شينحۋا اگەنتتىگىنىڭ 3 - ايدىڭ 28 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە حۇجات زەرتتەۋ مەكەمەسى قۇراستىرعان «شي جينپيڭنىڭ وتباسى، وتباسى تاربيەسى، وتباسى سالتى قۇرىلىسىنا ءمان بەرۋ جونىندەگى بايىمداۋلارىنان ۇزىندىلەر» كىتابى جۋىقتا ورتالىق حۇجاتتار باسپاسىنان باسىلىپ، بۇكىل ەلدە تاراتىلدى.
وتباسى قوعامنىڭ نەگىزگى كلەتكاسى، وتباسىنىڭ بولاشاعى مەن تاعدىرى مەملەكەتتىڭ جانە ۇلتتىڭ تاعدىرىمەن تىعىز بايلانىستى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى وتباسى وركەنيەتى قۇرىلىسىنا بارىنشا ءمان بەرىپ، حالىق بۇقاراسىنىڭ وتباسى قۇرىلىسى جونىندەگى جاڭا ءۇمىت، جاڭا قاجەتتەرىنە بەلسەنە جاۋاپ قايتارىپ، سوتسياليستىك وزەكتى قۇن كوزقاراسىنىڭ وتباسىندا تياناقتانىپ تامىر تارتۋىن ىلگەرىلەتتى، سوتسياليستىك وتباسى وركەنيەتى جاڭا سالتىنىڭ قالىپتاسۋىن ىلگەرىلەتتى. شي جينپيڭ جولداس وتباسىنا ءمان بەرۋ، وتباسى تاربيەسىنە ءمان بەرۋ، وتباسى سالتىنا ءمان بەرۋ قۇرىلىسىن ارقاۋ ەتە وتىرىپ جاريالاعان ءبىر قىدىرۋ ماڭىزدى بايىمداۋلارىنىڭ ءمانى زور، مازمۇنى باي، يدەياسى تەرەڭ، قوعامداعى ءار سالانى وتباسى وركەنيەتى قۇرىلىسىنا كەڭىنەن ات سالىسۋعا جۇمىلدىرۋدا، سان ميلليونداعان وتباسىن مەملەكەتتىڭ دامۋىنىڭ، ۇلتتىڭ العا باسۋىنىڭ، قوعام جاراسىمدىلىعىنىڭ ماڭىزدى تياناعىنا اينالدىرۋعا قۇلشىنىپ، جەكەنىڭ ارمانىن، وتباسىنىڭ ارمانىن مەملەكەتتىڭ ارمانىنا، ۇلتتىڭ ارمانىنا توعىستىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ تەلەگەي كۇشىن توپتاۋدا اسا كەلەلى ماڭىزعا يە.
«بايىمداۋلاردان ۇزىندىلەر» 7 ارناۋلى تاقىرىپقا ءبولىنىپ، جيىنى 107 بولىك بايىمداۋدان قۇرالعان، شي جينپيڭ جولداستىڭ 2012 - جىلى 11 - ايدىڭ 15 - كۇنىنەن 2020 - جىلى 12 - ايدىڭ 28 - كۇنىنە دەيىنگى ارالىقتا جاساعان بايانداماسى، سويلەگەن ءسوزى، بەرگەن سۇحباتى، جاساعان تۇسىنىگى، سۇراقتارعا بەرگەن جاۋابى سىندى 60تان استام ماڭىزدى حۇجاتتاردان ءۇزىندى الىنعان. مۇنىڭ ىشىندە ءبىر ءبولىم بايىمداۋلار تۇڭعىش رەت اشىق جاريالانىپ وتىر.
