تارباعاتاي ايماعى:
”ينتەرنەت جەلىسىندە جانە ينتەرنەت جەلىسىنەن سىرت“ بىردەي كۇش سالىپ، الۋان ءتۇرلى فورمالارمەن پارتيا تاريحىن ۇيرەندى
انار بۇلت/ شينجياڭ گازەتىنىڭ ءتىلشىسى ءرايدا 3 - ايدىڭ 28 - كۇنى شاۋەشەكتەن حابارلايدى. ”i تارباعاتاي كليەنتىن ءتۇرتىپ اشقاندا، بەينە ەكرانداعى پارتيا ساباعى ارقىلى پارتيا تاريحىن ۇيرەنۋگە بولادى، ەرەكشە قولايلى“. تارباعاتاي ايماقتىق پارتكوم پارتيا تاريحى كەڭسەسىنىڭ كادرى لي شۋسىن 3 - ايدىڭ 25 - كۇنى تىلشىگە وسىنى ايتتى.
تارباعاتاي ايماقتىق پارتكوم ۇگىت ءبولىمى مادەنيەت باسپا ءبولىمىنىڭ باستىعى ما جياڭيۇن تانىستىرىپ بىلاي دەدى: پارتيا تاريحىن ۇيرەنۋ تاربيەسىن جوعارى ساپالى ورىستەتۋدى ىلگەرىلەتۋ ءۇشىن، تارباعاتاي ايماعى ءتۇرلى بايلىق قاينارىنان پايدالانىپ، الۋان ءتۇرلى فورمانى قولدانىپ پارتيا تاريحىن ۇيرەنۋ تاربيەسىن ورىستەتتى. ”ءبىز تاعىi تارباعاتاي كليەنتىندە پارتيا تاريحىن ۇيرەنۋ تاربيەسى سۇراۋ - جاۋاپ تۇعىرىن قۇرىپ، كوپ ادام تالاسا جاۋاپ بەرۋ، باسەكەلەسىپ سۇراۋعا جاۋاپ بەرۋ سياقتى فورمالار ارقىلى قالىڭ پارتيالى كادرلاردىڭ ۇيرەنۋ ىنتاسىن تولىق جۇمىلدىرامىز“.
بۇدان سىرت، تارباعاتاي ايماعى تاعى قالىڭ پارتيا مۇشەلەرىن توپتىق ۇيرەنۋ، زەرتتەۋ - تالقى وتكىزۋ، قىزىل كينولاردى كورۋ، نەگىزگى تاقىرىپتىق پارتيا كۇنىن ورىستەتۋ سياقتى قيمىلدارعا ۇيىمداستىرىپ، نەگىزگى تاقىرىبى كورنەكتى، ەرەكشەلىگى ايقىن، فورماسى الۋان ءتۇرلى پارتيا تاريحىن ۇيرەنۋ تاربيەسىن ورىستەتىپ، تۇتاس ايماقتا پارتيا تاريحىن ۇيرەنۋ تاربيەسىنىڭ ورلەۋىن جەدەل كوتەردى.
تارباعاتاي ايماقتىق دەنساۋلىق ساقتاۋ مەكتەبىنىڭ باسشىلىق القا مۇشەلەرى ارناۋلى تاقىرىپتىق زەرتتەۋ - تالقى ورىستەتىپ، اسەر جازىپ، تۇسىنىكتەرىن اڭگىمەلەدى؛ ءدوربىلجىن اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيالى كادرلاردى ورتالىق كوميتەت ۇيىمداستىرۋ ءبولىمىنىڭ پارتيا مۇشەلەرىن تاربيەلەۋ ورتالىعى شىعارعان «پارتيا تاريحى حيكاياسى جونىندە 100 لەكسيا» ەرەكشە باعدارلاماسىن كورۋگە ۇيىمداستىردى؛ ساۋان قالاسى شيگوبي قالاشىعى جياساۋزى قىستاعى پارتيا ياچەيكاسى ”جۇڭگو كوممۋنيستىك پارتياسىنىڭ كۇرەس ساپارىن جانە تولعانىسىن“ نەگىزگى تاقىرىپ ەتىپ ”پارتيا تاريحىن ۇيرەنۋ، اۋەلگى ماقساتتان اينىماۋ، بورىش ارقالاۋ“ نەگىزگى تاقىرىپتىق پارتيا كۇنى قيمىلىن وتكىزىپ، شاعىن مانەرلەپ وقۋ، شاعىن پارتيا ساباعى، شاعىن حيكايا، شاعىن ءبولىسۋ جانە زەيىن سىناۋ جارىسى سياقتىلار ارقىلى جۇڭگو كوممۋنيستىك پارتياسىنىڭ شۇعىلالى بەلەستەرىن ەسكە الدى.
ءدوربىلجىن اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى ليۋ بين بىلاي دەدى: ”پارتيا تاريحىن ۇيرەنۋ ارقىلى العا باسۋعا كۇش - قۋات قابىلدادىق، ءبىز اناعۇرلىم كوتەرىڭكى رۋحاني كۇيمەن جانە كۇرەس جاساۋ بەينەسىمەن تۇتاس اۋداننىڭ ادام كۇشى بايلىعى جانە قوعامدىق قامتاماسىزداندىرۋ قىزمەتى رەفورماسىن دامىتۋدىڭ جاڭا جاعدايىن اشىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قارسى الامىز“.
