شينجياڭ ماقتا قوعامى، شينجياڭ اۋىل شارۋاشىلىق عىلمي قوعامى مالىمدەمە جاريالادى:
شينجياڭ حالقى كىرشىكسىز دە اپپاق ماقتانىڭ ارقاسىندا باقىتتى ءومىر ءسۇرىپ وتىر
شينجياڭ اۋىل شارۋاشىلىق عىلمي قوعامى:
وسەك - اياڭ پاش بولماي قويمايدى، شينجياڭ ماقتاسى بارىنەن كىرشىكسىز
تاياۋدا امەريكاداعى، باتىس جاقتاعى جۇڭگوعا قارسى كۇشتەر قۇتىرىنا وسەك - اياڭ تاراتىپ، ءتۇرلى ورتالاردا ايتىلمىس ”شىندىقتى“ ويدان قيىستىرىپ، جۇڭگوعا جالا جاۋىپ، كۇيە جاعىپ، شينجياڭ وڭىرىندە ”زورلىقپەن ەڭبەككە سالۋ“ ءومىر ءسۇرىپ وتىر دەپ ارسىزدىقپەن دابىرالادى، ءبىر ءبولىم شەتەل ماركالارىنىڭ دۇرمەككە ىلەسىپ، شينجياڭ ماقتاسىن شەكتەگەن مۇنداي ۇياتسىز قىلىقتارى دەرەۋ بۇكىل ەل حالقىنىڭ كۇشتى كەگىن قوزعادى. شينجياڭ اۋىل شارۋاشىلىق عىلمي قوعامى جانە شينجياڭنىڭ ماقتا سالاسىنداعى قالىڭ عىلىم - تەحنيكا قىزمەتكەرلەرى شينجياڭ ماقتاسىنا داق سالعان ءارقانداي قىلىققا باتىل قارسى تۇرادى ءارى ونى قاتاڭ ايىپتايدى.
امەريكاداعى، باتىس جاقتاعى جۇڭگوعا قارسى كۇشتەر ويدان قيىستىرعان ايتىلمىس ”زورلىقپەن ەڭبەككە سالۋ“ بارىپ تۇرعان ساياسي وسەك - اياڭ، امەريكاداعى، باتىس جاقتاعى جۇڭگوعا قارسى كۇشتەردىڭ كانىگى كۇيە جاعۋ ارەكەتى، ولاردىڭ ءتۇبىرلى ماقساتى شينجياڭنىڭ ماقتا كاسىپ سالاسىن شەكتەۋ، قىسپاققا الۋ، شينجياڭنىڭ تىنىش، ىنتىماقتى اسا تاماشا جاعدايىن بۇلدىرۋگە ۇرىنۋ، ولاردىڭ سۇرقيا ماقساتى ايپاراداي اشىق!
ماقتا شينجياڭنىڭ جەتەكشى كاسىپ سالاسى، ابزال كاسىپ سالاسى جانە حالىقتى بايىتۋ كاسىپ سالاسى سانالادى. شينجياڭنىڭ ماقتا ەگىلگەن جەر كولەمى، تازا ماقتانىڭ بىرلىك ءتۇسىمى، جالپى ءتۇسىمى جانە تاۋار ماقتا شىعارىلۋ مولشەرى ءۇرتىس 27 جىل بۇكىل ەل بويىنشا 1 - ورىندى يەلەدى. ماقتا كاسىپ سالاسىنىڭ دامۋى شينجياڭنىڭ اۋىل شارۋاشىلىعىنىڭ ءونىمىن ارتتىرۋدى جانە شارۋالاردىڭ كىرىسىن ارتتىرۋدى پارمەندى جەبەپ، ماقتا ەگۋ كىرىسى شينجياڭداعى ماقتاشىلاردىڭ، اسىرەسە، وڭتۇستىك شينجياڭداعى از ۇلت شارۋالارىنىڭ ماڭىزدى ەكونوميكالىق كىرىس قاينارىنا اينالىپ، ماقتا ەگۋدى نەگىز ەتەتىن اۋماقتارداعى شارۋالار كىرىسىنىڭ ％75 − 65ىن ۇستادى. شينجياڭنىڭ ماقتا ەگىمشىلىگى تەگىننەن ەڭبەك شوعىرلانعان كاسىپ سالاسى سانالادى، ءوندىرىس جانە تەحنيكانىڭ ۇزدىكسىز العا باسۋىنا ىلەسە، شينجياڭنىڭ ماقتا ءوندىرىسىن كولەمدەندىرۋ، ماشينالاندىرۋ، قاراپايىمداستىرۋ، زەردەلىلەندىرۋ تۇگەلدەي ورنىقتى قاداممەن ىلگەرىلەۋدە. دالمە - ءدال ولشەممەن تۇقىم سەبۋ تەحنيكاسى، حيميالىق رەتتەۋ - مەڭگەرۋ تەحنيكاسى، سۋ مەن تىڭايتقىشتى ءبىر تۇلعالاندىرىپ جارعاق استىنان تامشىلاتىپ بەرۋ تەحنيكاسى، حيميالىق شىرپۋ تەحنيكاسى، ماشينالاسقان تەرۋ سىندى ءبىر قىدىرۋ وزىق قولدانىلمالى ءوندىرىس تەحنيكاسى جالپىلاستىرىلىپ، قولدانىسقا ءتۇستى. 2020 - جىلى شينجياڭ ماقتاسىن ماشينامەن تەرۋ سالىستىرماسى ％5.75كە جەتتى. ءوندىرىس تاسىلىندەگى بۇرىلىسقا، تەحنيكانىڭ العا باسۋىنا سايكەس، شينجياڭ ماقتا ءوندىرىسىنىڭ ەگۋ، باعىپ - باپتاۋ، جيۋ سياقتى بۋىندارى بۇكىل بارىستىق ماشينالانۋدى نەگىزىنەن جۇزەگە اسىرىپ، قالىڭ شارۋالار جاپالى، اۋىر دەنە ەڭبەگىنەن بىرتىندەپ ازات بولىپ، ماقتا ەگۋ ونىمدىلىگى ۇزدىكسىز جوعارىلاپ، شارۋالار ماقتانى كوڭىلدى بەينەدە ەگۋدىڭ ءمانىن سەزىنە ءتۇستى.
شينجياڭ اۋىل شارۋاشىلىق عىلمي قوعامى شينجياڭنىڭ اۋىل شارۋاشىلىعى ءوندىرىسىنىڭ ءبىرىنشى شەبىنە، اسىرەسە، وڭتۇستىك شينجياڭداعى از ۇلت بۇقاراسىنا باعىتتاي وتىرىپ عىلىم - تەحنيكالىق باۋلۋ، عىلىم جالپىلاستىرۋ ۇگىتى سياقتى قيمىلداردى بار كۇشپەن ورىستەتۋگە ۇزاق ۋاقىت كۇش سالدى. ءبىز ءار جىلى مامانداردى قىستاقتارعا بارىپ وتباسىلاردى ارالاپ عىلىم جالپىلاستىرۋ قىزمەت وتەۋىن ورىستەتۋگە ۇيىمداستىرامىز، ماقسات − قالىڭ ماقتاشىلاردىڭ عىلىم - تەحنيكا ساپاسىن جوعارىلاتۋ. عىلىم - تەحنيكانى وتباسىلارعا جەتكىزۋ بارىسىندا ءبىز قالىڭ ەگىنشىلەردىڭ عىلىم - تەحنيكا ۇيرەنۋ، عىلىم - تەحنيكادان پايدالانۋ تانىمىنىڭ جىل سايىن كۇشەيگەندىگىن، بۇقارانىڭ باقىتتى تۇرمىسقا تالپىنۋ ارمانىنىڭ ەرەكشە كۇشتى ەكەندىگىن، ءوز الدىنا ەڭبەك ىستەۋ تانىمىنىڭ كۇن سايىن جوعارىلاعاندىعىن سەزىندىك. ماقتا جيىن - تەرىن مەزگىلىندە ەگىنشىلەر وزدەرىنىڭ ماقتاسىن تەرىپ بولعاننان كەيىن، وزدىكتەرىنەن ماڭىنداعى جەرلەرگە بارىپ ماقتا تەرىپ، ەڭبەكشىل قوس قولىنا سۇيەنىپ قوسىمشا كىرىس كىرگىزەدى، ءاربىر ادامنىڭ جۇزىنەن باقىت كۇلكىسى ەسەدى. جاڭا ءشار اۋدانى قامسارىق اۋىلى قامسارىق قىستاعىنىڭ تۇرعىنى ابدۇمومىن ءار جىلى ماقتا تەرەتىن مەزگىلدە توڭىرەگىندەگى اۋدان، اۋىلدارعا بارىپ ماقتا تەرەدى. ول بىلاي دەدى: ”جۇبايىم ەكەۋىمىز ءار جىلى ءبىر جارىم اي ماقتا تەرىپ، 12 مىڭ يۋان كىرىس كىرگىزەمىز. ماقتا تەرۋ كىرىسىمىزدى ارتتىردى، تۇرمىسىمىز بارعان سايىن جاقسارۋدا“.
شينجياڭ اۋىل شارۋاشىلىق عىلمي قوعامى قىزمەت وتەگەن ءارقايسى اۋدان، اۋىل، قىستاقتاردا ءارقانداي ”زورلىقپەن ەڭبەككە سالۋ“ ارەكەتى ەجەلدەن بايقالماعان، ەگىنشىلەردىڭ ماقتا تەرۋى بۇكىلدەي ءوز ەرىكتەرىمەن، ءوز قالاۋلارىمەن بولادى، ولار بارۋدى، الدە بارماۋدى تاڭداۋىنا بولادى، بۇل جەرگە بارۋدى، الدە ول جەرگە بارۋدى تاڭداۋىنا بولادى. امەريكاداعى، باتىس جاقتاعى جۇڭگوعا قارسى كۇشتەر دابىرالاعان ”زورلىقپەن ەڭبەككە سالۋ“ شينجياڭنىڭ ادامدىق ۇقىق جاعدايىنا شىنايى كوڭىل ءبولۋ بولماستان، قايتا شىندىقپەن ساناسپاعان جات نيەتپەن كۇيە جاعۋ بولىپ تابىلادى.
شينجياڭ اۋىل شارۋاشىلىق عىلمي قوعامى اۆتونوميالى رايوننىڭ عىلىم - تەحنيكا قىزمەتكەرلەر ۇيىمى رەتىندە، نەگىزگى ساتىعا قىزمەت وتەۋ ۇستانىمىنان ۇزدىكسىز جازباي، جاڭاشا ەگىنشىلەردى ۇزدىكسىز باۋلىپ، ەگىنشىلەردىڭ عىلىم - تەحنيكا تانىمى مەن عىلىم - تەحنيكا ساپاسىن اناعۇرلىم جوعارىلاتىپ، جاڭا تەحنيكانى، جاڭا سورتتى قالىڭ نەگىزگى ساتىعا جالپىلاستىرىپ، پايدالانىپ، شينجياڭنىڭ ماقتا كاسىپ سالاسىنىڭ جاسىل، باياندى دامۋىن ىلگەرىلەتىپ، اۋىل - قىستاقتى گۇلدەندىرۋ مەن ەگىنشىلەردىڭ كىرىسىن ارتتىرىپ بايۋىنا كۇش - قۋاتىن ارنايدى. ءبىز شينجياڭ ماقتاسىنىڭ، ءسوز جوق، ەڭ كوركەم، ەڭ كىرشىكسىز گۇل اشاتىندىعىنا، شينجياڭ حالقىنىڭ، ءسوز جوق، اق ماقتانىڭ ارقاسىندا بارعان سايىن باقىتتى تۇرمىس كەشىرەتىنىنە كامىل سەنەمىز.
