تيانشان تورى   ›   جاڭالىقتار

100 جىلدىق پارتيا تاريحىن ۇيرەنىپ، ءداۋىردىڭ اۋىر مىندەتىن جۇرەكتىلىكپەن ارقالايمىز

− رايونىمىزداعى جوعارى، ورتا، باستاۋىش مەكتەپتەردىڭ پارتيا تاريحىن ۇيرەنۋ تاربيەسىنەن اسەر

انار بۇلت / شينجياڭ گازەتىنىڭ ءتىلشىسى جاۋ شييا

  جاستار مەن ورەندەر مەملەكەتتىڭ بولاشاعى، ۇلتتىڭ ءۇمىتى. وقۋ باستالعاننان بەرى رايونىمىزداعى ءارقايسى جوعارى، ورتا، باستاۋىش مەكتەپتەر جەلىدە جانە جەلىدەن تىسقارى، ساباقتا جانە ساباقتان تىسقارى سىندى ەكى جاقتى بىرلەستىرىپ، مەكتەپ شاعىن ساباقحاناسى مەن قوعام ۇلكەن ساباقحاناسىن ”بىركەلكى سايكەستىرۋدى“ بەلسەنە ىلگەرىلەتىپ، جاستار مەن ورەندەردىڭ ەرەكشەلىگىنە ۇيلەسەتىن پارتيا تاريحىن ۇيرەنۋ تاربيەسىن ورىستەتۋ ارقىلى قالىڭ جاستار مەن ورەندەردى پارتيانىڭ سوزىنە قۇلاق اسىپ، پارتياعا ىلەسۋدى مۇرات تۇتىپ، توڭكەرىستىك رۋحتى جالعاستىرىپ، قىزىل گەندى جالعاستىرۋ بارىسىندا ءداۋىردىڭ شۇعىلاسىن قاۋلاتۋىنا جەتەكشىلىك ەتتى.

پارتيا تاريحىن يدەيا - ساياسي ساباعىمەن توعىستىردى

  3 - ايدىڭ 17 - كۇنى شينجياڭ شىفان داشۋەسى قۇرعان جاڭا ءداۋىر وركەنيەتىن امالياتتا ايگىلەۋ پارتيا تاريحىن ۇيرەنۋ تاربيەسى بازاسى جانە وتاندىق ءىلىم تاربيە بازاسى مەن ماركسيزم نازارياسى تاربيە بازاسى ىسكە قوسىلدى.

  بۇل بازانىڭ قۇرىلۋى شينجياڭ شىفان داشۋەسىنىڭ يدەيا - ساياسي ساباعىن امالياتتا ايگىلەۋ وقىتۋىن تەرەڭدەتۋدەگى ىزدەنىستەرىنىڭ ءبىرى. شينجياڭ شىفان داشۋە پارتكومىنىڭ تۇراقتى مۇشەسى، ورىنباسار مەكتەپ باستىعى، ماركسيزم شۋەيۋانىنىڭ باستىعى سۇن شيۋليڭ تانىستىرىپ بىلاي دەدى: وقۋ باستاعاننان بەرى مەكتەبىمىزدىڭ ءتۇرلى يدەيا - ساياسي ساباقتارى تۇگەلدەي ”ءتورت تاريح“ نەگىزگى تاقىرىپتىق ساباقحاناسى وقىتۋىن جۇرگىزىپ، اينالمالى ساباقحانا، بەينە ەكرانعا الۋ، تۋىندىلاردى كورمەلەۋ سياقتى الۋان ءتۇرلى فورمالار ارقىلى ”جۇڭگو كوممۋنيستىك پارتياسى شينجياڭدا“ سياقتى نەگىزگى تاقىرىپتىق وقىتۋدى امالياتتا ايگىلەۋ قيمىلدارىن باعىتتامالى ورىستەتتى، سونىمەن بىرگە پارتيا تاريحىن ۇيرەنۋ VR ساباقحاناسىنان تولىق پايدالانىپ، كورىنىستى سەزىنۋ فورماسىنداعى وقىتۋ جاعىنا كۇش سالىپ، يدەيا - ساياسي ساباعى وقىتۋىنىڭ باۋرامدىلىعىن، تارتىمدىلىعىن جانە ناقتى ونىمدىلىگىن كۇشەيتىپ، پارتيا تاريحىن ۇيرەنۋ تاربيەسىنىڭ ىشكەرىلەي ءجۇرىلۋىن تىڭعىلىقتى ىلگەرىلەتتى.

  شينجياڭ مەديتسينا داشۋەسى ماركسيزم شۋەيۋانى ساباقتىڭ الدىنداعى 5 مينۋت ۋاقىتتان پايدالانىپ، ”شاعىن پارتيا تاريحى“ ساباقحاناسىن قۇرىپ، وقۋشىلار ساباقتىق قۇرال PPTىن وزدەرى دايىنداپ، ساباق مىنبەسىنە شىعىپ ساباقتاستارىن باستاپ ينتەرنەتتە ۇزاق جورىق جولىن قايتا باسىپ، سۇراۋ - جاۋاپ فورماسىندا قان مەن ورتتە شىڭدالۋدى ەسكە ءتۇسىرىپ، ”ءتورت تاريحتى“ ۇيرەنۋ بارىسىندا پارتيانىڭ شۇعىلالى بەلەستەرىن ۇعىندى.

  قاعىلىق اۋداندىق 9 - ورتا مەكتەپتە وقىتۋشىلار ءپان اتتاپ توپتىق ساباققا دايىندالۋ ارقىلى پارتيا تاريحى، مەملەكەت تاريحى بىلىمدەرىن ساباقحانا وقىتۋىنا ءسىڭىرىپ، وي سالارلىق فورمادا، كورىنىس فورماسىندا، شاعىن گرۋپپا تالقىسى فورماسىندا وقىتىپ، پارتيانىڭ 100 جىلدىق تاريحىن وقۋشىلار قۇمارتا تىڭداپ، پەيىلدەنە كورەتىن شاعىن اڭگىمەگە اينالدىرىپ، جاستار مەن ورەندەردىڭ پارتيا تاريحىن ءتىپتى دە جاقسى ۇيرەنۋىنە مۇمكىندىك جاراتتى.

”اشۋ ۇلگىسى“ ءتىپتى دە جاندى بولدى

  3 - ايدىڭ 24 - كۇنى شينجياڭ اۋىل شارۋاشىلىعى داشۋەسى ورمانشىلىق جانە باعىبانشىلىق شۋەيۋانىنداعى وقىتۋشى - وقۋشى پارتيا مۇشەلەرى ۋاكىلدەرى قۇرىلعى 192 كلاسىنا بارىپ، ”پارتيا تاريحى حيكاياسىن ويداعىداي ايتىپ، ەكپىندەي ىلگەرىلەۋ قۋاتىن قابىلدايمىز“ پارتيا تاريحىن ۇيرەنۋ تاربيەسى نەگىزگى تاقىرىپتىق كلاس جيىنىن اشتى.

  سول جەردە وقىتۋشى پارتيا مۇشەسى سۇڭ تيان ۋاقىتتى وزەك ەتە وتىرىپ ساباقتاستارعا فاڭ جىمين، دۇڭ سۇنرۇي، جياۋ يۇيلۋ، جۇڭ نانشان قاتارلى تاڭداۋلى كومپارتيا مۇشەلەرىنىڭ اڭگىمەسىن ءبىر - بىرلەپ ءتۇسىندىردى، وقۋشى پارتيا مۇشەسى تيان فۋسىن ايەل پارتيا مۇشەسى دۇڭ جيانميننىڭ بۇكىل وتباسىنداعىلاردىڭ ءومىرىن قۇرباندىققا شالسا دا پارتيانىڭ قۇپيالىعىن مۇلدە جاۋ قولىنا تۇسىرمەگەن اسەرلى ءىس - ىزدەرىن اڭگىمەلەدى. وقىتۋشى - وقۋشى پارتيا مۇشەلەرىنىڭ باستاۋىندا وقۋشىلار ”ءداۋىر ونەگەسى لاچين بايەكە“، ”مەملەكەتتىك كەدەيلىكتەن ارىلتۋدان قامال الۋدىڭ ونەگەسى ماۋ شياڭلين“ جانە ”جۇڭگو كوممۋنيستىك پارتياسى 1 - قۇرىلتايىنىڭ استارىنداعى اڭگىمە“ حيكايالارىمەن ءبولىستى. ”بۇل حيكايالار ءبىز كوممۋنيستەردىڭ اۋەلگى ماقساتتى ۇمىتپاي، بورىشتى ەستە بەرىك ساقتاعان مىزعىماس تاباندىلىعىن ايگىلەدى، سونداي - اق مەنىڭ پارتيانىڭ سوزىنە قۇلاق اسىپ، پارتياعا العىس ايتىپ، پارتياعا ىلەسۋ مۇرات - سەنىمىمدى ءتىپتى دە بەكەمدەي ءتۇستى“، - دەدى داشۋە وقۋشىسى جياڭ يۇيجىڭ تالقى ورىستەتىپ، پىكىر الماستىرعان كەزدە اسەرلەنە.

  قىزىل ارميا حيكاياتتارى، قىزىل كينو كورسەتۋ، ولەڭ وقۋ، مەلودراما... ءۇرىمجى قالالىق 75 - باستاۋىش مەكتەپ، ءۇرىمجى قالالىق 1 - ورتا مەكتەپ، قورعاس اۋداندىق 1 - باستاۋىش مەكتەپ سياقتى مەكتەپتەر ءبىرسىپىرا ەرەكشە قيمىلداردى ورىستەتىپ، جاستار مەن ورەندەر اراسىندا ارت - ارتىنان ۇيرەنۋدىڭ قىزۋ ورلەۋىن كوتەردى.

  اۋات اۋدانى لۋشۇن باستاۋىش مەكتەبى ورىستەتكەن ”نانحۋداعى قىزىل قايىقتى سىزىپ، ماشاقاتتى جىلداردى ەسكە الۋ“ قيمىلىندا وقىتۋشىلار، ءبىر جاعىنان، وقۋشىلاردىڭ ”قىزىل قايىق رۋحىن“ بەينەلەيتىن ۇگىت حابارلاماسىن جاساۋعا جەتەكشىلىك ەتسە، ەندى ءبىر جاعىنان، وقۋشىلارعا پارتيانىڭ جاپا - ماشاقاتتان سالتاناتقا بەت العان شۇعىلالى بەلەستەرىن بايانداپ، وقۋشىلاردى ”قىزىل قايىق رۋحىن“، كوكيار رۋحىن جالعاستىرۋعا، مۇرات - سەنىمدى بەكەمدەۋگە، ءبىلىمدى ويداعىداي، تىڭعىلىقتى ۇيرەنىپ، جاپا - ماشاقاتتان قورىقپاي، ءداۋىر بورىشىن جۇرەكتىلىكپەن ارقالاۋعا شابىتتاندىردى.

قىزىل بايلىق جانداندى

  3 - ايدىڭ 8 - كۇنى كۇشار قالالىق 1 - ورتا مەكتەپتىڭ پارتيا تاريحىن ۇيرەنۋ تاربيەسى سارايى رەسمي اشىلدى، بۇل كۇشار قالاسىنداعى تۇڭعىش مەكتەپ اۋلاسىنداعى پارتيا تاريحىن ۇيرەنۋ تاربيەسى سارايى.

  سول كۇنى ءتۇسىندىرۋشىنىڭ اسەرلى بايانداۋىنا ىلەسە، وقىتۋشى - وقۋشىلار جۇڭگو كوممۋنيستىك پارتياسى قۇرىلعاندىعىنىڭ 100 جىلدىق ساپارىن ەسكە ءتۇسىردى.

  كۇشار قالالىق 1 - ورتا مەكتەپتىڭ وقۋشىسى رازىگۇل ەركىن ەكسكۋرسيادان كەيىن: جاستار مەن ورەندەر بولعان بىزدەر وڭاي - وسپاق قولعا كەلمەگەن باقىتتى تۇرمىسىمىزدى ءتىپتى دە قاستەرلەۋىمىز، پارتياعا العىس ايتۋىمىز، پارتيانىڭ سوزىنە قۇلاق اسۋىمىز، پارتياعا ىلەسۋىمىز كەرەك، - دەدى.

  الاتاۋ قالاسىنداعى مەكتەپتەر وزدەرى تۇرعان ءوڭىردىڭ ەرەكشەلىگىمەن بىرلەستىرىپ، ”قىزىل تاربيەنى“، ”مەملەكەت قاقپاسى تاربيەسىن“ پارتيا تاريحىن ۇيرەنۋ تاربيەسىمەن توعىستىرىپ، مەكتەپ اۋلاسى راديوسى، قابىرعا گازەت، مەملەكەت تۋى استىندا ءسوز سويلەۋ سياقتى الۋان ءتۇرلى فورمالارمەن پارتيا تاريحىن ۇيرەنۋ تاربيەسى تەبىنىن ارتتىردى.

  كوكتوعاي اۋدانىندا ”100 جىلدىق پارتيا تاريحى اۋەلگى ماقساتتى نۇرلاندىردى، قىزىل گەن ۇرپاقتان - ۇرپاققا جالعاستى“ نەگىزگى تاقىرىبىنداعى جەلىلەس قيمىلدار دابىرالى ورىستەتىلۋدە، ءتۇسىندىرۋشى پارتيانىڭ 100 جىلدىق تاريحىن سويلەگەن كەزدە اسەرلى سەزىم اسقاقتاپ، بالالار تىڭداعاندا تاماشا اسەرگە بولەندى. ەكسكۋرسيا اياقتاعان سوڭ وقىتۋشى - وقۋشىلار ”قاھارمان ۇلگى قايراتكەرلەردىڭ باتىرلىق ءىس - ىزدەرى“، ”كوكتوعاي اۋدانىنىڭ كەشەگىسى مەن بۇگىنى“ سياقتى تاقىرىپتا تالقى وتكىزىپ، پارتيا تاريحىن، مەملەكەت جاعدايىن ەگجەي - تەگجەيلى تانىپ، ودان كۇش - قۋات الىپ، سەنىمدەرىن بەكەمدەپ، بولاشاققا اتتاندى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.