ۇگىت - لەكسيا مىندەتىن جوعارى ساپادا، جوعارى دەڭگەيدە ورىنداپ، پارتيا تاريحىن ۇيرەنۋ تاربيەسىنىڭ قىزۋ ورلەۋىن اناعۇرلىم كوتەرەيىك
انار بۇلت / شينجياڭ گازەتىنىڭ ءتىلشىسى جاڭ يانفاڭ 3 - ايدىڭ 26 - كۇنى ۇرىمجىدەن حابارلايدى. 3 - ايدىڭ 26 - كۇنى اۆتونوميالى رايوندىق پارتكوم ۇگىت ءبولىمى پارتيا تاريحىن ۇيرەنۋ تاربيەسى جونىندە ۇگىت - لەكسيا جاساۋعا جۇمىلدىرۋ ءماجىلىسىن جانە توپتىق ساباققا دايىندالۋ ءماجىلىسىن اشتى. ءماجىلىس باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ۇگىت - لەكسيا جەلىسىن ارقاۋ ەتىپ، شينجياڭنىڭ ءىس جۇزىندىگىمەن ۇشتاستىرىپ، ىشكەرىلەي زەرتتەپ - تالقىلاپ، توپتىق ساباققا دايىندالىپ، پارتيا تاريحى جونىندە ارناۋلى تاقىرىپتا ۇگىت - لەكسيا جاساۋ قىزمەتىن ورنالاستىردى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى، اۆتونوميالى رايوننىڭ پارتيا تاريحىن ۇيرەنۋ تاربيەسى باسشىلىق گرۋپپاسى كەڭسەسىنىڭ مەڭگەرۋشىسى تيان ۋىن ماجىلىسكە قاتىناستى ءارى ءسوز سويلەدى.
جۋىقتا اۆتونوميالى رايون تىرەكتى كۇشتەردى شىعارىپ ۇيىمداستىرعان ۇگىت - لەكسيا ۇيىرمەسى جەر - جەرگە بارىپ، ورگانداردى، كاسىپورىنداردى، اۋىل - قىستاقتاردى، مەكتەپتەردى، الەۋمەتتىك اۋماقتاردى، ت. ب ىشكەرىلەي ارالاپ، ساتىلار، تۇرلەر بويىنشا بەتپە - بەت، ىقپالداستىق ۇلگىدە ۇگىت - لەكسيا جاساۋ قيمىلىن ورىستەتەدى.
ءماجىلىس مىنالاردى باسا دارىپتەدى: پارتيا تاريحى جونىندە ارناۋلى تاقىرىپتا ۇگىت - لەكسيا جاساۋدىڭ ماڭىزدى ءمانىن جەتە تانىپ، ۇگىت - لەكسيا جاساۋ قىزمەتىن وسكەلەڭ جاۋاپكەرشىلىك سەزىممەن، بورىشتىلىق سەزىممەن ويداعىداي ىستەۋ كەرەك. پارتيا تاريحى جونىندە ارناۋلى تاقىرىپتا ۇگىت - لەكسيا جاساۋدىڭ ءتۇيىندى مازمۇنىن ايقىن ءتۇسىندىرىپ، باس شۋجي شي جينپيڭنىڭ پارتيا تاريحى جونىندەگى ماڭىزدى بايىمداۋىن ىشكەرىلەي ۇيرەنۋدى، ءتۇسىنۋدى، پارتيا تاريحىن ۇيرەنۋ تاربيەسىن ورىستەتۋدىڭ كەلەلى ءمانىن جەتە تانۋدى ايقىن ءتۇسىندىرىپ، جۇڭگو كوممۋنيستىك پارتياسىنىڭ 100 جىلدىق كۇرەس شۇعىلالى ساپارى مەن تاريحي ۇلەسىن ايقىن ءتۇسىندىرىپ، پارتيا تاريحىن ۇيرەنۋ تاربيەسىن ورىستەتۋدىڭ نىسانا، تالاپتارى مەن تۇيىندەرىن ايقىن ءتۇسىندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋدى، جەتە يگەرۋدى، شىنايى تياناقتاندىرۋدى، ”ءتورت تانىمدى“ كۇشەيتۋدى، ”ءتورت سەنىمدى“ بەكەمدەۋدى، ”ەكىنى قورعاۋدى“ ورىنداۋدى ايقىن ءتۇسىندىرىپ، بۇكىل رايونداعى ءار ۇلت كادر - بۇقاراسى اراسىندا ۇيرەنۋدىڭ قىزۋ ورلەۋىن اناعۇرلىم كوتەرۋ كەرەك.
ءماجىلىس مىنالاردى باسا دارىپتەدى: پارتيا تاريحىن ۇيرەنۋدى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋمەن ۇشتاستىرىپ، اناعۇرلىم جوعارى ساياسي دەڭگەيمەن، اناعۇرلىم جاقسى كاسىپتىك ولشەممەن، اناعۇرلىم ناقتى تاسىلمەن، ادىسپەن ۇگىت - لەكسيا مازمۇنىن دالمە - ءدال، قانىق، جاندى ءتۇسىندىرىپ، ۇگىت - لەكسيا مىندەتىن جوعارى ساپادا، جوعارى دەڭگەيدە ورىنداپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ تاسقىنداعان كۇشىن ۇيىستىرۋ كەرەك.
