تيانشان تورى   ›   جاڭالىقتار   ›   شينجياڭ حابارلارى

سۇمپايىلىققا تولى ”ساياسي شۋاڭحۋاڭ ويىنى“ شينجياڭ ەكونوميكاسىنىڭ دامۋىنا توسقىندىق جاساي المايدى

اۆتونوميالى رايوندىق ساۋدا - ونەركاسىپشىلەر بىرلەستىگى، اۆتونوميالى رايوندىق قوعامدىق عىلىمدار سالاسى بىرلەستىگى مالىمدەمە جاريالادى:

شينجياڭنىڭ تاماشا جۇمىستانۋ ورتاسىن داتتاۋعا جول بەرمەيمىز

اۆتونوميالى رايوندىق ساۋدا - ونەركاسىپشىلەر بىرلەستىگى:

سۇمپايىلىققا تولى ”ساياسي شۋاڭحۋاڭ ويىنى“ شينجياڭ ەكونوميكاسىنىڭ دامۋىنا توسقىندىق جاساي المايدى

  جۋىقتا باتىس جاقتىڭ ءىشىنارا ساياسي الاياقتارى لەپىرە سويلەپ، ايتىلمىس ”زورلىقپەن ەڭبەككە سالدى“ دەگەندى سىلتاۋ ەتىپ، وسەك - اياڭدى قارشا بوراتىپ، شينجياڭ ماقتاسىن تەجەيمىز دەپ داۋرىقتى، ءىشىنارا شەتەل كاسىپورىندارى بۇعان ىلەسە شاۋىپ، اق پەن قارانى شاتاستىرىپ، سۇمپايىلىققا باسقان ”ساياسي شۋاڭحۋاڭ ويىنىن“ قويدى! امەريكاداعى، باتىس جاقتاعى جۇڭگوعا قارسى كۇشتەردىڭ شينجياڭدا ”زورلىقپەن ەڭبەككە سالۋ“ ءومىر ءسۇرىپ وتىر دەگەن ماسەلەنى شىعارۋىنىڭ ماقساتى − جۇڭگونىڭ قاتىستى جاقتارى مەن كاسىپورىندارىنىڭ دامۋىن شەكتەپ جانە وعان قىسىم كورسەتىپ، شينجياڭنىڭ ورنىقتىلىعىن، دامۋىن ءبۇلدىرۋ. اۆتونوميالى رايوندىق ساۋدا - ونەركاسىپشىلەر بىرلەستىگى تۇتاس رايونداعى حالىقتىق كاسىپورىندار مەن حالىقتىق شارۋاشىلىق قايراتكەرلەرى اتىنان بۇعان باتىل قارسى تۇراتىندىعىن، قاتاڭ جازعىراتىندىعىن بىلدىرەدى. امەريكاداعى، باتىس جاقتاعى جۇڭگوعا قارسى كۇشتەردىڭ وسى رەتكى ويىنى تيىپتىك ساياسي قيتۇرقىلىق، حالىقارالىق ساۋدا ەرەجەسىنە اشىقتان - اشىق قايشىلىق جاساعاندىق، بۇكىل الەمنىڭ كاسىپ سالاسى تىزبەگىن، قامداۋ تىزبەگىن، قۇن تىزبەگىن بۇلدىرگەن سۇرقيا ارەكەت.

  شينجياڭنىڭ ءۇرتىس جاقسارعان شارۋاشىلىق - ساۋدا ورتاسىن داتتاۋعا جول بەرمەيمىز! بىلتىردان بەرى ”التىنى ورنىقتىرۋ“ قىزمەتىن جاپپاي ويداعىداي ىستەۋ، ”التىنى قامتاماسىز ەتۋ“ مىندەتىن تياناقتاندىرۋ ءۇشىن، اۆتونوميالى رايون بازار تۇلعالارىن ورنىقتىرۋدى ءتۇيىن ەتىپ، شارۋاشىلىق - ساۋدا ورتاسىن ءۇرتىس جاقسارتىپ، كاسىپورىندارعا يگىلىك جەتكىزىپ قيىنشىلىقتان قۇتقارۋ جونىندە ءبىرسىپىرا ساياساتتىق شارالار شىعارىپ، ورنىقتىلىقتىڭ پايداسىن، ساياساتتىڭ پايداسىن، ىندەتتەن ساقتانۋ - تىزگىندەۋدىڭ پايداسىن قاباتتاستىرا شىعارىپ، رايونىمىز بازارىنىڭ ومىرشەڭدىگىن ۇزدىكسىز قاۋلاتتى. بيىل 2 - ايدىڭ اياق شەنىنە دەيىن شينجياڭداعى بازار تۇلعالارىنىڭ جالپى مولشەرى 2 ميلليوننان استى. اۆتونوميالى رايوندىق حالىق ۇكىمەتىنىڭ ماقتانى جىنتىكتەي مانەرلەۋگە ءمان بەرۋىنە ىلەسە، شينجياڭ ماقتاسىنىڭ كاسىپ سالاسى تىزبەگى اۋىل - قىستاق ەكونوميكاسىنىڭ تىرەگىنە جانە ەرەكشە ابزال كاسىپ سالاسىنا، سونداي - اق تۇتاس شينجياڭنىڭ اۋىل شارۋاشىلىعى دامۋىنىڭ ماڭىزدى قۇرامداس بولىگىنە اينالدى. اۆتونوميالى رايوندىق توقىماشىلىق، كيىم - كەشەك ساۋداسى ساۋدا قوعامىنا مۇشە بولعان كاسىپورىن 150دەن استى، كاسىپ كولەمى ماقتا توقىماشىلىعى، گۇل باسۋ - بوياۋ، جىبەك، كيىم - كەشەك سياقتى سالالاردى قامتىدى، ساۋدا قوعامى مەن شينجياڭ كيىم - كەشەك جوبالاۋشىلار قوعامى، شينجياڭ كيىم - كەشەك زەينەت بۇيىمدارى (كاسىپ) قوعامى كاسىپ سالاسىندا جاڭالىق اشۋ بازاسىن سەلبەسە قۇرىپ، مەملەكەت دارەجەلى جوبالاۋشىلاردى، كۇشى مىعىم ىشكى - سىرتقى ساۋدا كيىم - كەشەك كاسىپورىندارىن قوعامعا كىرۋگە باۋرادى؛ شينجياڭ كەستەشىلەر جارىسىن ۇيىمداستىرىپ، حالىق اراسىنداعى ۇزدىك كەستەشىلەردى بايقاپ جانە تاربيەلەپ، شينجياڭ كەستە بۇيىمدارى كاسىپ سالاسىن اشۋدى ىلگەرىلەتتى؛ ازيا - ەۆروپا جىبەك جولى كيىم - كەشەك فەستيۆالىن وتكىزىپ، دۇنيە جۇزىنە شينجياڭنىڭ ۇلتتىق كيىم - كەشەكتەرىنىڭ اسەمدىگىن ايگىلەدى. قازىر بارعان سايىن كوبەيگەن مۇشە كاسىپورىندار شينجياڭنىڭ ۇزىن تالشىقتى ماقتا جانە ۇزىن تالشىقتى ماقتا بۇيىمدارىن توڭىرەكتەي وتىرىپ، وي جەلىسىندە جاڭالىق اشتى، دامۋدا جاڭالىق اشتى.

  شينجياڭنىڭ تاماشا جۇمىستانۋ ورتاسىن داتتاۋعا جول بەرمەيمىز! ارتىق ەڭبەككۇشتەردى جۇمىستاندىرۋ ماسەلەسىن شەشۋ ءۇشىن، شينجياڭداعى حالىقتىق كاسىپورىندار ءار ۇلت ەڭبەكشىلەرىن جۇمىستانۋ ورايىمەن قامداۋعا تاباندى بولىپ، جۇمىستانۋ ارنالارىن كەڭەيتىپ، جۇمىستانۋ تالعامىن كوبەيتتى. حوتان باليمۋ ساۋدا شەكتى جاۋاپكەرشىلىك سەرىكتەستىگى 2010 - جىلى كيىم - كەشەك سەلبەستىك كووپەراتيۆىن قۇرعاننان قازىرگە دەيىن ءار جاقتان 763 ادامدى جۇمىسقا قابىلداپ، اۆتونوميالى رايونداعى كەدەيلەردى سۇيەمەلدەۋدەگى باستاماشى كاسىپورىنعا اينالدى. شينجياڭدا وندىرىلگەن ساپالى ماقتا كاسىپورىننىڭ جۇمىس جۇرگىزۋىنىڭ نەگىزگى كەپىلى، ءار ۇلت جۇمىسشى - قىزمەتكەرلەرى بىرگە قىزمەت ىستەپ، تەر توگۋى كاسىپورىننىڭ ساپاسىن جوعارىلاتىپ، ونىمدىلىگىن ارتتىرۋدىڭ ماڭىزدى تايانىشى. كاسىپورىننىڭ جاۋاپتىسى وبۇلاسەن وبۇلقاسىم ماقتانىشپەن مىنالاردى ءبىلدىردى: ”ءبىزدىڭ كاسىپورىنعا قاراپ - اق ءسىز’زورلىقپەن ەڭبەككە سالۋ‘ دەگەننىڭ ارسىز وسەك - اياڭ ەكەنىن تۇسىنەتىن بولاسىز، ولاردىڭ سۇمپايى ماقساتى ماڭگى جۇزەگە اسپايدى!“.

  شينجياڭنىڭ جاراسىمدى ەڭبەك قاتىناسىن داتتاۋعا جول بەرمەيمىز! جۋىق جىلداردان بەرى تۇتاس رايونداعى ءار دارەجەلى ساۋدا - ونەركاسىپشىلەر بىرلەستىگى قاتىستى تاراۋلارمەن سەلبەسە وتىرىپ، ەڭبەك قاتىناسىن يكەمدى باقىلاۋ جانە تەكسەرۋ ءتۇزىمىن ورناتىپ، كاسىپورىن مەن جۇمىسشى - قىزمەتكەرلەرگە باقىلاۋ - تەكسەرۋ جۇرگىزۋدى ۇدايىلاندىرىپ، ەڭبەك توقتامىنىڭ، كوللەكتيۆ توقتامىنىڭ جاسالۋ جانە اتقارىلۋ، قىزمەت ۋاقىتى، دەمالۋ، دەمالىس الۋ، قوعامدىق قامسىزداندىرۋ اقىسىن تاپسىرۋ جانە ەڭبەك داۋ - شارى سياقتى جاعدايلاردى ءتۇيىندى باقىلاپ - تەكسەردى. باقىلاۋ - تەكسەرۋ ارقىلى حالىقتىق كاسىپورىندار جاراسىمدى ەڭبەك قاتىناسىن ورناتۋ، ەڭبەكشىلەردىڭ زاڭدى ۇقىق - مۇددەسىن قورعاۋ سياقتى جاقتاردا تاماشا مەحانيزم قالىپتاستىردى. تۇتاس رايونداعى ءتۇرلى حالىقتىق كاسىپورىندار جاپپاي ەڭبەك توقتامى ءتۇزىمىن جولعا قويىپ، ادام ىستەتۋشى ورىن مەن ەڭبەكشىلەردىڭ ۇقىق - بورىشتارىن ايقىنداپ، ۇكىمەت، جۇمىسشى ۇيىمى جانە كاسىپورىن ۋاكىلى ەڭبەك قاتىناسىن 3 جاق اقىلداسۋ ماحانيزمىن ورناتتى. بىلتىر جىل سوڭىندا كوپ ورىن ”ەڭبەك قاتىناسىندا ’جاراسىمدى ساپارلاس بولۋ‘ قابىلەتىن جوعارىلاتۋ ارەكەت جوسپارىن“ بىرلەسىپ اتقارىپ، كاسىپورىنداردىڭ جۇمىسشى قابىلداۋىن، ەڭبەكاقى ءبولىسىن جاقسارتۋ جانە كەمەلدەندىرۋ ارقىلى ەڭبەك قاتىناسىنىڭ الەۋمەتتىك قىزمەت وتەۋ قابىلەتى مەن نەگىزگى ساتىنىڭ جاراستىرۋ، تورەلىك ايتۋ قىزمەتىنىڭ ونىمدىلىگىن ونان ارى جوعارىلاتىپ، شينجياڭداعى قالىڭ ەڭبەكشىلەردى ۇقىق - مۇددەلەرىن دالمە - ءدال قامتاماسىز ەتۋ قىزمەت وتەۋىمەن قامدادى.

  شينجياڭنىڭ ىستەگەندەرىنىڭ بارلىعى جاريا - اشىق، قالتقىسىز، ادال، تاريحتىڭ سىنىنان وتە الادى. ءارقانداي سىرتقى كۇشتەر شينجياڭنىڭ جاراسىمدىلىعىنا، ورنىقتىلىعىنا كەدەرگى بولا المايدى، شينجياڭداعى ۇلتتاردىڭ ىنتىماعىن، العا باسۋىن توسا المايدى، شينجياڭداعى ادامدىق ۇقىق ىستەرىنىڭ دامىعان العا باسقان وبيەكتيۆ شىندىعىن جوققا شىعارا المايدى. شينجياڭ ماقتاسىنا كۇيە جاعۋعا جول بەرمەيمىز، شينجياڭنىڭ ورنىقتىلىعىنا، دامۋىنا داق تۇسىرۋگە جول بەرمەيمىز!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.