تيانشان تورى   ›   جاڭالىقتار   ›   ماڭىزدى حابارلار

شي جينپيڭ توڭكەرىستىك مادەني ەسكەرتكىشتەر قىزمەتى جونىندە ماڭىزدى نۇسقاۋ بەرىپ بىلاي دەپ باسا دارىپتەدى

توڭكەرىستىك مادەني ەسكەرتكىشتەردى شىن مانىندە ويداعىداي قورعاپ، ويداعىداي باسقارىپ، ويداعىداي پايدالانىپ، قالىڭ كادرلار مەن بۇقارانىڭ رۋحاني كۇش - قۋاتىن قاۋلاتۋ كەرەك

  شينحۋا اگەنتتىگىنىڭ 3 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا توڭكەرىستىك مادەني ەسكەرتكىشتەر قىزمەتى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: توڭكەرىستىك مادەني ەسكەرتكىشتەر پارتيا مەن حالىقتىڭ ەرلىكپەن كۇرەس جاساعان داڭقتى تاريحىن بويىنا جيعان، جۇڭگو توڭكەرىسىنىڭ ۇلى بارىسى مەن اسەرلى ىزگى ىستەرىن ەستەلىككە العان، پارتيا مەن مەملەكەتتىڭ قىمباتتى بايلىعى، توڭكەرىستىك ءداستۇر مەن توڭكەرىستىك مادەنيەتتى اسقاقتاتۋدىڭ، سوتسياليستىك رۋحاني وركەنيەت قۇرىلىسىن كۇشەيتۋدىڭ، وتانشىلدىق ىنتانى قاۋلاتۋدىڭ، ۇلت رۋحىن سەرپىلتۋدىڭ جاندى وقۋلىعى.

  شي جينپيڭ بىلاي دەپ باسا دارىپتەدى: توڭكەرىستىك مادەني ەسكەرتكىشتەردى قورعاۋدى، پايدالانۋدى كۇشەيتىپ، توڭكەرىستىك مادەنيەتتى اسقاقتاتىپ، قىزىل گەندى جالعاستىرۋ − بۇكىل پارتيانىڭ، بۇكىل قوعامنىڭ ورتاق جاۋاپكەرشىلىگى. ءار دارەجەلى پارتكومدار مەن ۇكىمەتتەر توڭكەرىستىك مادەني ەسكەرتكىشتەردى قورعاۋ، پايدالانۋ قىزمەتىن ماڭىزدى كەڭەستىك كۇن تارتىبىنە ەنگىزىپ، قىزمەت تەبىنىن كۇشەيتىپ، توڭكەرىستىك مادەني ەسكەرتكىشتەردى شىن مانىندە ويداعىداي قورعاپ، ويداعىداي باسقارىپ، ويداعىداي پايدالانىپ، توڭكەرىستىك مادەني ەسكەرتكىشتەردىڭ پارتيا تاريحىن ۇيرەنۋ تاربيەسى، توڭكەرىستىك ءداستۇر تاربيەسى، وتانشىلدىق تاربيەسى سياقتى جاقتارداعى ماڭىزدى رولىن ويداعىداي ساۋلەلەندىرىپ، قالىڭ كادرلار مەن بۇقارانىڭ رۋحاني كۇش - قۋاتىن قاۋلاتىپ، تاسقىنداعان سەنىممەن جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن كۇرەس جاساۋ كەرەك.

  مەملەكەتتىك توڭكەرىستىك مادەني ەسكەرتكىشتەر قىزمەتى ءماجىلىسى 3 - ايدىڭ 30 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلان ماجىلىستە شي جينپيڭنىڭ ماڭىزدى نۇسقاۋىن جەتكىزدى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ ماجىلىستە ءسوز سويلەپ بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى توڭكەرىستىك مادەني ەسكەرتكىشتەر قىزمەتىنىڭ كەلەلى ماڭىزىن، نىسانا - مىندەتتەرىن جانە نەگىزگى تالابىن تەرەڭ بايىمدادى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭكەرىستىك مادەني ەسكەرتكىشتەر قىزمەتىنە ايرىقشا ءمان بەرىپ وتىرعانىن ايگىلەيدى، بۇل جاڭا داۋىردەگى توڭكەرىستىك مادەني ەسكەرتكىشتەر قىزمەتىن ويداعىداي ىستەۋدىڭ ءتۇبىرلى بويسۇنۋ ولشەمى. باس شۋجي شي جينپيڭنىڭ ماڭىزدى نۇسقاۋىن مۇقيات ۇيرەنىپ، دايەكتىلەندىرىپ، توڭكەرىستىك مادەني ەسكەرتكىشتەر قىزمەتىنىڭ توڭكەرىس تاريحىنىڭ كۋاگەرى بولۋداعى، توڭكەرىس رۋحىن ساۋلەلەندىرۋدەگى ماڭىزدى رولىن تولىق تانىپ، جاڭا ءداۋىردىڭ جاڭا تالاپتارىمەن ۇشتاستىرىپ، قورعاۋ، باسقارۋ، پايدالانۋ قىزمەتتەرىن ءبىر تۇتاس جوسپارلاپ ويداعىداي ىستەپ، توڭكەرىستىك مادەني ەسكەرتكىشتەر قىزمەتىندە جاڭا جاعداي اشۋدى ىلگەرىلەتۋ كەرەك.

  مەملەكەتتىك مادەني ەسكەرتكىشتەر مەكەمەسىندەگى، مەملەكەتتىك دامۋ جانە رەفورما كوميتەتىندەگى، قازىنا مينيسترلىگىندەگى جانە جياڭشيداعى، شانشيدەگى، حۋنانداعى قاتىستى جاۋاپتى جولداستار ماجىلىستە ءسوز سويلەدى.

  ءارقايسى ولكەلەردەگى، اۆتونوميالى رايوندارداعى، قالالارداعى جانە شينجياڭ ءوندىرىس - قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى جاۋاپتى جولداستار، توڭكەرىستىك مادەني ەسكەرتكىشتەردى قورعاۋ، پايدالانۋ اۋماقتارىنىڭ ۋاكىلدەرى، توڭكەرىستىك مادەني ەسكەرتكىشتەر ماماندارىنىڭ ۋاكىلدەرى قاتارلىلار ماجىلىسكە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.