تيانشان تورى   ›   جاڭالىقتار   ›   عىلىم-تەحنيكا

رايونىمىز عىلىم - تەحنيكا نىساندارىن ”قابىلەتتىلەر باستاماشى بولىپ ىستەۋ“ ءتۇزىمىن سىناق رەتىندە اتقارادى

  انار بۇلت / شينجياڭ گازەتىنىڭ ءتىلشىسى جىڭ جو 3 - ايدىڭ 29 - كۇنى ۇرىمجىدەن حابارلايدى. رايونىمىزداعى ءتۇيىندى سالالارداعى شەشۋشى، وزەكتى تەحنيكالار مەن كاسىپ سالالارىنىڭ دامۋىنا شۇعىل قاجەتتى كەلەلى عىلىم - تەحنيكا جەتىستىكتەرى ماسەلەسىن شەشىپ، ءوندىرىستىڭ، وقىتۋدىڭ، زەرتتەۋدىڭ تەرەڭ توعىسۋىن ونان ارى ىلگەرىلەتىپ، عىلىم - تەحنيكا جەتىستىكتەرىن جەدەل كادەگە جاراتۋ ءۇشىن، رايونىمىز عىلىم - تەحنيكا نىساندارىن ”قابىلەتتىلەر باستاماشى بولىپ ىستەۋ“ ءتۇزىمىن سىناق رەتىندە اتقارادى.

  قازىر رايونىمىز تۇتاس رايونعا باعىتتاپ جەتەكشى، تىرەكتى كاسىپورىندار العا قويعان تەحنيكالىق قيىن ماسەلەلەردى نەمەسە كەلەلى زەرتتەۋ - اشۋ سۇرانىستارىن توپتاۋدا، عىلمي زەرتتەۋ قۇرىلىمى، داشۋە، كاسىپورىن سياقتىلارعا تيەسىلى شينجياڭدا شۇعىل كادەگە جاراتۋ قاجەت بولعان كەلەلى عىلىم - تەحنيكا جەتىستىكتەرىن توپتاۋدا.

  توپتالعان ”قابىلەتتىلەر باستاماشى بولىپ ىستەيتىن“ عىلىم - تەحنيكا نىسان قاجەتى اۆتونوميالى رايوندىق عىلىم - تەحنيكا مەڭگەرمەسىنىڭ ۇيىمدىق نەگىزدەۋىنەن كەيىن، شارتقا ۇيلەسەتىن تەحنيكالىق قاجەتتەر مەن كادەگە جاراتىلاتىن جەتىستىكتەر تۇتاس قوعامعا حابارلاندىرۋ شىعارىلىپ جاريالانادى، جالپى العاندا تولىمدىلىعى بار رايون ءىشى - سىرتىنداعى كاسىپورىندار، عىلمي زەرتتەۋ قۇرىلىمدارى، جوعارى مەكتەپتەر نەمەسە باسقا ءار ءتۇرلى جاسامپازدىق تۇعىرلارى جانە ونىڭ بىرلەسكەن تۇلعالارى سياقتىلاردىڭ بارلىعى ىرىقتىلىقپەن ”باستاماشى تاعايىنداۋىنا“ بولادى.

  اۆتونوميالى رايوندىق عىلىم - تەحنيكا مەڭگەرمەسىنىڭ بايلىقتى جايعاستىرۋ جانە باسقارۋ باسقارماسىنىڭ ورىنباسار باستىعى جىڭ شياۋچيڭ بىلاي دەپ تانىستىردى: عىلىم - تەحنيكا مەڭگەرمەسى حابارلاندىرۋ شىعارعان ورىندار مەن حابارلاندىرۋ العان ورىنداردى ۇشتاسۋعا ۇيىمداستىرادى ءارى حابارلاندىرۋ العان ورىنداردىڭ جوباسىنا مامانداردىڭ نەگىزدەۋىن جۇرگىزەدى. جوباسى نەگىزدەۋدەن وتكەن حابارلاندىرۋ العان ورىندار مەن حابارلاندىرۋ شىعارعان ورىندار تەحنيكالىق توقتامعا قول قويىسقاننان كەيىن، جاسامپازدىق بىرلەسكەن تۇلعاسىن قۇرىپ، تەحنيكالىق زەرتتەۋ - اشۋدان قامال الۋ نەمەسە جەتىستىكتەردى كادەگە جاراتۋ قىزمەتىن بىرگە ورىستەتەدى.

  ”قابىلەتتىلەر باستاماشى بولىپ ىستەۋ“ تۇزىمىندەگى نىسان اۆتونوميالى رايوننىڭ ءتۇيىندى سالالارداعى شەشۋشى، وزەكتى تەحنيكالىق ماسەلەلەردى، كاسىپ سالاسىنىڭ دامۋىنا شۇعىل قاجەتتى كەلەلى عىلىم - تەحنيكا جەتىستىكتەرىن شەشىم ەتەتىن عىلىم - تەحنيكا نىسانىنا تاۋەلدى بولۋى قاجەت، نىسان اتقارىلعاننان كەيىن زەرتتەپ - اشىلعان تەحنيكالىق ونىمدەردى تىكەلەي كاسىپ سالالاندىرۋعا بولادى نەمەسە حابارلاندىرۋ شىعارعان، حابارلاندىرۋ قابىلداعان كاسىپورىنداردىڭ كاسىپ سالاسى تىزبەگىندەگى، قامداۋ تىزبەگىندەگى ولقىلىقتارىن تولىقتاپ، ەكونوميكالىق ونىمدىلىك قالىپتاستىرادى.

  تەحنيكالىق زەرتتەۋ - اشۋ تۇرىندەگى نىساندار نازاردى كاسىپورىنداردىڭ، كاسىپ سالالارىنىڭ دامۋىنا تۇساۋ بولىپ وتىرعان وزىق تەحنيكا، شەشۋشى، وزەكتى تەحنيكا، شەشۋشى ۇساق - كەسەك بولشەكتەر، ماڭىزدى ماتەريال جانە تەحنولوگيا سياقتىلارعا شوعىرلاندىرىپ، نىساندى اتقارۋ ارقىلى كاسىپورىننىڭ وزەكتى باسەكەلىك قۋاتىن كورنەكتى ارتتىرىپ، تۇتاس رايوننىڭ، ءتىپتى مەملەكەتتىڭ قاتىستى كاسىپ سالاسىنىڭ تەحنيكالىق ورەسىنىڭ جوعارىلاۋىنا جەتەكشىلىك ەتۋى ءتيىس.

  جەتىستىكتەردى كادەگە جاراتۋ تۇرىندەگى نىساندار كاسىپ سالاسىنا ورتاق تەحنيكالار مەن العاشقى ەلەۋلى جابدىقتاردى جانە قامتۋ، جەتەكتەۋ رولى كورنەكتى كەلەلى جەتىستىكتەردى ەڭ الدىمەن قولداپ، مەملەكەتتىڭ جانە اۆتونوميالى رايوننىڭ كەلەلى عىلىم - تەحنيكالىق نىساندارىن جارىققا شىعارعان عىلىم - تەحنيكا جەتىستىكتەرىن ءتۇيىندى تۇردە قولدايدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.