تيانشان تورى   ›   جاڭالىقتار   ›   شينجياڭ حابارلارى

شاڭحاي سەلبەستىك ۇيىمىنىڭ باس حاتشىسى جانە قاتىستى ەلدەردىڭ جۇڭگودا تۇراتىن ەلشىلەرى مەن ديپلوماتتارى شينجياڭدا ەكسكۋرسيادا، ساپاردا بولدى

  انار بۇلت / شينجياڭ گازەتىنىڭ تىلشىلەرى لي شيڭ، ميھىرگۇل ناسىر 3 - ايدىڭ 31 - كۇنى قاشقاردان حابارلايدى. 3 - ايدىڭ 30 - كۇنى شاڭحاي سەلبەستىك ۇيىمىنىڭ باس حاتشىسى ۆلاديمير نوروۆ جانە قاتىستى ەلدەردىڭ جۇڭگودا تۇراتىن ەلشىلەرى مەن ديپلوماتتارىنان ۇيىمداسقان 30 نەشە ادامدىق ۋاكىلدەر ۇيىرمەسى جۇڭگو ۇكىمەتىنىڭ ەۆروپا - ازيا ىستەرى ەرەكشە ۋاكىلى لي حۇيدىڭ، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى لي شۋەجۇننىڭ سەرىك بولۋىندا شينجياڭدا ەكسكۋرسيادا، ساپاردا بولدى.

  ەكسكۋرسيالاي، ساپارلاي كەلگەن ەلدەردىڭ ەلشىلەرى مەن ديپلوماتتارى ارمەنيا، تاجىكستان، بەلورۋسسيا، نەپال، ازەربايجان، مولدوۆا، يران، پاكيستان، رەسەي، بانگلادەش، مالايزيا، مالديۆ، گرۋزيا، يندونەزيا، كامبودجا، قازاقستان، سريلانكا، وزبەكستان، قىرعىزستان، موڭعۇليا، ۋكراينا سياقتى ەلدەردەن كەلگەن.

  ۋاكىلدەر ۇيىرمەسى شينجياڭدا ساپاردا بولعان كەزدەرىندە ءۇرىمجى، قاشقار، اقسۋ سياقتى جەرلەرگە بارىپ نەگىزگى تاقىرىپتىق كورمە، ءدىني قيمىل ورىندارى، كەدەيلىكتەن ارىلتۋدان قامال الۋ نىساندارى، جاتاقتى مەكتەپ سياقتىلاردى ەكسكۋرسيالايدى جانە ساپاردا بولادى، سونداي - اق بۇقارانىڭ وتباسىلارىن ارالايدى، ”شينجياڭ جاقسى جەر“ ۇگىتتەۋ، تانىستىرۋ ماجىلىسىنە قاتىناسادى.

  3 - ايدىڭ 30 - كۇنى تۇستەن كەيىن ۇرىمجىگە جەتكەننەن كەيىن، ۋاكىلدەر ۇيىرمەسى شينجياڭ حالىقارالىق كورمە ورتالىعىندا ”شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسىن“ ەكسكۋرسيالادى، ناقتى زات، دارا مىسال كورمەسى ارقىلى ۋاكىلدەر ۇيىرمەسى جۇڭگو شينجياڭىنىڭ لاڭكەستىككە قارسى تۇرۋ جانە ۇشقارىلىقتى الاستاۋداعى قازىرگى جاعدايىن ۇعىسىپ، جۇڭگو شينجياڭىنىڭ لاڭكەستىككە قارسى تۇرۋ، ۇشقارىلىقتى الاستاۋ جەتىستىكتەرىن بەلسەنە باعالاپ، جۇڭگو شينجياڭىنىڭ لاڭكەستىككە جانە ۇشقارىلىققا سوققى بەرۋدەگى قۇلشىنىستارىن قولدادى، جۇڭگو ۇكىمەتىنىڭ قاتاڭ شارانى ۇزدىكسىز قولدانىپ، لاڭكەستىك پەن ۇشقارىلىققا سوققى بەرىپ، دۇنيە ءجۇزىنىڭ بەيبىتشىلىگى ءۇشىن ۇلەس قوسۋىن ءۇمىت ەتتى.

  شينجياڭ حالىقارالىق ۇلكەن بازاردا ۋاكىلدەر ۇيىرمەسىنىڭ مۇشەلەرى شينجياڭنىڭ جەرگىلىكتى سالت - ساناسىن جانە باي مازمۇندى مادەنيەتىن جەتە سەزىندى. كىلەم، ءتۇرلى ۇلگىدەگى اتلاس كيىم - كەشەكتەرى، الۋان فورماداعى قولدان جاسالعان مۋزيكا اسپاپتارى سياقتى وزىندىك ەرەكشەلىككە يە شينجياڭ قولونەر بۇيىمدارى ۋاكىلدەر ۇيىرمەسى مۇشەلەرىن ءتانتى ەتتى؛ ءۇرىمجى قالاسى تيانشان رايونىنداعى اق مەشىت، قاشقار قالاسى ايتكار مەشىتى سياقتى ورىنداردا ءدىني قايراتكەرلەر ۋاكىلدەر ۇيىرمەسىنىڭ مۇشەلەرىنە كۇندەلىكتى ناماز، ءدىني وقىتۋشى - قىزمەتكەرلەردى باۋلۋ جانە مەشىتتەرگە ”جەتىنى جەتكىزۋ، ەكى بولۋ، توعىزدى سەپتەۋ“ جاعدايىن تانىستىردى، كوپشىلىك جۇڭگو شينجياڭ ۇكىمەتىنىڭ ءدىني قيمىل ورىندارىنىڭ ورتاسىن جاقسارتۋ، دىنگە سەنەتىن بۇقارانىڭ كۇندەلىكتى قاجەتىن قامتاماسىز ەتۋدەگى ءتۇرلى شارالارىن القادى، جۇڭگو شينجياڭىنىڭ ءدىني سەنىم ەركىندىگى ساياساتىن تياناقتاندىرعاندىعىن ايرىقشا قۇپتادى.

  ءاربىر ورىنعا بارعان سايىن، ۋاكىلدەر ۇيىرمەسىنىڭ مۇشەلەرى تانىستىرۋدى مۇقيات، دەن قويا تىڭدادى، سونداي - اق ناۋايحاناداعى جۇمىسكەرلەر، ءدىني قايراتكەرلەر، وقىتۋشى - وقۋشىلار سياقتىلارمەن ىشكەرىلەي پىكىر اۋىستىردى. ەكسكۋرسيالاۋ، ساپارلاۋ ارقىلى ۋاكىلدەر ۇيىرمەسىنىڭ مۇشەلەرى شينجياڭنىڭ قوعام ورنىقتىلىعى، حالىق تۇرمىسىن جاقسارتۋ، ۇلتتار ىنتىماعى، ءدىن جاراسىمدىلىعى جانە ەكونوميكالىق دامۋ سياقتى جاقتاردا قول جەتكىزگەن تابىستارىن جان - جاقتىلى ءتۇسىندى.

  ۆلاديمير نوروۆ مىنالاردى ءبىلدىردى:”ءبىر بەلدەۋ، ءبىر جول“ قۇرىلىسى جەلى بويىنداعى ءار ەلگە جاڭا كەڭەسۋ ءتاسىلى مەن سەلبەسۋ تۇعىرىن ازىرلەدى، جۇڭگونىڭ شينجياڭى جىبەك جولى ەكونوميكالىق بەلدەۋىندەگى وزەكتى رايون، سوڭعى جىلداردان بەرگى دامۋى جىلدام. ەكسكۋرسيالاۋ، ساپارلاۋ جانە ءوزارا پىكىرلەسۋ ارقىلى ءار ەلدىڭ جۇڭگونىڭ شينجياڭىمەن ەكونوميكا - ساۋدا سالاسىندا ناقتى سەلبەستىك ورىستەتۋدى اناعۇرلىم ىلگەرىلەتىپ، مادەنيەت اۋىس - كۇيىسىن جەبەپ، حالىق تىلەگىن تۇتاستىرىپ، ءبىر - ءبىرىنىڭ دامۋ بولاشاعىنىڭ اناعۇرلىم نۇرلى بولۋىنا مۇمكىندىك جاساۋىن ءۇمىت ەتەمىن.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.