تيانشان تورى   ›   جاڭالىقتار   ›   بيڭتۋان

شينجياڭ بيڭتۋاندا كوكتەمگى ماقتا ەگۋ جۇمىسى باستالدى

  بيڭتۋاننىڭ اۋىل شارۋاشىلىعىن ماشينالاندىرۋ ورەسى بۇكىل ەل بويىنشا الدىڭعى قاتاردا تۇرادى، ينفورماتسيالانۋ، زەردەلىلەنۋ ورەسى ورنىقتى جوعارىلادى. سۋرەتتە: ۇشقىشسىز ۇشاق بيڭتۋاننىڭ ماقتا اتىزىنىڭ ۇستىنەن ەگىس ٴدارىسىن شاشۋدا.

  جۇڭگو ماقتاسىنان شينجياڭعا نازار سالۋ، شينجياڭ ماقتاسىنان بيڭتۋانعا نازار سالۋ كەرەك. ساناقتا كورسەتىلۋىنشە، شينجياڭ ٴوندىرىس – قۇرىلىس بيڭتۋانىنىڭ ماقتا ٴونىم مولشەرىنىڭ شينجياڭدا ۇستايتىن سالىستىرماسى %43.3، بۇكىل ەلدە ۇستايتىن سالىستىرماسى %36.1. اۋا تەمپەراتۋرانىڭ ورلەۋىنە بايلانىستى بيڭتۋاندا كوكتەمگى ماقتا ەگۋ جۇمىسى باستالدى، وڭتۇستىك شينجياڭداعى ماقتا ەگەتىن كەيبىر تۋان – الاڭدار جەدەل تۇقىم سەبە باستادى، وڭتۇستىك شينجياڭداعى ماقتا ەگەتىن تۋان - الاڭدار مەجەمەن 4 – ايدىڭ باس شەنىندە تۇقىم سەبۋدىڭ قاۋىرت مەزگىلىنە وتەدى؛ اۋا رايى پارقى سەبەبىنەن بيڭتۋاننىڭ سولتۇستىك شينجياڭداعى تۋان - الاڭدارى مەجەمەن كوك شىبىق مەرەكەسىنەن كەيىن تۇقىم سەبۋدى باستايدى.

  بيڭتۋان ساناق مەكەمەسىنىڭ ساندى مالىمەتىندە كورسەتىلۋىنشە، 2020 – جىلى بيڭتۋاننىڭ ماقتا ەگىلگەن جەر اۋدانى 12 ميلليون 298 مىڭ مۋعا، ماقتانىڭ جالپى ٴونىم مولشەرى 2 ميلليون 134 مىڭ تونناعا جەتىپ، سايكەس مەزگىلدەگىدەن %5.2 ارتىپ، ٴونىم مولشەرى تاريحتاعى ەڭ جوعارى دەڭگەيگە جەتكەن؛ بيڭتۋاننىڭ ەگىمشىلىك كاسىبىنىڭ ەگۋ، جيناۋ جالپىلىق ماشينالانۋ مولشەرى %95.2عا جەتكەن، ماقشا تەرۋ ماشيناسىنان 2760 بار، ماشينامەن ماقتا تەرىلەتىن جەر اۋدانى 11 ميلليون 800 مىڭ مۋ بولىپ، ماقتانى ماشينامەن تەرۋ مولشەرى %90.9 جەتكەن.

  بيىل بيڭتۋان ماقتا سورتىنىڭ سانىن ۇزدىكسىز ساپالاندىرىپ، جوعارى ٴونىمدى، باسىم ماقتا رايونىن ورنالاستىرىپ، دامىتىپ، عىلىمي زەرتتەۋ مەكتەپتەرىنىڭ باسىمدىلىعىنان تولىق پايدالانىپ، نەگىزگى ساتى اۋىل شارۋاشىلىق عىلىم – تەحنيكا تاربيەلەۋىن كۇشەيتەدى، ماقتا ساپاسىن جوعارىلاتۋعا قاتىستى شابىتتاندىرۋ شارالارىن شىعارىپ، ماقتا كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىرۋعا كۇش سالىپ، ەگىنشى وتباسىلارىنىڭ كىرىسىنىڭ جالعاستى ورنىقتى ارتۋىن جەبەيدى.

  ماقتا وندىرەتىن نەگىزگى رايون رەتىندە بيڭتۋان 1 – شىسى الار قالاسى بىلتىر 2 ميلليون مۋدان استام جەرگە ماقتا ەكتى ٴارى مول ٴونىم الدى. بيىل وسى شى ەگىنشىلىك بۋىندارىن جالعاستى مىقتى يگەرۋ نەگىزىندە، ماقتا كاسىپ سالاسىنىڭ ورنالاستىرۋىن ۇزدىكسىز ساپالاندىرىپ، ٴجىپ ٴيىرۋ، كەزدەمە توقۋ، بوياۋ، كيىم – كەشەك ٴوندىرىسى ٴبىر تۇلعالانعان ۋنيۆەرسال توقىماشىلىق كاسىپ تىزبەگىن كۇشەيتەدى.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.