شينجياڭ داشۋەسى وقۋشىلار ۇيىمى:
شينجياڭ ماقتاسى اپپاق، كىرشىكسىز، وعان لاس سۋ شاشۋعا جول بەرمەيمىز
جۋىقتا ”H&M شينجياڭ ماقتاسىن پايدالانۋدان باس تارتامىز“ دەپ جار سالىپ، جۇڭگو ينتەرنەت قولدانۋشىلارىنىڭ نارازىلىعىن تۋدىردى، ايتىلمىس شينجياڭدا ”زورلىقپەن ەڭبەككە سالۋ“ بار دەگەن ساندىراق ءبازىبىر جات نيەتتى ايتىلمىس وقىمىستىلار مەن قۇرىلىمداردىڭ قاساقانا ويدان شىعارعان جانە تاراتقان شىلعي وتىرىگى. كەيبىر شەتەل كاسىپورىندارى ىلەسە جىنىگىپ، اق پەن قارانى شاتىستىردى، ءبىر ءبولىم باتىس اقپارات قۇرالدارى شىندىقپەن ساناسپاي، توقتاۋسىز وسەك - اياڭ تاراتىپ، كۇيە جاقتى. ولاردىڭ شينجياڭنىڭ ورنىقتىلىعىن، دامۋىن بىلىقتىرۋعا ۇرىنعان سۇرقيا نيەتىن ءبىز قاتاڭ جازعىرامىز جانە وعان باتىل قارسى تۇرامىز!
كۇن ءتۇسۋ ۋاقىتى ۇزاق، كۇندىز بەن ءتۇننىڭ تەمپەراتۋرا ايىرماشىلىعى ۇلكەن جانە قۇرعاقشىلىق، جاۋىن از بولۋ سىندى تاماشا ءوسۋ شارت - جاعدايى بولعاندىقتان، شينجياڭ ماقتاسى ايرىقشا ساپالى، ماقتا قاۋاشاعى ۇلكەن، تالشىقتارى ۇزىن، ءتۇسى اق كەلەدى. شينجياڭدا تۋعان بالالار قارشادايلارىنان ماقتا اتىزىنىڭ جانىندا ءجۇرىپ ەرجەتەدى. سول شاقتاردا جيىن - تەرىن مەزگىلى كەلگەندە كوپشىلىك ەڭبەكتىڭ ءمانىن، تابىستىڭ باقىتىن بىرگە سەزىنەدى، ماقتا اتىزى ءبىزدىڭ باقىتتى ءومىرىمىزدىڭ بەسىگى ىسپەتتى، وعان ءبىزدىڭ بولاشاققا دەگەن تىلەگىمىز جۇكتەلگەن. انە - مىنە دەگەنشە، ءبىز دە ەسەيىپ داشۋە وقۋشىسى بولدىق، اۋىلدىڭ توپىراعىنا قايتا قادام باسقان ساتتە، ماقتا اتىزىنداعى باياعى كورىنىس وزگەرىپ كەتتى: كەڭ اۋماقتاعى ماقتا اتىزىندا وسىزاماندانعان ماشينالار گۇرىلدەپ ارلى - بەرلى ويقاستاپ، تۇقىم سەبۋ، زياندى جاندىكتەردى جويۋدان ءونىم جيناۋعا دەيىن تولىق ماشينالاسۋ جانە شوفەرسىز تراكتورمەن جۇمىس ىستەۋ جۇزەگە اسقان. اقشا بۇلتتاي ماقتا كورپەنىڭ ىشىندە جاتقان كەزدە، باسقالارعا وسىناۋ كورىنىستەردى شاتتانا اڭگىمەلەگەن كەزدە، شينجياڭ ماقتا اتىزىندا عانا بولاتىن اپپاق ءتۇس بارشا شينجياڭ ءار ۇلت پەرزەنتتەرىنىڭ كوڭىل كوگىندەگى ماقتانىشىنا اينالعان - دى.
ءبىز اۋىلىمىزدا سوڭعى جىلداردان بەرى تۋىلعان وراسان زور وزگەرىستەرگە بىرگە كۋا بولدىق، ايماق، وبلىس، قالالاردىڭ بارلىعى جوعارى جىلدامدىقتى تاس جول داۋىرىنە قادام باسىپ، قىستاق - قىستاقتىڭ بارىندە بالاباقشا، ەمحانا، مادەنيەت پۋنكتى سالىنىپ، بۇقارانىڭ تۇرمىسى بارعان سايىن شالقىپ، كىرىس ارتتىرۋدىڭ، بايۋدىڭ جولدارى ونان ارى كەڭەيىپ، قالتالارى اناعۇرلىم قالىڭداي ءتۇستى. شينجياڭداعى ءار ۇلت ارالاسىپ، ىشتەسىپ، توعىسىپ، ىنتىماقتى، تاتۋ بولىپ، ءبىر ءۇيلى جانداي جاقىن وتۋدە. گۇزالنۇر ميجيت ساباقتاسىمىز: ”وسى جىلداردا ءبىز اۋىلىمىزدا تۋىلعان وزگەرىستەرگە بىرگە كۋا بولدىق، كيىم - كەشەك، ىشەر اس، تۇرعىن ءۇي، ءجۇرىس - تۇرىس شارت - جاعدايلارى بارىنشا جاقسارىپ، تۇرمىسىمىز بارعان سايىن جاقساردى، ۇيدەگىلەر اۋرۋ كورسەتۋگە اقشامىز جوق، بالا وقىتۋعا شامامىز كەلمەيدى دەپ الاڭدامايتىن بولدى“ دەسە، ءاليزات تۇرعۇن ساباقتاسىمىز: ”مەن ۇكىمەتتىڭ كومەگىندە كوپتەگەن اۋىل - قىستاق وتباسىلارىنىڭ حاۋىپسىز، كەڭ ءۇي سالىپ العاندىعىن، جانىمداعى سەرىكتەرىمنىڭ ءوسىمسىز قارىز الىپ ءوز كۇشىنە سۇيەنىپ شارۋاشىلىق قۇرىپ، قاجىماس قۇلشىنىس پەن ۇكىمەتتىڭ قولداپ - قۋاتتاۋىنىڭ ارقاسىندا، تابىس دەڭگەيلەرىنىڭ بىرتىندەپ سالىستىرمالى مولشىلىق دەڭگەيىنە جەتكەندىگىن كوردىم“، - دەدى.
قازىر شينجياڭدا اسەم كورىنىس قانا ەمەس، وسىزاماندانعان قۇرىلعىلار بار، حالىق باقىتتى، تىنىش، سالاماتتى ءومىر سۇرۋدە، بۇلاردىڭ بارلىعى ايتىلمىس شينجياڭدا ”زورلىقپەن ەڭبەككە سالۋ“ بار دەيتىن ساندىراققا دەگەن ەڭ پارمەندى تويتارىس سانالادى.
شينجياڭ ماقتاسى اپپاق، كىرشىكسىز، وعان لاس سۋ شاشۋعا، ونىڭ اتىنا داق سالۋعا جول بەرمەيمىز. كەيبىر شەتەل كاسىپورىندارى مەن قۇرىلىمدارىنىڭ شينجياڭ ماقتاسىنا شەك قويۋىنا، شينجياڭداعى ءار ۇلت حالقىنىڭ ەڭبەك جەمىسىنە كۇيە جاعۋىنا ءبىز باتىل قارسى تۇرامىز، بىزدە اۋەلدەن وزىمىزگە ءتان زاڭدى ۇقىق - مۇددەمىزدى قورعايتىن سەنىم دە، قابىلەت تە بار. شينجياڭ ىستەگەن بارلىق ءىس ەشقانداي بۇكپەسىز، اشىق ءارى رياسىز، دۇنيە ءجۇزى مەن تاريحتىڭ ءارقانداي سىناعىنان وتە الادى، ءارقانداي سىرت كۇش شينجياڭنىڭ جاراسىمدىلىعى مەن ورنىقتىلىعىنا كەدەرگى بولا المايدى، شينجياڭنىڭ گۇلدەنۋىن، دامۋىن بۇلدىرۋگە سۇقتانعان ءارقانداي قاسكۇنەمدىك پەن ءىس - ارەكەت اقىرىندا ءوز تۇبىنە ءوزى جەتىپ تىندىم بولادى.
