شينحۋا اگەنتتىگىنىڭ 3 - ايدىڭ 29 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 3 - ايدىڭ 29 - كۇنى كەشتە بۋرۋنديدىڭ زۇڭتۇڭى ندايشىميەمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۋىرداعى جىلداردان بەرى جۇڭگو مەن بۋرۋندي ەكى ەلدىڭ قارىم - قاتىناسى جوعارى دەڭگەيلى دامۋدى ساقتاپ، ەكى جاقتىڭ ساياسي ءوزارا سەنىمدىلىگى بەكەمدەلىپ، ءار سالاداعى سەلبەستىكتە كورنەكتى جەتىستىكتەرگە قول جەتكىزىپ، حالىقارالىق ىستەردە تىعىز سايكەسىپ، سەلبەسىپ، وڭتۇستىك - وڭتۇستىك سەلبەستىگىنىڭ ۇلگىسىنە اينالدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن ەكى ەل ءبىر - بىرىنە قولداۋ كورسەتىپ، ءوزارا كومەكتەسىپ، دوستىقتارى تەرەڭدەي ءتۇستى. جۇڭگو جاق بۋرۋندي جاقتىڭ جۇڭگوعا قاراتا دوستىق ساياسات اتقارۋعا تاباندى بولعاندىعىن القايدى. ەكى جاق ىنتىماقتى، سەلبەستىكتى كۇشەيتىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءوزارا ۇزدىكسىز باتىل قولداۋ كورسەتىپ، دەربەس، ءوز كۇشىنە سۇيەنۋگە تاباندى بولىپ، سىرتقى كيلىگۋگە قارسى تۇرىپ، حالىقارانىڭ ادىلدىگىن، تۋراشىلدىعىن بىرگە قورعاۋ كەرەك.
شي جينپيڭ بىلاي دەپ باسا دارىپتەدى: جۇڭگو جاق بۋرۋندي جاقپەن ساياسي بارىس - كەلىستى كۇشەيتىپ، پارتيالار ارا اۋىس - كۇيىستى قويۋلاتىپ، زاڭ شىعارۋ قۇرىلىمى، جەرگىلىكتى ۇكىمەتتەر، اقىل - پاراسات قويماسى سياقتىلارداعى بارىس - كەلىس پەن سەلبەستىكتى تەرەڭدەتىپ، ەل باسقارۋ تاجىريبەسىندە اۋىس - كۇيىس جاساۋدى جانە دامۋ ستراتەگيالارىن ۇشتاستىرۋدى كۇشەيتىپ، اناعۇرلىم جوعارى دەڭگەيدەگى ءوزارا تيىمدىلىك جەتكىزەتىن سەلبەستىكتى جانە بىرگە دامۋدى جۇزەگە اسىرىپ، جۇڭگو - بۋرۋندي قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى. جۇڭگو جاق بۋرۋنديدىڭ ەكونوميكالىق، قوعامدىق دامۋىنا قولداۋ كورسەتىپ، نەگىزدىك قۇرىلعى نىساندارى سەلبەستىگىن ىلگەرىلەتىپ، جۇڭگو جاق سالعان اۋىل شارۋاشىلىعىنان ۇلگى كورسەتۋ ورتالىعىنان جانە تۇرۋعا جىبەرگەن اۋىل شارۋاشىلىق ماماندارى گرۋپپاسىنان ويداعىداي پايدالانىپ، ەكى ەلدىڭ اۋىل شارۋاشىلىعى سەلبەستىگىنىڭ ءتىپتى دە كوپ جەتىستىكتەرگە قول جەتكىزۋىن ىلگەرىلەتىپ، بۋرۋندي جاقتىڭ استىق حاۋىپسىزدىگى مەن اۋىل - قىستاق حالقىنىڭ كەدەيلىكتەن ارىلىپ بايۋىن جۇزەگە اسىرۋىنا دەم بەرەدى. جۇڭگو جاق بۋرۋندي جاقپەن بىرگە جۇڭگو - افريكا سەلبەستىك تالقى مىنبەرى بەيجيڭ باسشىلار باس قوسۋ ءماجىلىسىنىڭ جەتىستىكتەرىن ويداعىداي تياناقتاندىرىپ، جاڭا كەزەكتى تالقى مىنبەرىنىڭ ءساتتى وتكىزىلۋىنە كۇش قوسۋدى دا قالايدى.
ندايشىميە جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قىزۋ قۇتتىقتادى، جۇڭگو كوممۋنيستىك پارتياسىنىڭ كەدەيلىكتەن ارىلتۋدان قامال الۋ جانە جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ سياقتى سالالاردا قول جەتكىزگەن ۇلى تابىستارىن ايرىقشا القادى. بۋرۋندي جاق جۇڭگو جاقتىڭ بۋرۋنديدىڭ مەملەكەتتىڭ يەلىك ۇقىعىن، تەرريتورياسىنىڭ تۇتاستىعى مەن ۇلتتىڭ تاۋەلسىزدىگىن قورعاۋىنا قولداۋ كورسەتكەندىگىنە، بۋرۋندي - جۇڭگو سەلبەستىگىنىڭ بۋرۋندي حالقىنا ناقتى تيىمدىلىك الا كەلگەندىگىنە العىس ايتادى. بۋرۋندي مەن جۇڭگو ماڭگى جاقسى دوستار، جاقسى باۋىرلاستار. بۋرۋندي جاق جۇڭگو جاقتىڭ تايۋانعا ساياتىن، شينجياڭعا ساياتىن، نانحاي سياقتى وزەكتى مۇددە ماسەلەسىندەگى تۇرعىسىن باتىل قولدايدى، جۇڭگونىڭ مەملەكەتتىك حالىق قۇرىلتايى قاراپ ماقۇلداعان شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارارىن قولدايدى. بۋرۋندي جاق جۇڭگومەن قارىم - قاتىناستى دامىتۋعا ايرىقشا ءمان بەرەدى، جۇڭگو كوممۋنيستىك پارتياسىنىڭ ەل باسقارۋ تاجىريبەسىنەن ۇيرەنىپ، ۇلگى الىپ، ەكى ەلدىڭ اۋىل شارۋاشىلىعى، نەگىزدىك قۇرىلعى، ىندەتكە قارسى اتتانۋ سياقتى سالالارداعى سەلبەستىگىن كۇشەيتۋدى، بۋرۋندي مەن جۇڭگونىڭ دوستىق سەلبەستىك قارىم - قاتىناسىن ىلگەرىلەتۋدى ءۇمىت ەتەدى. بۋرۋندي جاق جۇڭگو - افريكا سەلبەستىك تالقى مىنبەرىنىڭ جاڭا كەزەكتى ءماجىلىسىنىڭ تابىسقا قول جەتكىزۋىن ىلگەرىلەتۋدى قالايدى.
شينحۋا اگەنتتىگىنىڭ 3 - ايدىڭ 29 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 3 - ايدىڭ 29 - كۇنى كەشتە شريلانكانىڭ زۇڭتۇڭى گوتابايامەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، جۇڭگو مەن شريلانكا قيىندىقتى بىلەك بىرىكتىرە جەڭىپ، ءوزارا قارايلاسىپ، ەكى ەل دوستىعىنىڭ تىڭ تاراۋىن جازدى. جۇڭگو جاق جۇڭگو مەن شريلانكانىڭ قارىم - قاتىناسىن دامىتۋعا ايرىقشا ءمان بەرەدى، شريلانكا جاقپەن بىرگە ەكى ەل قارىم - قاتىناسىنىڭ ستراتەگيالىق باعدارىن ويداعىداي جوسپارلاپ، جۇڭگو - شريلانكا قارىم - قاتىناسىنىڭ ورنىقتى قاداممەن العا ىلگەرىلەۋىن جەبەۋدى قالايدى. جۇڭگو جاق ۇزدىكسىز شريلانكا جاقتىڭ ىندەتكە قارسى اتتانۋىنا شاماسىنىڭ جەتىسىنشە كومەكتەسىپ، ىندەتتەن ساقتانۋ - تىزگىندەۋدى ويداعىداي ىستەۋ العى شارتىندا اۆياتسيا، وقۋ - اعارتۋ سياقتى جاقتارداعى سەلبەستىكتى بىرتىندەپ ورىستەتۋ جونىندە كەڭەسىپ، سەلبەستىكتىڭ جاڭا جولىن، جاڭا سالاسىن ۇزدىكسىز اشادى. جۇڭگو جاق شريلانكا جاقپەن كولومبو پورت قالاسى، حامبانتوتا پورتى سياقتى ءتۇيىندى نىسانداردى ورنىقتى قاداممەن ىلگەرىلەتىپ، ”ءبىر بەلدەۋ، ءبىر جولدى“ بىرگە قۇرۋدى جوعارى ساپالى ىلگەرىلەتىپ، شريلانكانىڭ ىندەتتەن كەيىن ەكونوميكاسىن قايتا جانداندىرۋى مەن باياندى دامۋىنا قۋاتتى قوزعاۋشى كۇش ازىرلەۋدى قالايدى.
شي جينپيڭ بىلاي دەپ باسا دارىپتەدى: جۇڭگو مەن شريلانكا شىن نيەتپەن ءوزارا كومەكتەسكەن، ۇرپاقتار بويى دوس بولىپ كەلە جاتقان ستراتەگيالىق سەلبەستىك سەرىكتەر. جۇڭگو جاق شريلانكانىڭ جۇڭگونىڭ بىرلەسكەن مەملەكەتتەر ۇيىمىنداعى زاڭدى ورنىن قالپىنا كەلتىرۋ ماسەلەسىندە كورسەتكەن قىمباتتى قولداۋىن ۇمىتپايدى، شريلانكا جاقپەن بىرگە ءبىر - ءبىرىنىڭ وزەكتى مۇددەسىنە ساياتىن ماسەلەلەردە ۇزدىكسىز ءوزارا باتىل قولداۋ كورسەتىپ، وزدەرىنىڭ زاڭدى ۇقىق - مۇددەسىن قورعاپ، حالىقارانىڭ ادىلدىگىن، تۋراشىلدىعىن جەبەۋدى، وركەندەپ كەلە جاتقان ەلدەردىڭ ورتاق مۇددەسىن ويداعىداي قورعاۋدى قالايدى.
گوتابايا مىنالاردى ءبىلدىردى: شريلانكا جاق جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قىزۋ قۇتتىقتايدى، جۇڭگو كوممۋنيستىك پارتياسىنىڭ قول جەتكىزگەن تاريحي تابىستارىن ايرىقشا القايدى. اسىرەسە، ءتوراعا شي جينپيڭنىڭ پارمەندى باسشىلىعىندا، جۇڭگونىڭ ەكونوميكالىق دامۋ جانە جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جاعىندا قول جەتكىزگەن ۇلى تابىستارىن ايرىقشا القايدى. شريلانكا جاق جۇڭگو جاقتىڭ شريلانكا جاققا كورسەتكەن قىمباتتى قولداۋىنا العىس ايتادى، جۇڭگو جاقپەن ىستەستىكتى قويۋلاتىپ، ءبىر - ءبىرىنىڭ وزەكتى مۇددە ماسەلەسىندەگى تۇرعىسىن باتىل قولداپ، ەكى جاقتىڭ ورتاق مۇددەسىن قورعاۋدى قالايدى. شريلانكا جاق جۇڭگو كوممۋنيستىك پارتياسىنىڭ ەل باسقارۋ تاجىريبەلەرىن ۇيرەنىپ، ۇلگى الۋدى، اسىرەسە، كەدەيلىكتەن ارىلتۋدان قامال الۋ جانە اۋىل - قىستاقتى گۇلدەندىرۋ ستراتەگياسىندا اۋىس - كۇيىستى، سەلبەستىكتى كۇشەيتۋدى ءۇمىت ەتەدى. شريلانكا جاق جۇڭگو جاقپەن نەگىزدىك قۇرىلعى، ساياحات سياقتى سالالارداعى سەلبەستىكتى كەڭەيتىپ، كولومبو پورتى سياقتى ءتۇيىندى نىسان قۇرىلىستارىن ءساتتى ىلگەرىلەتۋدى قالايدى، بۇلاردىڭ شريلانكانىڭ ەكونوميكالىق، قوعامدىق دامۋىنا دەم بەرىپ، شريلانكا حالقىن ءتىپتى دە كوپ يگىلىككە كەنەلتەتىندىگىنە سەنەدى.
