تيانشان تورى   ›   جاڭالىقتار   ›   شينجياڭ حابارلارى

بيىل شينجياڭنىڭ ماشينامەن ماقتا تەرۋ اۋماعىنىڭ 30 ميلليون مۋدان اساتىندىعىنان ءۇمىت بار

  انار بۇلت/ شينجياڭ گازەتىنىڭ ءتىلشىسى جاۋ مين 3 - ايدىڭ 30 - كۇنى ۇرىمجىدەن حابارلايدى. بيىل شينجياڭ اۋىل شارۋاشىلىعى ءوندىرىسىنىڭ تۇتاس بارىسىن جالپى بەتتىك ماشينالاندىرۋ دەڭگەيىن ۇزدىكسىز ىلگەرىلەتەدى، ماشينامەن ماقتا تەرۋ اۋماعىن تىڭنان ءبىر ميلليون 600 مىڭ مۋدان استام ارتتىرۋدى جوسپارعا الدى، ماقتا ءوندىرىسىنىڭ تۇتاس بارىسىن ماشينالاندىرۋ مولشەرى %88كە جەتەدى.

  ءتىلشىنىڭ اۆتونوميالى رايوندىق اۋىل شارۋاشىلىعىن، اۋىل - قىستاقتى ماشينالاندىرىپ دامىتۋ ورتالىعىنان ۇعىسۋىنا قاراعاندا، جاقىنعى جىلداردان بەرى ماشينالاندىرۋ شينجياڭنىڭ ماقتا اتىزىندا كەڭ كولەمدە جالپىلاستىرىلىپ قولدانىلىپ، 2020 - جىلى شينجياڭدا ماقتانى ماشينامەن تەرۋ اۋماعى 28 ميلليون 176 مىڭ 100 مۋعا جەتكەن، بيىل شينجياڭنىڭ ماشينامەن ماقتا تەرۋ اۋماعىنىڭ 30 ميلليون مۋدان اساتىندىعىنان ءۇمىت بار.

  اۋىل شارۋاشىلىعى ءوندىرىسىنىڭ تۇتاس بارىسىن جالپى بەتتىك ماشينالاندىرۋ ورەسى اياق الىسىن ىلگەرىلەتۋدە بيىل شينجياڭ استىق، ماقتا سياقتى باستى اۋىل شارۋاشىلىعى داقىلدارىن ءتۇيىن ەتۋدى كورنەكتىلەندىرۋگە ۇزدىكسىز تاباندى بولىپ، استىق، ماقتا سياقتى باستى اۋىل شارۋاشىلىعى ونىمدەرىمەن ءونىمدى تۇردە قامداۋعا تەحنيكالىق جابدىق تىرەگىن ازىرلەيدى. ءبيداي، جۇگەرى، ماقتا سياقتى باستى اۋىل شارۋاشىلىعى داقىلدارى جانە مال شارۋاشىلىعى، جەمىس ورمانى، ەرەكشە داقىلدار ءوندىرىسىنىڭ ماشينالانۋىن ىلگەرىلەتۋ قىزمەتىن جاقسى يگەرىپ، مەملەكەت بويىنشا باستى اۋىل شارۋاشىلىعى داقىلدارى ءوندىرىسىنىڭ تۇتاس بارىسىن ماشينالاندىرۋدان ۇلگى كورسەتەتىن اۋدان قۇرۋ قىزمەتىن بەلسەندىلىكپەن ورىستەتىپ، باستى اۋىل شارۋاشىلىعى داقىلدارى ءوندىرىسىنىڭ تۇتاس بارىستا ماشينالانۋ دەڭگەيىن ۇزدىكسىز جوعارىلاتىپ، بۇكىل رايوننىڭ باستى اۋىل شارۋاشىلىعى داقىلدارى ءوندىرىسىنىڭ ۋنيۆەرسال ماشينالانۋ دەڭگەيىن %85.2كە جەتكىزەدى، ەگىن شارۋاشىلىعى، ورمان شارۋاشىلىعى، مال شارۋاشىلىعى، بالىق شارۋاشىلىعى ءوندىرىسىنىڭ ۋنيۆەرسال ماشينالانۋ دەڭگەيىن %70.4كە جەتكىزەدى.

  ماقتا ءوندىرىسىنىڭ ماشينالانۋ دەڭگەيىن تەز جوعارىلاتۋ جاعىندا بيىل شينجياڭ ماقتا ءوندىرىسىن تۇتاس بارىستا ماشينالاندىرۋ تەحنيكاسى ۇلگى رايونى قۇرىلىسىن ورىنداپ، ماقتا ءوندىرىسىن تۇتاس بارىستا ماشينالانۋعا قاراي بۇرىلىس جاساۋعا باستاپ، ماشينامەن ماقتا تەرىلەتىن 10 مىڭ مۋدان استام ولشەمدەندىرىلگەن ۇلگى كورسەتۋ وڭىرىنەن بەسەۋىن قۇرۋعا جەتەكشىلىك ەتەدى، بۇكىل شينجياڭدا ماشينامەن ماقتا تەرۋ كولەمى تىڭنان ءبىر ميلليون 600 مىڭ مۋدان استام ارتتىرىلىپ، ماقتا ءوندىرىسىنىڭ تۇتاس بارىستا ماشينالانۋ مولشەرى %88كە جەتەدى.

  سونىمەن بىرگە، شينجياڭ اۋىل شارۋاشىلىعى ماشينالارى مەن اۋىل شارۋاشىلىعى تەحنيكاسىنىڭ توعىسۋىن ىلگەرىلەتىپ، نازاردى تۇتاس بارىستا جالپى بەتتىك ماشينالانۋداعى ولقىلىقتارعا، ءالسىز تۇستارعا شوعىرلاندىرىپ، اۋىل شارۋاشىلىعى داقىلدارىنىڭ سورتى، ەگۋ، ماشينالاندىرۋ تەحنيكاسى توعىسقان ولشەمدەندىرىلگەن وندىرىستەن تاجىريبە - ۇلگى كورسەتىپ، ماشينالاندىرىلعان ءوندىرىس تەحنيكاسى جۇيەسىن كەمەلدەندىرەدى. اۋىل شارۋاشىلىعى قولدانبالارىنان دالمە - ءدال ۇلگى كورسەتۋدى ورىستەتىپ، بەيدوۋ جول نۇسقاۋ جۇيەسىمەن ماشينانى شوفەرسىز جۇرگىزۋدى، جۇمىس جۇرگىزۋ - باپتاۋ فۋنكتسياسىنىڭ الدىن الا جابدىقتالعان قولدانبالارىن قاشىقتان باقىلاۋ - ولشەۋدى ىلگەرىلەتىپ، ۋنيۆەرسال ساندى مالىمەت قىزمەت وتەۋ جۇيەسىن قۇرىپ، زەردەلى اۋىل شارۋاشىلىعى ماشينالار جابدىعى تەحنيكاسىنان ۇلگى كورسەتۋ، اۋىس - ءتۇيىس قيمىلىن ورىستەتىپ، اۋىل شارۋاشىلىعى ماشينا - جابدىقتارىن قولدانۋدى ينفورماتسيالاندىرۋدى جەبەپ، زەردەلى اۋىل شارۋاشىلىعىنىڭ دامۋىن ىلگەرىلەتەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.