تيانشان تورى   ›   جاڭالىقتار   ›   شينجياڭ حابارلارى

بۇكىل رايوندا ماقتا ەگۋ قىزمەتى ىركەس - تىركەس باستالدى

4 جەر بىرلەسىپ حابارلاپ، سىزگە شينجياڭداعى ميلليون مۋلىق ماقتا اتىزىنىڭ ”شوفەرسىز“ ماشينادا ەگىلەتىندىگىن كورسەتەدى

  انار بۇلت / شينجياڭ گازەتىنىڭ ءتىلشىسى ليۋ ي 3 - ايدىڭ 26 - كۇنى ۇرىمجىدەن حابارلايدى. ءتىلشى 3 - ايدىڭ 26 - كۇنى اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن كەزەكتە تۇتاس رايوندا ماقتا ەگۋ قىزمەتىنىڭ وڭتۇستىكتەن سولتۇستىككە قاراي ىركەس - تىركەس باستالعاندىعىن، جەر - جەردىڭ ماقتا ەگۋدىڭ ءتۇرلى دايىندىق قىزمەتتەرىن ورىنداپ بولعاندىعىن، وڭتۇستىك شينجياڭ ءوڭىرى مەن تۇرپان قالاسىندا تۇقىم، حيميالىق تىڭايتقىش سياقتى اۋىل شارۋاشىلىق ءوندىرىس - قۇرال جابدىقتارى قورىنىڭ جەتكىلىكتى بولىپ، كوكتەمگى ەگىس قاجەتىن قاناعاتتاندىرا الاتىندىعىن ۇعىستى.

  بيىل تۇتاس رايوننىڭ جەر - جەرى كوكتەمگى ەگىس، ەگىس دايىندىعى قىزمەتىن الدىن الا ورنالاستىرىپ، اۋىل شارۋاشىلىق ءوندىرىس - قۇرال جابدىقتارىمەن قامداۋدى كۇش سالا قامتاماسىز ەتىپ، وندىرىسكە قىزمەت وتەۋدى ءۇرتىس ساپالىلاندىرعان. وڭتۇستىك شينجياڭنىڭ جەر - جەرى 553 مىڭ 600 ءار تۇردەگى اۋىل شارۋاشىلىق ماشيناسىن تەكسەرىپ - جوندەگەن، جۇمىس ورىستەتكەن كولەمى 3 ميلليون 478 مىڭ مۋ رەتكە جەتىپ، 180 مىڭ 800 اۋىل شارۋاشىلىق ماشيناسىن (رەت) ىسكە قوستى، جەر - جەر تاعى توپىراقتىڭ تىلكىمدەلۋى سياقتى ماسەلەلەرگە مەڭزەس، جوعارى ولشەمدى ەگىنجاي قۇرىلىسىن بار كۇشپەن ورىستەتىپ، كولەمدەنگەن ءوندىرىس ۇلگىسىندە جاڭالىق اشىپ، ەگىنشىلەردىڭ ريزالىقپەن ىستەۋىنە، ناقتى تيىمدىلىككە كەنەلۋىنە مۇمكىندىك جاسادى، ءبىر قىدىرۋ قىزمەتتەردىڭ ورىستەتىلۋى كوكتەمگى ەگىن شارۋاشىلىعى ءوندىرىسىنىڭ ءتارتىپتى جۇرىلۋىنە بەرىك نەگىز قالادى.

  تانىستىرۋعا قاراعاندا، بيىل تۇتاس رايون مەحانيزمدى كەمەلدەندىرۋ ارقىلى ماقتا كاسىپ سالاسىنىڭ جوعارى ساپالى دامۋىن ونان ارى ىلگەرىلەتەدى ەكەن. تۇتاس رايون ”ساپانى ءوسىرۋ، وزىندىك قۇندى تومەندەتۋ، ونىمدىلىكتى ارتتىرۋدى“ وزەك ەتىپ، ماقتا تۇقىمى قۇرىلىمىن جانە ءوندىرىس - تيجارات جۇيەسىن اناعۇرلىم ساپالىلاندىرىپ، ماقتانىڭ ساپالى، باعاسىنىڭ لايىقتى بولۋىن جۇزەگە اسىرىپ، ماقتا كاسىپ سالاسىنىڭ جوعارى ساپالى دامۋ بەتالىسىنا قاراي بۇرىلىس جاساۋىن ىلگەرىلەتپەك.

  2020 - جىلى تۇتاس رايوننىڭ ماقتا ءوندىرىس ساپاسى مەن ونىمدىلىگى ورنىقتى جوعارىلادى، ءار دارەجەلى اۋىل شارۋاشىلىعى، اۋىل - قىستاق تاراۋلارى ماقتا ءوندىرىسىن باسىم ءوندىرىس وڭىرلەرىنە قاراي شوعىرلانۋعا بەلسەنە جەتەكتەپ، قوسالقى ماقتا ءوڭىرى مەن قاتەرلى ماقتا ءوڭىرىن ماقتا وندىرىسىنەن بىرتىندەپ شەگىندىردى، تۇتاس رايوندا ماقتا ەگۋ كولەمىن 2 ميلليون مۋعا رەتتەپ ازايتۋ جاعدايىندا، جالپى ءونىم مولشەرى اۋەلگىدەي 160 مىڭ توننا ارتتى، كولەم، بىرلىك ءونىم، جالپى ءونىم، تاۋار مولشەرى، شىعارۋ مولشەرى ءۇرتىس 27 جىل بۇكىل ەلدىڭ الدىڭعى ورنىن يەلەپ، بۇكىل ەلدىڭ ماقتاسىندا شينجياڭنىڭ دامۋ ارناسىنا قاراۋ جالپى بەتتىك قالىپتاستى. سونىمەن بىرگە، تۇتاس رايوندا ماقتا ءوندىرىسىنىڭ كولەمدەنۋ، شوعىرلانۋ دەڭگەيى كورنەكتى جوعارىلاپ، تۇتاس رايوندا (بيڭتۋاندى قامتيدى) ماقتا ەگۋ، جەر جىرتۋ بۋىندارىندا تۇتاس بارىستىق ماشينالاندىرۋ نەگىزىنەن جۇزەگە اسىپ، ماقتانى ماشينامەن تەرۋ مولشەرى %75.5كە جەتتى.

  تاعى ءبىر حابار. انار بۇلت/ شينجياڭ گازەتىنىڭ ءتىلشىسى ۋاڭ چيميڭ حابارلايدى. 3 - ايدىڭ 26 - كۇنى ساعات 12دەن باستاپ بۇكىل ەلدەگى 75 نەگىزگى اقپارات قۇرالى مەن جاڭا اقپارات قۇرالدارى تۇعىرى انار بۇلت كليەنتىنىڭ اۋدان دارەجەلى توعىسپالى اقپارات قۇرالدارى ورتالىعىمەن بىرلەسىپ ۇيىمداستىرعان ”4 جەر شينجياڭنىڭ ميلليون مۋلىق ماقتا اتىزىن ’شوفەرسىز‘ ماشينامەن ەگۋىن بىرلەسىپ تاراتتى“ تىكە بەرىلىمىن تەڭ قادامدا جالعاپ تاراتتى. سول كۇنى ساعات 18گە دەيىن 3 ساعاتقا جالعاسقان كوپ جەردەن جالعانعان وسى تىكە بەرىلىمدى ءتۇرلى تۇعىردان جالپى 10 ميلليوننان استام توراپكەر ينتەرنەت جەلىسىندە كوردى.

  3 - ايدا شينجياڭنىڭ كوكتەمگى ەگىس قىزمەتى وڭتۇستىكتەن سولتۇستىككە قاراي بىرتىندەپ ورىستەتىلدى، اسىرەسە، وڭتۇستىك شينجياڭنىڭ جەر - جەرىندە ماقتانى كەڭ كولەمدە ماشينالاندىرىپ ەگۋ جالىندى بەينەدە جۇرگىزىلۋدە. 3 - ايدىڭ 26 - كۇنى ساعات 12دە انار بۇلت / شينجياڭ گازەتىنىڭ تىلشىلەرى ءۇرىمجى قالاسىنا ورنالاسقان اۆتونوميالى رايوندىق اۋىل شارۋاشىلىق عىلىمى اكادەمياسىندا كۇشار قالاسىنىڭ، لوپنۇر اۋدانىنىڭ، ياركەن اۋدانىنىڭ توعىسپالى اقپارات قۇرالدارى ورتالىعىمەن بىرلەسىپ ارەكەتتەنىپ، بىرنەشە اپپاراتتىڭ بىرلەسىپ تاراتۋ تاسىلىمەن شينجياڭ كەڭ كوسىلگەن ماقتا اتىزىندا ”شوفەرسىز“ ماشينامەن ەگۋ جۇمىس باسىن تىكە تاراتتى. عىلىم - تەحنيكانىڭ كۇش ۇستەۋىندە رايونىمىزدا ماقتا ءوندىرىسىنىڭ جوعارى ساپالى دامۋىنىڭ جانە اۋىل - قىستاقتىڭ گۇلدەنۋىن جاپپاي ىلگەرىلەتۋدىڭ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋدىڭ جان تەبىرەنتەرلىك كورىنىسىن جالپى بەتتىك جاندى كورسەتتى.

  ”قانداي كەرەمەت! قانداي تاماشا شينجياڭ ماقتاسى!“ بەيجيڭ گازەتى كليەنتىندە توراپكەر جۇرەك لەبىزىن قالدىردى؛ ”شينجياڭ ماقتاسى، بۇگىن سەن وتانىمىزدىڭ ەڭ ادەمى گۇلىسىڭ!“، ورتالىق تەلەۆيزياسى بەينەجازباسى كليەنتىندە توراپكەر شينجياڭنىڭ ماقتاسىنا وسىلاي القاۋ ايتتى؛ ”شينجياڭنىڭ ماقتا اتىزىنىڭ وسىنشاما كەڭ ەكەندىگىن تۇڭعىش رەت كورىپ وتىرمىن!“ حۇڭشيڭ حابار كليەنتىندە توراپكەر شيڭفۋ شينجياڭنىڭ ماقتا كورپەسىن ەسكە الدى ءارى شينجياڭ ماقتا اتىزى كولەمىنىڭ كەڭ، ماشينالاندىرۋ دەڭگەيىنىڭ جوعارى ەكەندىگىنە تاڭداي قاقتى.

  ”شينجياڭ ماقتاسى تاقىرىبى بۇكىل توراپكەرلەردىڭ نازارىن اۋدارعان ساتتە، وسى رەتكى تىكە بەرىلىم ۋاقىت ونىمدىلىگىن يگەرۋمەن بىرگە، ءبىزدىڭ شينجياڭنىڭ اقپارات قۇرالدارىن تەرەڭ توعىسا دامىتۋ جاقتارىندا كورسەتكەن قۇلشىنىسى مەن قول جەتكىزگەن ونىمدىلىگىن كورۋىمىزگە مۇمكىندىك جاسادى، انار بۇلت / شينجياڭ گازەتى كۇشار قالاسىنىڭ، لوپنۇر اۋدانىنىڭ جانە ياركەن اۋدانىنىڭ توعىسپالى اقپارات قۇرالدارى ورتالىعىمەن جوعارى ءونىمدى اتتانىسقا كەلىپ، كۇش جالعاپ ىقپالداسىپ، ’باياۋ تىكە تاراتۋ + كەڭىستىكتەن ءتۇسىرۋ + كوپ ورىن كورىنىسىن جىلجىمالى تىكە تاراتۋ‘ تاسىلىمەن شينجياڭنىڭ ماقتا اتىزىنداعى ماشينامەن ەگۋ جۇمىس باسىن جاندى ايگىلەپ، باتىس ەلدەرىندەگى بوگدە نيەتتەگىلەردىڭ قيسىنسىز كۇيە جاعۋىنا فاكت ارقىلى پارمەندى تويتارىس بەردى، ىشكى - سىرتقى ۇگىتتىڭ تەڭ قادامدا كۇش سالۋى قالىڭ توراپكەرلەردىڭ جاقسى باعاسىن الدى، بۇل ءبىر رەتكى ءساتتى بولعان اقپارات قۇرالدارىنىڭ بىرلەسىپ ارەكەتتەنىپ حاباردى تىكە تاراتۋى“، - دەدى وسى رەتكى حاباردى تىكە تاراتۋ، جالعاپ تاراتۋعا ات سالىسقان حالىق گازەتى مەكەمەسى شينجياڭ بولىمشە مەكەمەسىنىڭ ءتىلشىسى ارداق.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.