انار بۇلت / شينجياڭ گازەتىنىڭ ءتىلشىسى جاڭ شياۋيان 3 - ايدىڭ 27 - كۇنى شينشيڭنەن حابارلايدى. 3 - ايدىڭ 27 - كۇنى بيڭتۋاننىڭ باسقارۋىنداعى 11 - قالا − شينشيڭ قالاسى قۇرىلىپ، ماڭدايشالىق ءىلدى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ شينشيڭ قالاسىنىڭ ماڭدايشالىعىن اشتى ءارى ءسوز سويلەدى. اۆتونوميالى رايوننىڭ ورىنباسار ءتوراعاسى، بيڭتۋاننىڭ سىليڭيۋانى پىڭ جيارۇي ماڭدايشالىق ءىلۋ سالتىن باسقاردى. اۆتونوميالى رايوننىڭ ورىنباسار ءتوراعاسى قادىلبەك قامزا شينشيڭ قالاسىن قۇرۋ جونىندەگى قاتىستى بەكىتپە حۇجاتىن وقىدى ءارى شينشيڭ قالاسىنىڭ ماڭدايشالىعىن اشتى.
ۋاڭ جۇنجىڭ سوزىندە بىلاي دەدى: بيڭتۋاننىڭ شى مەن قالانى بىرىكتىرۋ ءتۇزىلىسىن اتقارۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭنىڭ دامۋىن قولداۋ، بيڭتۋاننىڭ قىزمەتىن كۇشەيتۋدەگى كەلەلى شەشىمى. شينشيڭ قالاسى جوسپارلانۋدان ماڭدايشالىق ىلگەنگە دەيىن بيڭتۋان مەن جەرگىلىكتى ورىن ەكى جاقتىڭ تالىقپاي قۇلشىنىسى مەن قان - تەرى سىڭگەن. 13 - شى قالا قۇرۋدى جاڭا باستاما ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ بيڭتۋان قىزمەتى جونىندەگى ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىمەن توعىسىپ، جوعارى ساپالى دامۋدى ىلگەرىلەتىپ، قالا جوبالاۋ قۇرىلىسىن باسقارۋدى جوعارى باستاما، جوعارى ولشەممەن ويداعىداي يگەرىپ، جاراسىمدى، قونىستانۋعا جايلى، ومىرشەڭدىك كۇشكە باي، ەرەكشەلىگى ايقىن وسىزاماندانعان بيڭتۋان قالاسىن قۇلشىنا قۇرىپ، ورنىقتىلىقتى قورعاۋ، شەكارانى كۇزەتۋ جاۋاپكەرشىلىك بورىشىن اناعۇرلىم ويداعىداي اتقارۋ كەرەك. جوعارى باستامادا جوبالاۋدى، جوعارى دەڭگەيدە قۇرۋدى، ىجداعاتپەن باسقارۋدى قۇلشىنا ورىنداپ، كۇشتى مادەنيەت تانىمى ارقىلى قالا جوبالاۋعا جانە قۇرۋعا جەتەكشىلىك ەتىپ، بيڭتۋان مادەنيەتىن، تاريح مادەنيەتىن، قىزىل گەندى قالا قۇرىلىسىمەن ورگانيكالى توعىستىرىپ، شينشيڭ قالاسىن كورىكتى دە مادەنيەتتى وڭىرلىك ەرەكشەلىككە يە قالا ەتىپ شىنايى قۇرىپ شىعۋ كەرەك.
شينشيڭ قالاسى قۇمىل تاۋىنىڭ وڭتۇستىگىندەگى تىڭ يگەرۋ رايونىنا ورنالاسقان، قازىر بيڭتۋان 13 - شىسى حۇڭشيڭ 1 - الاڭىنىڭ بارلىق جەرىن، حۇڭشيڭ 4 - الاڭىن، حۋاڭتيان ەگىس الاڭىنىڭ ءىشىنارا ءوڭىرىن قاراستىلىعىنا العان. بەلگىلەنگەن اكىمشىلىك اۋدانى 539 شارشى كيلومەتر، شينشيڭ قالالىق حالىق ۇكىمەتى حۋاڭتيان ەگىس الاڭىندا تۇرادى. شينشيڭ قالاسىنا قاراستى جەر قۇمىل اۋەجايىنان 10 كيلومەتر شالعايدا. لانجوۋ - شينجياڭ جوعارى جىلدامدىقتى تەمىر جولى، لانجوۋ - شينجياڭ تەمىر جولى سياقتى قاتىناس نەگىزگى جەلىلەرى ەندەي وتەدى، جول اۋزىندىق رولى كورنەكتى. كوپ ارنالى، جان - جاقتى، ستەرەولدى قاتىناس تورابى بارعان سايىن جيىلەنە تۇسۋدە.
ۇعىسۋعا قاراعاندا، شينشيڭ قالاسى ەل ىشىندەگى جاڭا وڭىرلەردى جوبالاۋ ۇستانىمىنان ۇلگى الىپ، ەكولوگياسى قونىستانۋعا قولايلى ”سارا، كوركەم، باي، ەرەكشە“ قالا قۇرۋدى نىسانا ەتىپ، جاسىلدانۋ سالىستىرماسىن ％43 ەتىپ جوبالاپ، مەملەكەتتىڭ ەكولوگيالىق باۋ - باقشالى قالا ولشەمىنەن اسىرماق ەكەن.
