جالپى 28 جىلجىمايتىن توڭكەرىستىك مادەني ەسكەرتكىش جانە 83 نۇسقا (توپ) جىلجىمالى توڭكەرىستىك مادەني ەسكەرتكىش تىزىمدىككە الىندى
انار بۇلت/ شينجياڭ گازەتىنىڭ ءتىلشىسى ليۋ مىڭمىڭ 3 - ايدىڭ 30 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق مادەنيەت جانە ساياحات مەڭگەرمەسىنىڭ مۇراجاي جانە توڭكەرىستىك مادەني ەسكەرتكىشتەر قىزمەتى باسقارماسىنان ۇعىسۋىنشا، 3 - ايدىڭ 30 - كۇنى شينجياڭنىڭ تۇڭعىش توپتاعى توڭكەرىستىك مادەني ەسكەرتكىشتەر تىزىمدىگى رەسمي جاريالانعان، جالپى تىزىمدىككە الىنعان 28 جىلجىمايتىن توڭكەرىستىك مادەني ەسكەرتكىش پەن 83 نۇسقا (توپ) جىلجىمالى توڭكەرىستىك مادەني ەسكەرتكىش پارتيا تاريحىن ۇيرەنۋ تاربيەسىن ورىستەتۋگە جاندى ”ءتىرى وقۋلىق“ ازىرلەگەن.
تىزىمدىكتەگى جىلجىمايتىن توڭكەرىستىك مادەني مۇرالار مىنالاردى قامتيدى: ماۋ زىميننىڭ كەڭسەسى جانە جاتاعىنىڭ كونە جۇرتى، جۇڭگو جۇمىسشى - شارۋا قىزىل ارمياسى باتىس باعىت ارمياسى باس تارماق اترەتى ەسكەرتكىش سارايى، 8 - ارميانىڭ شينجياڭداعى ءىس باسقارماسىنىڭ كونە جۇرتى، قارامايلى 1 - ءنومىرلى مۇناي قۇدىعى، سايدۇللا قاراۋىل جۇرتى قاتارلىلار، مۇنىڭ ىشىندە مەملەكەت بويىنشا ءتۇيىندى قورعالاتىن مادەني ەسكەرتكىش ورىن 6، اۆتونوميالى رايون بويىنشا ءتۇيىندى قورعالاتىن مادەني ەسكەرتكىش ورىن 16، قالا (اۋدان) دارەجەلى مادەني مۇرالارى قورعالاتىن ورىن 6. جىلجيتىن مادەني مۇرالار مىنالاردى قامتيدى: اۆتونوميالى رايوندىق مۇراجايدا ساقتالعان 1 - دارەجەلى مادەني ەسكەرتكىش شينجياڭ ايەلدەر بىرلەستىگىنىڭ مۇشەلەرى بىلۋگە ءتيىستى ىستەر، ءۇرىمجى قالالىق مۇراجايدا ساقتالعان 1 - دارەجەلى مادەني ەسكەرتكىش لين جيلۋدىڭ اكەسىنە جازعان حاتى، قۇربان دىڭ فانىڭ تەرى مالاقايى، اجۋا سۋرەت، اعاش ويمالاردان تاڭدامالىلار قاتارلىلار.
