تيانشان تورى   ›   جاڭالىقتار   ›   وقۋ-اعارتۋ

تاريحتى ءبىلىپ پارتيانى سۇيەيىك، تاريحتى ءبىلىپ وتاندى سۇيەيىك

− پارتيا تاريحىن ۇيرەنۋ تاربيەسى بويىنشا اۆتونوميالى رايوننىڭ ۇگىت - لەكسيا ۇيىرمەسى سانجى وبلىسىندا، شينجياڭ مەديتسينا داشۋەسىندە ۇگىت - لەكسيا جاسادى

  انار بۇلت/ شينجياڭ گازەتىنىڭ تىلشىلەرى گى يوۋجۇن، شىن زۋشياۋ، ەرىكتى ءتىلشى ياڭ حايجۇن 3 - ايدىڭ 30 - كۇنى حابارلايدى. 3 - ايدىڭ 29 -، 30 - كۇنى، پارتيا تاريحىن ۇيرەنۋ تاربيەسى بويىنشا اۆتونوميالى رايوننىڭ ۇگىت - لەكسيا ۇيىرمەسى سانجى حۇيزۋ اۆتونوميالى وبلىسىندا، شينجياڭ مەديتسينا داشۋەسىندە ۇگىت - لەكسيا جاسادى، سونداي - اق قىستاق (الەۋمەتتىك اۋماق)، كاسىپورىن، جوعارى مەكتەپ قاتارلىلارعا بارىپ، نەگىزگى ساتىداعى پارتيالى كادرلارمەن، بۇقارامەن، كاسىپورىن قىزمەتكەرلەرىمەن، جوعارى مەكتەپ وقىتۋشى - وقۋشىلارىمەن اڭگىمەلەسىپ، پىكىر اۋىستىردى.

  3 - ايدىڭ 30 - كۇنى تۇستەن كەيىن، پارتيا تاريحىن ۇيرەنۋ تاربيەسى بويىنشا اۆتونوميالى رايوننىڭ ۇگىت - لەكسيا ۇيىرمەسى سانجى وبلىستىق اكىمشىلىك ىستەرى ورتالىعىندا ۇگىت - لەكسيا بايانداما ءماجىلىسىن وتكىزدى. بايانداما ماجىلىسىندە اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، شينجياڭ شىفان داشۋەسى پارتكومىنىڭ ورىنباسار شۋجيى، مەكتەپ باستىعى پارحات جالەل باس شۋجي شي جينپيڭنىڭ پارتيا تاريحى جونىندەگى ماڭىزدى بايىمداۋلارىنىڭ، اسىرەسە، پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزىنىڭ رۋحىن ۇيرەنۋدى، يگەرۋدى ارقاۋ ەتىپ، پارتيا تاريحىن ۇيرەنۋ تاربيەسىنىڭ كەلەلى ءمانى، ماڭىزدى مازمۇنى قاتارلىلاردى تەرەڭ بايىمداپ ءتۇسىندىردى. ۇگىت - لەكسيا بايانداماسىنىڭ نەگىزگى تاقىرىبى ايقىن، مازمۇنى باي، انىق تا جان - جاقتىلى، بايانداۋى تولىق، وندا نازاريالىق بايىمداۋ دا، مىسالمەن تالداۋ جاساۋ دا، تاريحتى قورىتىندىلاۋ دا، امالياتتىق جەتەكشىلىك ەتۋ دە بار، ماجىلىسكە قاتىناسقاندارعا ءبىر رەت تەرەڭ يدەيا - ساياسي ساباعىن، پارتيالىلىق تاربيە ساباعىن جانە وتانشىلدىق اشىق ساباعىن ءوتتى.

  ۇگىت - لەكسيا ۇيىرمەسى تاعى قۇتىبي اۋدانىنا، ماناس اۋدانىنا بارىپ ۇگىت - لەكسيا بايانداماسىن جاسادى.

  3 - ايدىڭ 30 - كۇنى تۇستەن كەيىن پارتيا تاريحىن ۇيرەنۋ تاربيەسى بويىنشا اۆتونوميالى رايوننىڭ ۇگىت - لەكسيا ۇيىرمەسى شينجياڭ مەديتسينا داشۋەسىندە جوعارى مەكتەپتەگى تۇڭعىش ۇگىت - لەكسياسىن جاسادى.

  اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، شينجياڭ مەديتسينا داشۋەسى پارتكومىنىڭ شۋجيى گاۋ فاشۇي باس شۋجي شي جينپيڭنىڭ پارتيا تاريحىن ۇيرەنۋ تاربيەسى جونىندەگى ماڭىزدى بايىمداۋلارى، جۇڭگو كوممۋنيستىك پارتياسىنىڭ 100 جىلدىق شۇعىلالى كۇرەس بارىسى مەن قىمباتتى تاجىريبەلەرى سياقتى جاقتاردى توڭىرەكتەي وتىرىپ قاراپايىم ءتىل ارقىلى تەرەڭ ويدى بەينەلەيتىن لەكسيا جاسادى. قالىڭ وقىتۋشى - وقۋشىلارعا پارتيا تاريحىنا قاتىستى نەگىزگى شىعارمالاردى مۇقيات زەرتتەپ وقىپ، جۇڭگو كوممۋنيستىك پارتياسىنىڭ 100 جىلدىق شۇعىلالى كۇرەس بارىسى مەن تاريحي ۇلەسىن جان - جاقتىلى ءتۇسىنۋدى؛ پارتيا تاريحىن ۇيرەنۋ تاربيەسىن ورىستەتۋ ارقىلى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنىپ، جەتە يگەرىپ، ناقتى تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋدى دارىپتەدى.

  اسەرلى ۇگىت - لەكسيا ادامدى قايراتتانا العا ىلگەرىلەۋگە جىگەرلەندىرىپ، وقىتۋشى - وقۋشىلار اراسىندا ۇندەستىك تاپتى، كوپشىلىك جابال ۇگىت - لەكسيا بايانداماسىنان تەرەڭ اسەر العاندىقتارىن، الداعى ۇيرەنۋ، يگەرۋ بارىسىندا مۇرات - سەنىمدى بەكەمدەپ، اۋەلگى ماقسات پەن بورىشتى اناعۇرلىم امالياتتا ايگىلەيتىندىكتەرىن ءبىلدىردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.