شينحۋا اگەنتتىگىنىڭ 3 - ايدىڭ 28 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى راۋل كاسترومەن جانە كۋبا رەسپۋبليكاسىنىڭ ءتوراعاسى دياس كارنەلاعا حات قايتارىپ، كۋبا باسشىلارىنىڭ جۇڭگونىڭ كەدەيلىكتەن ارىلتۋدان قامال الۋدا جالپى بەتتىك جەڭىسكە قول جەتكىزگەندىگىن قۇتتىقتاعاندىعىنا العىس ايتتى.
شي جينپيڭ مىنالاردى ءبىلدىردى: جۇڭگو مەن كۋبا جاقسى دوستار، جاقسى جولداستار، جاقسى باۋىرلاستار. تاياۋ جىلداردان بەرى جۇڭگو مەن كۋبانىڭ ءداستۇرلى دوستىعى كۇن سايىن تەرەڭدەپ، دوستىق سەلبەستىگى جان - جاقتى دامىدى. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە، جۇڭگو مەن كۋبا قيىندىقتى بىلەك بىرىكتىرە جەڭىپ، ءوزارا قارايلاسىپ، ەكى ەلدىڭ دوستىعىنىڭ دەڭگەيىن جوعارىلاتتى. جۇڭگو كۋبانىڭ سوتسياليزم جولىنا تاباندى بولۋىن بۇرىنعىداي قولداپ، جۇڭگو - كۋبا قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتەدى.
بىرنەشە كۇننىڭ الدىندا راۋل كاسترو مەن دياس كارنەلا شي جينپيڭگە حات جولداپ، كۋبا كوممۋنيستىك پارتياسى، كۋبا ۇكىمەتى جانە حالقى اتىنان جۇڭگونىڭ كەدەيلىكتەن ارىلتۋدان قامال الۋدا جالپى بەتتىك جەڭىسكە قول جەتكىزگەندىگىن قىزۋ قۇتتىقتاپ، جۇڭگونىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، تاقىر كەدەيلىكتى جويۋ كۇرەسىندە ۇلى تابىسقا قول جەتكىزىپ، «ب م ۇ - نىڭ 2030 - جىلعى باياندى دامۋ كەڭەستىك تارتىپتەرىندە» بەلگىلەنگەن كەدەيلىكتى جويۋ نىساناسىن مەرزىمنەن 10 جىل بۇرىن ىسكە اسىرعاندىعىن بارىنشا القادى، كۋبا جاقتىڭ ەكى ەلدىڭ دوستىق سەلبەستىك قاتىناسىن مىزعىماستان تەرەڭدەتۋدى قالايتىندىعىن ءبىلدىردى.
