تيانشان تورى   ›   جاڭالىقتار   ›   ەل ءىشى حابارى

تاريح بولاشاقتى نۇرلاندىرسىن

− باس شۋجي شي جينپيڭنىڭ ىزىمەن پارتيا تاريحىن ۇيرەنەيىك

شينحۋا اگەنتتىگىنىڭ تىلشىلەرى جۋ جيچاي، حۋاڭ يۋە، ديڭ شياۋشي، ۋاڭ زىميڭ

  تاريح، قاشاندا كەيبىر ەرەكشە ساتتەردە ادامدارعا تەرەڭ وي سالادى.

  1949 - جىلى 3 - ايدىڭ 23 - كۇنى تۇستەن بۇرىن ءتوراعا ماۋ زىدۇڭ ورتالىق كوميتەت ورگانىن باستاپ شيبايپودان اتتانىپ، سولتۇستىككە قاراي ىلگەرىلەدى، اتتاناردا ول تەرەڭ ويمەن: ”بۇگىن بەيجيڭگە بارىپ ەمتيحان بەرەتىن كۇن“، - دەدى.

  2013 - جىلى 7 - ايدا پارتيا 18 - قۇرىلتايىنان كەيىنگى ءبىرىنشى رەتكى پارتيا ىشىندەگى شوعىرلى تاربيە − پارتيانىڭ بۇقارالىق لۋشيان تاربيە امالياتى قيمىلى ورىستەتىلگەن كەزدە باس شۋجي شي جينپيڭ شيبايپوعا كەلدى. ەسكەرتكىش سارايىندا باس شۋجي ۇزاق تولعانىپ: ”پارتيا ءدوپ كەلگەن ’ەمتيحان بەرۋ‘ ءالى اياقتالعان جوق“، - دەدى.

  تاريح بولاشاقتى نۇرلاندىرادى، ساپاردىڭ اياقتايتىن كەزى بولمايدى.

  جۇڭگو كوممۋنيستىك پارتياسى 100 جىلدىق مەرەيتويىن قارسى الار ساتتە، تاعى ءبىر رەتكى پارتيا ىشىندەگى شوعىرلى تاربيە − پارتيا تاريحىن ۇيرەنۋ تاربيەسى بۇكىل پارتيادا دابىرالى ورىستەتىلدى.

  پارتيا 18 - قۇرىلتايىنان بەرى باس شۋجي شي جينپيڭ توڭكەرىستىك بايىرعى رايوندار مەن توڭكەرىستىك قاسيەتتى جەرلەردى تۇگەل ارالادى، قىزىل ەستەلىكتى قايتا ەسكە الىپ، اسەرلى حيكايالاردى اڭگىمەلەپ، پارتيا تاريحى سالار ويدى ءتۇسىندىرىپ، بۇكىل پارتيانىڭ تاريحتى ۇيرەنۋ ارقىلى قاعيدانى تۇسىنۋىنە، تاريحتى ۇيرەنۋ ارقىلى سەنىمدى ارتتىرۋىنا، تاريحتى ۇيرەنۋ ارقىلى ءمورالدى اسقاقتاتۋىنا، تاريحتى ۇيرەنۋ ارقىلى ۇمتىلا ىستەۋىنە شۇعىلالى ۇلگى ورناتتى.

قاعيدانى ءتۇسىنىپ، سەنىمدى ارتتىرۋ −

100 جىلدىق پارتيا تاريحىنىڭ ىشكى لوگيكاسى مەن تەرەڭ ويىن ءتۇسىندىرىپ، ”ءتورت سەنىمدى“ اناعۇرلىم بەكەمدەدى

  تيان - انمىن الاڭىنىڭ شىعىس جانىندا، جۇڭگو مەملەكەتتىك مۇراجايى قاسقايىپ تۇر.

  «گۇلدەنۋ جولى» نەگىزگى كورمە زالىنا كىرگەندە تاريح بەلگىلەرى قارسى الدىدان لاپ قويادى.

  ”قازىر كوپشىلىك تۇگەل جۇڭگو ارمانىن تالقىلاپ جاتىر، مەنىڭشە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − جۇڭحۋا ۇلتىنىڭ تاياۋ زاماننان بەرگى ەڭ ۇلى ارمانى“.

  2012 - جىلى 11 - ايدىڭ 29 - كۇنى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعانىنا نە بارى 15 كۇن بولعان شي جينپيڭ جولداس، جۇڭگو كوممۋنيستىك پارتياسى 18 - كەزەكتى ورتالىق كوميتەتى ساياسي بيۋروسىنىڭ تۇراقتى مۇشەلەرىن باستاپ وسى اراعا كەلىپ، سالتاناتپەن جاريالادى.

  ماڭگىلىك ۇلى ءىس مۇراتى ءدال 100 جىلدىق كەمەل شاققا تۋرا كەلدى.

  باس شۋجي شي جينپيڭ پارتيا تاريحىن باستان - اياق ءىرى تاريح كوزقاراسىمەن باعامداپ جانە يگەرىپ، باستان - اياق ونى جاڭا جۇڭگو تاريحىمەن، رەفورما جاساۋ، ەسىك اشۋ تاريحىمەن، سوتسياليزمنىڭ دامۋ تاريحىمەن بايلانىستىرىپ ۇيرەندى، تولعاندى.

  باس شۋجي بىلاي دەپ تەرەڭ اتاپ كورسەتتى: ”جۇڭگو كوممۋنيستىك پارتياسىنىڭ تاريحى − جۇڭگونىڭ تاياۋ، وسى زاماننان بەرگى تاريحىنداعى ەڭ جىر ەتەرلىك، ماقتان ەتەرلىك تاراۋ“، جۇڭگو كوممۋنيستىك پارتياسىن قۇرۋ، جۇڭحۋا حالىق رەسپۋبليكاسىن قۇرۋ، رەفورما جاساۋدى، ەسىك اشۋدى جانە جۇڭگوشا سوتسياليزم ىستەرىن ىلگەرىلەتۋ ”تاياۋ زاماننان بەرگى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى 3 ۇلكەن بەلەس“.

  تاريحتى ۇيرەنۋ ارقىلى قاعيدانى ءتۇسىنۋ 100 جىل شىمىرلاعان قىزىل تاراۋلاردى اشتى، باس شۋجي شي جينپيڭ شىتىرمان تاريح مۇنارىنىڭ استارىنداعى ۇزبەي جالعاسقان تابيعي لوگيكانى تەرەڭ ءتۇسىندىردى.

  «گۇلدەنۋ جولى» كورمەسىن ارالاعان كەزدە باس شۋجي شي جينپيڭ ”اقيقاتتىڭ ءدامىن“ جاندى باياندادى.

  ”ءبىر كۇنى ءبىر ازامات ءۇي ىشىندە قالامىن سىلتەي ءتۇسىپ كىتاپ جازىپ وتىرىپتى، شەشەسى سىرتتان ايعايلاپ: ’زۇڭزى جەگەندە وعان قانت سۋىن قوسۋ كەرەك، جەدىڭ بە؟‘ دەپ سۇراپتى. ول: ’جەدىم، جەدىم، ءتاتتى - اق ەكەن‘ دەپتى. قاريا ۇيگە كىرىپ قاراسا، الگى ازامات كىتابىن باس الماستان جازىپ وتىرىپتى، اۋزى - باسى تولعان قارا سيا“ دەيدى. كورمە سورەسىندەگى «كوممۋنيستىك پارتيا جارناماسىنىڭ» حانزۋشا اۋدارما كىتابىن نۇسقاپ، باس شۋجي: ”مىنا كىسى كىم؟ بۇل چىن ۋاڭداۋ، وسى كىتاپتى جازعان“ دەدى.

  5 جىلدان كەيىن پارتيا 19 - قۇرىلتايى جابىلعانىنا ءبىر اپتا عانا بولعاندا، باس شۋجي شي جينپيڭ جاڭا كەزەكتى ورتالىق كوميتەت ساياسي بيۋروسىنىڭ تۇراقتى مۇشەلەرىن باستاپ ارنايى شاڭحايعا جانە جىجياڭ جياشيڭعا باردى. جۇڭگو كوممۋنيستىك پارتياسى 1 - قۇرىلتايى اشىلعان ورىندا باس شۋجي وسى شاعىن كىتاپتىڭ اڭگىمەسىن تاعى ءبىر رەت ايتتى.

  اقيقاتتىڭ ءدامى نەلىكتەن وسىنشا ءتاتتى بولادى؟ ويتكەنى وتاندى، حالىقتى قۇتقارۋدىڭ جولىن ىزدەۋ الدەنەشە رەت ساتسىزدىككە ۇشىراعان، كۇيىنىشتى قان مەن جاس اراسىندا ماركسيزم بەينە قاراڭعى ءتۇندى قاق تىلگەن نايزاعايداي جارق ەتىپ، اۋىر ازاپ ىشىندەگى كونە جۇڭگوعا قۋاڭشىلىقتاعى قۇت جاڭبىرىنداي ءۇمىت اكەلدى.

  2020 - جىلى 9 - ايدىڭ 17 - كۇنى تۇستەن كەيىن مىڭ جىلدىق ءبىلىم ورداسى يۋەلۋ كىتاپحاناسى، اق جاۋىن تولاسسىز جاۋىپ تۇر، حۋناندا قىزمەت تەكسەرىپ جۇرگەن باس شۋجي شي جينپيڭ وسى اراعا كەلدى.

  ساباقحانانىڭ الدىندا باس شۋجي شاتىر ۇستاپ، كۇنقاعارداعى ”شىندىقتى ءىس جۇزىنەن ىزدەۋ“ دەگەن ماڭدايشالىققا قاراپ، ۇزاق ويعا باتتى.

  ”ءتوراعا ماۋ زىدۇڭ سول جىلدارى وسى ارادان ءبىلىمىن جەتىلدىرىپ شىققان، شىندىقتى ءىس جۇزىنەن ىزدەۋ دەگەن وسى ارادا تۋىنداعان. كوممۋنيستىك پارتيا نەلىكتەن تابىسقا جەتەدى؟ سول جىلدارى شىكۋمىندەگى نانحۋ كولىندەگى سول ءبىر قايىقتاعى سول ون نەشە ادامنان بۇگىنگى وسى جاعدايعا جەتتىك. مۇنداعى جولدى، ءسوز جوق، انىقتاپ ءبىلۋ، ءسوز جوق، اقيقاتتى ءوز جەرىمىزگە ۇيلەستىرۋىمىز كەرەك“.

  پارتيانىڭ تاريحىنا قايىرىلا قاراعاندا عانا، دۇرىس جولدى تابۋدىڭ قانشاما وڭايعا سوقپاعانىن اناعۇرلىم تەرەڭ سەزىنۋگە بولادى.

  100 جىلدان بەرى جۇڭگو كوممۋنيستىك پارتياسى يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە ىلگەرىلەۋگە، شىندىققا تالپىنىپ، ناقتى ىستەۋگە تاباندى بولعاندىقتان دا، ماركسيزمنىڭ نەگىزگى قاعيداسىن جۇڭگونىڭ ناقتى ءىس جۇزىندىگىمەن ۇشتاستىرۋعا تاباندى بولعاندىقتان دا جەر - الەمدى شىت جاڭا تۇرلەنتكەن، دۇنيەنى ءدۇر سىلكىندىرگەن ۇلى كەرەمەتتى جاراتا الدى.

  2015 - جىلى 2 - ايدىڭ 14 - كۇنى، يان - ان ياڭجياليڭ، ورتالىق ۇلكەن زال. پارتيانىڭ 7 - قۇرىلتايى اشىلعاندىعىنىڭ 70 جىلدىعى ساتىندە، شانشيدە قىزمەت تەكسەرىپ جۇرگەن باس شۋجي شي جينپيڭ وسى اراعا كەلدى.

  تاريح بەتىندە ايشىقتالعان وسى رەتكى ءماجىلىس، ماۋ زىدۇڭ يدەياسىن پارتيا تۋىنا جازىپ، وسى جاس ماركسيزمدىك ساياسي پارتيانىڭ تولىسۋعا بەتتەۋىنىڭ ماڭىزدى ۇردىسىنە كۋا بولدى.

  ”پارتيامىزدىڭ تاريحتىڭ سىنى مەن اۋىرتپالىعىنان سۇرىنبەي جەڭىسكە جەتۋىنىڭ تەتىگى − امالياتتا جاڭالىق اشۋ مەن نازاريادا جاڭالىق اشۋدى ۇزدىكسىز جۇرگىزگەندىگىندە“. سول جىلعى جيىن زالىندا تۇرىپ، باس شۋجي شي جينپيڭ بارىنشا تەبىرەندى.

  ماۋ زىدۇڭ يدەياسىنان، دىڭ شياۋپيڭ نازارياسىنان، ”ۇشكە ۋاكىلدىك ەتۋ“ ماڭىزدى يدەياسىنان، عىلمي دامۋ كوزقاراسىنان شي جينپيڭنىڭ جاڭا ءداۋىر جۇڭگوشا سوتسياليزم يدەياسىنا دەيىن 100 جىلدىق پارتيا تاريحى − اماليات نەگىزىندە نازاريادا جاڭالىق اشۋ تاريحى.

  بەيجيڭ داشۋەسى سىندى جۇڭگودا ماركسيزمدى ەڭ ەرتە تاراتقان جانە زەرتتەگەن جەرگە كەلىپ، باس شۋجي شي جينپيڭ ماركسيزم نازارياسى تاربيەسىن ويداعىداي يگەرىپ، وقۋشىلاردى ماركسيزمنىڭ تاريحي سوزسىزدىگى مەن عىلمي اقيقاتتىعى، نازاريالىق ءمانى مەن رەال ماڭىزى جونىندەگى تانىمدى تەرەڭدەتۋگە شابىتتاندىردى.

  يۇنناندا قىزمەت تەكسەرگەن كەزدە باس شۋجي شي جينپيڭ تىڭچۇڭداعى ايسىچي ەسكەرتكىش سارايىنا بارىپ، ايسىچيدى ”ماركسيزمدى ءوز جەرىمىزگە ۇيلەستىرۋدى جاقسى بايانداعان دارىندى“ دەپ القاپ: ماركسيزمدى ويداعىداي تاراتۋدا قالىپتان جازباي، جاتتامالى سوزدەردى قاز - قالپىندا الا بەرۋگە بولمايدى، جۇرتشىلىققا بەيىمدەۋ، ۇعىنىقتى ەتۋ كەرەك، - دەپ باسا دارىپتەدى.

  ...

  تاريحتى ۇيرەنۋ ارقىلى سەنىمدى ارتتىردى، قىزمەت تەكسەرۋ، تەكسەرۋ - زەرتتەۋ جۇرگىزۋ بارىسىندا باس شۋجي شي جينپيڭ ماركسيزمنىڭ جۇڭگونى قالاي تەرەڭ وزگەرتكەندىگىن، دۇنيەنى قالاي وزگەرتكەندىگىن تالاي رەت تەرەڭدەي ءتۇسىندىرىپ، بۇكىل پارتيانى ماركسيزمنىڭ اقيقات كۇشى مەن اماليات كۇشىن ءتۇسىنىپ، جۇڭگوشا سوتسياليستىك ”ءتورت سەنىمدى“ ۇزدىكسىز بەكەمدەۋگە جەتەكتەدى.

  نازارياداعى سەرگەكتىكتەن ساياسيداعى تاباندىلىققا دەيىن تاريحتىڭ تاجىريبەسىن، ءتىپتى، تاجىريبە - ساباعىن قورىتىندىلاپ، قايىرىلا تولعانۋ بارىسىندا باس شۋجي شي جينپيڭ پارتيانىڭ جاپپاي باسشىلىعىنا تاباندى بولۋ مەن ونى كۇشەيتۋدىڭ ەرەكشە ماڭىزدىلىعىن تالاي رەت ءناسيحات ەتتى.

  گۇيجوۋ، قىزىل جەر.

  2015 - جىلى 6 - ايدىڭ 16 - كۇنى باس شۋجي شي جينپيڭ گۇيجوۋعا بارىپ قىزمەت تەكسەرگەندە ءبىرىنشى بەكەتتە زۇن - يگە باردى.

  سول جىلدارداعى كورىنىس بويىنشا ورنالاستىرىلعان جيىن بولمەسىندە سول جىلدارى ماجىلىسكە قاتىناسقان ادامداردىڭ رەڭسىز سۋرەتى ءىلىنىپتى. باس شۋجي شي جينپيڭ تاياپ بارىپ زەر سالا قارادى: ”زۇن - ي ءماجىلىسى پارتيامىزدىڭ تاريحىنداعى ءبىر رەتكى ۇلى بۇرىلىس مانىنە يە ماڭىزدى ءماجىلىس، ماركسيزمنىڭ نەگىزگى قاعيداسىن جۇڭگونىڭ ناقتى ءىس جۇزىندىگىمەن ۇشتاستىرۋ، دەربەس، ءوز - وزىنە قوجا بولۋ جولىمەن جۇرۋگە تاباندى بولۋ، دۇرىس ساياسي لۋشيان مەن ساياسات - تاكتيكالاردى بەكەمدەۋ، پارمەندى دە تولىسقان ورتالىق كوميتەت باسشىلىق كوللەكتيۆىن قۇرۋ سياقتى جاقتاردا قىمباتتى تاجىريبەلەر مەن ماڭىزدى ويلاردى قالدىردى“.

  2021 - جىلى 2 - ايدىڭ 3 - كۇنى باس شۋجي شي جينپيڭ گۇيجوۋعا تاعى بارىپ قىزمەت تەكسەردى. ۋجياڭ وزەنىنىڭ جاعاسىندا ءجۇرىپ، قارسى جاعاداعى جالاما قۇزعا قاراپ تۇرىپ، باس شۋجي تەبىرەنە بىلاي دەدى: ”وسى ارادان - اق سول جىلداردا قىزىل ارميانىڭ ۋجياڭ وزەنىنەن كۇشپەن ءوتۋىنىڭ قانداي ماشاقاتتى بولعانىن ويلاۋعا بولادى“.

  100 جىلدىق پارتيا تاريحىندا، قانشالاعان بۇراڭدىقتاردا، تالاي رەتكى قيان - كەسكى جاعدايلاردا، اجال القىمىندا تىرشىلىك جولىن اشىپ، داعدارىستى ورايعا اينالدىرعاندا نەگە سۇيەندى؟

  ”زۇن - ي ءماجىلىسىنىڭ ايقىن ەرەكشەلىگى اقيقاتقا تاباندى بولىپ، قاتەلىكتى تۇزەتىپ، پارتيا ورتالىق كوميتەتىنىڭ دۇرىس باسشىلىعىن مىقتاپ ورناتىپ، جۇڭگو توڭكەرىسىنىڭ ەرەكشەلىگىنە ۇيلەسەتىن ستراتەگيانى، تاكتيكانى جاسامپازدىقپەن جاساۋى جانە اتقارۋى بولدى. بۇل بۇگىنگى كۇندە دە ايرىقشا ماڭىزدى مانگە يە“، - دەدى باس شۋجي شي جينپيڭ تەرەڭ ماعىنادا.

  پارتيانىڭ باسشىلىعىنا تاباندى بولۋدا، ءسوز جوق، پارتيا قۇرىلىسىن كۇشەيتۋ كەرەك. 100 جىلدىق پارتيا تاريحى پارتيانىڭ ءوز - وزىنە توڭكەرىس جۇرگىزۋ تاريحى سانالادى.

  فۋجيانداعى گۋتيان ءماجىلىسىنىڭ كونە جۇرتىنا تاعى بارىپ، بۇكىل ارميانىڭ ساياسي قىزمەت ءماجىلىسىن اشىپ، ارميانى قۇدىرەتتەندىرۋ قىزمەتىندە شىت جاڭا جاعداي اشۋدى ىلگەرىلەتتى؛ ونان تاعى حىبەيدەگى شيبايپوعا بارىپ، ”ەكى بولسىننىڭ“ تەرەڭ ءمانىن سەزىنىپ، پارتيانى جاپپاي قاتاڭ جونگە سالۋدىڭ تەرەڭدەي دامۋىن ىلگەرىلەتتى؛ بەيجيڭدەگى شياڭشانعا كەلىپ، بۇكىل پارتياعا ”ەمتيحان بەرۋدەي“ سەرگەكتىكپەن جانە باتىلدىقپەن جاڭا ءداۋىردىڭ جاۋابىن جاقسى جازۋدى ەسكەرتتى...

  ءبىر - بىرلەگەن تاريحي وقيعا ورنىندا ”پارتيا تاريحى تاربيە ساباعىن“ ءوتۋ ارقىلى باس شۋجي شي جينپيڭ ادامداردى جۇڭگو كوممۋنيستىك پارتياسىنىڭ نەلىكتەن يقۋاتتى ەكەندىگىن، ماركسيزمنىڭ نە ءۇشىن جۇزەگە اساتىندىعىن، جۇڭگوشا سوتسياليزمنىڭ نە ءۇشىن جاقسى ەكەندىگىن اناعۇرلىم تەرەڭ تۇسىنۋگە جەتەكتەدى.

ءمورالدى اسقاقتاتىپ، بەكىم ورناتتى −

100 جىلدىق پارتيا تاريحىنىڭ قىزىل گەنىن جانە تاڭداۋلى ءداستۇردى ۇزدىكسىز جالعاستىرىپ، جۇڭگو كوممۋنيستەرىنىڭ رۋحاني ارقاۋىن بيىكتەتتى

  2015 - جىلى 9 - ايدىڭ 2 - كۇنى حالىق سارايىنىڭ التىن ءتۇستى زالىندا سالتاناتتى قۇرمەت قاراۋىلى قۇرمەت قاداممەن كىرىپ، مىلتىقتارىن سەرت ۇستاپ تاپجىلماي تۇردى، كەرنايشىلار قۇرمەت كۇيىن اسقاقتاتا سالدى.

  باس شۋجي شي جينپيڭ جاپون شاپقىنشىلارىنا قارسى سوعىستا ەرەن ەڭبەك سىڭىرگەن ارداگەرلەرگە نەمەسە ولاردىڭ سوڭىندا قالعان بالا - شاعاسىنا التىنداي جارقىراعان ”جۇڭگو حالقىنىڭ جاپون شاپقىنشىلارىنا قارسى سوعىسى جەڭىسكە جەتكەندىگىنىڭ 70 جىلدىعى ەستەلىك زناگىن“ تاقتى ءارى ولارمەن قول الىسىپ، وسكەلەڭ قۇرمەت ءبىلدىردى.

  ءۇمىتتى ۇلتتا قاھارمان بولماسا بولمايدى، بولاشاعى بار مەملەكەتتە اتويشى بولماسا بولمايدى.

  جيڭگاڭشان توڭكەرىستىك قۇرباندار قابىرستانىنان جينجاي اۋدانى توڭكەرىستىك قۇرباندار ەسكەرتكىش مۇناراسىنا دەيىن، ونان تاعى قىزىل ارميانىڭ ۇزاق جورىقتا كەزدەسۋ ەسكەرتكىشىنە دەيىن؛ جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسىن ەسكە ءتۇسىرۋ كۇنىنەن قاھارمانداردى ەسكە ءتۇسىرۋ كۇنىنە دەيىن، ونان نانجيڭ زور قىرعىنىندا قازا بولعاندارعا مەملەكەتتىك ازا ءبىلدىرۋ كۇنىنە دەيىن...پارتيا 18 - قۇرىلتايىنان بەرى قاھارمانداردىڭ ۇزاق ۇيقىعا كەتكەن جەرىندە ارداگەرلەرگە ازا بىلدىرگەن كەزدە باس شۋجي شي جينپيڭ قاھارمانداردى ەسكە الىپ، قاھارماندارعا قۇرمەت بىلدىرگەن كورىنىسى جۇرت جۇرەگىن تەبىرەنىتتى.

  تاريحتى ۇيرەنۋ ارقىلى ءمورالدى اسقاقتاتۋدا قىزىل ءداستۇردى ساۋلەلەندىرىپ، قىزىل گەنگە مۇراگەرلىك ەتىپ، رۋحاني تامىردى ۇزدىكسىز جالعاستىرۋ كەرەك.

  ”جيڭگاڭشان، يان - ان، شيبايپو سياقتى توڭكەرىستىك قاسيەتتى جەرلەرگە كەلگەن سايىن، رۋحاني جاقتان، يدەيالىق جاقتان جاڭارا تۇسەمىن“، - دەيدى باس شۋجي شي جينپيڭ ۇنەمى، - ”وسى ۇلى تاريحتى كوبىرەك پىسىقتاپ تۇرساڭ، جۇرەگىڭە كوپتەگەن وڭ ەنەرگيا قوسىلادى“.

  بۇل كۇش توڭكەرىستىك مۇراتتان اينىماۋدان باستاۋ الدى −

  جياڭشيدىڭ گانجوۋىندا، ورتالىق قىزىل ارميانىڭ ۇزاق جورىققا اتتانۋ ەسكەرتكىشى يۇيدۋ وزەننىڭ جاعاسىندا اسقاق بوي كوتەرىپ، سوناۋ ۇلى ۇزاق جورىقتان سىر شەرتىپ تۇرادى.

  2019 - جىلى 5 - ايدىڭ 20 - كۇنى باس شۋجي شي جينپيڭ ۇشاققا، پويەزگە وتىرىپ، ودان اۆتوموبيلگە اۋىسىپ، دامىل تاپپاي 7 ساعاتتان استام جول ءجۇرىپ وسى اراعا كەلىپ، تاريحتىڭ ۇنىنە قۇلاق ءتۇرىپ، قىزىل ەستەلىكتى ىزدەدى.

  ”توڭكەرىستىك مۇرات بارىنەن جوعارى، مۇرات - سەنىم وتى تۇتانسا، ماڭگى الاۋلايدى“، - دەدى شي جينپيڭ تەبىرەنە، - ”بۇل مۇرات - سەنىم، ءسوز جوق، بىزدە بولۋ كەرەك. بۇل وتتى ونان ارى لاۋلاتا ءتۇسۋ كەرەك“.

  100 جىلدىق داڭق، بەرىك سەنىمدى ەستەلىككە الىپ، قاھارماندىق ارىندى اسقاقتاتتى.

  اتتانعان جەر يۇيدۋدان باسىپ وتكەن، دامىلداعان جەر حۋناننىڭ چىنجوۋىنا دەيىن، كەلەلى بۇرىلىس بولعان گۇيجوۋدىڭ زۇن - يىنەن قالىڭ قول كەزدەسكەن نيڭشيانىڭ جياڭتايباۋىنا دەيىن، ودان باتىس باعىت ارمياسى قيان - كەسكى سوعىسقان گانسۋدىڭ گاۋتايىنا دەيىن... باس شۋجي شي جينپيڭ ۇزاق جورىق ىزدەرىن ىزدەپ، جەر - الەمدى ءدۇر سىلكىندىرگەن رۋحاني ۇلى كۇشتى سەزىنىپ جاڭا داۋىردە ۇزاق ساپاردى جاقسى باستاۋ ۇندەۋىن تاستادى.

  بۇل كۇش تاڭداۋلى داستۇردەن اينىماۋدان باستاۋ الدى −

  بادانجىرىن قۇمدى ءشول جيەگىنە، حيحى وزەنىنىڭ تومەنگى اعارىنا جۇڭگونىڭ تۇڭعىش رەتكى ۇشىرۋ الاڭى − جيۋچۋان جاساندى سەرىك ۇشىرۋ ورتالىعى ورنالاسقان. ۇزاق ۇيقىعا كەتكەن 700 نەشە عارىش قاھارمانىنا ارنالعان شىعىس جەلى توڭكەرىستىك قۇرباندار قابىرستانى ۇشىرۋ مۇناراسىمەن بىرگە بوي سوزىپ تۇر.

  2013 - جىلى كوكتەم مەرەكەسى قارساڭىندا باس شۋجي شي جينپيڭ وسى اراعا كەلىپ، ەلىمىزدىڭ عارىش عىلىم - تەحنيكا ىستەرىنە ءوزىن ارناعان ەرجۇرەك قۇرباندارعا گۇل شارباق ۇسىنىپ، عىلىم - تەحنيكا قىزمەتكەرلەرىن ”ەكى بومبى، ءبىر سەرىك“ رۋحىن، عارىشقا ادام الىپ ۇشۋ رۋحىن جانە ”شىعىس جەلى رۋحىن“ اسقاقتاتىپ، ۇلتتى گۇلدەندىرۋدى ءوز مىندەتتەرى ساناپ، كەرەمەتتەرگە تالپىنىپ، قۇمدى شولگە تامىر تارتىپ، وتان مەن حالىقتىڭ ءۇمىتىن اقتاۋعا جىگەرلەندىردى.

  لياۋنيڭنىڭ فۋشۇنى لەي فىڭنىڭ ەكىنشى مەكەنى.

  2018 - جىلى 9 - ايدا شىعىس سولتۇستىكتەگى 3 ولكەدە قىزمەت تەكسەرگەندە باس شۋجي شي جينپيڭ فۋشۇن قالاسى لەي فىڭ ەسكەرتكىش سارايىنا ارنايى بارىپ، لەي فىڭنىڭ ءومىر بايانى مەن ىزگى ىستەرى كورمەسىن ەكسكۋرسيالادى. لەي فىڭنىڭ قول جازباسى، ارتىندا قالعان دۇنيەلەرى، سۋرەتى سياقتى كورمە بۇيىمدارىن باس شۋجي ايالداپ كورىپ، لەي فىڭ رۋحىن ۇرپاقتان - ۇرپاققا جالعاستىرۋدى العا قويدى.

  ”ەگەر ءبىر ميلليارد 300 ميلليوننان استام جۇڭگو حالقى، 89 ميلليوننان استام پارتيا مۇشەسى، 4 ميلليوننان استام پارتيا ۇيىمى تۇگەلدەي لەي فىڭ رۋحىن ۇيرەنسە، تۇگەلدەي ءوز قىزمەت ورنىندا ماڭگى تات باسپايتىن شەگە بولا السا، ءبىزدىڭ ۇيىسۋ قۋاتىمىز، جاۋىنگەرلىك قۋاتىمىز شەكسىز قۋاتتى بولادى، قاشاندا جەڭىسكە جەتپەي قويمايمىز“، - دەدى باس شۋجي شي جينپيڭ.

  بۇل كۇش اۋەلگى ماقسات قاسيەتىنەن اينىماۋدان باستاۋ الدى −

  حىناننىڭ لانكاۋى، كوممۋنيستەردىڭ رۋحاني جەر بەلگىسى.

  2014 - جىلى 3 - ايدا جانە 5 - ايدا باس شۋجي شي جينپيڭ 2 رەت وسى اراعا كەلىپ، ىلگەرىندى - كەيىندى لانكاۋ اۋداندىق پارتكوم تۇراقتى كوميتەتىنىڭ كەڭەيتىلگەن ماجىلىسىنە، اۋداندىق پارتكوم تۇراقتى كوميتەت باسشىلىق القاسىنىڭ پارتيانىڭ بۇقارالىق لۋشيان تاربيەسى امالياتتىق قيمىلىنىڭ ارناۋلى تاقىرىپتىق دەموكراتيالىق تۇرمىس جيىنىنا قاتىناستى.

  ”جياۋ يۇيلۋ جولداس تۇرمىستا قاراپايىم بولدى، ءىستى ۇنەمشىلدىكپەن تىندىردى، قاشاندا جاپادا الدا، راحاتتا ارتتا ءجۇردى. ول كيىمىن، باس كيىمىن، اياق كيىمىن، بايپاعىن ءبارى - ءبارىن كوپ رەت سوگىپ جۋىپ، قايتا - قايتا جاماپ كيگەن. ول پارتيا تارتىبىنە، پارتيا ەرەجەسىنە قاتاڭ بويسۇنىپ، ەشقاشان دا قولىنداعى ۇقىقتان پايدالانىپ، وزىنە جانە تۋىس - تۋعاندارىنا پايدا كوزدەپ كورمەدى“، - دەدى لانكاۋ اۋداندىق پارتكوم تۇراقتى كوميتەتىنىڭ كەڭەيتىلگەن ماجىلىسىندە باس شۋجي شي جينپيڭ جياۋ يۇيلۋدىڭ كىرشىكسىز ءمانساپتى بولعان حيكاياسىن تەرەڭ سەزىممەن بايانداپ، كوپشىلىكتى جياۋ يۇيلۋداي جاقسى پارتيا مۇشەسى، جاقسى كادر بولۋعا قۇلشىنۋعا شابىتتاندىردى.

  تۇرمەدە «جارلىنى» جازعان فاڭ جىمين، جەرگىلىكتى بۇقارا قۇرمەتتەپ «گۋگۇڭ» دەپ اتاپ كەتكەن گۋ ۋىنچاڭ، ءوز ەركىمەن اۋىلىنا قايتىپ ديقان بولعان گەنەرال گان زۋچاڭ، ءومىر بويى اتاعىن جاسىرعان پارتيانىڭ جاقسى جاۋىنگەرى جاڭ فۋچيڭ... باس شۋجي شي جينپيڭ بارعان جەرلەرىندە بايانداپ، توڭكەرىستىك قۇربانداردىڭ، تاڭداۋلى پارتيا مۇشەلەرىنىڭ حيكايالارىن تەرەڭ سەزىممەن اڭگىمەلەپ، قالىڭ پارتيا مۇشەسىن ۇلگىلەردەن، وزاتتاردان ۇيرەنىپ، ولارعا قاراپ قاتار تۇزەپ، ساياسي ءمورال ورناتۋعا، جالپىلىق ءمورالدى ايقىنداۋعا، الەۋمەتتىك ءمورالعا بويسۇنۋعا، جەكە باستىق ءمورالدى قاتايتۋدى قۇلشىنا ورىنداۋعا جەتەكشىلىك ەتتى.

  100 جىلدىق ساپاردا ۇرپاقتان - ۇرپاققا جالعاسقان كوممۋنيستەردىڭ قايسارلىقپەن شايقاس جۇرگىزىپ، تالىقپاي كۇرەس جاساپ، ءبىر قىدىرۋ ۇلى رۋحتى قالىپتاستىرىپ، جۇڭگو كوممۋنيستەرىنىڭ رۋحاني شەجىرەسىن تۇلعالادى.

  توڭكەرىس مەزگىلىندەگى قىزىل قايىق رۋحىنان، جيڭگاڭشان رۋحىنان، يان - ان رۋحىنان قۇرىلىس مەزگىلىندەگى امەريكا جيھانگەرلەرىنە قارسى تۇرىپ چاۋشيانعا كومەك بەرۋ رۋحىنا، ”ەكى بومبى، ءبىر سەرىك“ رۋحىنا، داچيڭ رۋحىنا، ودان رەفورما جاساۋ، ەسىك اشۋ مەزگىلىندەگى ەرەكشە رايون رۋحىنا، تاسقىنعا قارسى اتتانۋ رۋحىنا، سىلكىنىسكە قارسى تۇرىپ اپاتتان قۇتقارۋ رۋحىنا، ىندەتكە قارسى اتتانۋ رۋحىنا، كەدەيلىكتەن ارىلتۋدان قامال الۋ رۋحىنا دەيىن...

  تاريحتى ۇيرەنۋ ارقىلى ءمورالدى اسقاقتاتۋ، ءار رەتكى تەرەڭ سەزىممەن بايىمداۋ، ءار رەتكى ىقىلاستى تاپسىرمالار، باس شۋجي شي جينپيڭ تاريح جونىندەگى ىزدەنىسى بارىسىندا بۇكىل پارتيانى پارتيا تاريحىنان پارتيانى قۇرۋعا، پارتيانى گۇلدەندىرۋگە، پارتيانى قۇدىرەتتەندىرۋگە اسا مول ءنار الىپ، بۇكىل پارتيانى جاڭا ساپارعا قادام تاستاۋ، جاڭا داۋىردە ەكپىندەي ىلگەرىلەۋ جىگەرىن تاسقىنداتۋعا تاربيەلەدى، جەتەكتەدى.

حالىق ءۇشىن قۇلشىنا ىستەدى −

100 جىلدىق پارتيا تاريحىنىڭ نەگىزگى قان تامىرىن جانە كۇش قاينارىن ىزدەپ، حالىقتى باقىتقا كەنەلتۋ بورىش، جاۋاپكەرلىك ارقالاۋ ىنتاسىن قاۋلاتتى

  حۋنان - جياڭشي شەكاراسىنداعى لوشياۋشان تاۋىنىڭ وڭتۇستىك بولىگىنە ورنالاسقان اسەم ياۋزۋ شاعىن قىستاعىندا جان تەبىرەنتەرلىك حيكايا تارادى.

  1934 - جىلى 11 - ايدا حۋنان ولكەسى رۋچىڭ اۋدانى شاجوۋ قىستاعىنان وتكەن قىزىل ارميانىڭ 3 ايەل جاۋىنگەرى قىستاق تۇرعىنى شۇي جيەشيۋدىڭ ۇيىنە تۇنەپ، كەتەرىندە نەبارى جالعىز كورپەنىڭ جارتىسىن كەسىپ وعان قالدىرادى.

  2016 - جىلى 10 - ايدا قىزىل ارميانىڭ ۇزاق جورىق جەڭىسىنىڭ 80 جىلدىعىن ەسكە ءتۇسىرۋ جينالىسىندا باس شۋجي شي جينپيڭ وسى تاريحتى اۋىزعا الىپ: ”سول كەزدە مەن ايتىپ تۇرىپ، ەرەكشە اسەرلەندىم“، - دەدى.

  4 جىلدان كەيىنگى كۇزدە باس شۋجي شي جينپيڭ حۋنانعا بارىپ قىزمەت تەكسەردى. سول جەرگە بارا سالىسىمەن، شاجوۋ قىستاعىنا توتە تارتىپ، ”شولاق كورپە جىلۋى“ ارناۋلى تاقىرىپتىق كورمە سارايىنا كىردى.

  قىزىل ارميا ايەل جاۋىنگەرلەرىنىڭ كورپەسىن كەسىپ قىستاق تۇرعىنىنا ۇسىنعان ءمۇسىنى الدىندا، باس شۋجي شي جينپيڭ اسەرلەنە بىلاي دەدى: ”قىزىل ارميا وزدەرى ىشەر اس، كيەر كيىمنەن تارىققان، ءولىم مەن ءومىر ارپالىسىندا تۇرعان جاعدايدا دا بۇقارانىڭ حال - جاعدايىن ويلادى. ءاربىر ءىس - ارەكەتكە ناعىز سۇيىسپەنشىلىك سىڭگەن! ارميامىز حالىقتىڭ قوسىنى، ءبىزدىڭ كوممۋنيستەر مەن بۇقارانىڭ سۇيىسپەنشىلىگى ءبىر كورپەنى ورتاق پايدالانۋ سۇيىسپەنشىلىگى بولىپ تابىلادى“.

  ءار رەتكى قىزمەت تەكسەرۋلەردە، تاريحي تاجىريبەنى قورىتىندىلاۋ، تاريحي ويدى اشىپ كورسەتۋ بولسىن، الدە پارتيا تاريحىنداعى حيكايالاردى بايانداۋ، قىزىل تاربيەگە جەتەكتەۋ بولسىن، باس شۋجي شي جينپيڭ باستان - اياق ”حالىق − تاريحتى جاراتۋشى“ دەيتىن ماتەرياليستىك تاريحي كوزقاراستى ۇستانىپ، حالىق تۇرعىسى سىندى ءتۇبىرلى تۇرعىعا باستان - اياق تاباندى بولدى.

  بيلىك − حالىق، حالىق − بيلىك.

  ”پارتيامىزدىڭ 100 جىلدىق تاريحى − پارتيانىڭ اۋەلگى ماقساتىن، بورىشىن امالياتتا ايگىلەۋ تاريحى، پارتيانىڭ حالىقپەن تىلەكتەس، تىنىستاس، تاعدىرلاس بولۋ تاريحى“. وسىنداي بولعاندىقتان جياشيڭنىڭ نانحۋ كولىندەگى قىزىل قايىق 100 جىلدىق بوران - شاشىندى باستان وتكەرىپ، اساۋ اعىس، حاۋىپتى قايراڭداردان ءوتىپ، جۇڭگوعا جول باستاعان الىپ كەمەگە اينالدى.

  پارتيانىڭ 19 - قۇرىلتايى جابىلعان سوڭ جەرگىلىكتى ورىنعا بارىپ قىزمەت تەكسەرۋدىڭ ءبىرىنشى ايالداماسىندا، باس شۋجي شي جينپيڭ جياڭسۋدىڭ شۇيجوۋىنا كەلدى.

  فىڭحۋاڭشان تاۋىنىڭ شىعىس باۋرايىنداعى حۋايحاي شايقاسى ەسكەرتكىشى سارايىندا، باس شۋجي شي جينپيڭ حالىقتىڭ الدىڭعى شەپكە كومەك كورسەتۋى سياقتى بولىكتەردى ءتۇيىندى تۇردە ەكسكۋرسيالادى. ناقتى زاتتار، سۋرەتتەر، كورىنىستەر، حۋايحاي شەشۋشى شايقاسىن قايتالاي كوز الدىعا ەلەستەتتى.

  ساندى مالىمەتتەردە كورسەتىلۋىنشە، حۋايحاي شايقاسىندا 2 ميلليون 250 مىڭنان استام حالىق جۇمىسكەرى، 400 مىڭنان استام ۇلكەندى - كىشىلى قول اربا اتتانىسقا كەلتىرىلىپتى. وسى قول اربالاردى ءبىر - بىرىنە جالعاپ، ەكى قاتار ەتىپ تىزسە، نانجيڭنەن بەيجيڭگە دەيىن جەتەدى ەكەن.

  باس شۋجي شي جينپيڭ ءتۇسىندىرۋدى تىڭداي وتىرىپ، قاتىستى ءمان - جايدى سۇراستىردى. ول تەرەڭ سۇيىسپەنشىلىكپەن بىلاي دەدى: توڭكەرىس جەڭىسى وڭاي - وسپاق قولعا كەلمەگەن، توڭكەرىستىك قاھارماندىق رۋحى بار ءبىر توپ دارىندى قولباسشىلار مەن سوعىس قاھارماندارىنا سۇيەندى، اسىرەسە، حالىقتىڭ قولداۋى مەن ۇلەس قوسۋىنا سۇيەندى. حۋايحاي شايقاسى شاعىن قول اربامەن كەلگەن جەڭىس. ءبىز حالىقتىڭ ءۇمىتىن جاقسى اقتاپ، حالىقتى باقىتتى، تاماشا تۇرمىسقا كەنەلتۋىمىز كەرەك.

  حالىق ءۇشىن ىستەۋ، حالىققا سۇيەنۋ كەرەك، حالىق − ناعىز قاھارمان. ”جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋىن جۇڭگو حالقى كۇرەس جۇرگىزۋ ارقىلى جۇزەگە اسىرعان!“.

  حۋايحاي شايقاسىنىڭ جەڭىسىنە بۇقارا قول اربانى يتەرىپ ءجۇرىپ قول جەتكىزدى؛ چاڭجياڭنان ءوتۋ شايقاسىنىڭ جەڭىسىنە بۇقارا شاعىن قايىقتى ەسىپ ءجۇرىپ قول جەتكىزدى؛ دابىرالى سوتسياليستىك قۇرىلىستى بۇقارا بىلەك سىبانا ىستەپ ءجۇرىپ ورىندادى؛ رەفورما جاساۋ، ەسىك اشۋدىڭ تاريحي ۇلى ءىسىن ميلليارد حالىق جالىندى ارىن، اسقاق سەزىممەن جارىققا شىعاردى...

  شىنجىن ليانحۋاشان تاۋىندا دىڭ شياۋپيڭ جولداستىڭ مىس ءمۇسىنى تاۋ توبەسىندەگى تەكشەدە قاسقايىپ، وسىناۋ القاپقا تەرەڭ سۇيىسپەنشىلىكپەن نازار سالىپ تۇر.

  2012 - جىلى 12 - ايدا گۋاڭدۇڭدا قىزمەت تەكسەرىپ جۇرگەن باس شۋجي شي جينپيڭ ليانحۋاشان تاۋىنا شىعىپ، دىڭ شياۋپيڭ جولداستىڭ مىس مۇسىنىنە گۇل شارباق قويدى، سونداي - اق سول جەرگە تاياۋ اراعا ءوز قولىمەن ءبىر ءتۇپ تاۋ ءىنجىرىن ەكتى.

  8 جىلدان كەيىن شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ قارساڭىندا، باس شۋجي شي جينپيڭ وسى اراعا تاعى دا كەلدى.

  تاۋ توبەسىندەگى تەكشەدە تۇرىپ باس شۋجي شي جينپيڭ شىنجىننىڭ جالپى كورىنىسىنە كوز جىبەردى، اسپانمەن تىلدەسكەن ءزاۋلىم عيماراتتار وسىزاماندانعان ءىرى قالانى كوكجيەكپەن تۇتاستىرىپ تۇرعانداي.

  بۇگىنگى ارقىلى كەشەگىنى ەسكە ءتۇسىرىپ، شىنجىن كەرەمەتىنە اسەرلەندى، باس شۋجي بىلاي دەدى: ”شىنجىن − رەفورما جاساپ، ەسىك اشقاننان كەيىن پارتيا مەن حالىق ءوز قولىمەن قۇرعان شىت جاڭا قالا، جۇڭگوشا سوتسياليزمنىڭ ءبىر پاراق اق قاعازعا تۇسكەن وزگەشە تۋىندىسى“، ”بۇل جۇڭگو حالقى جاراتقان دۇنيە ءجۇزىنىڭ دامۋ تاريحىنداعى ءبىر كەرەمەت“.

  نەشە ون مىڭ بۇقارا 10 جىل جاپالى جۇمىس ىستەۋ ارقىلى جالاما جارتاستان ”جاساندى وزەن“ حۇڭچي توعانىن سالۋدان شياۋگاڭ قىستاق تۇرعىندارىنىڭ بارماق تابىن باسىپ، اۋىل - قىستاق رەفورماسىنىڭ دابىلىن قاعۋعا دەيىن؛ بىرنەشە بۋىن ورمان الاڭى جۇمىسشىلارىنىڭ سايحانبانى سارى قۇمدى جاپان دالادان جالپاق ورمانعا اينالدىرۋىنان مىڭداعان ەرجۇرەك ارمانشىل جانداردىڭ نانحاي تەڭىزىنىڭ جاعالاۋىنداعى ”شەڭبەردى“ كۇن سايىن جاڭارىپ، اي سايىن تۇلەگەن حالىقارالىق ۇلكەن قالاعا اينالدىرۋىنا دەيىن...

  ءار رەتكى قىزمەت تەكسەرۋ، تەكسەرۋ - زەرتتەۋ جۇرگىزۋلەردە، ءار رەتكى ماڭىزدى سوزدەرىندە، باس شۋجي شي جينپيڭ بۇكىل پارتيانى پارتيانىڭ سيپاتىن، نەگىزگى ماقساتىن تەرەڭ تانىپ، باستان - اياق حالىقتى كوڭىل تورىنە قويۋعا، حالىقتىڭ تاماشا تۇرمىسقا تالپىنىسىن كۇرەس نىساناسى ەتۋگە ۇزدىكسىز تاربيەلەدى، جەتەكتەدى.

  سان مىڭ شاقىرىم جول باسسا دا، اۋەلگى ماقساتتى ەستەن شىعارمادى. تاريحتى ۇيرەنۋ ارقىلى ۇمتىلا ىستەۋدە حالىقتى باقىتقا كەنەلتۋدى ەڭ ۇلكەن ناتيجە ەتتى.

  پارتيانىڭ 18 - قۇرىلتايى جابىلىپ كوپ وتپەي، باس شۋجي شي جينپيڭ حىبەيدىڭ فۋپيڭ اۋدانىنا كەلىپ قيىنشىلىعى بار بۇقاراعا امانداسىپ، حال سۇرادى.

  بايىرعى رايونداعى كەيبىر اۋىلداستاردىڭ تۇرمىستا ءالى دە تارشىلىق كورىپ وتىرعانىن كورىپ، باس شۋجي شي جينپيڭ تەرەڭ ويعا باتتى. ”ءبىز، ءسوز جوق، اقىل - شارا تاۋىپ، كوپ بولىپ كۇش سالىپ، تەز ارادا اۋىلداستاردى جاقسى تۇرمىسقا كەنەلتۋىمىز كەرەك“. ءبىر اۋىز قاراپايىم ءسوز، ۇلتتى گۇلدەندىرۋ جولىندا مىقتاپ ىلگەرىلەتۋگە ءتيىستى ءىرى ءىستى ايقىن كورسەتتى.

  تايحاڭشان تاۋىنان يمىڭشان تاۋىنا دەيىن، ليۋپانشان تاۋىنان دابيەشان تاۋىنا دەيىن... مەيلى تاۋ قانشا بيىك، جول قانشا الىس بولسا دا، باس شۋجي شارشاپ - شالدىققانىنا قاراماستان شاپقىلادى. توڭكەرىستىك بايىرعى رايوندى كەدەيلىكتەن ارىلتىپ، اۋقاتتاندىرۋ قاشاندا ونىڭ كوڭىلىندەگى ەڭ ۇلكەن ۋايىمى ەدى.

  قازىر بايىرعى رايون اۋىل - قىستاقتارىنداعى كەدەي حالىقتى تەز ارادا كەدەيلىكتەن ارىلتۋ ۋادەسى ۋاعىندا جۇزەگە اسىپ، 100 ميلليونعا جۋىق كەدەي حالىق كەدەيلىك قالپاعىن الىپ تاستاپ، جۇڭحۋا ۇلتىن نەشە مىڭ جىل بويى مازالاپ كەلگەن مۇلدە كەدەيلىك ماسەلەسى تاريحي سيپاتتى شەشىم تاپتى.

  باسىپ وتكەن جولىمىزعا مۇقيات قايىرىلا قاراۋىمىز، باسىپ وتكەن جولىمىزدى ۇمىتپاۋىمىز، الداعى جولدى ۇزدىكسىز ويداعىداي ءجۇرۋىمىز كەرەك. باس شۋجي شي جينپيڭ 2021 - جىلعى كوكتەم مەرەكەسىن توپتىق قۇتتىقتاۋ ماجىلىسىندە ايتقانداي: پارتيامىز باستان - اياق ءداۋىر اعىمىنىڭ ەڭ الدىڭعى لەگىندە تۇرسا، قامال الۋدىڭ، قيىندىقتى ەڭسەرۋدىڭ ەڭ الدىڭعى شەبىندە تۇرسا، ەڭ كەڭ حالىق بۇقاراسىنىڭ اراسىندا تۇرسا بولعانى، ماڭگى جەڭىمپاز ورىندا تۇراتىندىعى ءشۇباسىز!

(شينحۋا اگەنتتىگىنىڭ 3 - ايدىڭ 26 - كۇنى بەيجيڭنەن بەرگەن حابارى)

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.