تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى

«جاڭا داۋىردە ورتا بولىكتەگى وڭىرلەردىڭ جوعارى ساپالى دامۋىن ىلگەرىلەتۋ جونىندەگى جەتەكشى پىكىردى» قارادى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 3 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 3 - ايدىڭ 30 - كۇنى ءماجىلىس اشىپ، «جاڭا داۋىردە ورتا بولىكتەگى وڭىرلەردىڭ جوعارى ساپالى دامۋىن ىلگەرىلەتۋ جونىندەگى جەتەكشى پىكىردى» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

  ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ورتا بولىكتەگى وڭىرلەر ەكونوميكالىق، قوعامدىق دامۋدا كەلەلى تابىستارعا قول جەتكىزىپ، استىق ءوندىرىس بازاسىندىق، ەنەرگيا شيكىزاتى بازاسىندىق، جابدىق جاساۋ، سونداي - اق جوعارى تەحنيكا كاسىپ بازاسىندىق جانە ۋنيۆەرسال قاتىناس - تاسىمال تورابىندىق ورنى اناعۇرلىم بەكەمدەلدى.

  ءماجىلىس مىنالاردى باسا دارىپتەدى: ورتا بولىكتەگى وڭىرلەر شىعىس پەن باتىستى ۇلاستىرىپ، وڭتۇستىك پەن سولتۇستىكتى تۇتاستىرعان، بايلىعى مول، قاتىناسى دامىعان، كاسىپ سالاسى نەگىزى ءبىرشاما جاقسى، مادەنيەت مايەگى قالىڭ، دامۋ كومەسكى كۇشى توتەنشە زور، ورتا بولىك وڭىرلەردىڭ جوعارى ساپالى دامۋىن ىلگەرىلەتۋ جالپى جاعدايلىق ماڭىزعا يە. جاڭا دامۋ كەزەڭىنە وتكەندە ورتا بولىكتەگى وڭىرلەردى دامىتۋدا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جاڭا دامۋ ۇستانىمىن بۇلجىماي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساپ، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات ەتىپ، ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرىپ، وزىق جاساۋ كاسىبىن تىرەك ەتكەن وسى زامانعى كاسىپ جۇيەسىن كۇش سالا ورناتىپ، جاسىل دامىعان كورىكتى ورتا بولىكتى كۇش سالا قۇرىپ، ىشكى قۇرلىقتىڭ جوعارى دەڭگەيلى ەسىك اشۋىن كۇش سالا ىلگەرىلەتىپ، تۇزىلىسكە، مەحانيزمگە رەفورما جاساۋعا، ونى كەمەلدەندىرۋگە كۇش سالىپ، قالا مەن اۋىلدىڭ وڭىرلىك دامۋىنىڭ سايكەستىلىگىن بارىنشا كۇشەيتىپ، نەگىزگى الەۋمەتتىك قىزمەت وتەۋ بويىنشا قامتاماسىز ەتۋ دەڭگەيىن كۇش سالا جوعارىلاتىپ، ورتا بولىكتەگى وڭىرلەردىڭ كوركەيۋىن ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا اناعۇرلىم زور ۇلەس قوسۋ كەرەك.

  ءماجىلىس مىنالاردى اتاپ كورسەتتى: ورتا بولىكتەگى وڭىرلەر بۇكىل ەل ۇلكەن بازارىنىڭ ماڭىزدى قۇرامداس بولىگى جانە كەڭىستىك تورابى رەتىندە ورنىن ءداپ باسىپ تاۋىپ، باسىمدىعىن ساۋلەلەندىرىپ، وسىزاماندانعان نەگىزدىك قۇرىلعىلار جۇيەسى مەن وسى زامانعى اينالىم جۇيەسىن جەدەل قۇرىپ، چاڭجياڭنىڭ ورتا اعارىنداعى قالالار شوعىرى مەن ورتا جازىقتاعى قالالار شوعىرىنىڭ دامۋىن جەبەپ، اۋىل - قىستاقتىڭ گۇلدەنۋىن جاپپاي ىلگەرىلەتىپ، جاڭا دامۋ ارناسىنا بەلسەنە قىزمەت وتەۋ جانە ونىمەن توعىسۋ كەرەك. جاڭالىق اشۋدى دامۋعا جەتەكشىلىك ەتەتىن ءبىرىنشى قوزعاۋشى كۇش ەتىپ، عىلىم - تەحنيكادا جاڭالىق اشۋ ارقىلى كاسىپ سالاسىنىڭ دامۋىن جەتەكتەپ، ىشكى قۇرلىقتىڭ جوعارى دەڭگەيلى ەسىك اشۋ جاڭا ءتۇزىلىسىن قالىپتاستىرۋ قاجەت. جاسىل، تومەن كومىرتەكتى دامۋ جاڭا جولىمەن جۇرۋگە تاباندى بولىپ، ەنەرگيا بايلىعىنان ۇنەمدى، شوعىرلى پايدالانۋدى كۇشەيتىپ، ەكولوگيالىق قۇرىلىستى جانە ەكولوگيانى جونگە سالۋدى كۇشەيتىپ، ورتا بولىكتىڭ جاسىل كوركەيۋىن جۇزەگە اسىرۋ كەرەك.

  ءماجىلىس تاعى باسقا دا ىستەردى اقىلداستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.