تيانشان تورى   ›   جاڭالىقتار   ›   شينجياڭ حابارلارى

تىكە تاراتۋ ارقىلى زات ساتتى، شينجياڭنىڭ ماقتا ونىمدەرى ساۋداسى كۇسەت بولدى

  انار بۇلت / شينجياڭ گازەتىنىڭ ءتىلشىسى يۇي جياڭيان 4 - ايدىڭ 1 - كۇنى ۇرىمجىدەن حابارلايدى. جاقىنعى ءبىر مەزگىلدەن بەرى ورتالىق راديو - تەلەۆيزيا باس ستانسياسىنىڭ جۇرگىزۋشىسى نىعىمەت، ينتەرنەتتەگى تانىمالى تىكە تاراتۋشى ۋي يا، لي جياچي قاتارلىلار ارت - ارتىنان تىكە تاراتۋ ارقىلى شينجياڭنىڭ ماقتا ونىمدەرىن ساتتى، شينجياڭنىڭ ماقتا ونىمدەرى ساۋداسى ايرىقشا كۇسەتتەنە ءتۇستى.

  3 - ايدىڭ 28 - كۇنى كەشتە ورتالىق تەلەۆيزياسىنىڭ اقپارات ارناسى كۋايشوۋمەن سەلبەسىپ، ”مەن شينجياڭ ماقتاسىنىڭ جارشىسى بولامىن“ تاقىرىبىندا ينتەرنەتتە تىكە تاراتۋ باستاماسىن كوتەردى، نىعىمەت يۇي مىڭلۇڭ، ما يانلي قاتارلىلارمەن سەلبەسىپ، تىكە تاراتۋ ارقىلى شينجياڭنىڭ ساپالى ماقتالى ونىمدەرىن تانىستىردى. سول جەردە نىعىمەت شينجياڭنىڭ جۇپ - جۇمساق ماقتا كورپەسىن كورەرمەندەرگە اشىپ كورسەتتى، جەلىدە بايلانىسقا شىققان ماناس اۋدانىنداعى جاز بارابانشا اعاي جاڭ حۇڭيان شينجياڭنىڭ ماقتا ەگىمشىلىك جاعدايىن تانىستىرىپ، توراپتاستاردىڭ قىزۋ قولداۋىنا يە بولىپ، ساتىلۋ سوماسى 20 ميلليون يۋاننان استى.

  ”شينجياڭ ەلىمىزدەگى ەڭ ءىرى ماقتا ءوندىرىس ءوڭىرى، جۇڭگودا ماقتانىڭ %80ى شينجياڭدا وسەدى...“. 3 - ايدىڭ 26 - كۇنى كەشتە تىكە تاراتۋ بولمەسىندە ۋي يا جانكۇيەرلەرىنە شينجياڭ ماقتاسى جونىندەگى بىلىمدەردى مۇقيات جالپىلاستىردى، ءبىر ساعاتتىق تىكە تاراتۋدا ساتىلۋ مولشەرى 23 ميلليون 520 مىڭ يۋان بولدى.

  لي جياچي دا شينجياڭنىڭ ماقتا ونىمدەرى سياقتى شينجياڭنىڭ تاماشا زاتتارىن ساتۋعا جاردەمدەستى. 3 - ايدىڭ 30 - كۇنى كەشتە شاڭحاي قالاسىنىڭ شينجياڭعا باعىتتامالى كومەكتەسۋ قىزمەتى الدىڭعى جاق قولباسشىلىق شتابى مەن شينحۋا تورابى كيلەنتى، دۇڭفاڭ سايتى ”شينجياڭنىڭ تاماشا زاتتارىنا دەم بەرەيىك“ تاقىرىبىندا الەۋمەتتىك يگىلىك تىكە تاراتۋىن وتكىزدى. تىكە تاراتۋ بولمەسىندە، مەملەكەتتىك جاستار بىرلەستىگىنىڭ مۇشەسى، ەرلەر باسكەتبول سپورتشىسى قىرانبەك ماكەن مەن لي جياچي ”زات تانىستىرۋ ۇلكەن باسەكەسىن“ بىرگە ورىستەتتى، ەكەۋى شىلان، ورىك ءدانى، سيىر ءسۇتى سياقتى شينجياڭنىڭ ەرەكشە ازىق - تۇلىكتەرىن جان - جاقتى تانىستىردى، شينجياڭنىڭ ماقتا ونىمدەرىنە كەزەك كەلگەندە، توراپتاستاردىڭ ايرىقشا قولداۋىنا يە بولدى. توراپتاس ميمي ماۋ: ”ءبىر مونشا ورامال الدىم، بۇل مەنىڭ شينجياڭ ماقتاسىن قولداۋىم“ دەدى.

  ايگىلى جۇرگىزۋشىلەر مەن ينتەرنەتتەگى تانىمالى تىكە تاراتۋشىلار شينجياڭنىڭ ماقتا ونىمدەرىن تىكە تاراتۋ ارقىلى ساتۋمەن ءبىر ۋاقىتتا، شينجياڭداعى جەرگىلىكتى ەلەكتروندى ساۋداگەرلەردىڭ شينجياڭنىڭ ماقتا ونىمدەرىن تىكە تاراتۋ ارقىلى ساتۋ قيمىلى دا قاۋلايءتۇستى. ءتىلشىنىڭ قورعاس اۋداندىق ساۋدا ىستەرى جانە ونەركاسىپ ينفورماتسيالاندىرۋ مەكەمەسىنەن ۇعىسۋىنا قاراعاندا، قورعاس اۋداندىق ەلەكتروندى ساۋدا ىستەرىنە الەۋمەتتىك قىزمەت وتەۋ ورتالىعى 3 - ايدىڭ 28 - كۇنىنەن باستاپ شينجياڭ ماقتاسىن تىكە تاراتۋ ارناۋلى قيمىلىن ۇزدىكسىز ورىستەتكەن. ”ءبىز ءار كۇنى ءبىر رەت تىكە تاراتامىز، قيمىل 4 - ايدىڭ 11 - كۇنىنە دەيىن جالعاسادى“، - دەدى قورعاس اۋداندىق ەلەكتروندى ساۋدا ىستەرىنە الەۋمەتتىك قىزمەت وتەۋ ورتالىعىنىڭ ديرەكتورى ۋاڭ جىسۇڭ.

  4 - ايدىڭ 1 - كۇنى ءتىلشى ۋاڭ جىسۇڭعا تەلەفون بەرگەن كەزدە ول بىرنەشە تىكە تاراتۋشىلاردى باستاپ قۇلجا اۋدانىنىڭ شياڭحى ورىك باقشاسىندا تىكە تاراتىپ جاتىر ەكەن. ”بۇگىن 11 - كەزەكتى شينجياڭ. ىلە ورىك گۇلى مادەنيەت، ساياحات مەرەكەسى ’ورىك مەكەنىنەن سىباعا‘ ساياحاتتىق ساۋدا بۇيىمدارىن كورمەلەۋ جانە ساتۋ جينالىسى قۇلجا اۋدانىندا وتكىزىلدى، ءبىز سىرتتا تىكە تاراتۋ بەردىك، ۇزىن تالشىقتى ماقتا كورپە، لاۋاندا جاستىق، ورىك قاعى سياقتى 50دەن استام ءتۇرلى ونىمدەردى ساتىپ جاتىرمىز“.

  قازىر ءدال شينجياڭنىڭ ماقتا كورپەلەرىنىڭ ساتىلۋىنىڭ سايابىر شاعى، ءبىراق جاقىنعى بىرنەشە كۇننەن بەرگى تىكە تاراتۋ ارقىلى وسى سايابىر شاقتاعى ونىمدەردى جۇرت قىزىعاتىن ونىمدەرگە اينالدىردى. تىكە تاراتۋ ارقىلى شينجياڭنىڭ ەرەكشە ونىمدەرىن ساتۋعا جاردەمدەسىپ جۇرگەن ”اۋىل - قىستاقتاعى ەگىنشى شياۋيانگى“ دا شينجياڭنىڭ ۇزىن تالشىقتى ماقتاسىن ارناۋلى تىكە تاراتىپ، 2 كۇندە 23 مىڭ يۋاندىق شينجياڭ ۇزىن تالشىقتى ماقتا كورپەسىن ساتتى.

  ۇزاق ۋاقىتتان بەرى شينجياڭنىڭ ەلەكتروندى ساۋداسىن زەرتتەگەن شينجياڭ داشۋە ەكونوميكا جانە باسقارۋ شۋەيۋانىنىڭ پروفەسسەرى چىن بيڭ مىنالاردى ءبىلدىردى: شينجياڭنىڭ ماقتا كورپەسى ۇزدىكسىز جاقسى ساتىلىپ كەلەدى، بۇل رەت شينجياڭنىڭ ينتەرنەت ساۋداسى بۇكىل ەل حالقىنىڭ شينجياڭ ماقتاسىنا ايرىقشا قولداۋ كورسەتكەن ورايىنان پايدالانىپ، تيجارات - ساتۋ تەبىنىن زور كۇشپەن ۇگىتتەپ، شينجياڭ ماقتا ونىمدەرىنىڭ بازاردى يەلەۋ سالىستىرماسىن اناعۇرلىم كەڭەيتتى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.