تيانشان تورى   ›   جاڭالىقتار   ›   شينجياڭ حابارلارى

”شينجياڭ جاقسى جەر“ اتىنداعى انگلياعا باعىتتالعان ارناۋلى بەينەجازبا ۇگىتتەۋ - تانىستىرۋ ءماجىلىسى ۇرىمجىدە وتكىزىلدى

  انار بۇلت / شينجياڭ گازەتىنىڭ ءتىلشىسى جىڭ جو 3 - ايدىڭ 26 - كۇنى ۇرىمجىدەن حابارلايدى. 3 - ايدىڭ 26 - كۇنى ”شينجياڭ جاقسى جەر“ اتىنداعى انگلياعا باعىتتالعان ارناۋلى بەينەجازبا ۇگىتتەۋ - تانىستىرۋ ءماجىلىسى ۇرىمجىدە وتكىزىلدى، وسى رەتكى ۇگىتتەۋ - تانىستىرۋ ءماجىلىسىن شينجياڭ ۇيعۇر اۆتونوميالى رايونى مەن جۇڭگونىڭ انگلياداعى باس ەلشىحاناسى بىرگە وتكىزدى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى لي شۋەجۇن، اۆتونوميالى رايوندىق حالىق ۇكىمەتىنىڭ مالىمدەمەشىلەرى شۇي گۇيشياڭ، ءىليجان انايات جانە قاتىستى ماماندار، ءدىني قايراتكەرلەر، بۇقارا ۋاكىلدەرى جەكە - جەكە ادامدىق ۇقىقتى قامتاماسىز ەتۋ، از ۇلتتاردىڭ ەڭبەكپەن جۇمىستانۋى، ءدىني سەنىم ەركىندىگى، ماقتا ءوندىرىسى سياقتى جاقتارداعى جاعدايلارىن تانىستىردى.

  شاۋكەت يمىن بىلاي دەدى: جۇڭگو كوممۋنيستىك پارتياسىنىڭ 18 - قۇرىلتايىنان بەرى پارتيا ورتالىق كوميتەتىنىڭ پارمەندى باسشىلىعىندا، شينجياڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مۇقيات دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىنا تاباندى بولىپ، حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، ەكونوميكالىق، قوعامدىق دامۋدىڭ جانە حالىق تۇرمىسىن جاقسارتۋدىڭ بۇرىن بولماعان تابىسقا قول جەتكىزۋىن ىلگەرىلەتتى، تيانشان الابىندا قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. كەزەكتە شينجياڭ تاريحتاعى ەڭ تاماشا گۇلدەنگەن، دامىعان مەزگىلدە تۇر.

  انگلياداعى جۇڭگو ساۋدا قوعامىنىڭ باستىعى فاڭ ۋىنجياننىڭ ”شينجياڭ ماقتاسى“ جونىندە قويعان سۇراۋىنا مەڭزەس، لي شۋەجۇن بىلاي دەپ تانىستىردى: شينجياڭ جۇڭگونىڭ ماڭىزدى ماقتا وندىرەتىن جەرى. كوپشىلىككە ءمالىم، شينجياڭنىڭ باسىم بولىك وڭىرلەرىندە كۇننىڭ ءتۇسۋ ۋاقىتى ۇزاق، تاۋلىكتىك تەمپەراتۋرانىڭ پارقى زور، قۇرعاق، جاۋىن - شاشىن از، اسقار تاۋلاردان ەرىگەن قار سۋى تۇراقتى، ماقتانىڭ ءوسىپ - ونۋىنە ۇيلەسەدى. مۇنداي شارت - جاعدايدا وندىرىلگەن ماقتانىڭ قاۋاشاسى ۇلكەن، تالشىعى ۇزىن، ءتۇسى اق، جەكە قۇنى جوعارى بولادى. ۇزاق ۋاقىت ەگۋ جانە ءوسىرۋ ارقىلى شينجياڭ ماقتاسى جوعارى دارەجەلى توقىما ونىمدەرىنە جانە كيىم - كەشەكتىڭ ماڭىزدى شيكىزاتىنا الدەقاشان اينالدى. ءىس جۇزىندە، شينجياڭنىڭ ماقتا ءوندىرىسى جوعارى دەڭگەيدە ماشينالانۋدى باياعىدا - اق جۇزەگە اسىردى، مەيلى قاربالاس تەرۋ مەزگىلى بولسا دا ماقتا تەرەتىن قىرۋار جۇمىسشىنى قاجەت ەتپەيدى. وتكەننەن قازىرگە دەيىن شينجياڭدا ماقتا تەرۋگە زورلىقپەن جۇمىلدىرۋ مۇلدە ورىن تەپكەن ەمەس، ونى مۇلدەم قاجەت تە ەتپەيدى.

  جۇڭگونىڭ انگلياداعى ەلشىحاناسىنىڭ ۋاقىتتىق ۋاكىلى ياڭ شياۋگۋاڭ بىلاي دەدى: جۇڭگودا حالىق قانا تاريحتىڭ قوجايىنى دەگەن ماتەل بار. شينجياڭ حالقى عانا وسىناۋ ءوڭىردىڭ قوجايىنى، ولار ناعىز ءسوز سويلەۋ ۇقىعى بار ادامدار. ءبىز ءتىپتى دە كوپ ادامنىڭ شينجياڭعا كەلۋىن، شينجياڭدىقتاردىڭ وزدەرىنىڭ تۇرمىسى مەن مەكەنى جونىندەگى تانىستىرۋىن تىڭداۋىن قارسى الامىز.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.