تيانشان تورى   ›   جاڭالىقتار   ›   شينجياڭ حابارلارى

”ماقتا وتباسىمىزدى باقىتتى تۇرمىسقا كەنەلتتى“

  تالەت قاسىم:

  ”ماقتا وتباسىمىزدى باقىتتى تۇرمىسقا كەنەلتتى“

  انار بۇلت / شينجياڭ گازەتىنىڭ ءتىلشىسى جاڭ رۇيلين

  ”ماقتا ءبىزدىڭ وتباسىمىزداعى بىرنەشە ۇرپاق ادامداردى اسىرادى. مەن كىشكەنتاي كەزىمدە ەگىس جۇمىسىمەن قاربالاس جۇرەتىن اتام مەن اكەمە ىلەسىپ ماقتا اتىزىندا وينايتىنمىن، مەنىڭ قازىرگى تۇرمىسىم دا ماقتادان ايرىلا المايدى، الايدا كىرىسىم اكەلەرىمىزدىڭ تۇسىنە دە كىرمەيتىن دەڭگەيدە“. 3 - ايدىڭ 28 - كۇنى تاڭ سارىدە، اتۇش قالاسى كاتتايايلاق اۋىلى قورعان قىستاعىنىڭ تۇرعىنى تالەت قاسىم جانە وتباسىنداعىلار وزدەرىنىڭ ماقتا اتىزىندا قاربالاس جۇمىس ىستەپ جاتتى.

  20 جىلدىڭ الدىندا 12 مۋ جەرگە سۇيەنگەن تالەت وتباسى جىل سايىن 10 مىڭ يۋاننان ارتىق كىرىس كىرگىزەتىن، كەدەي دەپ ايتۋعا دا، باي دەپ ايتۋعا دا كەلمەيتىن. ەگىنشىلىكتىڭ سايابىر كەزىندە، تالەت جاقىن ماڭدا ۇساق - تۇيەك جۇمىس ىستەيتىن، كىرىسى ازىن - اۋلاق ارتقانىمەن، ورنىقتى ەمەس ەدى.

  2004 - جىلى قىزىلسۋ وبلىسى بايچۋان ماقتا كاسىبى شەكتى سەرىكتەستىگى كاتتايايلاق اۋىلىنا كەلىپ ىرگە تەپتى، بۇل سەرىكتەستىكتىڭ جۇمىس باستاۋ ۋاقىتى ءدال ماقتا ەگەتىن ۋاقىتتان الشاق بولعاندىقتان، ماقتا جيناپ بولعاننان كەيىنگى جارتى جىلعا تاياۋ ۋاقىتتا وسى ارادا قىزمەت ىستەۋگە بولاتىن ەدى، ورنىقتى كىرىس كىرگىزۋ مۇمكىندىگى بار - تۇعىن. بۇدان حابار تاپقان سوڭ، تالەت دەر كەزىندە سەرىكتەستىككە كەلىپ جۇمىسقا قابىلدانىپ، ءشيت ايىرۋ جۇمىسشىسىنا اينالادى، سەرىكتەستىكتە ماقتا ۇرىعىن ايىرۋ، ءشيت ايىرۋ، تايلاۋ سياقتى جۇمىستارمەن اينالىسادى. قازىر تالەت ءالى دە ماقتا ەگۋ جانە ماقتانى العاشقى مانەرلەۋ جۇمىسىن ىستەيدى. ۇقسامايتىنى ول الدەقاشان ءوز كەزىندەگى جاس شاكىرتتەن سەرىكتەستىك سەحىنىڭ بانجاڭىنا اينالىپ، ايىنا 6000 يۋانعا جۋىق ايلىق الادى.

  ادامدى قۋانىشقا بولەيتىنى، وسى بىرنەشە جىلدا اتۇش قالاسى ءۇرتىس ورىستەتكەن اۋىل شارۋاشىلىعى تەحنيكاسىنا باۋلۋ مەن جەتەكشىلىك ەتۋدىڭ ارقاسىندا، ونىڭ وتباسى ەككەن ماقتانىڭ ساپاسى، ءونىم مولشەرى ۇزدىكسىز ارتىپ، كىرىسى بارعان سايىن كوبەيدى.

  ”ۇكىمەت قامداعان تۇقىمدى پايدالانىپ، عىلمي باعىپ - باپتاۋ ارقىلى ءبىر مۋ جەردىڭ ورتاشا ءونىم مولشەرى بۇرىنعىدان 50 دە 100 كيلوگرام ارتتى“، - دەدى تالەت، كوكتەمگى ەگىستەن كۇزگى جيىن - تەرىنگە دەيىن، ەگىنشىلىكتىڭ ءاربىر شەشۋشى مەزگىلىندە تەحنيكالىق ماماندار اتىز باسىنان تابىلىپ، ماقتا تۇقىمىن ءبىر جايلى ەتۋ، ءوسۋ مەزگىلىندەگى دەرت - دەربەزدەن، زياندى جاندىكتەردەن ساقتانۋ جانە ونى جويۋ، سۋارۋ، تىڭايتقىش بەرۋدەن ماقتا تەرۋگە دەيىن، ءار رەتكى اۋىل شارۋاشىلىعى تەحنيكاسىنا باۋلۋ قىستاق تۇرعىندارىنىڭ كوڭىلىن ورنىقتىردى، تاعى ماقتا تەرۋ ماشيناسى، سۇلياۋ جارعاق جاتقىزۋ ماشيناسى سياقتى ماشينالاردى كەڭ كولەمدە پايدالانۋ ماقتاشىلاردى الاڭسىزداندىرىپ، كۇش ۇنەمدەپ، ناقتى ارتقان كىرىس ماقتاشىلاردىڭ ماقتا ەگۋ سەنىمىن ءتىپتى دە ارتتىردى.

  20 جىلدان بەرگى وزگەرىسكە قايىرىلا قاراعاندا، تالەت بىلاي دەدى: مەن شىنىندا دا جاقسى داۋىرگە كەز بولدىم، بەيقۇت ۇيگە كوشىپ كىردىم، توڭازىتقىش ساتىپ الىپ، اۋا رەتتەگىش پايدالاندىم، تاعى شاعىن اۆتوكولىگىم بار، راسىندا دا راقاتتى تۇرمىس كەشىرىپ، الاڭسىز قىزمەت ىستەۋدەمىن. قازىر ماقتا اتىزىندا قاربالاس جۇرەتىندەر سيرەپ، ءتۇرلى ەگىس ماشينالارىنىڭ قاتارى كوبەيىپ، اۋىلداعى ماقتا ساپاسى، ءونىم مولشەرى جوعارىلادى. جوعارى تەحنيكادا كاسىپورىنعا ەنىپ، بۇرىن 50 ادام ىستەيتىن جۇمىستى قازىر 10 نەشە جۇرگىزۋشى ماشينامەن وپ - وڭاي ءبىر جايلى ەتىپ، سەرىكتەستىكتىڭ ءونىم مولشەرى دە بۇرىنعىمەن سالىستىرعاندا الدەنەشە ەسە جوعارىلادى.

  تالەت كۇلىمسىرەي بىلاي دەدى: ”مەن ماقتانى جالعاستى جاقسى ەگىپ، جالعاستى جاقسى ءوندىرىس جۇمىسشىسى بولامىن. ماقتا وتباسىمىزدى باقىتتى تۇرمىسقا كەنەلتتى، مۇنداي تۇرمىستىڭ باياندى بولۋىن ءۇمىت ەتەمىن“.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.