكىمەتتىك شيپاحانالاردىڭ جوعارى ساپالى دامۋىن ىلگەرىلەتۋ كەرەك. باستان - اياق ساق بولىپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ قىزمەتىن ويداعىداي ىستەۋ كەرەك. ەلەۋلى، ەرەكشە، ءىرى ءوندىرىس حاۋىپسىزدىگى شىرعالاڭدارىن ءونىمدى تەجەۋ، قارا كۇشتەردى الاستاۋ، سۇرقيا كۇشتەردى جويۋدى ۇدايىلاندىرۋدى ىلگەرىلەتۋ كەرەك.

  شي جينپيڭ بىلاي دەپ اتاپ كورسەتتى: فۋجيان − توڭكەرىستىك بايىرعى رايون، پارتيا تاريحى وقيعالارى كوپ بولعان، قىزىل بايلىق مول، توڭكەرىستىك اعا بۋىندار كوپ جەر، پارتيا تاريحىن ۇيرەنۋ تاربيەسىن ورىستەتۋدە دارا باسىمدىققا يە. پارتيا تاريحىن ۇيرەنۋ تاربيەسى بارىسىندا تاريحتى ۇيرەنۋ ارقىلى قاعيدانى ءتۇسىنۋ كەرەك، قاعيدانى ءتۇسىنۋ سەنىمدى ارتتىرۋدىڭ، ءمورالدى اسقاقتاتۋدىڭ، ۇمتىلا ىستەۋدىڭ العى شارتى. پارتيانىڭ شۇعىلالى جەتىستىكتەرىنەن، باسىپ وتكەن ماشاقاتتى جولدارىنان، تاريحي تاجىريبەلەرىنەن، تاڭداۋلى داستۇرىنەن جۇڭگو كوممۋنيستىك پارتياسىنىڭ نەلىكتەن يقۋاتتى ەكەندىگى، ماركسيزمنىڭ نە ءۇشىن جۇزەگە اساتىندىعى، جۇڭگوشا سوتسياليزمنىڭ نە ءۇشىن جاقسى ەكەندىگى سياقتى قيسىنداردى تەرەڭ ۇعىنىپ، وندا قامتىلعان تاريحي لوگيكانى، نازاريالىق لوگيكانى، امالياتتىق لوگيكانى ايقىن ءتۇسىنۋ كەرەك. جۇڭگو كوممۋنيستىك پارتياسىنىڭ باسشىلىعىنا تاباندى بولۋدىڭ تاريحي سوزسىزدىگىن تەرەڭ ءتۇسىنىپ، پارتيانىڭ باسشىلىعى جونىندەگى سەنىمدى بەكەمدەۋ كەرەك. ماركسيزمنىڭ جانە ونىڭ جۇڭگوشالانۋىنىڭ جاسامپاز نازاريالارىنىڭ اقيقاتتىق سيپاتىن تەرەڭ ءتۇسىنىپ، پارتيانىڭ جاسامپاز نازاريالارىن سانالىلىقپەن دايەكتىلەندىرۋ، تياناقتاندىرۋ تاباندىلىعىن كۇشەيتۋ كەرەك. جۇڭگوشا سوتسياليزم جولىنىڭ دۇرىستىعىن تەرەڭ ءتۇسىنىپ، جۇڭگوشا سوتسياليزم جولى سىندى وسى بىردەن - ءبىر دۇرىس جولمەن بۇلجىماي ءجۇرۋ كەرەك. ءار سالاداعى نەگىزگى ساتى پارتيا ۇيىمدارىن بەرىك جاۋىنگەر قامال ەتىپ قۇرىپ شىعۋ كەرەك. شىرىكتەسۋگە باتىلدىق ەتپەۋدىڭ، شىرىكتەسۋگە مۇمكىندىك بولماۋدىڭ، شىرىكتەسۋدى ويىنا الماۋدىڭ جالپىلىق ءونىمىن ۇزدىكسىز جوعارىلاتىپ، تاماشا ساياسي ەكولوگيانى ۇزدىكسىز بەكەمدەۋ، دامىتۋ كەرەك.

  ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.