تيانشان تورى   ›   جاڭالىقتار   ›   وقۋ-اعارتۋ

وسەك - اياڭ تۇبىندە پاش بولادى

  شينجياڭ شىفان داشۋەسى وقۋشىلار ۇيىمى:

  وسەك - اياڭ تۇبىندە پاش بولادى

  جۋىقتا M&H قاتارلى ءىشىنارا شەتەل ماركاسى سەرىكتەستىكتەرى ايتىلمىس ”زورلىقپەن ەڭبەككە سالدى“ دەگەندى سىلتاۋ ەتىپ، ”شينجياڭ ماقتاسىن پايدالانۋدان باس تارتامىز“ دەپ جار سالادى، بۇل ءىس شىنىمەن ادامنىڭ زىعىردانىن قايناتادى! شينجياڭداعى جوعارى مەكتەپ وقۋشىسى رەتىندە، ءبىز، ءسوز جوق، شىندىقتىڭ جاي - جاپسارىن جانە جۇرەك ءۇنىمىزدى ايتۋ ارقىلى امەريكاداعى، باتىستاعى جۇڭگوعا قارسى كۇشتەردىڭ وسەك - اياڭىنا تويتارىس بەرۋىمىز كەرەك.

  شينجياڭنىڭ ماقتا وندىرىسىندە ايتىلمىس ”زورلىقپەن ەڭبەككە سالۋ“ مۇلدە بولعان ەمەس. شينجياڭنىڭ ماقتا وندىرىسىندە جوعارى دەڭگەيدە ماشينالاسۋ الدەقاشان جۇزەگە اسىرىلعان، ماقتا تەرۋ مەزگىلىنىڭ وزىندە دە تىم كوپ ماقتا تەرۋشى جۇمىسشىلاردى قاجەتسىنبەيدى؛ ادام كۇشىمەن ماقتا تەرۋدى قاجەت ەتەتىن جەرلەردە ماقتا تەرۋشى جۇمىسشىلار «جۇڭحۋا حالىق رەسپۋبليكاسىنىڭ ەڭبەك زاڭى» سياقتى زاڭدار مەن زاڭ ەرەجەلەرگە ساي، ءادىل، ەرىكتى بولۋ پرينسيبى نەگىزىندە قاتىستى كاسىپورىندارمەن زاڭ بويىنشا ەڭبەك توقتامىنا قول قويىپ، سايكەستى ەڭبەكاقىعا يە بولادى. ونىڭ ۇستىنە ولاردىڭ ماقتا تەرەتىن جەردى تاڭداۋى دا بۇكىلدەي ءوز ەرىكتەرىندە. ۇعىسۋعا قاراعاندا، 50 كۇنگە تاياۋ ماقتا تەرۋ مەزگىلىندە ماقتا تەرەتىن جۇمىسشىلاردىڭ اربىرەۋى 10 مىڭ يۋاننان استام اقشا تابادى ەكەن. ەڭبەگىنە سۇيەنىپ اقشا تاۋىپ، وزدەرىنىڭ تۇرمىستارىن جاقسارتادى، ەندەشە، بۇلاردىڭ ”زورلىقپەن ەڭبەككە سالۋ“ دەگەنمەن نەندەي قاتىسى بار دەپ سۇراعىمىز كەلەدى.

  امەريكاداعى، باتىستاعى جۇڭگوعا قارسى كۇشتەردىڭ قيسىنسىز ساندىراقتارى مەن M&H، NIKE قاتارلى شەتەل ماركاسى كاسىپورىندارىنىڭ سوراقى ارەكەتتەرىنە قاراتا، شينجياڭ شىفان داشۋەسىندەگى ءار ۇلت جاستار مەن وقۋشىلار قاباعات كەكتەنىپ، ىركەس - تىركەس ءۇن قاتىپ، فاكت ارقىلى ولاردىڭ شىندىققا جاناسپايتىن سوزدەرىن اشكەرەلەپ جانە سىن تەزىنە الىپ، قاتاڭ جازعىردى. فۋكاڭ قالاسىنان كەلگەن ۋاڭ ۋىنبين ساباقتاس بىلاي دەدى: ”مەنىڭ اكە - شەشەم 100 مۋدان استام ماقتا اتىزىن كوتەرمەگە العان. مەن باستاۋىش مەكتەپ وقىعان شاعىمدا، ءۇيىمىز ماقتا تەرۋشى جۇمىسشىلاردى ىستەتەتىن، ولاردى تاماق، جاتار ورىنمەن قامداۋدان سىرت، كەلىپ - كەتكەن پويەز بەلەتتەرىن دە كوتەرەتىن. مەن ورتالاۋدىڭ 3 - جىلدىعىندا وقىعان جىلى وتباسىمىز ماقتا تەرۋ ماشيناسىنان پايدالانىپ ماقتا تەرە باستادى، جۋىق جىلداردان بەرى بارلىق وتباسىلارى ماقتا تەرۋ ماشيناسىمەن ماقتا تەرىپ، ەندىگارى ادام كۇشىنە سۇيەنىپ ماقتا تەرمەيتىن بولدى“. ءۇيى چەرشەن اۋدانىندا تۇراتىن حيلىل تۇرسۇن ساباقتاس بىلاي دەدى: ”مەنىڭ وتباسىمداعىلار تالاي جىلدان بەرى ماقتا ەگىپ كەلەدى، سانى تىم كوپ بولماعاندىقتان ماقتانى ءوز وتباسىمىزداعىلار - اق جيىپ الادى. بالا كەزىمنەن ەسەيگەنگە دەيىن ’زورلىقپەن ەڭبەككە سالۋ‘ دەگەندى ەستىمەگەن ەكەنمىن. كەرىسىنشە، ەگىس جۇمىسىنىڭ قاربالاس كەزىندە قىستاق كوميتەتىنىڭ كادرلارى ىرىقتىلىقپەن ەڭبەككۇشى جەتىسپەيتىن كەدەي وتباسىلارىنىڭ ماقتا تەرۋىنە مىندەتتى تۇردە كومەكتەسەتىن“.

  كەزەكتە شينجياڭنىڭ ورنىقتىلىعى، دامۋى بۇرىن بولىپ كورمەگەن تابىستارعا قول جەتكىزدى، ءار ۇلت حالىق بۇقاراسى تىنىش ءومىر، شات - شادىمان تىرشىلىك كەشۋدە. ءبىز امەريكاداعى، باتىستاعى جۇڭگوعا قارسى كۇشتەردەن مىنالاردى سۇراعىمىز كەلەدى: شينجياڭداعى ءار ۇلت حالقىنىڭ وزدەرىنىڭ قوس قولدارىنا سۇيەنىپ ەڭبەكتەنىپ، تاماشا دا باقىتتى تۇرمىسقا كەنەلۋى قاتە بولعانى ما؟ شينجياڭداعى ءار ۇلت حالقىنىڭ قاجىرلى ەڭبەكتەرىمەن دۇنيە جۇزىندەگى ەڭ تاڭداۋلى ماقتانى ءوسىرىپ، تۇتاس دۇنيە ءجۇزىن قامداعانى قاتە بولعانى ما؟ سەندەردىڭ ءبىزدىڭ ءوز قالاۋىمىز بويىنشا ەڭبەكتەنىپ تاماشا تۇرمىستى جاراتقانىمىزدى سان - ساققا جۇگىرتۋگە، ءبىزدىڭ تاماشا تۇرمىسىمىزعا قيسىنسىز جالا جابۋعا، كۇيە جاعۋعا نەندەي قاقىلارىڭ بار؟ سەندەردىڭ شينجياڭنىڭ ناقتى جاعدايىن كورۋلەرىڭە، ماقتا اتىزىندا باقىتتى تۇرمىسى ءۇشىن قاربالاستاپ جاتقان بەينەلەردى كورۋلەرىڭە، شينجياڭداعى ءار ۇلت حالقىنىڭ مول ونىمگە قول جەتكىزگەن تۇستا جۇزدەرىنەن ەسكەن باقىت كۇلكىسىن كورۋلەرىڭە ابدەن بولادى.

  وسى ارادا شينجياڭ شىفان داشۋەسىندەگى وقۋشىلار ۇيىمىنىڭ ۋاكىلى رەتىندە، تۇتاس مەكتەپتەگى جاستار، وقۋشىلار اتىنان بوگدە نيەتتى ادامدارعا مىنالاردى قاتاڭ ەسكەرتەمىز: شينجياڭنىڭ ماقتاسىن شينجياڭداعى ءار ۇلت حالقى ەڭبەكشىل قوس قولدارىنا سۇيەنىپ وندىرگەن، ونان دا ماڭىزدىسى، ول ءبىزدىڭ ەڭبەك ارقىلى جاراتقان باقىتتى تۇرمىسىمىزدىڭ شاعىن كورىنىسى، سەندەردىڭ بەتالدى كوكىگەن سوزدەرىڭ ءبىزدىڭ ەڭبەككە سۇيەنىپ باقىتتى تۇرمىسقا تالپىنعان سەنىمىمىزدى، استە، مىزعىتا الماق ەمەس!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.